ثم قست قلوبهم
متابعة ممتعة+لاتنسون تعليق بين الفقرات
__________
سكتت شويا ماعرف شگله لا يروح انتبه لو عرف شو يحجي ببرود
: هو هذاك هنا هذ
: شبيج؟
: احممم لان اخو صديقتي وهي متخابرني اله لمن يطلع فمن تگلي طالع وياه افرح لان اخابرها
: ها گتيلي متخابرج اله لمن يطلع زين ليش ماعرفتي؟
: اخوها عقدة شويه
: اُذين عقدة؟ بالعكس يسرسح ع گلب
: ماعرف بعد اني الولد مشايفته
: ليش مو هو سايقج؟
: هاا اي اقصد محجايه وياه يعني مابيناتنا حوارات واحاديث
: تمام انا طالع محتاجه شي؟
: سلامتك الله وياك
راح رحت راسلت بنية ويانه بالشعبة سلمت عليها اخذت التحضيرات وطلعت كتبي وكعدة اقرأ وكتبت واجباتي وكملتهن كلهن
باوعت للساعه بـ 11 ونص حيل تعبت من التحاضير لان متراكمة مال احد واليوم رحت اكلت لان ماتعشيت زين واخذت تلفوني دخلت للواتس
لكيت اُذين فاتح الواتس قبل دقايق
عفته وطلعت رحت يوتيوب بقيت اتابع ماشا والدب شويه ووصلني اشعار ع الواتس من اُذين صورة دخلت للمحادثة دازلي صورة بنت اخو دتابع ماشا وكاتب
: ذكرتج
عفتها وطلعت رحت اتابع اريد اللهي نفسي حتى انام دزلي
: بعدج زعلانة؟
مادخلت عليها دز
: اشتاقيتلج والله
دخلت شفتهن وطلعت بقيت اتابع گلت مارد علي اريد انعس حت انام بدون ماحاجي هي اني مريضة ومالي خلك يصيح عليه ويطردني
شوية وصلني مقطع فيديو منه گلت ما طب خلي لغير وقت بس ما تحملت الفضول قتلني فتت للمحادثة دشوف
دخلت فتحته بنت صغيرة بحضنه ويگلها انا احب منو
_ تحبني
: اي احبج بس الاخابرها ومن اشوفج تابعين ماشا اگلج انتي مثلها هاي ياهي؟
: ثديم
: زين امي تكلي ابو منو انا؟
: مو بث بيبي حتى عمه تگلك ابو ثديم
البنية من شفت المقطع دخلت گلبي دزيتله
: يا حبيبي شنو هالجمال
: من زمان حلو انا
: مو عليك ع البنية ربي يحفظها
: ويحفظج الي
شفتها وطلعت رحت لليوتيوب شوية ودزلي مقطع ثاني هم هي نفسها البنية بحضنه فتحته
اُذين: بوسيني
أنت تقرأ
ثم قست قلوبهم
Romanceثم قست قلوبهم اسراء العزاوي "حقيقية" المجروح من عائلته لا يشفى ابدا ________________________ ثم إن الحب لسر رباني ينبغي أن يظل في مأمن من كافة العيون الغريبة، مهما يحدث له. ذلك أدعى للتقديس، وهو أفضل وأجمل دستويفيسكي
