سناء: حي عليا حي عليا الكوافيره التيسه هذي
سالمه لابسه دراعه ومع رتوش خفيفه ع وجهها طالعه جميله: كنك كنك؟
سناء: خزي عليها قالتلي درت حادث خفيف السياره راحت فيها نقدرش نجيك حي عليا
عبير: زينب بنت خالي شوي وجايه نقوللها تمكيجك مكياجها تحفه
سناء : لالا توا ندور كوافيره
عبير: براحتك انا قتلك اقتراح
نوال خشت: مرات خوك جت عبوره
عبير: هي جايه
طلعت عبير وطلعت في جرتها سناء تبي تشوف مكياج زينب
زينب: كيف حالك؟
عبير: يا هلا شنجوك انتِ؟
زينب: حمدلله وريني الاناقه
عبير: الميكب نبيك تعدليلي انتِ مكيجت بروحي ومازال فستان
زينب: هي هي "وبعدين بحتت في سناء: هيييي العروسه مش واتيه ياساتر شن في؟
سناء: الكوافيره الكلبه صارلها حادث
زينب: ينعلي وتقعدي بلا مكياج هك؟
سناء: ماني عارفه توا ندور كوافيره
زينب: خشي خشي نديرلك وبحتت في عبير البسي فستانك انتِ وبعدين نعدلك
وخشت ورفعت نقابها
وانصدمت سناء من جمالها هي من ربي جميله وزادت جمال
سناء: هي بسرعه هي
__
نجوى: ايوا كنكن طولتن؟
عبير:هي تكمل سناء مكياج بس ونجوا الصاله سلام
نجوى:سلام
خشت زينب دارت مكياج لسناء طلعت قمة ف الخيال
عبير لابسه فستان احمر طويل وفيه تبويجه بسيطه طالع عليها خيال مع تسريحه مرفوعه شوي وميكب فخم بكل نار طالعه
كوثر لبست فستان اخضر متاع حوامل ومكياج فخم طالعه تهبل
سناء فستانها جميل جدا والميكب طالع خيال والتسريحه تحفه
مقمعزه عبير وكوثر ونبيله وخديجة وزينب وسميره و ومراة صاحب خالد وكرسي فاضي
نبيله تحكي لمراة صاحب خالد سلمى : كيف حال عموره؟"راجلها"
سلمى انصدمت: ءء عموره الحمدلله من وين تعرفيه؟
نبيله: راجلي
سلمى: اه؟
نبيله: اي بناخذه منك
سلمى تبكشت من الصدمه : ءءكيف؟
نبيله: اي كنك تعاملي فيا هك توا نبص فيك راجلي
سلمى ضربتها ع يدها: صبي صبي صبوها من حذايا هذي
نبيله: قولي لعموره اليوم بايته ف حوش هلي يجي يتكي عليا بكرا
سلمى: تحشمي ع وجهك صبي من حذاي صبيها يا كوثر را نرتكب فيها جريمه
نبيله تضحك عليها
زينب بخبث: كيف صار يا نبيله مش كنت تبي واحد جديد بـ باكوه والا فاتك القطار قلتي ناخذ حتى مستعمل
نبيله تبكشت
عبير بصوت واطي : زوبه تحشمي
زينب: والحق عيب قعد توا؟
نبيله صبت مقهوره
____
نجوى: الكلبه من قاللها تديرلك مكياج كنتِ كلمتيني انا نديرلك
سناء: اسكتِ ارحم بيك ع اساس فنانه انتِ هي الوحيده الي نقذتني
نجوى: شن انقذاتك مكياجك يقرف
سناء: تكذبي؟
نجوى: حرام الحلف ع الاشياء التافهه
سناء: ضحكت ع اختها لان عارفه ان المكياج تحفه
يوسف يبي يخشش سناء مسكاته عبير برا
عبير : انتَ تبي تخششها؟
يوسف: اها ما قلتها لك من امس
عبير عقدت حواجبها: اممم عينك تزيغ هك والا هك حي عليك وحي
يوسف: عندي السماحه هذي كلها وعيني تزيغ عيب
عبير: امم صدقت😑
يوسف قرص خدودها: صدقي صدقي 😍
خش يوسف بـ اخته وكان طالع اللهم بارك بالزبون😍
عبير مركزه فيه كان بصبص هك والا هك
يوسف شير لعبير بيده بمعنى تعالي صوري معانا
جت عبير ووقفت جنب يوسف
تك
تك
تك
تك
نبيله راكبه ع المسرح بفستان دمي ضابط طويل وتسريحه مرفوعه منفوخه ومكياج تحفه طالعه قنينه :هي نصور معاكم
عبير بصوت واطي: يا بنت الجزمه
يوسف يضحك ع عبير:عبور خلاص صرزتي معانا انتِ
عبير رفساته بيدها
نبيله:كنكم ياعبير ويوسف مبعدين من بعضكم تقول والا متعاركين
عبير قربت تسقم في ياقة الزبون ابتاع يوسف وبـ مياعه :قلت نبعد منه خير مايبوس شي بوسه والا يلمس شي لمسه يفضح بينا وبعدين سكتت شوي وضحكت حي عيب هالكلام انتِ مش متجوزه نكركلك شهوتك حرام
وحطت يديه ع خسرها من الجيهتين
وسقمت وقفتها
خديجة مقمعزه ع الكرسي وتبحتت من بعيد وطالقه بنتها لموظفات القاعه كل شوي جايباتها لهاوهي تنزل فيها لهن من جديد وتقوللها عدي يا ماما وتشوف ف اختها الي تهزبت وتضحك عليها
"تعجبني خديجة فاهمه الدنيا 😂"
طلع يوسف ويده في يد عبير شكلهم كيوووتتتت
وردت عبير قمعزت جنب سلفتها
عبير: خزي عليها كلبة الكلاب الي ما تتحشم
كوثر : قليلة ادب تبي اي واحد والسلام
مر الوقت وجوا اهل العريس
نبيله تحكي بصوت عالي عشان عبير تسمع : يادوجي شفتي الوليه هذك من بدري تبحت فيا شكلها تبي تخطبني
وتصبي الوليه من ع الكرسي وتجي شور طاولتنا
شن تتوقعوا الحلقه الجايه
التفاعل صفر ع الشمال
#يتبع
