جلست أروى مع أسرة يوسف ولعبت مع هايدى وحملت المولود الجديد وإستأذنتها روان فى إلتقاط الصور مع أروى وافقت ولم يخرج يوسف من حجرته وقالت والدته: روان روحى إندهى لأخوك هو حابس نفسه فى أوضته ليه؟
دخلت روان لحجرة يوسف ثم خرجت بعد دقيقة وقالت:بيقول عنده صداع...
خليه يآخد حباية وإعملى له كوباية شاى.
حزنت أروى لتصرف يوسف وقفت قائلة: أنا هاستأذن بقى عندى شغل بكرة.
طيب إستنى يوسف يوصلك.
مفيش داعى أنا هآخد تاكسى . تصبحو على خير.
خرجت أروى بسرعة من البيت وقالت روان: هم متخانقين وإلا إيه؟ فتحت باب حجرة أخيها وقالت :
يوسف إنجى مشت ...
إيه !!مشت لوحدها ليه؟
أكيد زعلت إنت جبتها ودخلت أوضتك وسبتها قاعدة معانا.
أخذ يوسف مفاتيح السيارة ونزل خلفها بسرعة ولكنها كانت ركبت تاكسى, ركب سيارته ولحق بها.
توقف التاكسى أمام بيت إنجى ونزلت منه أروى وتوقفت بسرعة سيارة يوسف ونزل منها وإقترب قائلا: إنجى إنت مشيتى ليه؟
أستنى ليه؟
أوصلك.
مش محتاجة إنك توصلنى شكرا .
إنت إتضايقتى منى ؟
تآخدنى بيتكم وتقفل على نفسك الأوضة وأحس إنك مش عايز تقعد معايا وتنجنبنى طول الزيارة يبقى لازم أتضايق, إنت الى صممت إنى آجى عندكم لكن حسستنى إنى فرضت نفسى و...
إزاى تقولى كده يا إنجى؟
عايزنى أقول إيه بعد تصرفك الغريب ده.
غصب عنى يا إنجى أنا كنت متضايق جدا ومنزعج ...
منى أنا ؟
منك ومش منك.
يعنى إيه؟ مش فاهمة ...
بصراحة إتضايقت لما معتز مسك دراعك ولما لمس وشك.
ده تمثيل.
عارف بس أنا متحملتشس إنى أشوف راجل تانى بيحط إيده عليكى وبيلمسك..
ظهر طيف إبتسامة على وجه أروى وهمست: إنت إتضايقت بجد؟
طبعا إتضايقت .... لأنى ...
صمت يوسف فاتسعت إبتسامة أروى وقالت: أنا عارفة ...
عارفة إيه؟
إنت ليه إتضايقت من الى عمله معتز .
تعلقت عيناه بوجهها وإبتسم وسألها: هو باين قوى كده؟
أنت تقرأ
قلب يليق بك
Romanceلايوجد فى حياتنا شئ يحدث صدفة, كل شئ يحدث لنا بسبب ربما لانفهم لماذا ولكن يقودنا هذا السبب لمعرفة حياتنا ولمقابلة سعادتنا وربما تتغير الأقدار لتصبح أجمل بالنسبة لنا ,صدفة قد تضع أمامك طريقا مختلف عن كل مارسمته فى حياتك ,طريق يقدم لك فرصة وإختيارات...
