ثم قست قلوبهم

part1

ثم قست قلوبهم
متابعة ممتعة+لاتنسون تعليق بين الفقرات
__________

في حدى مناطق بغداد
الساعة 1:30
راجعة من المدرسة بعد يوم مهلك افكر بالدرس وكلبي مشلوع من الجنطة وصلت البيت داجر بنفسي بالزور مع ما طبيت البيت رحت تغديت ودروح لغرفتي

حياة: سديم اغسلي مواعين الغدا اني طالعة للصالون

: ماما عندي درس وتعبانة ماغسلهن

: لا سديم راح تغسليهن وغصبن عنج

: ماغسلهن وشتريدين تسوين سوي واها

تنرفزت من كلامها ورايا دوام وامتحان غير هالشي تعبانة اغلب الشغل عليا رغم صغر عمري ومالحك لدروسي من الشغل وهيا تروح للصالون تشتغل

سويتها سالفة عناد بيها كتلها ما اغسل وهي ماقصرت سولفت جريدة الصباح كالعادة سوالفها ماتبطلهن ولا جن تحاجي بنت بهل عمر

حياة: هم مامنج فايدة وهم كاعدة تشمرين عليه وتحجين بنترة ما اغسل شنو ماتغسلين مفضلة عليه حللي خبزتج ما كاعدة بفندق انتي واذا ع امتحان ماتردين تطلعلي دكتورة ولا حاطة بجيبي ازقنبتي انتي واخوتج كومي اغسلي مواعينكم لو ترديني اني اخدمج ترا زين مني حاملتج كوه عليه

: والله العظيم من حجيكم راح احرك روحي موتوني كرهتوني بنفسي

لبالي هالكلمة تأثر بيها بس وين بعرض الحايط ابد متحس بيا

امي: طبج مرض ان حظر لايعد وان غاب لايفتقد خففي عنه حمل واذا متي شنو فد مندلة كلج ع بعضج بت زايدة علينه وتسوين فضل هم اذا متي

: هسه هذا حجيج كله ع مواعين اني حغسلهن بس خافي الله

كلتها وضربتني راشدي كالت
: منو الماتخاف الله ولج المثلي شامرتج بالشارع ومنومتج جوعانة طايحة الحظ تربيتج سز ما اخاف الله شمسويتلج

بقت تغلط عليا وتحجي منا لمن لبست وطلعت للصالون

اني اشك انو اني غالطين بيه مو بتهم لان تعاملهم يوحي الهل شي ولا كلامهم وياي بعكس اخوتي غسلتهن المواعين وبراسي الف استفاهم

اتذكرت مرة اني جنت ازغر ودوامنا مسائي جان مبدلة ودروح للمدرسة دالبس الشوز واحجي ويا ابوي

flashback
:بابا اليوم اجتماع اولياء الامور

قيصر: خل امج تروح انا عندي شغل

: ها ماما تجين؟

حياة: الله كريم ان شاءلله اجي

جنت اعرف دتسلك كالت هيج بس كدام ابوي لان هي بليل كتلها تعالي كايلتلي ما اجي فستغربت من كالت كدام ابوي هيج

كملت لبس ورحت للمدرسة اخذنا الدرس الاول مر طبيعي بالثاني ع النص كالوا اجتماع اولياء الامور ما كملنا الدرس