ثم قست قلوبهم
متابعة ممتعة+لاتنسون تعليق بين الفقرات
__________
تصرخ عليه محروك گلبها اني بجيت شلته مصلايتي وطلعت رحت الغرفة عمي صليت صلاة الوحشة وقريتلها قران واني ابجي
تعبت ذبيت القران ورحت نمت كعدت الصبح من الضوة البلغرفه والهوسة الي بلبيت وملاية تقرا بالسماعة وتلطم وصوتها عالي بجي وصياح ولطم
كعدت غسلت وجهي ورحت يمهن وبنات ابوي يخزرن بيه يردني اسوي مثلهن ماعرف مارايحة لعزا قبل زحت الفواتح الاروحلهن ما يصير بيهم هيج يريدن ابقى اهوس والطم اني البداخلي ماطلعه وكلش استحي
ابجي ومقهورة بس همه عدهم الماتلطم يعني ما متأثرة بس ماعندي جرأء اسوي مثلهم واني ماداخلة فواتح هواي حتى اعرف اتصرف
يريدن اشك هدومي واكعد اصيح اني شايفتها بس مرتين صح محروك گلبي عليها واختي ويجيبني الدم بس ماكدر اسوي اليسونه ماعرف
عدهن الماتلطم ما مقهورة ما متاثرة وحتى الجيران تباوعلي وتشاور البصفها اسمعها تهمسلها
: هاي بت الماخذها مرته الثانية جابها من بغداد ع هاي المكرودة
احس نفسي غلط وجودي بينهم خليت وطلعت رحت للمطبخ لكيت مرة عمي تغسل ماشفت جدور او طبخ استغربت گتلها
: ماتطبخون شنو
: الزلم تطبخ برا مو هنا
: تمام
صار وقت الغدة ولا واحد جاب صينيه للنسوان گالت مرة عمي
: خابري اخوج شوفيهم وين صارو
: تمام
رحت جبت تلفوني وخابرته گتله
: وينكم ليش النسوان محد جابلهن غدة گلها كاعده وهاي وكفتهن من الصبح؟
: صبينه متأخرين وجاي نشيل للمضيف هسه نوديلكم صواني جابولكم خبز شي؟
: كلشي ماكو الخضرة نضفنها النسوان وخذتوها هم
: ولد عمي جاي يصبون للمضيف هسه خل يكملون
: عوفك منهم انت واحمد وشوف اي واحد فارغ نكلوا النه لان تأخرنه ع نسوان عيب
: اكبر طموح البهايم علفها
: استعجل
: خوش هسة ثواني
گالها وسد الفون اني واكفة بالمطبخ يم مرت عمي ونسوان عمامي البقيه هم اجن ونفتح الباب المطبخ يصير برا گالت مرت عمي
: روحي ناوشينه الصواني من اخوج
رحت اركض اخذت منهم وانطيتهن وهنه يودن للديوانية للنسوان راح ليث يجيب بعد وندك الباب فتحته عبالي احمد صار بوجهي اُذين عاض دشداشته وشايل بيدة صواني ثنين
عافهن بالكاع وطلع بدون ميباوعلي مسوي روحه مايعرفني اني بقيت اباوعله
مرة عمي: هذا ياهو الفات ولج سديم تعرفي؟
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
