🖌🎨An Aesthete🖌🎨ᶠᵃⁱʳʸᵗᵃˡᵉ ᶜᵒᵐᵖˡᵉᵗᵉᵈ ✔️

💸💰𝙼𝚘𝚛𝚎 𝙼𝚘𝚗𝚎𝚢💰💸

🎨🖌️An aesthete🖌️🎨

⚫Chapter x⚫

💸💰𝙼𝚘𝚛𝚎 𝙼𝚘𝚗𝚎𝚢💰💸

_______________________________________________
.

.

.

දේදුනු නිර්මාණයෙන් පසුව දවස් කිහිපයකින් ඒඩන්ගේ නිවසෙහි පිටුපස කොටසෙහි තීන්ත ආලේප කිරීමට ඇනා තීරනය කළාය.. ඇයටත‍් නිවාඩු දිනයක් වූ බැවින් සියලු දෙනා උදෑසන ආහාරයෙන් පසුව තීන්ත ආලේප කිරීම සදහා පහළ මාලයේ පිටිපස කාමරයට ගියහ.. අතු ගා මකුළු දැල් කඩා පිරිසුදු කර කාමරය සම්පූර්නයෙන්ම අස් කළේය... මේ අතර ඒඩන් සහ ලියෝ රණ්ඩු වෙමින් කාමරය පුරා ඒ මේ අත දිව ගිය අතර ඇනා ද ඔවුන් සමඟ එකට එකතු වි විනෝද වුවාය...

ලියෝගේ පැමිණිමත‍් සමග බොහෝ කාලයකින් පසුව ඒඩන් සහ ඇනා ගොඩක් සතුටින් සිටියෝය... ඔවුන් වෙනදාට වඩා රණ්ඩු වූ අතර ඊට සමාන්තරව ඔවුන් එකිනෙකා කෙරෙහි දැඩි ආදරෙන් බැඳි සිටියෝය....

තීන්ත ආලේපනය සදහා අඩු වූ නිල් පැහැ තීන්ත‍ මිලදී ගැනීමට ඒඩන් නිවසින් තනිවම පිටත් වූයේ ලියෝ ඇනා සමඟ නිවසේ පිටුපස ඇති කාමර කොටසෙහි තීන්ත ගාමින් සිටියදිය... ලියෝ සිටියේ කඹ මඟින් එල්ල සාදා ඇති ලෑලි කෑල්ල මත හිද ගෙන උඩ බිත්ති වල තීන්ත‍ ආලේප කරමින්ය.. පහල කොටසේ ඇනා රතු පැහැති තීන්ත ආලේප කරමින් සිටියාය... මදි වූ නිල් පැහැ තීන්ත බාල්දි මිලදී ගැනීමට ඒඩන් වෙළෙඳ පොළට ගියේය.... වෙළද පොළ කාර්යබහුල මිනිසුන් පිරි ස්ථානයකි... එදිනෙදා මිනිසුන් තම ජීවිතය ගැට ගසා ගැනීමට වෙහෙසෙන අයුරු ප්‍රධාන පොළට යාමෙන් තේරුම් ගත හැකිය...

ජීවිතය දුෂ්කරය... අද මිනිසුන් බොහොමයක් සිතන්නේ ජීවත් වන්නේ එක් පාරක් බවයි... ඇත්තම කිවහොත් අපි හැමදාම ජීවත් වෙනවා... මැරෙන්නේ එක පාරයි.. ඉතින් අපි අපගේ ජීවිතය අනාගතය වෙනුවෙන් ගොඩ නගා ගත යුතුය... සාර්ථක ලෙස ඉදිරියට යා යුතුය.. දුක් කරදර කම්කටොලු මැද ජීවිතය ජය ගත යුතුය... අභියෝග නැති ජීවිතයත් හරියට මඩේ හිටපු ඉන්න වගේ කිසිම තේරුමක් නෑ කිසිම අරමුණක් නෑ...

ඒඩන් නිල් පාට තීන්ත බාල්දි දෙකක්ම මිලදී ගත්තේය.. මුදල් ගෙවා අවසන් කොට නිවසට එන අඩි පාරේ යන විට තමා පසු පස කවුරුන් හෝ පැමිණෙන බවක් ඒඩන්ට දැනුණි.. පිටුපස හැරී නොබලාම වේගයෙන් අඩි තබමින් ඉදිරියට දුව ගිය ඒඩන් යමෙකුගේ සිරුරේ හැපි බිම ඇද වැටිණි... බිම වැටුණු ඒඩන් කලබලයෙන් තීන්ත බෝතල් එකතු කරමින් නැගිට යන්නට සුදානම් වන විට මුහුණු ආවරණ කරගත් සොරුන් දෙදෙනෙක් ඒඩන්ගේ හිසට පහර දි සිහිය නැති කොට ඒඩන්ව ඔසවාගෙන ගියේය....