ثاني يوم 🌞
حمد: نا غاويك ونبي انقدم العرس
زهره:حمد مازال بدري نتعود عليك قبل
حمد: هذا كل مازلتي ما تعودتي عليا؟
زهره: لنا سنه بس مخطوبين را
حمد: وشن تبي اكثر من سنه؟
فاطمه : تكلمي في حمد ؟
زهره: اها يا امي
فاطمه: عطينيي خلي نكلمه
زهره : حاضر
فاطمه: خير ياحميد شحالك؟
حمد: الحمد لله يا عمتي كيف حالك انتِ
فاطمه: الحمدلله كويسه
حمد: يا عمتي الواحد بعد يقعد غاوي ايش يديروله؟
زهره: يدهن بزيت زيتون ويرقد
فاطمه تضحك: صدقتي يا بنيتي
حمد: نهدرز مع عمتي نا يازهره محد جا شورك
فاطمه: عليش في من غاوي انتَ؟
حمد: غاوي في بنتك يا عمتي
فاطمه: وماهيش حاجه جديده من زمان عارفتك غاويها
حمد يضحك:والله لولا العيب را تزوجت فطومه هذ
فاطمة:تحشم علي وجهك ياليد
حمد يضحك :حاضر يا عمتي
فاطمه:توا انتَ شن تبي ؟
حمد:نبي نقدم العرس يا عمتي
فاطمه :وهذي الساعه المبروكه نقدموه
زهره:لا انا مازلت مش واتيه
فاطمه:وشن مازالك؟
زهره:خبر ياامي
فاطمه:ولك ٣ شهور ماشيه جايه ع السوق لايش؟
زهره:نشري لكن مازلت ماكملت
فاطمه:امتى تبي تقدمه يا ليد انتَ؟
حمد:الشهر الجاي
فاطمه:مبروك خلاص تم
حمد فرح :الله يبارك فيك ياعمتي الله يبارك فيك
فاطمه:اوكي ومدت النقال لزهره
زهره: الو
حمد: يمرحبا بمراتي
زهره: حمد انا قتلك العرس مش جاهزه توا
حمد:توا تشريه بعد العرس عادي
زهره: ياحمد كنك ؟ كنك غير معاي معصي من هو فيك عليا يوصي؟
حمد يضحك:عليك لسان عندك
زهره:يعني سكرت راسك
حمد:اها
زهره:به سلام
حمد :سلام
بحتت زهره في امها
زهره:عليش تقدمي فيه العرس يا امي عرسي هو ماعرسكش م الساع
فاطمه:انصبطي ح يندار الشهر الجاي يعني ح يندار انتِ جاهزه مغير اتكربي
عبير : الباب يطق يازهره
زهره: هي
نوران : السلام عليكم
زهره: وعليكم السلام تفضلي
نوران : زيد فضلك وخشت وين عبير؟
زهره: تفضلي ف الدار
نوران: السلام عليكم
عبير باستغراب : وعليكم السلام؟
نوران ببتسامه مستفزه :اهلين عبير؟
عبير: اهلين بيك
نوران: عرفتيني
عبير بضحكه: لا والله؟
نوران بستفزاز :ضرتك
عبير: انصدمت وحست الدنيا تبرم بيها: اه؟
____
سناء: ووه عليا مش عارف امتى نكمل حاجات العرس يانعلي
نجوى: شن مازالك؟
سناء: خبر الديجي وبجامات والباقه والموالح و السلاطات ووه
سعيده تسكت في بنيتها: هو هو ياماما
اسمعي هن المالح انا نديرلك نوعين متاع يوم الفرح وانتن ديرن هنا نوعين وفلفل محشي وبس والبجامات توا تطلعي انتِ وبنت خالتك نبيله ديما تون "تبرم" ف المحلات
نجوى نطت: نبيله لا لا
سعيده بنت عمهن: ييه منك انتِ به ياستي المشكله كان هذا قلنا لعبير ذوقها صاروخ لكن هي دوبها جايبه ف ما حتى يخليها يوسف تمشي معاك توا نطلع معاك انا ونجوى وخلاص
منى: قولي لجيجي صاحبتك ذوقها سمح هي
سناء: للا تعاركت معاها البجامات مافيهن لاعلم لا ذره توا نشروا نحن وخلاص
سعيده: امبه وشن اخرى؟
سناء: كنادر وباقه وديجي
سعيده: الباقه ساهله نلقطولك من الحاجر 🤣
سناء: مصمطك
سعيده: خزي عليك وانا نعطي فيك افكار
ياحنه الباقه صاحبتي تشتغل فيهن توا نشوفها لك والكنادر ع حسب لبستك
سناء: تمام و الديجي من وين نبي نشريه خلاص الفلوس ح يكملن و نتحشم ناخذ من بوي اخرى
سعيده: حي والله بعدك محد ف العيله عنده ديجي
نوال: خوذن ديجي عبوره
سعيده حبت ع راس نوال: والله وجبتيها يا بنيت عمي
نوال ابتسمت : ذكيه اصلا انا
____
نبيله: خالتي تبي تدير اسبوع؟
مبروكه: طبعا اول حفيد لها
خديجة: سمعت طراطيش كلام ان ف صاله
مبروكه: لالا ماظني
خديجة: لان خواتها امس يحكن صاله ما صاله وهك
مبروكه: ممكن
نبيله صبت منقهره
مبروكه: كنها؟
خديجة: فوتيها يا امي فوتيها
مبروكه: را انا مش راقده على وذني ان شاءالله مازلت غاويه ولد خالتها؟
خديجة هزت راسها
مبروكه : هيييي طح سعدها كان يسمعها بوها والا خوها يذبحها
خديجة: انتِ بس ما تحكيش مش ح يعرفوا
نبيله تكلم ف صاحبتها ف الدار : اسكتي يا نجيه منقهره منقهره
نجيه: عندي فكره لكن مش ح تعجبك
نبيله: فكرة شنو ترا
نجيه: تفوتيه
نبيله: هيي عيبه ف حقي انا بعد نحط حاجه ف راسي نديرها
نجيه: به نعطيك فكره ثانيه نسبة نجاحها ٥٠٪
نبيله: فكينا من افكارك ترا
نجيه: غير اسمعيني
نبيله: هم
اليوم باذن الله ح ينزل البارت ١١
#تم تعديل شوي حاجات ف بارت ٨ شوفوهن😊
#يتبع
