___
سعيده: وين نصير؟
سالمه: اه ؟
سعيده: قتلك وين ناصر ؟
سالمه: طالع عنده شغل
سعيده: اها وين كوثر الحمره؟ كنها ماتنزل؟
سالمه: يا ناعلي يا عمتي كان تعرفي ايش صار
سعيده : ايش صار ؟
سالمه: طلعت تطلع في اسرار بيتها وتعارك معاها صالح اليوم ولزها لبيت بوها
سعيده شهقت: هي والولد الي في بطنها؟
سالمه: قال بعد ماتولد ناخذ الولد ونعطيها كلمتها
سعيده : لالا ماتوصل لهك توا نحكي معاه ولدك هذا مهما يصير ماتوصل للطلاق
سالمه: نادخيلتك كلميه
سعيده: غير يروح بس الساع يشوف
_____
عبير: وكيف عرفتي مكان حوشي؟
نسرين: كلّمت زهره وخذيت الوصف
عبير: اه
نسرين: جابني محمد خوي والدراه صلاح "خطيبها" ماحوته ماخلاني نمشي قالي انا قاري عليك الفاتحه ونقدر توا نمشي ناخذك من حوشكم ومحد يقدر يتكلم
عبير ضحكت: وطبعا انتِ ماتسكتي
نسرين: يا كلاّ نسكتله؟ كلمت محمد وقاله نبي نشيلها ونبي منك تخليها تمشي صاحبتها لها زمان ما شافتها وعارف اختي لسانها اطول منها ومن ه الكلام اصلا من اول ماخطبني وهو ضارب دلال مع محد عموما وافق
عبير : راجلك مهما يكون عيب تطلقي لسانك عليه
نسرين: ديريلي جو امي توا انتِ
عبير ضحكت: وخوك شن صار عنده؟
نسرين: قال الفتره الجايه يقرا فاتحه وبعدها ب شهرين يطلع العرس
عبير ابتسمت: به مبروك عليه
نسرين : يبارك فيك الله الله قعدنا نحكوا في كلام مدامات وجو
عبير ضحكت
نسرين: يييي نسيت وين سماحتي وليدي نا وين؟
عبير : راقد رضعته ورقدته
نسرين: باهي نوم العوافي تعالي نحكيلك على خوله خطيبة خوي محمد وووههه منها
عبير: كنها مش كويسه؟
نسرين ضحكت: تي تهبل ونكته
عبير : حي حي حي راجي ندير قهوه ونهدرزوا على رواق
نسرين صبت : نصبي ندير معاك
عبير ابتسمت وشدت نسرين من يدها: هيا
___
فاطمه: توا نمشيلهم بعد لمات رجاء
سميره: زين ماتديري يام
زهره: نمشي معاك انا
فاطمه: لا ناخذ معاي زينب بس
سميره حطت يدها في وسطها: عليش ونحن لا؟
فاطمه: ناخذ كنتي الكبيره بس المره الجايه تمشن كلكن
زهره: لالا نبي نمشي انا نشوفهن
فاطمه: لالا
زهره ابتسمت بخبث: خلاص ماشي مش ماشيه معاك
___
سناء: تستاهل ما نقبلها بكل العقبه للثانيه حتى هي تنتلف لحوش بوها
سعيده شهقت: ان شاء الله فيك انتِ الا عبير ايوه ماتجي شورها بكل
سناء: بعيد السو عليا انا راجلي يموت عليا
سعيده: لا واضح بكل خلي صبايا خوك في حالهن
جمعه خاش معصب : تي وينه الافندي صالح هذا؟ وينه ها؟
سالمه ترعش: كنك يا جمعه يا ساتر.
جمعه: تي وينه التيس هذا؟ يلز في بنات الناس
سالمه: في الشغل كيف عرفت انتَ
جمعه معصب : جاني بوها و قالي هذي الامانه الي امنتك عليها يا جمعه؟ و انا مش فاهم نقوله كنك يا راجل احكي قالي بنتي تجيني ملزوزه يا جمعه احرجني وانا مش فاهم شي ثاريته الميه تمشي من تحتي و انا مش فاهم ثاريته ما عنديش كلمه في حوشي الي يطلق و الي يزوج و الي يتعارك مع امه عشان بنت
اول ما يروح ناديلي عليه
سالمه ترعش : حاضر حاضر
وطلع جمعه
نجوى: ما ترعشيش روحك يام بينه بين بوي
سناء: السانك مايقول غير الصادقه يا خيتي هي انا راجلي جاني بالسلامه وطلعت
سالمه بحتت في نجوى: كلمي اختك منى وصبي حطي العشاء ع النار
نجوى: حاضر يا امي
___
عبير: نورتيني عاوديها يا قلبي
نسرين: ان شاءالله
عبيري: سلمك جيايه
نسرين: سلمك هي بالسلامه
وطلعت وبم تخبط في ناصر
ناصر: بسم الله وين عيونك
نسرين: تحشم ضيفه جايتكم وتقوللها وين عيونك
ناصر: اسقدي اسقدي
عبير: في امان الله نوسا
نسرين: سلام
ناصر : شوركم هذي؟
عبير: صاحبتي
___
سعيده: يا مرحبا يا مرحبا
عبير: مرحبك يا امي ايش حالك؟
سعيده: سلم حالك عطيني عطيني وليدي السمح
عبير: هايك يا امي
سعيده: صاحبتك روحت ؟
عبير: اها يا امي
ناصر: اوووو الحويجه عندنا؟
سعيده: نصير الشين ايش حالك؟
ناصر: تمام طول مانشوف فيك؟
سالمه: وينك يا باتي
ناصر : كنت عند عمي صابر مشيت هدرزت معاه شوي وعزمني على طويسة شاهي
وبحت في سعيده وخذا منها عبد الرحمن : عطيني يا حويجه
سعيده: هاك يا وليدي
سالمه شهقت وحطت يدها على صدرها : شن تدير عند بو السحاره اسمعني هن وقدام عمتي ايوه بنت صابر وحياة بوي الي في قبره مانك واخذها الا على جثتي ايوه
سعيده: ومن بنت صابر هذي؟
سالمه: صفاء يا عمتي بنت خيريه تخيلي عقاب العمر ناخذله بنت خيريه
ناصر يلعب في عبد الرحمن ومش معدل على امه
سعيده شهقت: و مالقيت غير بنت خيريه يا نصير
ناصر بحت في سعيده: وكنها صفاء يا حاجه؟
سعيده بحتت في عبير : اكيد يا عبيره عندك شي بنيت خال والا عم حانطه و حليوه وتسرسب ع الكبد زيك
عبير ابتسمت: تسلمي يا امي ونحن بنات عيلتنا كلهن يسرسبن على القلب سرسبه
سعيده ضحكت: خلاص ناخذوا وحده منهن لناصر.
ناصر خطرت على باله اماني وسرح وابتسم
سالمه تجقب: ايوه اي وحده ماعادا بنت خيريه
سعيده: ايش رايك يا نصير؟
ناصر: زينب
سالمه باستغراب :زينب من؟
عبير ضحكت باستغراب: زينب مرات خوي ؟
ناصر: اسمها زينب والا اماني؟
عبير: كيف اسمها زينب والا اماني؟ اسمها زينب اكيد
ناصر ضحك وبانو سنونه : يعني اسمها زينب حتى في الشهاده زينب مش اماني؟
عبير: اسمها زينب اماني اختها
ناصر: ومجوزه؟
عبير: اماني ؟
ناصر : اها امالا امي ؟
عبير ضحكت: لالا مش مجوزه
ناصر صبا وهو يضحك: تمام بكل
وقعد يغني ويدندن
سعيده: يا ساتر ولدك شكله شارب يا سالمه
سالمه :منو اماني هذي؟
عبير: بنت خالتي اخت زينب مراة خوي سليمان
سالمه: اها اي منهن ريتهن كلهن في فرح اختك نا
عبير: في فرح زهره كانت لابسه فستان اسود ضابط و ما بطلت رقيص
سالمه: اها اها عارفتها شعرها قهوي طويل
عبير: ايوا
سعيده: مادام من طرف عبير معناها ميه ميه
عبير ابتسمت
سعيده: كلمي بناتك شوفي العشاء جعنا را
سالمه: حاضر يا عمتي
وقعدت تنادي
نجوى نجوى
منى جت تجري: ايوا يام نجوى في المطبخ
سالمه: شن صار في العشاء
منى: شويا بس
سالمه: باهي
يوسف: السلام عليكم
:وعليكم السلام
يوسف حب على راس سعيده: ايش حالك يا حويجه؟
سعيده: بخير يا وليدي
يوسف مشا حب على راس امه : ايش حالك سلومه
سالمه: الحمدلله يا وليدي ربي يرضى عليك
يوسف ابتسم
عبير : مافيش ايش حالك يا مرتي؟
يوسف ضحك: لا لا ما فيش
عبير : خ وحطت يدها على فمها قبل ماتكمل الحرف
يوسف فنص فيها: هي هي نركبوا
عبير صبت : بالسلامه
يوسف: تصبحوا على خير
عبير: ارجا خوذ عبد الرحمن
يوسف: هاتي
وخذا منها وطلع
عبير : امي شن رايك تجي تباتي عندي فوق؟
سعيده: يا ريت لكن والله كرعيه مانقدر نركب
عبير: قبل خاطري تباتي عندي
سالمه تدير في حركات بفمها😂
تحررك فيه يمين وشمال😂
سعيده: اول ماتديري حوش نجي نبات عندك شهور
عبير: تباتي عندي العمر كله
سعيده: تملي مني بعدين
عبير: وهو انتِ ينمل منك؟
يوسف ينادي : عبير يا عبير
عبير: جايه جايه
هي في امان الله
سعيده: مع السلامه بنيتي
عبير : سلمك
