ثم قست قلوبهم
متابعة ممتعة+لاتنسون تعليق بين الفقرات
__________
سياج بنص حرب كتالتي الصوبين
______________
امي: هاي شكو ياستار
: ابوي اجته الشرطة واخذته لان ديشربون هو وجماعته
طلعوا كلهم بقى بس اُذين ديطلع ويسد الباب فتحت باب الصالة وطلعت ركض گبل صرخت
: وين ماخذينه هسة؟
: يشربونه جاي مهيل ويرجعونه يعني وين يودونه غير يحققون وياه بعدين انتي فوتي جوه ماكو شي روحي لفي راسج ونامي الصبح يجيجن كلشي مابي حصان
گالها وطلع سحب باب الشارع وسده
امي: هذ شجابه هنا
: اخو شرطي لبصفنه
: هذ مااجانه الا لمن انتي گتيله الا شلون عرفو
: بشنو اگله حت مبايل ماعندي وشنو منين عرفو جيرانه بصفنه واصوات الزلم طالعة قهقهة للصبح والسكر والعربدة صياحهم لسابع جار جم مرة الجيران هددوه وگالوا بعد لاتسون هيج لان عوائل وهما لسانهم وسوالفهم ماكاعدين بملهى احنه
: يالله يالله اوكفي ضد ابوج وياهم بعد ماصرتي عدهم ماصرتي جنتهم طايحة الحظ
تركتها تحجي طلعت لغرفتي احس راسي يريد ينفجر ثكل بداخل جمجمتي اتصلت على اُذين ميريد عليه اشيل روحي والزكها بالكاع
من كثر التفكير نمت
ثاني يوم كعدت ابوي ماهو خابرته رد عليه بدون مقدمات حجيت
: ابوي وين اُذين؟
: ب12 الضهر يجيكم
: شسويتوله؟
: مسويناله شي كتب تعهد بس انه راح يشيل من المنطقة للسوك
: يعني يمكم؟
: اي راح تصيرون جيرانة مرة ثانية
گالها بضحك واضح بصوته طرت من الفرح حسيت احد يدغدغني راح نرجع كراب على بعض بس مابينتهم
: ديالله وخلي ابوي يجي بسرعة
لل12اجه ابوي يدردم يحجي ويسب بيهم
: ابن الكلب الحقير هذ بلغ عليه والحيوان اخو لان ذبيته بالسجن راد ياخذ ثاره مني مثل ماسجنته عود
امي: وهسة شنو شلون طلعك؟
: لازم نشيل
: الله يطيح حظه انشالله
: منا لشهر لازم الكه بيت واطلع مادري وين اروح
: لا تحتار لاتكلي ولا اگلك ماالنا غير السوك بيت قريب ع الصالون وع المعرض والمدرسة هناك نرتاح اكثر لا سيارات ولا تكسيات ولا ابد
فعلاً طلع ابوي يدور على بيت وبسرعة لگينه بالسوك اجرنه وبعدنه بيتنه بين الايام اني احاجي ليث وانقله الاخبار اول باول من تلفون امي وهو متقبل الوضع گال راح اجي بس مااجه
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
