لم تنام أروى بل أخدت حمامها وجلست على السرير وضمت ركبتيها لصدرها , تملك الحزن منها لدرجة جعلتها تستمر فى البكاء,أول مرة تمر بتجربة عاطفية واول مرة تتعرض لمثل هذا الموقف , لأول مرة تشعر بثقل على قلبها , يوسف الذى حبته يهينها بهذه الطريقة ؟
غضب يوسف وثورته أمام الجميع كسر قلبها , كان يعتقد بأنها إنجى ولكن كان يجب أن يفكر قبل أن يتكلم,إذا كان فقط يعرفها حقا ماكان قال لها هى هذ الكلام , وقفت بسرعة ونظرت لنفسها فى المرآة وأمسكت شعرها , أرادت ان تعيده للونه الطبيعى لتشعر بأنها أروى مرة أخرى,أخطأت عندما وافقت ان تؤدى دور أختها ويجب أن تعود لنفسها مرة أخرى الدكتورة أروى , إرتدت ملابسها وحملت حقيبتها ونزلت بسرعة وسألتها شهد: رايحة فين ياست أروى؟
رايحة للكوافير ,مش هاتأخر.
إنطلقت أروى بسيارتها وتوجهت للكوافير وطلبت سحب اللون البرتقالى من شعرها وأعادة لونه الطبيعى, هى ليست إنجى ولن تكون بعد الآن.
جلست إنجى بجوار بيرى فى السيارة أمام بيت براء , كانت حزينة جدا وسألتها بيرى: مش هاتطلعى لها؟
خايفة من الحقيقة يابيرى.... خايفة تكون هى عملت كده فعلا,, دى صاحبتى اللى بأخرج معاها وأزورها وتزورنى , اللى ياما جبت لها شغل معايا ... معقول تؤذينى ...
هى الصراحة كان باين قوى إنها بتغير منك , يعنى من أختك .. .
فتحت إنجى باب السيارة ونزلت ببطء ووقفت بتردد وقبل أن تدخل للبيت رأت براء تخرج منه نادتها: براء....
وقفت براء ونظرت لها فاقتربت منها إنجى فقلت: إنجى !! إيه اللى جابك ؟
إنتى ... إنتى رحتى لوجدان المكتب ليه؟
أنا...
إرتبكت براء وأكد هذا أنها أخذت الفيديو , كانت نظرة إنجى مؤلمة وهى تقول: إنتى ! إنتى يابراء !
المفروض إنك صاحبتى , تعملى كده؟
أحنت براء رأسها وقالت: أنا مكانش قصدى إن ده يحصل ,أنا كنت عايزة يوسف يحس بى وإنت كنتى بينى وبينه, كان مهتم بيكى إنت وبس ومش شايف غيرك.
تقومى تعملى كده؟
مكنتش أعرف إنه هايثور بالشكل ده ويعمل اللى عمله....
أنا مش لاقية كلام أقوله, بجد مش لاقية كلام أقوله يابراء, صدمتى فيكى كبيرة قوى.
أمسكت براء يد إنجى وقالت برجاء: أرجوكى يا إنجى سامحينى , أنا آسفة ,آسفة ....حبى ليوسف غطى عنيه ومكنتش عارفة بأعمل إيه؟ إستسلمت لمشاعر الغيرة اللى إتحكمت فى ..
ياخسارة, كنت فاكرة إنى طلعت بيكى من المجال ده , صاحبة بجد ,طلعتى خاينة وغدارة,,,إنت كنتى فاكرة إنك لما تظهرى الفيديو يوسف هايرمى نفسه فى حضنك؟ هاييجى لك يعنى ؟
أنت تقرأ
قلب يليق بك
Romanceلايوجد فى حياتنا شئ يحدث صدفة, كل شئ يحدث لنا بسبب ربما لانفهم لماذا ولكن يقودنا هذا السبب لمعرفة حياتنا ولمقابلة سعادتنا وربما تتغير الأقدار لتصبح أجمل بالنسبة لنا ,صدفة قد تضع أمامك طريقا مختلف عن كل مارسمته فى حياتك ,طريق يقدم لك فرصة وإختيارات...
