وقف المخرج فى موقع تصوير مسلسل أيام حياتى , كان يعطى الأوامر ويتحرك الجميع من حوله , إنتهى من تصوير معظم مشاهد اليوم وبقى مشهد واحد فقط للبطلة ودخلت حجرتها لتستعد وتنتظر إعداد الديكور, بطلة المسلسل إنجى سمير, نجمة كبيرة ومشهورة جدا ويتهافت المنتجين عليها بالرغم من إنها كانت تتعامل مع الجميع بحدة وبعض الغرور ولكن من حقها فهى كانت الأعلى أجرا فى هذه الفترة وأفلامها تحقق إيرادات غير مسبوقة, دائما كانت تضع الكثير من الشروط والطلبات لتشارك فى أى عمل وحتى تختار الأبطال بنفسها ولاتمثل مع أى شخص لايعجبها وفى بعض الأحيان تطلب تغيير الممثلين لأنها لاتستطيع التعامل معهم والكل يستجيب لأوامرها , على الرغم من كل ماتفعل , كانت محبوبة جدا .
كان طاقم تصوير المسلسل يعمل فى ترتيب الموقع والكل يتحرك كخلية النحل ودخل المنتج أستاذ طارق وبعد أن صافح المخرج قال: أخيرا هانخلص.
آه أخيرا ونرتاح بقى من الست إنجى وطلباتها اللى مبتخلصش..
خلاص بقى يارفقى , الموضوع خلص مفيش داعى نعمل مشكلة.
خلاص إيه بس؟ دى جننتنا يا أخى , كل يوم طلبات وإعتراضات, طلعت روحنا , إنت عارف إن مفيش بينى وبينها وفاق وكل مرة تصر عليها ,مش عارف ليه؟
دى أكبر نجمة دلوقتى وليها متابعين بالملايين, وكل شئ يهون بدل بنكسب, إستعد علشان الفيلم الجديد هى اللى هاتعمله.
لأ شوف لك مخرج غيرى , أنا هاريح منها كده سنة وإلا إتنين.
ضحك طارق وقال: طيب بذمتك هى مش ممثلة شاطرة؟
شاطرة جدا وتمثيلها فوق الممتاز بس بقالها فترة كده مش مركزة ده إحنا عدنا المشهد اللى فات أكتر من 10 مرات .
ماهى تعبت بقى قدر إنها بتصور 18 ساعة فى اليوم .
ماحنا كمان تعبانين ترحمنا شوية بقى, أنا بأقولك من دلوقتى شوف مخرج غيرى للفيلم.
حد يطول يخرج لإنجى سمير؟ دى نجمة شباك وأفلامها مضمونة ..
نخلص بس المسلسل وبعدين نشوف .. ياللا المشهد جاهز؟
هاروح أشوفها كده ونتكلم.
.. جلست إنجى فى حجرتها تستعد لمشهدها , كانت تشعر بالإرهاق الشديد ولكن لتتحمل يوم آخر وقفت المساعدة تراجع معها الدور وقالت بعصبية: أف خلاص راجعت زهقتينى..
كمان مرة علشان متنسيش قدام الكاميرا.
وأنا من إمتى نسيت ؟
المشهد اللى فات عدناه 10 مرات و...
إنتى بقيتى مزعجة قوى ... أنا هاخصم من مرتبك علشان تانى مرة تحتفظى برأيك لنفسك ...
أنت تقرأ
قلب يليق بك
Romanceلايوجد فى حياتنا شئ يحدث صدفة, كل شئ يحدث لنا بسبب ربما لانفهم لماذا ولكن يقودنا هذا السبب لمعرفة حياتنا ولمقابلة سعادتنا وربما تتغير الأقدار لتصبح أجمل بالنسبة لنا ,صدفة قد تضع أمامك طريقا مختلف عن كل مارسمته فى حياتك ,طريق يقدم لك فرصة وإختيارات...
