ثم قست قلوبهم
متابعة ممتعة+لاتنسون تعليق بين الفقرات
__________
من وصلتك
عيني طلعت تمشي بيك
ظلمة روحك كلشي طافي
غابة عينك بيها شوك
وانه باقي برمش حافي
_____________
تقربت يمها مو مستوعب اتراجف اباوعلها باقية بس النفس وبقناع بعد ادير بنظري على اجزائها هاي هي صدك هذ وضعها فعلا؟
دنكت يمها احاجيها مو متقبل وضعها
: ماشا؟ سُكر حبيبي كعدي شبيج
شديوجعج بابا گلبي انتي شوصلج لهنا
ماتستجيب لصوتي ردتها بس تسمع لو ترد رغم اعرف هي مستحيل اصلاً تحس بوجودي يمها لزمت ايدها بيها كانونة ضاعت بيدي بكد اصابعي ترافه البيها تجرح شلون يخلولها كانونة هاي الايدين مو مال تنبز ببرة
: سُكر انتي تخافين من الابر شلون تحملتيها شلون بقيتي ساكتة لمن حطولج الكانونة لعد بس انا تشلعين گلبي وتگليلي خل بس احاجيك
لان تدرين كلبي رچيج يمج تمرمرينه؟
رفعت ايدها بستها متلوع عليها رجف گلبي ماتحملت اكثر بجيت بقيت لازمها حطيتها على كصتي احاجيها
: سُكر خسرت اخوي ماريد اخسرج انا ماعدي احد غيرج بالدنيا هاي كعدي لا تعوفيني وحدي
ادري بيج وصلتي روحج لهنا لان دريتي بيا راح اتزوج هاي الغثتج خلتج تنتحرين والله اطلكها ماخليها على ذمتي ماريدها اريد بس انتي احبج بس انتي بنيتي ياروحي انتي الاموت عليج والله بس انتي احبج حبابة فتحيهن بداعة لوز فتحي عيونج
اتوسل بيها اريدها تستجيب الي بس ماكو بغير عالم لعد وين هوستج شو بس صوت جهاز النبض
اباوع نفسها بطيئ بقيت يمها شويه احاول اجمع قوتي واتقبل وضعها مسحت دموعي ماريد ابين باجي وتركت ايدها طلعت ما لگيت ابوها برا
خليت وطلعت خارج المستشفى اريد اجر نفس احس روحي بقت بالسدية التلفون بعده يدك بس صامت باوعت كومة مكالمات فائنة من اهلي بعد ماساد التلفون اتصل ابوي فتحته صرخ
: اُذين انت وين گتلي ساعة واجي ساعة صارت بالوحدة وانت مااجيت الوادم كلها راحت وحضرتك مااجيت
: مراح اجي الليلة
: شنو؟
: مجاي
: شنو ماجاي الليلة عرسك باجر جاين اهلها شنگلهم الوادم شراح تحجي بليلة عرسه خله ومشى راح ينحجي عليك وعليها راح يگولون ششاف ببت عمه ومادخل عليها ماشافها
: اي ماريد اشوفها
: هسة تجي
: لا هسة ماجي
: الليلة عرسك
: خل هذ الحجي يفيدكم ماجاي انا
: انا گلت هسه تجي يعني هسه لاتكسر حجايتي
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
