ثم قست قلوبهم
متابعة ممتعة+لاتنسون تعليق بين الفقرات
___________
الليله من دون الليالي
الليله طاريك و لا فارگ خيالي .. !
____________
: ليش؟ ليش شبيها ليش يشيلون شعرها شعرها حلو
: حتى يشدولها كانونة براسها
حسيته شلع گلبي
: لليش هاي الكانونة؟
: تحتاجها
سالن دموعي كل هذ يصير ببتي وهي بعيدة عني شوكت احضنها شوكت ابوسها الى متى تبقى تتحمل هذ الالم
ثاني يوم صار وكت مراجعتي اخذني للدكتورة كوة اصعد بالسيارة ويسوق على مهله بالطسات اتاذى على مهلة يعبرها وصلنه الدكتورة شالت الخياط
طلعنه من يمها گتله وديني ع الاطفال اريد اشوفهم
: جاي تشوفين حركة صعبة عليج
: مع ذلك اريد اشوف جهالي
: سديم خدج طابق ثالث وانتِ بالارض كوة تمشين
: لوز اريد اشوف اطفالي وين اكو ام كل هالفترة اطفالها بالخدج ومشايفتهم
: انتِ لان حالتج وحالتهم وحدة اصعب من الثانية
: بتي دا يشدولها كانونات براسها واني مو يمها اريد اكون يمها لو من بعيد
: ليش انا عاجبني انج مو يمها اني بعد معاجبني بس هذ لازم لمصلحتها ومصلحتج
: اخذني اريد اشوفهم من بعيد
: يصير بيج الم
: معليك بالالم اليصير بيه خذني
حرك السيارة ورحنه ع المستشفى رحت على اطفالي سند وضعه طبيعي يتحرك ويبجي بي صوت بس سلر ياگلبي حتى حركة مابيها كسرت كلبي كلها كانونات واجهزة عليها
: لوز والله صغيرة
: كلش صغيرة
: مو مال كل هذ الالم
محجى يباوعلها مهضوم واني ابجي رحنه ع الدكتورة اريد اشوفهم متقبل ولا تقبل نطلعهم لازم تبقى بالحاضنة بس سند نگدر ناخذه
وقعنه على استلامه وانطتنه تعليمات نسويهن ع الجو الي لازم يكون بي درجة حرارة الغرفة وممنوع الهزاز ويحتاج رضاعة طبيعية
حسيت گلبي تكطع شلون اترك بتي هنا وحدها نباوع بوجه بعض ثنينه مهضومين على حالتها حتى فرحتنه بسند مو كاملة
دكتورة: الطفلة متگدر تبقى هنا مو متوفرة الرعاية اللازمة لحالتها هنا
: شنو الحل لعد؟
: بتكم اذا بقت هنا متعيش لازم تتحول على مستشفى باربيل هناك اكو اجهزة احدث ودكاترة اخصائين هنا ممتوفرة هاي القدرة
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
