ثم قست قلوبهم

part3

ثم قست قلوبهم
متابعة ممتعة+لاتنسون تعليق بين الفقرات
__________

اسمع ومصدومة شلون تدفع بعمي علينا وهو ما يصدك يجي ركض يحجي اني عبالي هاي افكاره طلعت هيَ ورا كل السوالف

ماسمعته ردلها لان جان يقتنع بكلامها وهيا تحجي نوب تدخل بامي طلعت ماتحجي كدامنا بس كدامه وهو طلع يحجي ويا ابوي

بس ابوي ما يسمعله امي ماتنطي مجال من هالناحية جنت افرح لأن امي قوية

شافت مرة عمي انو الحجي كبال عمي لوحدة مامنه نتيجة صارت تتفق مع سلفاتها بينهن على امي والحجي يصير بالجمع على لبسها وحجيها وحتى عليا

بس امي ما تنطيهن مجال يحجن على ادنه كلمه تكول اني زوجي قابل ومحد اله علاقة بينا على طول تتمشكل وياهن على سيرة لبسها او تصرفاتها مو مثلهن

هنا ما يقبلن تكون مختلفة عنهن لأن عمامي شديدين يردنها مثلهن بس هي ما تقبل يدخلن بلبسها او لبسي وسالفة نهوة ابن العم

تگلهم لاحد يدخل بينا موسى بدينه وعيسى بدينه معليكم بيا او بجهالي

واضح عليهن غيرانات منها شافن انو سالفة لبسها ولبسي ما بعد تفيد صارن يتحججن ع الشغل وهي حيل مهتمة بروحها بلبسها والمكياج مالها بعكسهن مادري ليش ما يهتمن بروحهن او اصلاً ماعدهن وقت لهل شي

لأن وقتهن كله مخلصينا بالجهال والترتيب والتنضيف كل وحدة لازمة شغلة وتشتغلها امي موهيج ما تقبل تساعدهن بشغلهن تخاف على اظافرها ولا تقبل اگوم اني

يتعاركن وياها يگلولها انت جنة حالج من حالنا اشتغلي ويانا غسلي الماعين او عزلي البيت ايدج على ايدنا

ماتقبل جملتها الدائما تگولها
: اني ماشتغل انتو اشتغلن واني حامل ما اكدر على شغلكم

يسمعوها ويحتركن يريدن امي تمد ايدها وياهن وهيا بايعة ومخلصة

الاسواق بعيدة عنا من امي تحتاج شي ما تستئذن من احد تلبس الصاية مالتها وتروح تجيبة بس اهناك متشددين ميقبلون مرة تطلع بيت عمامي حيل صارمين بهل موضوع

ابوي صار بين نارين امي من جهة واهله من جهة لاهما التاركيها ولا هيا التمشي على معتقداتهم

ابوي: من نكعد بيت وحدنا البسي بكيفج واطلعي بكيفج بس هسة استري علينا

امي: مو مجبورة اتقيد لخاطر احد قيصر تدري بيا كلش زين فلا تگلي سوي ولا تسوين

: بس هالفترة لمي السالفة

: مثل مااني ابقى ماتغير ولا تكدرون تغيرون شي بيا اني حرة

: انطي مجال بس هالكم يوووووم

: ابد ولا ثانية گلتها قبل وارجع اكولها موسى بدينه وعيسى بدينه محد اله شي يمي بيا لا تدخلون