ثم قست قلوبهم
متابعة ممتعة+لاتنسون تعليق بين الفقرات
__________
هلي كـون العمر يرجـع ..
هلي كثرت مواجيعي ولا بيكم بشر يسمـع
___________
: شنو
: محتصدكين
: ولج احجي
: عشق اهلها انطوها لتيم
: هاااا
: وافقوا اهلها
: وافقو اهلها؟
: اي اي وافقوا انطوها راح يصيرون لبعض اخيراً تحقق حلمهم
: شلون اقتنعوا؟
: يمكن لان شافو بتهم وصلت للموت لخاطره كالوا خل ننطيها
: الحمدلله ربي جبر بخاطرهم
: اي الحمدلله يارب عاد لازم نروحلها نطمن عليها
: اي اكيد لازم خلي اليوم نروحلها ورا العشا
: لا مو ورا العشا ماكدر اطلع باليل خليها لباجر هم ناخذلها شي نتحمدلها ع السلامة بي
: اي تمام باجر بالنهار نروح
: على فراغنه اي ولج مجاي اصدك عشق وتيم راح يصيرون لبعض اخيراً يعني تعب سنين وتحققت امنيتهم
: اي هم دا اعرف شوكت الحفلات دا اشتري فستان ومكياج
سديته من يمها حيل فرحانه الحمدلله وحدة بينه الله حقق امنيتها وراح تاخذ لتحبه ويحبها بعد كُل ذاك التعب ماراح ع الخالي
تذكرت لمن تيم تخربط وخابرتني تبجي تريد تروحله واخذناها اني ولوز بالسر ع المستشفى شلون ثينهم يبجون ويا بعض واني واُذين من بعيد نباوعلهم
صفنت لعد واني شوكت اخذ الاحبه؟ الله مثل ماجمعهم راح يجمعنه ميخالف الله ميضيع تعب احد
لي الليل اُذين ماهو لا اتصل ولا دز رسالة بقيت ادزله اريد اگله اني رايحة لعشق دبلغه وماهو اتصل علي ادزله رسائل ماهو الا تخلص الدكه
خلص اليوم وهو مختفي شبي هذ متكبر عليه وشايف روحه فد نمونة عنه لا رد ذبيت الفون ورحت دنام
ثاني يوم كعدت خابرت غزل گتلها يالله دروح على عشق
: روحي كبلي انتي بيتج اكرب الها واني لاحكتج
: لا تتاخرين
: لاما اتاخر ماعندي شي
سديته ورحت بدلت ملابسي وطلعت رحت لعشق وحدي وصلت بيتهم تلكتني امها سلمت عليها ودخلت على عشق لغرفتها
لگيتها كاعدة طبيعية مابيها شي من شافتني ضحكت رحت ركض صرخنه ثنينه شمةةةة
حضنتها وابجي وهي بعد حضنتني ممصدكة هاي عشق رجعت من الموت بعد الحالة الشفتها بيها بالمستشفى گلت مستحيل اشوف عيونها فاتحتهن مرة ثانية صدك رجعت وعت ومابيها شي
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
