ثم قست قلوبهم
متابعة ممتعة+لاتنسون تعليق بين الفقرات
__________
وان كانت انفاسك سامة
ساتنفسها واموت مبتسماً
_______
صراخ وهوسة اصوات برا ركض وخبصة اباوع للباب دخان والنار مكلوبة الامة اني مااشم دخان اباوعله هو علي دخان وشايلني يريد يطلع ما اجه ببالي بس التلفون گمت اصرخ
: اُذين تلفوني تلفوني جوا
ماگال لا رجع بيه اخذت تلفوني حضنته واخذت القران بحضني وتركت كلشي وهو لافني بالجرجف ويركض بيه مخبوص الوادم تصرخ اجه واحد يحجي
: دكتور اُذين من باب الخلفي خل نطلع من باب الخلفي
اُذين: هو باب الخلفي محترك ويا المنضومة منكدر نطلع النار بي
ركض وصراخ وبجي واني مخبوصة مادري شنو اسوي وهو عيونه حيرانات كُل شويه يندار بجهة يركض ويرجع يركض بتجاه معاكس ولا يعرف وين يروح محتار
منا ماكو اوكسجين منا الدخان منا الهوسة حسيت روحي بدوامة جلبت بتيشرته اصرخ
: اُذين راح نمووووت
لمني عدل واباوع عيونه حيرانلت اختنكت ماگدرت اجر النفس اريد اوكسجين ماكو
اُذين: لا تشمين دخان سدييييم لاتمشين الدخان
: مداشم مداگدر اشم
گلتها ودخت احس قبضتي رخت
: اتحملي بين ما نطلع بس تحملي
اشوفه محتار بروحه شايلني ويركض يروح ويرد مايعرف وين يروح
: اُذين اختنكت
: ابقي واعية ابقي وياااااي
: ماگدر
: لاتفقدين الوعي سديم بس دقايق بس اخرجج منا ابقي واعية
اشرتله ماگدر عينه بعيني والنار محاوطة المكان رخيت عدلني بيده وراح يركض اخر شي حسيت علي لمن رخت ايدي من ركبته وهو يركض
فتحت عيوني لمن حسيت اكو نفس بصدري باوعت حوالية على سدية ومستشفى نضيفة ماكو شي اُذين واكف بصفي ومكتف ايدي عيونه مركزة بوجهي گبل فزيت لزمت ايديه احجي مخبوصة
: اُذين تدري شحلمت؟ حلمت المستشفى احتركت وانت شلتني وتركض بيه وتصرخ عليه تگلي ابقي وياي ابقي وياي بس اني ماتحملت واغمى عليه من الدخان وماكو اوكسجين
رجع لزم ايدي وحجى وهو مسوي نفس تعابير وجهي المصدومة
: هذ مو حلم هاي حقيقة
: لعد احنه وين؟ هذ مو مستشفى؟
: هذ مستشفى ثاني
: من شوكت نايمة اني؟
: ورا ما حتركت المستشفى احترت بيج كوة لحكت عليج وشديتلج اوكسجين والغراض هاي يالله كعدتي
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
