ثم قست قلوبهم

part5 s3

ثم قست قلوبهم
متابعة ممتعة+لاتنسون تعليق بين الفقرات
___________

تذم بيه واذمم بيك لا تكطع. وترد يم وادم اذمني وتگرهني واموت عليك هلبت تستحي من اخلاقي وتحبني
____________

: شنو هذ اُذين

: شنو

: شنو هذ الحجي اُذين شنو تريد تسوي بيه انت هيج تسوي

: انتِ تعرفين مو جديد عليج انا گتلج راح اسوي هيج المن مصدومة

: تريد تجنني اُذين واني عبالي نسيت وتغاضيت

: اتغاضى عن دم اخوي الراح قبل ليشوف ابنه وهو بعز شبابه؟ اتغاضى عن حرماني منه سنين انا اشوف ابنه بيد الوادم يتحسر على كلمة بابا واشوف مرته الراحت تزوجت غيره وخلت رجال غريب بدال اخوي؟

اتغاضى عن ثاره الحلفت ما اوصله الا وانا جايبه اله اخوي مات وهو جاي وياي لبغداد مو جان رايح يتونس وانجتل
مستحيل وهذ الرجال انا چتاله ثم لتخافين جاي تشوفين شلون سهلة

عشيرته متبرية منه وعلي كومة قضاية يعني اذا گتله بس بالقانون اتحاسب شي خفيف

رجعت اقرة بالمحادثة وايدي ترجف معلومات عن الشخص كاملة ومتفقين على كمين ويريدون شغلة محبوكة انوب

والولد يحجي ويقنع باُذين يگله شغلة سهلة وعشيرته تقبل تكتله لان هادرين دمه يعني توكل بالله وانطلق اكتله بس تنسجن كم يوم

وباقي الحجي كله ذاكرين سلاح واماكن مخططين عليها وهو واكف يمي

: برد گلبج عرفتي بشنو انا مشغول عنج

: ليش ما گتلي

: عليش اگلج وانتِ عدج دروس وتعبانة ماردت اقلقج واگلج لشنو جاي اخطط

: تحط رمز وتضم عني

: مضام عنج شي يخص خيانة لو مرة ثانية هذ امر يخصنه انا والمرحوم اخوي ماحبيت اشغل بالج بيهن حتى امي ماتعرف ماريدج تدخلين ولا تخافين

: بس اني ماجنت راح اعارضك اني اوكف وياك مو ضدك اني بعد اريد يرجع حق اخوك

: هسة برد گلبج

: اي

: يالله نرجع نتعاتب شلون اطلعين بلا علمي

: اي قهرتني شنو تگلي متزوج عليه وحدة ثانية تسودنت وهم حسيت بيك متغير عليه بعد ما تريد قربي گلت اكيد لكه العوض

وحجاية امك بقت ببالي الرجال اذا ينهمل ياخذله وحدة ثانية

: هاي الزلم الثانية مو انا لو مو تهمليني ماخذ عليج

انا بيا حال

: اي انت گلتها هيج بوجهي

: لان قهرتيني هو انا اتخبل من عمامج شنو تروحيلهم وبدون علمي تدرين بيهم لا يحبوني ولا احبهم