ثم قست قلوبهم
متابعة ممتعة+لاتنسون تعليق بين الفقرات
__________
بقينا ساكتين صافنين بوجهم شنو نبقى هي امي جانت ميتة ع الرجعة لبغداد وتعد الدقايق حتى ترجع على شغلها ولبسها والطبة والطلعة شنو يريد نبقى
امي: صدك؟
ابوي: اي والله خل نبقى هنا تعودت وشلون نترك بيتنا
: قيصر شنو نبقى انت گلت 4 اشهر بس العطلة ونرجع شنو نبقى ماابقى والله
: لا راح تبقين وماكو رجعة بغداد انسيها تريدين تروحين روحي انا وجهالي ما نرجع
: اهلي هناك
: اهلج نفسهم التركتي بتج يمهم اقل الساعة تتذكرين ابن اخوج الشفية شسوى مو؟ خلينا ساكتين حياة اني مااتوسل باحد ترجعين ارجعي اني وولدي مانرجع بعد وبكيفج
سكتت امي بس حسيت عيونها راح تطلعةانتهى النقاش بهل نقطة هاهيه راح نستقر بالناصرية يالله اشون وليش احنه گلنه بس العطلة
ليث واحمد واحد يصفن بالثاني مايكدرون يتحملون الحياة هنا بس سكتو لأن قرار ابوي حاسم هاهيه مامنه رجعة راح ابوي جاب ورقة قبول من المدارس ولازم يجيب استمارات مالنا من بغداد دننقل
رحنه مع ابوي جبنا استماراتنا من مدارسنه ببغداد دخلت للمدرسة واخذت وثيقتي دسجل متوسطة شفت المعلمات وتذكرت ايامي بهل مدرسة
تذكرت صديقاتي ضحكنا وبجينا ولمن غزل هنا اخذتني لبيتهم ونمت عدهم هنا سوينه سفرة اني والبنات هنا حجينا ويا بعض هنا درسنا هنا زعلنه
طلعت من المدرسة ودمعة بطارف عيني ماتوقعت ابد اتركهن واروح عبالي نكمل المتوسطة والاعدادية سويا عبالي نضل طول العمر وبالاخص انو ماودعتهن لمن رحت
اخر مرة شفتهن بالامتحان الاخير لمن توادعنا وضحكنه گلنه مع السلامة لبعض مو عبالي هذ اخر وداع بيناتنا عبالي نتقابل مرة ثانية مثل كل مرة نتوادع ونرجع نلتقي بس هاهيه
ورجعنه ع الناصرية سجلت كلش ضايجة ومقهورة اني عمري كله ضليت ببغداد هسة انقل للناصرية
يعني صديقاتي ماراح اشوفهن بعد منهم جيراني كبرنا سوا شنو يعني هاهيه اني راح اعيش حياتي كلها هنا وياهم حاولت اتقبل الامر هاهيه صار امر واقع مابيدي غير اني اتعايش هاي صارت حياتي
وصلنا العصر واني روحي طالعة من القهر ماحجيت ويا احد دخلت لغرفتي ونمت كبل ماريد احجي ويا احد ولاحد يحجي وياي روحي طلعت
احمد وليث ماحسن مني نفس الشي بس اني نهاريت ما تحملت الفكرة هما بينوا بمضهر الاقوياء
ايام وبدا الدوام رحت ويا ابوي سجلني بالمدرسة دخلت وياه ع الادارة ونقلني عليها اني بس كاعدة واسمع الهم ما مهتمة حيل طالعة الدنيا من عيني
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
