ثم قست قلوبهم
متابعة ممتعة+لاتنسون تعليق بين الفقرات
__________
ادمرت
وانتهيت بعد الصار احس الدنيا كلها ضدي
ملجئي الوحيد صار الحبوب اهرب من الدنيا بيهن يسكنن جسمي وتفكيري بدونهن احس عقلي ياكل بروحه
ابتعدت عن كلشي حت الصالون والمدرسة اهملتها واهملت دروسي صرت ماداوم
ولمن اداوم انصدم انو جان عدنا امتحان وامتحن ماجاوب الا ارسب بكلهن واذا دنجح درجاتي ع الحافية مدمرة فد نوب
بس اروح للصالون واشتغل ما جانت امي تهتم لغياباتي ولا ابوي عادي عدهم الصار ولا درجاتي ورسوبي اصلا ميتبعون وراي مايگولون داومتي نجحتي رسبتي
علاقتي باُذين احسها باردة مو مثل قبل احسه ابتعد عني يختصر بالكلام ويروح كل ماگله ماكو امل يگلي سهلة محلولة لا يضل بالج يمي
حجيه مايقنعني بس ماجادله لان اعرف نهايتها واصلاً ماليا واهس حت اجادله من اسئله على اهله مينطي جواب يبرد الگلب
البنات يراسلني اقرة من الاشعارات ومارد زميلاتي بالصف يگولن بالنا يمج وينج داومي
قررت ارجع للدوام بعد مابيها مجال لا ارسب ومن رحت شفت زهراء شافتني وانصدمت بوجهي رحت عليها سلمت وكعدت وهي بعدها ملامح الذهول بوجها
زهراء: سديم شبيج؟
: تعبانة نفسيتي شويا هالفترة
اني واُذين ماعرف شنو نهاية علاقتنه واحنه اهلنه هيج رافضين
: شصاير؟
: امه اجت علينه 3 مرات وامي اخر مرة شبه طردتها گالتلها اذا مرة ثانية تجين لخاطر هالموضوع لاتجين
: وشراح تسون؟
: هوا يگلي سهلة بس مدري شو علاقتنا بردت مادنحجي هواي هالفترة وهج دتگلي مبتعد عن الكل ويحش بهل جكاير حت هوا محتار
: شنو يعني اهله مراح يجون مرة ثانية؟
: گال راح ادز زلم هالمرة مدري بعد
: سديم دسئلج سؤال
: ها گولي
: هوا عرف بماضيج؟ عرف بسالفة عمر وابن عمج؟
: لا
: بس سديم لازم تگليله ميصير ما يعرف
هوا ديدز وادم تخطبج وديتعب لاتضلين خادعته اذا ماتقبل الامر اشلون؟
: مادري خايفة
: شنو ما تدرين سديم لازم تگليله حت يكون بالصورة
: اذا ما تقبل؟
: لازم يعرف بالماضي حت ماتضلين خايفة لا يكتشف الامر بعدين ان وافق خير على خير ما وافق الله وياه ليش يضل الولد متعوب ويودي اهله على مودج
هوا هسة امه من بيتكم نطردت امج ما گالت ابن خالها يريدها گال هاهيه ادز زلم هوا مايعرف شسالفة اذا دز زلم وابوج گله مخطوبة لابن عمها لو ابن خالها راح يطرده هوا والزلم ويفشله گبالهم
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
