سالمه: ينعلي يا وليدي منكده عليه مراته العوبه
نجوى ماشيه شور المطبخ: جوزيه
سالمه: اسكتي وامشي ديري لخوك
ولفتت انظارها لسناء :قمعزي انا نركبلها ونجي
سناء:ماتتعبيش روحك يا امي فيها هو مش طايقها
سالمه:بعد قعد ٣سنين ساكن يبيها وبعد قربت لعنده وقعدت مراته تمّـا ماهو رايدها ؟
خلي نركبلها نفهمها
___
يوسف: سليمان كلملي عبير
سليمان: تمام
وخش ينادي
___
عبير: نجك ليا نجك ليا هالبنيه السموحيه
فاطمه:مجمجتي كبيدة البنيه
عبير: فرحانه بيها يا امي
رجعه: عاد مش اول بنيه
عبير: هذي وحم رجاء كله جا عليا وطلعت تشبهلي ف بناخذها
سليمان: عبير عبير
عبير: ايوا؟
سليمان: قالك يوسف تعالي
عبير: هيا
____
ايوا اوسيفه
:هي نروحوا
: عليش خلينا
: توا تعرفي امتى لماتها والا الاسبوع ونشيلك غير هي. نروحوا تعبان
:لالا نبي نققعد
سليمان: ياساتر كنكم؟
يوسف: ماتبيش تروح
سليمان: عليش تروحوا خليكم
يوسف:نجيبها في لماتكم
سليمان:غير خليك
يوسف: يقعد الخير والله
سليمان:به بكرا روحوا توا ليل
يوسف: لالا نسقدوا مادام المغرب مازال ما اذن
سليمان: به مانلطش عليكم
عبير: اوعدني واحلف بالله تجيبني ف اللمات
يوسف رفع حاجبه وعصب: عدي البسي عبيتك بسرعه وطلع
____
طق طق طق
طق طق طق
طق طق طق
طق كوثر : وهه جايه جايه باهي
فتحت الباب: عمتي ؟
سالمه : خير ياحنه ودفتها من كتفها وخشت للحوش
كوثر: كيف حالك ياعمتي
سالمه تتفرج ع الصاله الي امخادها مطرطشات كل مخدة في تركينه وعلى منظر الصاله :وين كنتِ ياحنه كنك طولتي مافتحتي
كوثر حطت يدها على بطنها: والله راقده ياعمتي الحمل متعبني
سالمه شهقت وحطت يدها على صدرها: راقده وراجلك زعلان منك ونازل يطلب في قهوه من خواته؟
كوثر رفعت حاجبها: قتلك تعبانه من الحمل ياعمتي وصالح مشاكل عاديه ديما يصيرن
سالمه: لكن كثرت المشاكل انتِ عارفه شن تسبب
كوثر: بس لازم يتحملني يا عمتي ولده هذا
سالمه: انتِ مانك اول والا اخر وحده تحمل كلنا حملنا وماخلينا رجالتنا قالبين خلايقهم شوفي سلفتك من يوم ماخذيناها ماعمره يوسف زعل منها
كوثر انقهرت : مش شوري بيهم وبعدين انا غير عن الكل ياعمتي وانا تعبانه ونتوحم مفروض يتحملني
سالمه : عيط في غيط فارغ سبوله
وخبطت على افخاذها وطلعت من الشقه
كوثر دايره حركات بوجهها :ننن ننن
___
موسى:تي خمس دقايق قدام الباب ع السريع
منى:حي عليا كان شافني واحد من خوتي يا موسى مانقدرش انا
موسى:ع السريع وبعدين خطيبك انا را
منى:والله مانقدر يا مومو ليل
موسى: هي عشان خاطري ثواني على السريع
منى سكتت تفكر
موسى: ها يا بيبي؟ ثواني بس
منى:....تمام .... ع السريع
موسى: خلاص اقعدي في الحاجر ولما نوصل نعزق حيطه في وسط الحاجر
منى: تمام سلام!
وصكرت الارضي
___
عبير واخيرا وصلنا الحوش
يوسف ماردش عليها
عبير: مازلت زعلان يا اوسي؟
يوسف:اسكتي واقلبي وجك
