عذروني اذا تلكون اخطاء بالبارت بس اليوم مخبوصة شوية وجفوف العباس والاحداث اخذتها بسرعة 😂😂😂
ثم قست قلوبهم
متابعة ممتعة+لاتنسون تعليق بين الفقرات
__________
: غلطانة بالرقم سديم اتصلي على ابن عمج مو معروف بسلفكم البت لابن عمها
: لاتضل تكتم وتاكل بروحك تمام
لامخطوبة ولا شي جذب هيج سويتها
: جذابة
: ابقه ع الخط دقيقة
: شدتسوين؟
: دقيقة بس
رحت اتوضيت واجيته
: افتح كامرة
: سديم شبيج تخبلتي بهل ليل يابة؟
: دفتح بس
فتح كامرة وفتحت اني بعد ما شوفني وجهه جبت القران وحلفت علي
: وحق هذ كتاب الله لا مخطوبة ولا شي وهذا فلم مني
: تحجين كل عقلج
: نشرته اسوي مقلب بالبنات ومشى عليك انت ههه
: تشوفيني باجر وتكليلي هذا الحجي؟
: صار
: يلا باي
: وين رايح؟
: اطلع اتنفس مخنوك
: گتلك جذب
: خل تروح الضوجة مني روحي نامي انتي
سده ورحت نمت واني اضحك اول مرة متاكدة من مشاعري اول مرة احس روحي صدك حبيت شخص مو تفكير، مراهقة مو اريده يعوضني عن النقصان الاحس بي من عائلتي لا احبه وحيل احبه
كعدت الصبح بدلت ورحت ع اساس للصالون اتصلت عليه
: وينك؟
: واكف ع شارع تعاي
: تمام
رحت طلعت برا ادوره شفت سيارته رحت صعدت هم حاط كتاب الجريمة والعقاب ع الدشبول كباله
: صباح الخير
: هلا
: گتلي گليلي الحجي وجها لوجه
فهاي كدامك واذا تريد هم ارجع احلف واتأكد واسئل اخوي هم اني لامخطوبة ولا شي هذا فلم مني
: ليش سويتي هيج سالفة مقلب للبنات متمشي علي
: لان يأست منك گلت عفتني بعد ما تريدني
: ردتج تتأدبين
: وتعوفني كل هالوكت وتخليني ع نار؟
: مو ماتحبيني شكو ع نار بعد؟
: انت مو ردت تتأكد وتسمع الحجي وجهاً لوجه مني هاي اني كتلك الصدك
: مو هذا الحجي الردت اسمعه وجها لوجه
: لعد
باوعلي بمكر
: اول كلمة كلتيها بلاتصال البارحة
: اني العليه سويته وكتلك هذا الحجي حتى ماتقهر بنفسك بعد هاهيه
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
