ملحوظة
بنات القصة انشرت حتى
•تتسلون بيها
•تتعلمون منها اشياء جديدة
•تستفادون منها سواء بمعلومة دينية او دنيوية ماشي
قصتنا ضد الطائفية ما نكول بيها انتِ سنية وانتِ شيعية وهاي تغلط على هاي وهاي تسب هاي
هذ الاسلوب مع احترامي مو اسلوب مسلمات مايصير كل يوم افوت احذف تعاليق المسبات والعركات بالتعليقات كلنا مسلمات كلنا نتبع دين محمد وال محمد
لي وين نصل بعد الطائفية انتهت من زمان لا فرق بين عربي واعجمي الا بالتقوى واحنا ما بيناتنا فرق انشاءلله كلنه هين خوات كلنا عراقيات مسلمات عائلة وحدة هدفنا نتسلى نتعلم نستفاد نعتبر مو نتعارك
والي راح تبقى بالتعليقات تتعارك وتسب وتحجي سواء كانت سنية او شيعية راح تنحظر بدون زعل تمام هيجي
اسفة ع الاطالة وهسة استمتعو بالبارت
ثم قست قلوبهم
متابعة ممتعة+لاتنسون تعليق بين الفقرات
___________
لاچَن گعدنه سـَوة
ولاچن حَچينه ويـَاك
عَليتني للـسمهَ
وهَديتني مـَن هِناك
_______________
كل جسمي حسيته نمل ماستوعبت هزيت راسي اردفت
: شنو
: ماتت غزل ماتت البارحة
ماطلعت من العمليات ماتت
عيوني من الصدمة ماكدرت ارمش بيهم شنو ماتت البارحة گالت ادعولي والعملية سهلة واني اقوي بيها اگلها ماكو شي
انهاريت صرت الطم وكعت بالكاع اشهك حيل وابجي ملخت روحي اتخايلها گبالي ابجي واصرخ راحت وعافتنه ماتت
اجه شافني الطم دنك يمي يهديني واني فاقدة اصرخ والطم
: صلي ع النبي حبيبي هاي قسمتها بعد
: انتَ تعرف؟؟؟
: ماردت اگلج تتخربطين بالطريق لو يصيرلج شي
: ليش ما گتلي ليش ماگتلي غزل ماتت
: خفت عليج والله جسمج تعبان وماريدج تنهارين هجي
: هسة توديني هسة
: بعدج تعبانة
: گوم وديني كووووم كوم اخذني الها اُذين الله عليك بلكت مو ميتة بلكت اگدر اكعدها اقنعها ترجع
: الي جاي تگولي حرام حبيبتي هي بدار حقها راحت لارحم الراحمين ارتاحت من عذابها
: اُذين البارحة والله البارحة جانت تحجي وياي تگلي دعولي عندي عملية انتَ انتَ انتَ اجيت وگتلي گتلي عملية سهلة مو تتذكر انتَ گتلي سهلة
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
