ظلت إنجى تتألم وساعدتها شهد لتجلس ولكنها كانت تصرخ من ذراعها وقالت شهد: أنا هاطلب بيرى تيجى توديكى المستشفى و....
لأ .. بيرى لأ .. .
أمال هانعمل إيه؟
أطلبى تاكسى, إنت هاتيجى معايا ومش عايزة أى حد يعرف..
ليه طيب ؟..
آه أطلبى تاكسى بسرعة ...
طلبت شهد تاكسى وأرتدت إنجى نظارات تدارى وجهها وباروكة حتى لايتعرف عليها أحد وأخذتها شهد للمستشفى وبعد إجراء الأشعة حدث ماتوقعت إنجى كسر فى ذراعها الأيسر وسوف تحتاج للجبس , كان الموضوع مؤلم جدا وظلت تصرخ لوقت طويل وبعد الجبس سألت إنجى : دراعى هايفضل كده قد إيه ..أسبوعين؟؟
إسبوعين إيه يامدام؟ الكسر مضاعف يعنى هاتفضلى فى الجبس لمدة طويلة .
طويلة قد إيه؟
يعنى من شهرين لتلاتة ويمكن أكتر.
إيه؟ مستحيل طبعا انا ... عندى شغل..
بأقول لك كسر مضاعف .. مش هزار...
صمتت إنجى وهى تشعر بصدمة كبيرة ,, سيظل ذراعها فى الجبس لمدة 3 شهور,,
أعطاها الطبيب مسكن قوى وعادت للبيت , جلست فى الصالة بوجه شاحب وحزين وقالت شهد: هاجيب لك أكل علشان تآخدى الحبوب...
لم تتكلم إنجى وأغلقت عيونها, كسر ذراعها فى هذا الوقت غير جيد أبدا, لقد وقعت عقود لأفلام وكما قال الطبيب ربما يستمر ذراعها فى الجبس لمدة شهرين أو أكثر وبالتأكيد لن ينتظرها المنتجين كل هذه المدة, ماذا ستفعل إذا؟؟؟
جلس يوسف فى بيته وهو يلاعب هايدى إبنة أخته وهى تزقزق من السعادة وقالت روان: ياسلام على الدلع مش هاتسيبى لى شوية؟
إنت ياما إتدلعتى سيبى هايدى تآخد فرصتها بقى...
ماشى ياسيدى, أخبار الفيلم إيه؟
المنتج ماتصلش بى لسه وأدينى بأتدرب لوحدى على السيناريو لما نشوف الست إنجى هاتعمل إيه؟ يمكن مأبقاش أنا فى الفيلم.
يعنى إيه؟
يعنى بعد الموقف اللى حصل بينى وبينها هاترفض إنى أكمل الفيلم.
وهى كلمتها تمشى يعنى؟ فين المنتج والمخرج؟
محدش له كلمة غيرها ولو حبت تغير المخرج نفسه هايحصل..
يآآه ..
إقتربت والدته وقالت: إنت غلطان يايوسف,,
أنا برضه ياماما؟
أيوه ياحبيبى مكانش لازم تتعصب عليها بالشكل ده وإنت فى بيتها ؟
بأقولك سابتنا لوحدنا أكتر من نص ساعة.
أنت تقرأ
قلب يليق بك
Romanceلايوجد فى حياتنا شئ يحدث صدفة, كل شئ يحدث لنا بسبب ربما لانفهم لماذا ولكن يقودنا هذا السبب لمعرفة حياتنا ولمقابلة سعادتنا وربما تتغير الأقدار لتصبح أجمل بالنسبة لنا ,صدفة قد تضع أمامك طريقا مختلف عن كل مارسمته فى حياتك ,طريق يقدم لك فرصة وإختيارات...
