فى العين السخنة أخيرا أنهت أنجى تجوالها وافقت على العودة للفندق وقال أشرف : أنا مش عارف إنتى جبتى الطاقة دى منين حقيقى؟
بأقول لك أول مرة اطلع رجلة من سنين وأبقى على حريتى من غير ماحد يضايقنى أو يجرى ورايا .
وإنت حد هايضايقك ويجرى وراكى ليه؟
علشان . الصحافين وال. .. المعاكسات . كانو بيضايقونى قوى .
معاهم حق حد يشوف الجمال ده ويسكت .
نظرت إنجى شرف وإبتسمت لكلامه الجميل ولأول مرة تسمع كلام صادق لاتجد فيه نفاق أو تصنع
إعتادت على سماع المجاملات الفارغة والتى لم تكن تعنى لها أى شئ ولم تكن تصدقها أيضا لكن كلام أشرف الآن كلام صادر من القلب ,همست بدلال: يعنى إنت شايفنى جميلة؟
جميلة جدا طبعا..
تأملت إنجى وجه أشرف ولأول مرة لاحظت عينيه فقالت: عنيك عسلى .
أول مرة تشوفيهم وإلا إيه؟
أيوه أول مرة أشوفهم . يعنى آخد بالى منهم بجد. متداريين فى النضارة.
كانت نظر له بدريقى مختلفة فارتبك وقال: نطلع نرتاح بقى.
لأ بليز نقعد شوية كمان.
إنت متعبتيش عايزين نام شوية.
أمسكته من يديه وقالت :هو النوم هايروح فين يا أخى تعالى .
أخذته لشرفة واسعة فى الفندقو كانت يدها فى يده تجعل قلبه يخفق وعندما تركتها شعر بالفراغ فأغلقها لحتفظ بإحساسه بها , رفعت إنجى وجها للسماء وقالت: الله الهواء جميل قوى ,اقعد واقف ليه؟
جلس أشرف فسألته: انت عندك كام سنة ؟
مانت عارفة؟
آه عارفة عارفة بس بالظبط كام سنة؟
39 سنة.
إتجوزت قبل كده؟
إيه يا أروى إنت عارفة تاريخ حياتى.
ياسيدى بنتكلم جاوب وخلاص.
لأ متجوزتش.
ليه ؟ إنت شكلك حلو ودكتور فى الجامعة وحالتك المادية كويسة.
إنشغلت فى الدراسة وبعدين الشغل والحياة أخدتنى
آه ... .زى ....
كانت ستقول زى أروى ولكنها قالت: زى ناس كتير بتضيع عمرها وشبابها فى الدراسة.
نفس الكلام ينطبق عليكى يا أروى.. إنت كمان شغلتى نفسك بالدراسة
جلست إنجى بوقار وضعت ساق على ساق وقلدت أختها قائلة: أيوه فعلا بس كمان لأنى ملقتش اللى يشغل قلبى لحد دلوقتى.
أنت تقرأ
قلب يليق بك
Romanceلايوجد فى حياتنا شئ يحدث صدفة, كل شئ يحدث لنا بسبب ربما لانفهم لماذا ولكن يقودنا هذا السبب لمعرفة حياتنا ولمقابلة سعادتنا وربما تتغير الأقدار لتصبح أجمل بالنسبة لنا ,صدفة قد تضع أمامك طريقا مختلف عن كل مارسمته فى حياتك ,طريق يقدم لك فرصة وإختيارات...
