وجا يوم الخميس 🥹
وجونا خوالي الساعه ١:١٥ وجايبين هدايه وحلويات ولحم وفاكهه وكل خير
قعدنا نحطوا ف الاكل انا وساره وعميمه نسرين وايناس وشهد وريناد وسمر وفاطمه
طلعت للمربوعه شايله سفره المشروب وحاطه الوشاح ع راسي
قابلني محمد ولد خالي طالع من الحمام
ميار:خير ياحمادي
محمد: ماشاءالله ماشاءالله ميار موليه عاقله ؟
ميار: ننن حرام فيك الدلع
محمد: لا هك رديتي ميار الطبيعه
ميار: هاك خود من يدي سفره المشروب
محمد خذاها من يدها: به شنجوك؟
سمر واقفه جنب الباب : ميار
محمد لفت انتباهه الصوت بحت شور الباب
ميار ضرباته ع كتفه : عييب
وبرمت لسمر: ايوا
سمر باين شويا من وجهها حاطه حجاب ع راسها: تعالي خودي السفره التانيه
محمد: خودي والتانيه ؟
ميار ضحكت وجت خذت من سمر السفره بانت شوي من الباب
محمد: ناعلي عليك عيون ورموش
سمر ضحكت وخشت
ميار: تحشم ع وجك وشيل السفره هذي وتعال خوذ التانيه ع قولت سمر
محمد: واسمها سمر أخرى اه يا قلبي
ميار فنصت : محمد
طلع عبدالرحمن من المربوعه : كنكم؟
ميار مدتله السفره: نجيبلكم ف السفر
عبير تنادي : ميار ميار
ميار خشت تجري: جيت
ماما كلمت حني سالمه للغداء وكانت عندها عميمه نوال وكلمت صبايا عمي صالح وكلمت عميمه نسرين
مقعد حني سالمه وامي فاطمه وعميمه ايات ونوال ومقعد عميمه نسرين وزينب ورجاء وكوثر ومقعد ماما ونسمه وسميره وهند
ومقعد انا وشهد وريناد وهناء وسندس وروان ومقعد فاطمه وساره وسهام وسمر وايناس
وفي المربوعه مقعد بوي وجدي وخوالي سالم وسليمان والمقعد الثاني عمي ناصر وخالي اسلام وغيث ومحمد سليمان ومقعد عبدالرحمن وطه وعمي حامد وعمي منصور ومقعد قصي وزياد ومهاب و عماد ولد خالتي ومقعد ايوب وصهيب واياد ومالك ومقعد انس و سام وايهم
ميار تضحك وتاكل: ماشاءالله ربي يحفظنا تقول فضانيه مش غداء عادي
ايات ضحكت وتوكل في نوران: ماشاءالله
"روان 5 سنين ونوران 2"
سندس : شن دايره انت من هذا يا ميار؟
فاطمه من السفره الي ورانا: ماضني دايره شي
ميار: خزي وشربت من القازوزه وشرقت
فاطمه برمت عليهم تخبط فيها ع ظهرها
زينب: بسم الله بسم الله ع البنيه
ميار وجهها احمر وتضحك : خلاص نزلت نزلت وبرمت ع فاطمه و وشوشتها : نزلت ياكلبه
فاطمه ضحكت
ميار تنحنحت وتحكي لسندس بصوت واطي شوي : انا دايره البوريك وعميمه نسرين دايره الرز وعميمه كوثر الشربه وماما وعميمه نسمه و ريناد العصبان و سمر السلاطات و شهد الكفته
سندس: ماشاءالله الحرّه يعطيكن الصحه
فاطمه: وانا نقول كنه البوريك شين
وبدت كل وحده م الصبايا تقول: سلم يديكن ويعطيكن الصحه و تعبناكن
مر الوقت وضمينا المطبخ كلنا روحن عميمه كوثر ونسمه والبنات علي ما ماما شدت فيهن لكن ما بنش وروحت عميمه نسمه وروحت حنّي وعميمه نوال
قيلن خالاتي وامي وماما خشينا انا والبنات وايات لداري وقعدنا نهدرزوا وموضوع يفتح موضوع ومشا الجو قنيّن❤️
صبيت انا وساره وهند نطيبوا ف قهوه ونحطوا ف حلو
حطينا وقمعزنا ف الصاله خشوا محمد وغيث يصمّطوا كالعاده
محمد : ايش رايكن بس في لبستي اناقه والا؟
هند: بنسألك من بدري ؟ من وين جايبها اللبسه ؟ زباله وضحكت
ميار: بكل ستايل طاسة الشاهي
فاطمه ضحكت: مع انك خوي بس تقييمي لك تحت التقييم ستايل زباله
محمد: ذوقكن الزباله وبحت ف غيث : شرايك ي غيث
غيث: تحفه اناقه ياحماااادي
محمد: تي نلقانك ذوق بلكل
ميار: شرايكم تطلعونا تديروا بينا برمه ؟
محمد بحت ف غيث
غيث رفع كتوفه : ماعندكمش مشكله
محمد: حتى نا ماعندكمش مشكله
ميار صفقت: حيي تو نقول حتى لريحانه وشهد
غيث : ع راحتك ، ع الخمسه ونص نطلعوكن
محمد صبّا : هيّ نمشوا للمربوعه
غيث صبّا : باهي
وطلعوا
ميار : بنات هي نوتوا ارواحنا
ايناس : انا عندي راجل نكلمه قبل
ساره : وانا عندي خطيب نكلمه قبل
ميار: ووه منكن ووه
هناء:وانا يا حنّاتي معذوره ماحوتني بيش وصلت لحوشكم كثرت الطريق توجعلي بطني خلّني جنب ماما
ميار: بلا سماطه هيي
هناء: لا والله ما نقدر تصِير فيّا ليله بعدها
ميار : براحتك
ساره صبت : انا نمشي نسال صاحب صوبي
ميار: باهي ،وانتِ يافاطمه شن حال الطبرقي؟
فاطمه: كويس قاعد
ميار: ماتبيش تكلميه؟
فاطمه: لا متعاركين نحن يمي نمشي وندهور ونصور ونزل ونقهَره
هند: الله عليك انتِ
ميار ضحكت : مافيش منها
عبير تنادي من المطبخ ؛ ميار ميار
ميار صبت تجري : نعم يام؟
عبير : جيبيلي نعناع من الحاجر
ميار : حاضر
طلعت ميار تجري للحاجر لقت الباب الي بين حوشهم وحوش جدهم مفتوح ومقابلتها عمتها نوال تكنس
ميار خشت لحاجر ع جدها : نويله
نوال: ميوره شن الجو؟
ميار : تمام الحمد لله شنجوك انتِ
نوال؛ بخير ،امس جتني صبيتي
ميار:اي من صبيّاتك؟
نوال: حنان
ميار: الي ف الغرب؟
نوال : ايوه ، جتني فجأه باهي الي ضامه الحوش ودايره بسبوسه
ميار: وكنها ما قايله
نوال: هي جت اول امس ف الليل وجتني امس ف العشيه سلمت فيسع فيسع قالت بيمشوا لدرنه اليوم على خاطر شغل راجلها
ميار: اها يعني بعي و روحت
نوال: اها وحي بنيتها كابره توا موليه سمحه اكبر منك بسنه
ميار:صاح؟ نتذكر اسمها كان اصاله ساره حاجه هك
نوال: اصاله اسمها
ميار : اها ،باهي جاتك ف جيّه خفيفه
نوال: لالا اكيد تبي ترد لبنغازي لازم نعزمها ع غداء
ميار: ماعندكش مشكله كلميني نجي نحوس معاك
نوال: سلمك بنت خُوي الحره
ميار ضحكت: بيش تعرفي بس ،من في جوا؟
نوال: سمر مسكتها حنك تمرس كرعيها تقول هي اسحن وحده ف التمريس
ميار : اها
ضحكت : حي عليّا نسيت ماما تبي نعناع هي باي ومشت تجري
__
ساره : عاد خليني والله خاطري ف المشيه
معز خطيبها: واني قوتلك لا ياحبي انا مانحبش حد يبرق في حاجتي 🥹
ساره: حاجة شني مش بضاعه ني خيرك؟
معز ضحك : محلاك وانتِ تحكي غرباوي زيني
ساره: ناعلي منك وخلاص امغير خليني نمشي بس
معز: لا للمره المليون
ساره: باهي خيرك معاي هكي انتَ
معز: لا مش موافق مهما تديري
ساره: باهي حاضر
معز: نحبك يا خطيبتي
ساره ضحكت : نموت فيك ذليتني بخطبتك
معز يضحك: باهي هي بسلامه ياحبي الجماعه كلموني نتكلموا بعدين
ساره: باهي باي ياحبي
وسكرت الخط
فاطمه: يا الهبله انا يقولي لا نقوله امشي ملح نحن تعاركنا اصلاً ع مشيت بنغازي
ساره: انا مانتحملش معاه
فاطمه: يايي
سندس: راحن يا عين طناطينك طحتي في اللي عارف دينك😂😍.
وبحتت في ايناس الي تكلم في الجيهه التانيه
ايناس : تي كنك هكي انتَ
حاتم: قلتلك لا يعني لا خلاص افهمي
ايناس : غير هي بس خليني نطلع ندهور في بنغازي
حاتم: يَاك الا ياك نخليك تطلعي تدهوري وانا مش معاك؟
ايناس : وانتَ وين؟ مش معايا توا والا؟ خليني نطلع
حاتم: سمحه هذ؟ نخليك تطلعي راجلك نا
ايناس : عليش قاري علي الفاتحه غميتني را !
حاتم: قبل لما نقولك اسالي قبل ماتطلعي تقولي مانك راجلي اقرى الفاتحه قبل
ايناس : اقطع قولي
حاتم ضحك وبصوت حنون : بعيد السّو عليك
ايناس : به نمشي؟
حاتم: لا
ايناس : عليييش؟
حاتم: خلاص نوسه ماتخليناش نزعلوا والله نطلعوا العرس و نلفلفك الشرق كله
ايناس : يعني ماتبيش؟
حاتم: انتِ شن الي في عقلك؟ دماغ والا تبن؟
ايناس ضحكت: انتَ
حاتم : معناها عسسل
ايناس : لا تبن
حاتم: معناها مفيش مشي
ايناس: خزي عليك
حاتم: عاد خلاص قلنا لا ياحبي ما توجعي راسي
ايناس سكتت
حاتم: غير مشّيها بس
ايناس : باهي ع خاطرك بس
حاتم : باهي نحبك
ايناس بصوت بيبي : وانا نحبكش
حاتم ضحك: انتِ شنهو؟
فاطمه: خلااص محمطتوا كبدي
حاتم ضحك: من المحسده هذي؟
ايناس : وانتَ ايش تريد ف اسمها
حاتم يضحك: ياناعلي منك وخلاص نموت في غيرتك
فاطمه: خلاص يا راجل نوضتوا عليّا مواجعي
ايناس: اسكتي يا فاطمه،حتّومي فكر ف الموضوع
حاتم: يانعلي منك عارفتيني مانتحمل مع حتُّومي
ايناس : به نمشي يا حتومتي؟
حاتم: عّدي يا قلبي بس فكيني من الدوران ايوه خليك رازنه وعاقله
ايناس: نجك لي نجك لي نحبك نحبك نحبك
حاتم: والله وانطلقنا وقعدنا نقولوا فيها عادي والّا ع خاطر الطلعه؟
ايناس ضحكت وبحشم: لا والله بس
حاتم: نجك لي فاهمك خلاص توا وتي روحك يا قلبي ع الطلعه ونحكوا بعدين؟
ايناس: تمام باي
حاتم: مفيش بوسه؟
فاطمه: لاا مافيش خلاص ايناس
حاتم ضحك : باي يا حبيبتي ويا قلبي ويا عمري
وسكرت
فاطمه : خزي كلب خطيبك
خشت عليهن ميار ف الدار:ها كلمتن اصحاب صوبكن؟
ايناس : قروا فاتحتي ناس اجواد صعاب الكلمه ف الطلعات 🥲😂"حرّفت الشتاوه"
فاطمه: اقطع تشتايتنا لهالشتاوه
ميار: خزي عليكي باهي وساره؟
ساره : حتى انا قال لا
ميار: خزي عليكن باهيي
فاطمه: فصاخي
ميار: بكل
فاطمه: مضاحك
ايناس : هي هي هي افطني لروحك يام انا قالي باهي بنت خالتك الي قاللها لا وحتى فاتحه ما قاريها
ساره جت بتحكي وصلها مسج من معز
"حبّي عارفك زعلانه خلاص امشي لكن ماتلوديش هلبا وماتضحكيش بصوت عالي والبسي عبايه ونحبك "
ساره: نجك لي الغرباوي توا دزلي قالي امشي صقع عليكم
ميار: باهي طيب فيكن والباقي؟
فاطمه: انا ويّاك و هند وسندس وشهد وقريبتكم الي قلتي عليها ريحانه
ميار: وسهام؟
ساره : صغيره مافيها ما مشا تقعد مع هنآ
ميار: و نوران و روان
ساره: لا عميمه قالت خلّوهم
ميار:باهي نلبسوا قريب الخمسه ونص
ساره :انا وايناس عبايات والا يانوسه؟
ايناس: اها هذينا شروطه
ميار: باهي البسي يا فطوم
ومشت فتحت الباب : هند سندس ياهند
هند : جت تجري : ايوا؟
ميار: تبيش تلبسي
هند: هي وخشت الدار
ميار تنادي: سندس سووندووس
سندس من دار المقعد: نعم؟
ميار: تعالي يا تنباله
سندس صبت: هووف باهي
