ثم قست قلوبهم
متابعة ممتعة+لاتنسون تعليق بين الفقرات
__________
يـسـويهـة البخت
ونتحاضن اني وياك
لخلي ضلوع صدرك
تصرخ التوبه
__________
كمت بسرعة مفزوعة وهو بعد فز كُل واحد صار بمكان وعمتي واكفة باب الغرفة تباوعلنه گالت
: هاي انتم هنا وامج ادور عليج؟ تعالي ام احمد
اجت امي طبت شافتنا حجت
: يااا يمكم هي شوفي خوفتني عليها بس
متيهة ميتيهون وحدهم
يحجن ويضحكن واني ميتة بدمي حرف ماطلع مني امي هزت ايدها وطلعت اني دا اكوم بسرعة عمتي اشرتلي
عمتي: ضلو يمة ضلو مثل مانتم انا رايحة
: لا خالة ابقي اني دا اروح...
مكملتها وعمتي اصلاً طالعة وسادة الباب باوعتله بخزرة
: جذبت عليه گتلي يجن العصر وهنَ ماكو ساعة ويمنه
: هسه هنَ درن لو راح يدرن؟
: درن
: چا بعد عليمن كايمة عوفيهن
: لا درن عيب لازم اكوم هاهيه وخر
: غلسي وابقي يمي
: شو وخر
دفعته دا اكوم اطلع وراهن لف ايده على خصري سحبني وهو متمدد
: والعباس متكومين اذا تكومين اشكج
سحبني مددني يمه حاضني واني بقيت هادئة هو مغمض رفع راسه باوعلي ابتسم
: تتذكرين قبل منخطب؟ لمن جنا نسهر للصبح نتراسل ونخابر
وبعدين اطورنا صرنا نفتح كامرة لو لمن اطنكرين تحظريني لو تنطيني بس لايك ع الرسالة
مصدكة ان بعد ذاك التعب كله صرنا لبعض
يعني ماكو بعد سهر بالمواقع راح نسهر سويا بالواقع
منا وجاي بعد ماكو خوف ابقى احجي وياج گبال الكل
تتذكرين مجازفاتنه سُكر لمن جنتي تبجين تگليلي اهلي مينطون وانا اگلج الا ننجمع جم مرة خطبتج ونرفضت مع ذلك مستسلمنه
شكد خاطرنا وضحينا لخاطر بعض لمن وصلنا للنقطة الاحنا بيها هسة
: الحمدلله صارت ذكريات نذكرهن ونضحك
: فوك ذاك التعب الانشك حلكي بي انتي هسه جاي تعذبين بيه اكثر ومترضين تبقين يمي
: ديالله وخر دكوم
: نجبي صارلي ساعة اسولف وانتي ساكتة شنو هسة ذكرتج تگليلي خلي اكوم ابقي يمي
ماكلت لا بقيت متمددة يمه وهو حاضني راسي يم صدره اسمع دكات گلبه امشي اصابيعي على صدره
لزم خدي بكُل ايده رفعت عيوني اله عينه متمركزة بعيني تكرب مني يحرك انفه على ركبتي ويشمني
: لخاطر هالنفس هان تعبي
اريد اسكر بعطر نحرج
اقشعر بدني من لمساته غلغلت اصابعي بشعره وهو يستنشق ركبتي صار يبوسها دكات كلبي مسموعة من التوتر بعد عني صرنه عين بعين
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
