ثم قست قلوبهم

part10 s3

ثم قست قلوبهم
متابعة ممتعة+لاتنسون تعليق بين الفقرات
___________

كلبتهم يسرئ يمنئ
مشككين
شما اخيط بيهم يطب
الهوئ
___________

: شنو

: گتلج اعرفه هذ منو هذ كواد ساقط

: هسة يجوز يحبها

: ميحبها ميحبها انا اعرفه ياقط ادري بي شنو يريد من اختي وحتى اذا يحبها ما اقبل انا ترتبط بي اي اختي

: يعني ثنينه بنات بس لان هي عرضك تضوج لان اني بت عالم غرب

: انتِ مو بت عالم غرب انتِ بتي

سكتت شوية خجلانة بعدين كمت احجي
: اي ليش ضجت عليها وعليه لا

: هاي تختلف عن هاي

: ليش

: انا نهاية علاقة السويتها وياج شنو

: زواج وهسة اني حامل وحياتنه سعيدة اوك حياتنه سعيدة وماسوينه شي حرام لان نيتنه صافية بس شدراك مو هو نفس الشي

: هنا انتِ تعرفين شي انا اعرف شي ثاني

: ليش

: هذ انتِ ماتعرفينه انا اعرفه هذ واحد ناقص كواد
يريد يدك الناقصة بيه انا اعرفه ليش سوا هيج يريد يحرك كلبي يريد السويته ويا اخته يرجعه باختي

: يعني اذا جان غير واحد جان قبلت

: اوافق بشرط حجي الجان مگيول بالمحادثة مينحجي ولا كل هالكامرات مفتوحة بيناتهم

: جنت افتحلك كامرة

: لاتصيرين غبية يايوم انا گتلج افتحي
جنت مااقبل وانتِ تفتحين ولمن جنتي تفتحين مشفت شعرج
مگتلج نزلي التيشرت وراويني صدرج مگتلج طلعيلي كتفج مشفت منج شي

: اني اصلاً جنت مو مججبة وجنت تشوفني بلا حجاب لو مطلعة كذلتي

: خلاص جنتي سافرة والعالم كلها شايفة شعرج مو گدامي بس لبستي حجاب يعني حالي حال العالم انا اختي محجبة گبال العالم كلها محجبة لو سافرة اقبل بس هي خصوصي اله نزعت الحجاب

بس اله طلعت شعرها على طبيعتها شعرفني مشوفته شي ثاني من يا وكت وحدة بيهن اطلع شعرهن خواتي محجبات مني يستحن بيا وكت وحدة منهن تفتح كامرة ويا واحد مو محرم عليها ويشوفها هذ الاختلاف بيناتجن

جاي تفهميني انتِ مو جان جديد عليج انج تكونين سافرة انا لمن شفتج بلا حجاب گتلج البسي لو سدي الكامرة جنت انصح جنت ابني بيج جنت اريد اوصلج لمرحلة احسن من الانتِ بيها مو انزلج للاسفل

انا اختي محجبة فتحت كامرة بدون حجاب اختي فتحت كامرة وهي لابسة نص ردن

اختي سوت هذ كله وهي محجبة انتِ مشفتي الشفته انا مقريتي محادثات القريتها انا انا ماگدر اكسر بيها واگلج ششفت انا مااتذكر فرد مرة ردتج تفتحين كامرة