قضت أروى اليوم الثانى فى التدريب على الحوار مع أختها وقالت لها : إنت لازم تكونى معايا يا إنجى فى التصوير على الأقل لحد مآخد على الجو.
أكون معاكى إزاى؟
معرفش إتنكرى إعملى أى حاجة ...
وضعت إنجى يدها على رأسها تعبث بشعرها فضحكت أروى وقالت: لسه بتعملى الحركة دى لما تيجى تفكرى؟
آه معرفش افكر غير كده...
تحركت إنجى فى المكان وهى تفكر وقالت: شغلى عقلك ياإنجى .... فين التليفون ؟
هاتطلبى مين؟
هاطلب بيرى .
الوقت إتأخر.. زمانها نامت.
مش مهم تصحى ... ألو .. بيرى ...
إنت غاوية تصحينى؟
أيوه مزاج عندى .. إسمعى متدوريش على بنت تانية خلاص أنا لقيت واحدة ...
بجد ... أحسن رحمتينى ..
بصى الصبح كلمى طارق وقولى له إن انا وقعت وإتخبطت فى دماغى..
إيه وقعتى ؟؟ إتعورتى جامد .. حصل لك إيه؟
إبتسمت إنجى لقلق بيرى عليها ولكنها قالت بصوت عالى: إسمعينى وبس ....
طيب.. هاقول له وقعتى وبعدين..
وبس ,, قولى كده وبس..
يعنى هاتحضرى البروفات وإلا إيه؟
أيوه هاحضرها من بكرة فى الميعاد ... وإنت متجيش البيت إسبقينى على الشركة ...
حاضر... حاجة تانية.
لأ كملى نوم ياكسلانة...
جلست إنجى فنظرت لها أروى وسألت: ممكن أعرف إنتى عملتى إيه بالظبط؟
شوفى ياستى .... بيرى مش هاتيجى البيت تانى لأنها ممكن تكشفنا
كويس وبعدين؟
وبعدين إنت اللى هو أنا يعنى إنجى , إتزحلقتى فى الحمام وإتخبطتى فى دماغك..
والمقصود إيه؟
المقصود إن الخبطة أثرت على تركيزك وده علشان نبرر أى لخبطة ممكن تعمليها ...
فكرة عبقرية.
يبقى إنت وقعتى وإتخبطتى والدكتور لما جه قال لنا كده ..
ده إنت طلعتى ذكية بشكل ....
ولسه .. البنت اللى المفروض تساعد بيرى هاتكون أنا...
إزاى؟ هاتتنكرى زى ماقلت.
أيوه نضارة كعب كباية شعر أكرت وحواجب تخينة ولون عينى الأصلى الأزرق الفاتح ... وهالبس لبس اى كلام ... إيه رأيك بقى فى ذكاء اختك؟؟
أنت تقرأ
قلب يليق بك
Dragosteلايوجد فى حياتنا شئ يحدث صدفة, كل شئ يحدث لنا بسبب ربما لانفهم لماذا ولكن يقودنا هذا السبب لمعرفة حياتنا ولمقابلة سعادتنا وربما تتغير الأقدار لتصبح أجمل بالنسبة لنا ,صدفة قد تضع أمامك طريقا مختلف عن كل مارسمته فى حياتك ,طريق يقدم لك فرصة وإختيارات...
