ثم قست قلوبهم

part 14 والاخير s3

ثم قست قلوبهم
متابعة ممتعة+لاتنسون تعليق بين الفقرات
___________

وانا تمنيت دفنك كون دفن سلاح
اليحتاجك يرد لكبرك يطلعك
__________

عدلت كعدتي باوعتله مصدومة احس غصة كسرت ضلاعي
: يعني انتَ بعد دا تشك مثلي

: انا مو شاكك انا متاكد

: شلون

: السبلت انا مشغلته هواي توني شغلته ومو من عقلي دخلت بت الكلب وگالت الغرفة حارة موت وجهالك وجوهم حمرة راح يموتون شغل السبلت گمت شغلته وحطيته على درجة ناصية بس ردت درجة الحرارة تبرد واطفي
وصاحني عامر و...

: لحضة لحضة منو بت الكلب؟

: هسة اگلج تضوجين

: لا گلي اريد اعرف

: بت عمي

: وانت سمعت حجيها

: انا مطنشها والله مسمعت حجيها بس بقت ببالي حجايتها لمن تگلي وجوهم حمر راح يموتون اجت ببالي سلر متعودة ع الهوا البارد تختنك تريد هوا ممتعودة ع الحر گلت خلي اشغل السبلت

:جواهر گالتلك؟

: اي

: وانتَ من شغلته مشميت ريحة غاز؟

: لا لان عامر صاحني برا

: عامر

: اي انا من شغلته صاحني

: گالو صاحبك

: لا عامر حجة على مود وهج گال يريد يخطبها ورفضت

: بس هو طالبها منك قبل ورفضت على شنو يعيده

: كالي عيد الله وتصالحنه نبقى اهل ويسربت وراد يتقدملها گتله صاحبتكم بس مو يعني راح انطيك اختي لان تريد تدرس وماانطيها الك اصلاً انطيها لشخص مناسب بس لاقارب مانطي
بقى ياخذ وينطي ويفتح مواضيع عشوائية

: اُذين متحس مواضيع الفتحها تافهة وبس يريد يفتح مواضيع؟

: امبلا اصلاً دنيا شمس ضهرية وهو يسولف على سوالف تافهة اگله ادخل مقبل لمن رجعت للغرفة لگيتهم مختنكين والباب مسدود

: انتَ سديت الباب عليهم

: لا

صفنت اجتني لحضة ادراك وهو عدل كعدته يباوعلي غصيت

: قتلو جهالنه اُذين

حضنه بعض ثنينه نغص ونبجي
: شلون گدرو شلون سووها شلون نطاهم گلبهم بيهم يأذون اطفالي شنو ذنبهم بشنو اذوهم

: سديم شوفيني مو بس جواهر وعامر السبب بالصار

: لعد؟

: تزعلين اذا اگلج منو

: لا گول

: ماگدر خليني امخمخها بافكاري

: اُذين گولي ماگدر ابقى هيج لايجة روحي