ثم قست قلوبهم
متابعة ممتعة+لاتنسون تعليق بين الفقرات
__________
كعدنه بالادارة محجوزين واني فوك مرضي خايفة وارجف هسة يجي ابوي ويعاقبني احس گلبي يريد يطلع من مكانه من الخوف
هو مطنكر وضايج مبين ماله خلك باوعلي همس
: شنو الحل هسه؟
: مادري
: والعباس لو تنحل بخطوبة چا اجيت بس ادري مراح تنحل هيج
نص ساعة واجه ابوي دخل للادارة شافنه كاعدين سوا صفن بوجهنا بقى يرمش بعدين هز راسه وحجى ماراضيله
ابوي: منورين
المعاونة: هاي السالفة مثل محجيناها الك
ابوي: هالمرة شگايللكم؟
: يگول انا ابوها
باوعلي ماراضيله
: چا انا شني كو*د
اُذين: عمي انا شفتها مريضة گلت اطلعها لان تعبانة
: وانت شني حضرتك كافل ايتام؟ كومي كومي وياي امشي يالله
عرفت المقاومة ماراح تفيد شنو من دحجي ماراح يفيد لا اقدم ولا ااخر خل اسلمها تسليم اهالي
طلعنه برا والمعاونه جابت جنطتي اخذتها ودنطلع واُذين وكف ويا ابوي يفهمه وابوي قافل
: والحسين ما اجيت داخذها ولا ابد خاف عبالك مثل ذيج المرة وحت ذيج المرة مااجيت داخذها انا بس شفتها مريضة گلت ارجعها انا لان انت تتاخر لي ما تجي انا اخذت اجازة لاختي واخذتلها
: هذ الحجي خل يفيدك انت انا مايمشي وياي انا وانت الا تصير عشاير يالله اخلص منك راح اسويها كووم وياك هاي ثاني مرة تسويها بيه
: والله ممتعدي وياها بشي خطبتها منك تريد ارجع اخطبها مرة ثانية ارجع بس انطيها وافق عليه
: لا لو تموت وبعد هاي السالفة اكطع الامل فد نوب وانتي روحي صعدي السيارة يالله
تركتهم ورحت صعدت السيارة وهمَ يتلاغون ما اسمعهم دقايق واجه ابوي صعد بالسيارة واستلمني
: ثولة انتي ما تفتهمين ما توبين ابد ولج ليش مو گتلج اي شي تسوي مايعجب اطيح حظج
انا داشتغل شغلتين داعيشكم مدخلكم المدارس اهلية وموصلكم للكليات عليمن كل هذ مابيكم واحد بي حض
خلفتي زبالة انتو زبالة مو ميزتج عن خواتج خليتج تكملين تالي تخونيني تلعبين من ورا ضهري وتصاحبين مابيكم خير والله مابيكم خير
وصلنه البيت وهو يرزل بيه فوتني البيت ادمغ مو مثل اول مرة بس ابجي واشهك الرجفة مسيطرة عليه احس روحي دتنسحب ضربني راشدي
صارت دكات گلبي واضحة مو منتضمة وبالزور اتنفس تركني ماضربني بعدها بقى بس يباوعلي بغل لمن هديت شوية مسح وجهه بنفاذ صبر
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
