صالح : يا كلبة الكلاب
كوثر نزلت التليفون الارضي: ءءصالح؟
صالح قرب منه ومسكها من شعرها وبقوه: ياكلبه تطلعي في اسرار بيتك ياحيوانه انتِ وليه انتِ
كوثر تبكي :ءء صالح فكني ارجوك يا صالح مادرت شي انا
صالح قوا مسكته : مادرت شي مادرت شي هذا الي تقولي فيه وانتِ حيه من تحت التراب حسبي الله فيك وانا نقول ليش هلي مش دايرينلي قيمه لاني كنت انتعارك مع خواتي على خاطرك ياكلبه
وضربها كف
كوثر تبكي : صالح صالح انا حامل يا صالح
صالح دفها على الارض : توا تلمي شلايكك وتمشي لحوش هلك
كوثر تبكي: استهدي بالله يا صالح حرام عليك تكبر الموضوع
صالح: انا نكبر في الموضوع ؟ انا قرفت منك ومن عيشتك ومجرد ماتولدي ورقتك تجيك ولدي يعيش معايا ومع امه الجديده
كوثر تبكي: يعني انتَ تاخذ في ابسط المشاكل سبله عشان تاخذ اللي تبيها ثاريته في من لاحس عقلك كله من امك حسبي الله فيها
صالح ضربها بكراعه: يا كلبه اتحسبني في امي قدامي لولا العيل الي في بطنك راني سحنتك صبي صبي لمي دبشك وكلمي خوك يجي ياخذك وطلع وطبق الباب
لقا امه راكبه شور شقتهم: كنكم يا وليدي حسكم سمعه الشارع كله ياساتر شن في؟
صالح: مافي شي يا امي الكلبه الي فوق تبي تروح حوش بوها بس
سالمه خبطت على صدرها:بس؟ كنكم شن صاير
مهما يصير بينكم ماتوصل للطلاق وبعدين في ولد في بطنها يا امي
صالح: تطلع في اسرار حوشها يا امي في مراه تطلع في اسرار حوشها؟
سالمه: شن طلعت اكيده التمت عليها من كل جيها وكلمت امها تفضفضلها
صالح: اي تفضفيض يا يام تحكي ف عركتك انتِ وناصر الي صارت توا لامها
سالمه: شهقت هيييي طح سعدها
صالح: انزلي توا يا امي انزلي مافيك ما ركبلها
سالمه: ينعلي وقمعزت ع الدروج قدام شقة عبير
سالمه: طقطق على عبير قوللها تعطيني اميه حسني دهشت
صالح: حاضر
وقعد يطق
عبير تلبس في ملاية الصلاه: هي هي
: خير يا صالح
: خيرات اميه لامي باللهِ
: حاضر حاضر
وخشت تجري جايبه اميه مرقيه
عبير تشرب في سالمه: اشربي يا عمتي اميه قرآن
منى ركبت تجري: كنها امي
صالح: ما كنها شي دهشت بس
منى قمعزت على ركبها قدام امها
سالمه: خليني ننزل وسعي وسعي من قدامي
ونزلت
صالح نزل ورا سالمه
ومنى جت تبي تنزل مسكتها عبير من يدها
عبير: تعالي يا حلوه
قاطعتهن كوثر الي نازله تشهق و ماسكه شنطتها
منى: هي كوثر ياساتر كنك ؟
كوثر: ماكني شي خليك في حالك بس
وكملت نزولها
منى:كنها هذي؟
عبير شدتها من يدها: مالك ومالها خشي احكيلي امس راكب ويتحلف فيك خوك
وخشن
عبير سلحت ملاية الصلاة: هاتي اللي عندك هي
منى قمعزت على الكنبه: ديريلنا قهوه وتوا نحكيلك
عبير: ماشي
وخشت تدير في قهوه
____
فاطمه: ويش رايك يا وليدي؟
اسلام : يام انا نبيك تاخذيلي من بنات الشيخ حمد
فاطمه :الشيخ حمد وعليش الشيخ حمد بالذات ؟
اسلام : هك يام انتِ شوفيهن وانا مازال شوي يعني لين نكمل الحوش ممكن بداية السنه الجديده العرس
فاطمه: باهي هما اصلا عندهم بنيتين بس في الحوش لكن
اسلام : لكن شنو يام؟
فاطمه: صغيرات تقريبا
اسلام :انتِ شوفيهن قبل
فاطمه:ان شاء الله خير
___
صالح : تقعد في حوش بوها يام لين تحيب وبعدين نطلقها ومش شوري بيها واللي في بطنها ح يتربى عندي
سالمه:استهدي بالله ياوليدي
صالح: مش اول مره تديرها يا امي
سالمه: حتى وكان يا وليدي المراه تتربى مرتين مره عند هلها ومره عند راجلها
صالح :وانا من نبي نربي عيالي والا نربيها
سالمه: ربي يهديك ويصلح بالك بيش تمشي تجيب حنك سعيده من حوش عمك عبد المولى
صالح :حاضر
___
عبير: وهذي قهوه وهي احكي
منى: ماعندي مانحكي جاني موسى خمس دقايق
عبير: وفي الخمس دقايق هذينا ماصار شي؟
منى: لا ماصار شي جاب الهديه وبعدين سمعنا صوت سيارة يوسف
عبير : وشن الهديه
منى: هدايه مخطوبين مالكش فيهن😂
عبير: غير احكي بلا سماطه
منى: عطر وفستان عاجبني من زمان
عبير: حي حي حي فستان دق قوي هذا
___
فاطمه: طلع يبي من بنات الشيخ حمد
زهره: يعني ما صارش من شمس وسهير؟
فاطمه: اها
سميره: مش صغيرات يام؟
فاطمه: قتله قالي شوفيهن
سميره: عبير تعرف مواليدهن
فاطمه: تحب تتعرف على بنات الشارع واجد هي
سميره: اها
فاطمه: بعدين توا نكلمها وقت غداء توا
سميره: تمام
زهره: امتى تبي تجي
خش اسلام: حطوا الغداء منصور وحمد جو
زهره: راجي شوي سليمان قريب يجي كان يشيل في الغداء لسالم ومراته
اسلام : تمام
____
عبير: درتلك باميه من الي يحبها قلبك
يوسف: حطي وانتِ ساكته
عبير حطت يدها على كتفه: مازلت زعلان حبيبي؟
يوسف: تبي تاكلي والا لا؟
عبير: مش ح ناكل لين ترضي عني
يوسف سكت
عبير: حبيبي والله الكلمه سقطت سهواً وخويا عارفني نحكي هك وخلاص بلا ما نركز ارجوك حبيبي ارجوك اضحك هي اضحك
يوسف ابتسم
عبير ابتسمت : ايوه هك نقمعز ونضحك خلاص صافيه لبن؟
يوسف ضحك: حليب يا قشطه
قمعزي كولي هي
____
كوثر تبكي : يا امي مسحت بكرامتي الوطا والكلبات عبير ومنى يبحتن ومتشمتات خزي 😭
امها سالمين: انا ديما نقولك افطني وركزي ماتخليش يمسك عليك شي
كوثر تبكي: ويبي يتزوج عليا يا امي في وحده واخذه عقله مني يا امي حسبي الله فيها وفيه 😭
سالمين: كيف كيف؟
كوثر: عاجبته وحده يا امي
سالمين :حي عليك حي عليك
كوثر: يا ناعلي يا امي بنقعد عانس كيف بنات عمي
سالمين: اقل شي هنا عوانس انتِ مطلقه وعندك ليد وما كملتي سنتين حي عليا وين نمشي من كلام الناس
كوثر: عليش تزيدي فيها علي يا امي
سالمين: وانا كنت نفشك براجلك توا الناس كلها تشمت فينا هذا الي كان ناقصني وخواتك العوانس الي قاعدات في رقبتي
كوثر : ياناعلي ركن مطلق وركن معنس حي علينا
اخلاص : حي علينا قعدنا عوانس ومطلقات
نوريه: ياناعلي يا امي يا ناعلي
____
عبير: والله سهير تهبل يا امي
فاطمه: هو يبي بنات الشيخ حمد عاد شن نديرله
عبير: باهي يبي اي منهن؟
فاطمه: هنا كم الي في الحوش؟
عبير: اثنين ايه و ايات
فاطمه: ايه ايش شكلها هذي؟
عبير: هذي الطويله شوي و عويناتها خرش و ايات الدبدوبه وقصيره وعيونها سود لكن احلى من ايه بس دلوعه
فاطمه: مواليد الكم ايه ؟
عبير: 80 لكن تقريبا حاجرها ولد عمها
فاطمه: اها وايات مواليد الكم؟
عبير: 82 يعني عمرها 16 سنه يام
فاطمه : اها
عبير: صغيره بالحيل يام
فاطمه: هو يبي يزوج بداية السنه الجايه يعني يقعد عمرها 17 سنه
عبير: وصغيره 17 يام
فاطمه: هو يبي منهن توا خلينا من العمر ايش وضعهن؟
عبير: الله يبارك عليهن حافظات حتى قران
فاطمه: ماشاءالله
طق طق
عبير: هي في امان الله يام الباب يطقطق
فاطمه: مع السلامه
طق طق
عبير : جايه جايه
فتحت الباب و عيطت
