ارجوا ان تدعوا لجدي بالرحمه
و للام الفاضله "عبير" للاسف "ميار" رفضت اني نصرح باسمها الحقيقي
ولجميع من راحوا بسبب هذه الكارثه
.
.
.
.
ابرموا ع الحلقات الي من قبل عشان تتفكروا الاحداث 🤍
- Part 33 -
سميره تشرب في الشاهي : حي حي ماقلتلكم
زينب وزهره: ايش
سميره: اسلام
: خيره؟
سميره: الصبح جاني قالي يبي يطلع العرس
زينب : والله؟ ماشاءالله
زهره: ريت مايطلع منها ه الفصعونه لحستله عقله هو قبل يبي يقعد سنه وكذا شهر عشان يطلع العرس
زينب ضحكت: هذك اليوم يشرب في الشاهي وسارح ثاريته قبلها كان عندهم الشيخ حمد محصل برد وماشي يساول فيه وجت هي مدتله الشاهي
سميره ضحكت: هاب هابا مايطلع منها
زهره: كمليلنا توا
سميره :ايوه وقال نبيكي تقولي لامي ثاريته ياناري كان يصيد يبي يحكي لعبير بروحها لكن امي ما خلتله مجال
زهره: به امتى قالك؟
سميره: اليوم قبل طلق عبير بشوي
انا جيت حكالي خشيت سلمت ع امي عبير عيطت
زينب : اها وحاكي لبات البنت هو؟
سميره: تقريباً حاكيله توا نزيد نقمعز عليه بعدين
زهره: بايته انتِ؟
سميره: اي بايته
زهره: حتى انا توا نكلم راجلي ونبات
زينب : ريحي روحك انتِ وياها مافيكن ما بات مازال جايات ايام لما يروح يوسف بعبير تبن تلحقنها وتباتن بعاد ع رجالتكن
زهره :'من قالك انها تبي تروح
زينب:انا عندي احساس انها ح تروح معاه
زهره: ماضني
سميره: لالا حتى انا عندي احساس زي زينب لان عبير تحبه بكل مش شوي
زينب: ويوسف يحبها وبرضو بكل مش شوي
زهره شربت من الشاهي : ربي يقدم الي فيه الخير
سميره :عموما انا بايته نبي نبات
زينب رفعت كتوفها و نزلتهن : على راحتكن
—
جمعه : بشويه يا ليد ما تجريش
ناصر: اهو يا بوي مهدي لكن انتَ تبيني نمشي كيف الفكرونه
سالمه حامقه من ناصر: رد على بوك كويس يا متاع صفاء
ناصر يضحك : الله محلاها الكلمه
جمعه ضحك: تحشم على وجهك
سالمه:والله مالها داعي مشيتنا هي اصلاً اكيد ح تروح مع راجلها بكرا
جمعه: لالا كيف لازم نمشوا هذا حفيدي الثاني
ناصر ضحك : كيف الثاني يا حاج؟
سالمه لوت بوزها: علي و ريناد نسيتهم يا حاجه والاشني ؟
جمعه: لا والله كلهم احفادي لكن عيال يوسف غلاوتهم غير
ناصر يضحك: كلام كبير هذا يا حاج
جمعه : والله نا نقول في الحق انتَ امغير بلا فتنه
ناصر: لا نبي نفتن نروح نقولها لصالح وسناء حي عليك وحي من سناء وقعد يضحك
جمعه: اضحك اضحك...والله رايفت عليه الشيطان عبد الرحمن
سالمه: هابا ديما بناتي ما محصلات شي الدلال كله لبنت فاطمه !
جمعه : تستاهل بنت فاطمه
سالمه لوت بوزها : ولعلي يا ناصر ولعلي سوره يس را نريح فيها توا انا من ورا بوك
__
يوسف : سلام
سليمان وسالم: وعليكم السلام
سالم سلم ع يوسف: شن الاخبار ؟ شن لمور؟
يوسف: الحمد لله بخير سن اخبارك انتَ
سالم: الحمد لله في خيار الخير
يوسف : ان شاءالله دوم...في حد مع عبير ؟ لان نبي نمشي نسجل العيل ونبي نسالها ايش تريد تسميه
سالم: معاها العويله والله دقيقه بس نخليهم يطلعوا
يوسف : لالا خليهم مافيك ما طلعهم خش انتَ اسألها
سالم: لالا اصلاً الزياره شوي وبتكمل شخص واحد يبات معاها
يوسف: هي تبي تبات ؟
سليمان: اها هي والعيل !
يوسف هز راسه: خلاص انا توا نبات معاها
سليمان جا يبي يحكي ويبي يقول لا فنص فيه سالم
سالم: تمام معناها نخش نكلم العويله انا
