ثم قست قلوبهم

part18

ثم قست قلوبهم
متابعة ممتعة+لاتنسون تعليق بين الفقرات
-------------

اُذين يدخن معقوله؟ هوا الجان يمنعهم من التدخين وينصح بيهم يكوم هوا يدخن لا مستحيل

ليش ماحجه لعد ليش ما بادر ليش ساكت كاتم هذا برود عنده لو دايتاكل من الداخل ليش ما برر

مرت ايام واجت ايام وماكو رسالة منه ولا مني لا سميم لا وهج خلصت العطلة هيج متاكدة منه يريد يحاجيني واني متلهفة احاجي اكثر بس ولا واحد بينا يريد يبادر

عشق اتصالي بيها قليل لان اهلها كل مرة ياخذون منها الفون وماتكدر تحجي بتيم طول الوقت لان اخوها بالبيت

باقي اسبوعين للدوام تقريباً قررنه نرجع لان احمد يريد يقدم ع الكلية ومحتار ياكلية يروح وسالفة قبولات وخايف

وليث يريد يدخل دورات للسادس ويريد يشوف مدرسين زينين حتى يدخل عدهم وابوي طول فترة العطلة ما مر ع بناته ولا شافهن ويحس نفسه مقصر حيل بحقهن يريد يروحلهن

امي شغلها اتأخرت عليه وصالوني اني قررنا نرجع وحضرت ملابسي بليل  وكتبت ع الحايط بغرفتي الجيه الثانيه انتي ناسيته ولميت كل غراضي وطلعنه الصبح

شلت هم شلون درجع واقابله واقابل وهج مرة ثانية كل ماشوفها اتذكره كل ماشوف الشارع الجان يوكف سيارته بي اتذكره

صعدت السيارة واني اوريدي معدتي كالبة كالعادة بالطريق اتعب اشرب مي وحبوب سفرة وليمون واخذ كل احتياطاتي بس اتعب واتبهذل وطول الطريق احمد يصيح

: كافي لعبتي روحنا عاد

: مو بيدي

: امسكي روحج شويا

امي: ماتكدر اذا ما تلعب روحنا

ليث: دتكللكم مو بيدها شلكم يمها

احمد: اي بعد لا تسافر ويانا اذا هيج كل ما نسافر الطريق كله تتخوع وتتقيء

تذكرت لمن طلعت ويا هوا ووهج ويكلي لا تشربين المي تلعب روحج اكثر والليمونة شميها لا تاكليها

حضنت رجولي وكعدت وصلنه للناصرية وشفت كاتبين الناصرية ترحب بكم حسيت من شفتها اُذين يرحب بكم مو الناصرية

وصلنه للمنطقة تذكرت هنا خبرته واجاني وجان يوصلني للمدرسة حاولت ابعد هاي الافكار عن بالي وصلنا للبيت دخلت اسبح وبدلت وصعدت غرفتي

خليت تلفوني ع الشحن و نمت كعدت بـ ال 9ونص بليل نزلت جوة لكيت ليث توه جاي من برا سئلته وين جنت
: طالع وي جماعتي

: يعني  من وصلنه لهسه مانمت واو

: لا رحت اشوفهم مشتاقلهم

: الله عندك طاقه اني رحت نمت ومادري بنفسي