ميار مسكت نقالها شوي لقت عمتها نجوى دازتلها ع المسنجر استغربت ؟
فتحت الشات لقت نجوى كاتبتلها
القاقه الزايده فكيني منها وريحي روحك وخلي ريحانه في حالها ما يمشيش معاك دور الطيبه را وخلي علي في حاله را المره الجايه نخلي بوك يذبحك اطلعي انتِ وامك من حياتنا والله ماتعرفن وجهي الثاني را
ميار انصدمت وتبكشت معش عرفت شن تقول او شن ترد
سندس: ميار شن فيك؟
ميار؟ اوي ؟
ميار فاقت من سرحانها: اه اي ؟
هند:من بدري نحكولك
ميار:سرحت شويه
ايناس ضحكت: مندرعنه من الي دزلها وخلاها تسرح هك
ميار: لا والله محد
فاطمه: غير قولي
ميار ضحكت ضحكة صفره: شن نبي ندس عليكن؟
ايناس : باهي صدقنا
هناء :خلاص رقدن الساعه قريب 3
-ثاني يَوم العشيه
عبير : الباب يا ميار
ميار صبت : حاضر
طلعت تبي تفتح قابلها محمد ماشيه يفتح في الباب:توا نفتح انا
ميار : باهي
وصبت عند الباب
محمد فتح : اهلاً
سمر : اه سلام
محمد: شجو يا سمر ؟ سمر والا؟
سمر: اي ومدتله السفره
محمد: شنو هذا؟
سمر: هذا من ماما دايره فتات واجد وحاسبتكم
محمد: شكراً سميره
سمر:سميره في عينك وعفواً
محمد ضحك :سميره
سمر: سميره عمتك باي
ومشت تجري لحوش جدها
محمد قعد واقف يضحك ع هبالها
ميار وقفت وراه : سميره يا عديم الرومانسيه وخذت منه السفره
وخشت
عبير: شنو؟
ميار: من عميمه كوثر دايره فتات وحاسبتك
عبير: بارك الله فيها حطيه لنا بعدين شوي
ميار ماشيه للمطبخ: حاضر
وبحتت في ساره الي تشرب ف اميه :نديروا قهوه؟
ساره: هاتي ندير انا
ميار : راجي نمشي لحوش جدي ماشفتش جدي اليوم
ساره: تمام توا نولع عليها انا علي ماجيتي
ميار: تمام وطلعت
__
ابراهيم : كنك معش تبي تمشي لحوش هلك؟
نجوى: هك ماعنديش خلوق
ابراهيم: احكي معايا كويس !
نجوى سكتت
ابراهيم قمعز جنبها وحط يده ع كتفها: توا قوليلي من مزعلك؟
نجوى عيونها تعبن دموع: محد انا ماعنديش نيه نمشي !
ابراهيم: يعني مافيش شي؟
نجوى: اها
ابراهيم: متأكده؟
نجوى: اها
ابراهيم : تمام
وصبّا : نمشوا لحوش امي معناها
نجوى: ماخاطريش نطلع اليوم والله
ابراهيم: مش ح نطولوا
نجوى صبت : باهي حاضر
وصبت وهي ماعندهش نيه
__
ميار: جموعي وباست راسه
جمعه: مرحب ببنيتي
ميار: شن جوك؟
جمعه: تمام الحمدلله شن جوك انتِ؟
ميار: ميه ميه
جمعه ضحك: زايطه مع بنات خوالك؟
ميار ضحكت: مش غير
جمعه: ان شاء الله ديما مبسوطه ،شن واتيه للثانوي؟
ميار ضحكت بحماس: متحمسه
جمعه: خلاص الاسبوع الجاي
ميار: لا المدرسه الي سجلت فيها صيانه نبدوا 25/10
جمعه: ايوا
ميار : ايه انا جيت نسلم عليك بس امس ماشفتكش وباست راسه
سلام نجي نهدرز عليك بعدين
جمعه:بالسلامه
___
ريحانه:نبي نمشي لحوش ماما اليوم يا بابا
مفتاح: امشي معانا حوش حني يا رورو
ريحانه ابتسمت: مره ثانيه
ابراهيم: نحن ماشيين حوش امي مش حوش عمتي سالمه
ريحانه: نبي ماما استاحشتها هلبا انا ليا ايامات عليها
ابراهيم: علي راحتك نطلعوا مره وحده معناها
ريحانه: تمام شكرا يا احسن بابا
ابراهيم ابتسم: وبه امتى نجيك؟
ريحانه: عادي حتى بكرا
ابرهيم: حاضر من عيوني الزوز
__
سارة: ماما
رجاء: نعم؟
سارة: عارفه مراة عم عزو
رجاء : حنان؟
سارة: اها جت لبنغازي هنا وبعدين مشت شحات
رجاء: وعليش جت لبنغازي ؟
سارة: هلها هنا ما
رجاء:اها ،وانتِ ايش عرفك؟
ساره ارتبكت: ها؟ لا ضايفه بنتها انا وشفتها منزله بوست ع الفيس انهم جو هنا وهك
رجاء: اها وبحتت في صبياتها
مسكينه عندها راس بنيه ووليد
ميار عقدت حواجبها:هلها عيت من؟
ساره: تقريباً ال...
عبير : زي عرب عمتك نوال
ميار: اصلاً نويله امس قالتلي جتها صبيتها الغرباويه واسمها حنان ومشت لشحات بعدها وعندها بنيه ووليد
ساره ضحكت : والله؟
ميار: والله ،اكيـده هيا
عبير رفعت كتوفها ونزلتهن : يجوز
ميار: توا نزيد نتأكد من نويله
___
منى:اها عندها هلها
نوال: اها خواتها وخوتها وصباياهم شورها عازمتهم
سالمه: بعدين امشن سلمن عليها لازم
سناء:وعليش؟
جمعه فنص فيها:تمشن تسلمن كيف البنات الشاطرات
منى :ح حاضر يابوي
جمعه : شاطرات
سالمه:سلمهن بنياتي
نوال ومنى ابتسمن
جمعه صبّا : نمشي نقمعز قدام الباب انا
سالمه: باهي
رنا يا رنا
سمر جت :حني رنا انا في الحاجر نعم؟
سالمه: ديرن لنا شاهي
سمر :حاضر
سالمه:شن حال عمتك يا سناء ؟
سناء:ياناعلي يا امي حاطه دوبها دوبي ليش جبت لمراتك وانا ماجبتليش ليش مشيت وماخذيتنيش ليش ولدك طويل ليش عندك بنتين ليش مصطفى الآغا عطا الناس كلها فلوس الا نحن
نوال ضحكت: يعطيك الخير يا سناء
سناء:والله قاعده كيف العظم بو غصاص
سالمه: انت اشقي براجلك و فوتيها
سنا: وانا شن دايره غير هك
نوال:نجوى ماتبيش تجي تستسمح من باتي؟
سالمه: والله هي اللي داراته غلط
سناء:مسكينه ميار صاح اني مانقبلش عبير لكن والا ضنوتهم طيبك ضنوه غاليين عليي قلبي تقول ضنوتي
قص عليهم حمزه: قاللكم جدي جيبوا شاهي
سالمه : من معاه؟
حمزه :ولد خال عبدالرحمن طلعوا شافهم جدي سلموا عليه وولدهم قمعز يسهري مع جدي سهراي ماشاءالله وضحك
منى قلبها دق :اي من خواله؟
حمزه :تقريباً الكبير
سالمه:شن اسمه العيل ؟
حمزه :محمد ومعاه انس
سالمه :لا محمد ولد سليمان الكبير كلاّ انس مش عارفه
حمزه:باهي راكم تنسوا الشاهي وطلع
_____
زهره وجهها احمر من الضحك: غير قولي نبصر
زينب تضحك: يا ناعلي يا عبير بعد هالعمر؟
ايات ضحكت: ماشاءالله يتربى في عزكم ودلالكم
سميره تضحك: مرات تطلع تبصر ارجي
عبير وجهها احمر من الحشمه : لا والله
رجاء: يتربى في عزكم ان شاء الله ونغزت زينب الي كانت حذاها بيدها
زينب كتمت باقي ضحكها : يجي طيب ويتربى ف عزكم
عبير : تسلمي
زهره مسحت وجهها بيديها : ماتزعليش مني عبور مغير انصدمت
عبير : لاعادي
الحاجه فاطمه: به مشيتي شفتي دكتور يا بنتي مرات في خطر والا شي حاجه
عبير : لا مازلت
سميره :لازم تمشي
عبير : ان شاء الله
___
سمر تطقطق ع الباب الخارجي عشان يجوا ياخذوا الشاهي
جاها مُنتصر "ولد مُنى" فتح الباب شرّعه "ع وسعه"
سمر جت عينها في عين محمد ووخرت : رد الباب يا مُؤمن
مُنتصر خذا منها السّفره: خيرك ما رنيتيش عليا راني جيتك ؟
سمر : ماخطرش في بالي
ومشت
محمد سليمان وشوش عبدالرحمن: ماشاءالله حوشكم يرج بنات وضحك
عبدالرحمن ضربه ع ظهره
جمعه: كنك مع محمد ؟
عبدالرحمن حك شعره وضحك : لا نبصروا ياجدي
جمعه شرب م الشاهي : باهي نسحابك تضرب فيه
محمد "س" ضحك : مايقدرش يا جدي
غيث: تي صفع عليك نديروا عليك نُصره هنا
محمد "س" : انا والشايب ضدكم
جمعه: شايب ؟ وضحك تي انا اصح منك
محمد "س"ضحك : انا والشبوب ضدكم ونشوفوا من يفوز
___
وثاني يوم مر وروحوا خوالي
