ثم قست قلوبهم
متابعة ممتعة+لاتنسون تعليق بين الفقرات
____________
الدنّيهہٰ ضاكت والنّفٰـس
باقـيٌ ع كُد الححـسرهہٰ
فرحان داويت الغصن
تالي المرض بالشجره،
_________
گالها وسكت ما كمل
: شنو يعني مو مرتك من مامعترف بيه طلكني هي كلمة وكولها وصلت لراس لسانك
: لاا مااگولها وانتي مو مرتي هسة لمن تجين لبيتي ذاك الوكت تصيرين مرتي مو قبل شويه گلتي هيج
: اي براحتك ولتجاوب
گلتها وسديته بوجهه اغلي روحي تريد تطلع من گلبي فوك خيانته وصلافته انوب يعرف يستفزني الخاين
اسب بي بگلبي مفرفحة اجتني لحضة ادراك
: شنو قصده اني اخون بي؟ فوك المسوي بيه وطالع وياها يونسها نوب يرمي بلاه عليه الخاين الحقير
بقيت اتحركن وارجف من العصبية گمت بسرعة فتحت كنتوري لبست البشت ورحت سحلت من جوا الجرباية فستان الاشتريته ورا عقد المحكمة عود لحفلة العقد
اخذته تلمست جنطته تذكرت فرحتي بي واشلون رحنا اشترينه سوية وهو مكيف بيها جان احس روحي شايطة شلته بس اغلي اغلي
لبست شالي من جذب وشلتها على كتفي وهي تسحل وراي طلعت برا اريد اروح اشمره بوجهه ماريد منه شي بعد
هي البدلة ثگيلة منا واني روحي رايحة منا بس ممهتمة المهم اذبها بوجه حتى اذا مو بالبيت انتضره ومن يجي اذبها علي لان هاي البدلة هو يحبها
اني امشي وصار گبالي ولد صغير اشرتله
: ياولد تعال شيلها وياي
اجا الولد شالها وياي ساعدني
: وين تريدين نوديها؟
: لذاك البيت
سحلها وياي ورحنا وكفنه گبال البيت گتله يالله روح ودكيت الباب بقيت انتظر لمن فتحته وهج باوعتلي مستغربة
: سديم؟ خير شكو شنو هاي؟
: اخوج وين؟
: طالع
: لا مو طالع وينه؟
: والله طالع ممجذبة عليج
: اهلج وين؟
: هو اخوي اخذ امي لبيت وهم
: ومنو اكو جوا؟
: شبيج تحقيق؟
: منو جوا وهج؟
: مرة اخوي الاكبر جاي تنيم ابنها ابوي واخواني بشغلهم واُذين اخذ امي لبيت وهم اي اسئلة ثانية؟
: تمام وشنو ماكو تفضلي ابقى برا؟
: لا شنو هالحجي انتي جنتنه بعد البيت بيتج
: ساعة السودة الصرت جنتكم
دخلت البيت واني اسحلها هي تباوعلي باستغراب مفاهمة
: شنو جايبة هاي البدلة وياج؟
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
