ណាមរីនដឹងខ្លួនមកក៏ឃើញថាខ្លួនឯងនៅមន្ទីពេទ្យ នាងតូចងើយឆ្ងល់ជាខ្លាំងក្រែងមុននេះនាងនៅសាលាតើ
«រីន! អូនដឹងខ្លួនហើយឬ?» សំលេងក្រលរនាងតូចក៏ងាកទៅមើលឃើញថាជាជីងយ៉ុង
«មិចក៏ជាបងក្រែង...» ណាមរីនរកនិយាយឈ្មោះរបស់ហូស៊ុកតែនាងក៏ប្រែជាមិននិយាយបន្ដ
«ខ្ញុំនៅមន្ទីពេទ្យបានយ៉ាងមិចអ្នកណានាំខ្ញុំមក ជាបងឬ?»
«គឺបង»
«ចឹងរាងកាយខ្ញុំ» នាងតូចភ័យខ្លាំងជីងយ៉ុងឃើញចឹងគេក៏ប្រញាប់បកស្រាយ
«ទេៗ គឺបងពឹងឲ្យសិស្សម្នាក់ចូលទៅស្លៀកពាក់ឲ្យអូនរួចទើបបងនាំអូនមក» ទោះបីនិយាយបែបនឹងតែណាមរីននៅតែគិតថាអ្នកជួយខ្លួនជាហូស៊ុកតែប្រញាប់ច្រានការគិតនោះចោលដោយគិតថានាងស្រពិចស្រពិល
«បងទៅវិញទៅបើបងអេននីមកឃើញមិនល្អទេ»
«ណាម! បងសុំទោស បងមិនដឹងថាអេននីមានចរឹកអាក្រក់បែបនឹងទេ កន្លងមកបងល្ងង់ រីន! ពួកយើងត្រូវគ្នាវិញបានអត់បងនឹងបែកពីអេននី» ណាមរីនភ្ញាក់ផ្អើលខ្លាំងពេលលឺងជីងយ៉ុងនិយាយចឹង
«បងជីនយ៉ុងកុំធ្វើចឹងអី រវាងពួកយើងវាកន្លងហួសហើយ បងអេននីនឹងខូចចិត្តបើបងធ្វើចឹង មានរឿងអីបងសម្រួលគ្នាទៅកុំដោយសារខ្ញុំបងក៏បែកពីបងអេននី»
«ណាម!» រាងក្រាស់ចាប់ដៃរាងតូចតែណាមរីនក្រលាស់ដៃចេញ
«បងដឹងមិនថាបងធ្វើអ្វីទេអូននឹងមិនអាព្យាស្រ័យឲ្យបងឡើង តែបងសន្យាថាបងមិនឲ្យរីនខូចចិត្តទៀតទេ»
«បានហើយបងជីងយ៉ុងចេញទៅ ខ្ញុំចង់សម្រាក» ណាមរីនធុញទ្រាន់ពេកគេក៏ស្រែកដេញរាងក្រាស់
«បានៗ បងនឹងទៅ... អូនសម្រាកចុះ» ជីនយ៉ុងចាកចេញបានបន្ដិចលោកផាកក៏មកដល់
«ណាម! ចៅយ៉ាងមិចហើយ? នេះអ្នកណាធ្វើដាក់ចៅបែបនេះឆាប់ប្រាប់តាមក» លោកផាកសួរនាំចៅស្រីដោយក្ដីបារម្ភ ណាមរីនមិនដឹងនិយាយថាមិចនាងមានតែកុហក
«គឺចៅមិនប្រយ័ត្នរអិលដួលនៅបន្ទប់ទឹក គ្មានអីធំដុំទេ» ណាមប្រឹងនិយាយលាក់បាំងព្រោះមិនចង់មានរឿងជាមួយអេននីទៀតទេ
«ចៅកុហក! ប្រាប់មកថាអ្នកណា?»
«លោកតាចៅសុំ ឲ្យវាចប់ត្រឹមនឹងទៅត្រឹមឈឺខ្លួនប៉ុណ្ណឹងបានហើយចៅមិនចង់បង្ករបញ្ហារឲ្យលោកតាពិបាកចិត្តទេ»
«បាន ចប់ត្រឹមនឹងក៏បាន តែថាចៅគួរតែអរគុណហូស៊ុកបើមិនមែនគេតាមិនដឹងឡើយថាចៅចូលមន្ទីពេទ្យ» ពេលដឹងថាជាហូស៊ុកដែលអ្នកជួយខ្លួនណាមរីនក៏ញញឹមអៀនលោកតាឃើញចឹងគាត់ក៏លួចសើច
«មើលចុះនិយាយពីហូស៊ុកចៅក៏ញញឹមបិទមាត់ម៨នជិតតែម្ដងហើយ មើលទៅលោកតាគួរតែប្រញាប់ទៅកក់កន្លែងទុកធ្វើពិធីមង្គលការឲ្យចៅឬអត់»
«លោកតា...» ណាមរីនហៅលោកតាបែបអៀនៗ មុខនាងពេលនេះឡើងក្រហមដូចម្ទេសទុំចឹងមិន ក្រោយមកហូស៊ុកក៏បង្ហាញខ្លួន
«មានរឿងអីចែករំលែកឲ្យចៅសើចផង» ហូស៊ុកដើរចូលមកជាមួយស្នាមញញឹម ណាមរីនប្រញាប់ងាកមុខចេញខ្លាចរាងក្រាស់ឃើញមុខអៀនរបស់នាង
«ហូស៊ុកមកហើយអី ល្អណាស់តាផ្ញើរមើលណាមផងណា»
«បាទទុកចិត្តចុះចាំចៅមើលណាមឲ្យ» ហូស៊ុកតបដោយស្នាមញញឹម លោកតាងាកមើលចៅស្រីសើចបន្ដិចរួចក៏ចាកចេញទៅបាត់ទៅ ទុកឲ្យណាមរីននៅតែពីអ្នកហូស៊ុក
«បងយកបបរមកឲ្យញាំ ម៉ោះ! ទាន់នៅក្ដៅៗ» រាងក្រាស់ចាក់បបរដាក់ចាន ណាមរីនសម្រួលអារម្មណ៍ហើយងាកមកនិយាយជាមួយរាងក្រាស់
«បងជាអ្នកជួយខ្ញុំតែមិចពេលដឹងខ្លួនបងមិនមែនជាអ្នកដែលនៅក្បែរខ្ញុំ នេះបើមិនមែនខ្ញុំចាំថាឃើញបងមុនពេលសន្លប់ទេ សិស្សច្បងជីនយ៉ុងនឹងត្រូវខ្ញុំគិតថាគាត់ជាអ្នកជួយខ្ញុំ តើបងទៅណា? ដឹងទេខ្ញុំភ័យខ្លាច ខ្លាចថាអ្នកជួយខ្ញុំមិនមែនបង ហុឹក... ហុឹក!» ណាមរីនរៀបរាប់មុខស្មើរទាំងខឹងសុខៗក៏ប្រែមកជាយំវិញ ហូស៊ុកឃើញចឹងក៏ដាក់ចានបបរចុះហើយដើរមកឱបនាងតូចលួងលោម
«បងសុំទោស បងខ្លាចអូនឃ្លានពេលងើបមកពីសន្លប់ទើបបងទៅធ្វើបបរឲ្យអូនញាំ»
«ណាមមិនខ្វល់ទេ លើកក្រោយបើណាមមានរឿងអីបងស៊ុកត្រូវតែនៅក្បែរណាម» នាងតូចឱបរាងក្រាស់យ៉ាងណែនដូចខ្លាចបាត់បង់ចឹង
«បងសន្យា ថាបងនឹងនៅក្បែរណាមមិនថាណាមមានរឿងអីឡើយ ហើយបងក៏គ្មានថ្ងៃឲ្យអ្នកដែលធ្វើបាបណាមរួចខ្លួនឡើយ»
«កុំអីរឿងលើកនេះណាមមិនប្រយ័ត្នខ្លួនឯងបងស៊ុកកុំទៅរករឿងអ្នកណាអីណា ណាមមិនចង់បង្ករបញ្ហាឲ្យអ្នកណាក្ដៅក្រហាយទៀតទេ»
«បានៗបងធ្វើឲ្យណាមតែលើកក្រោយមានរឿងអីប្រាប់បងណា»
«ណាមដឹងហើយ»
«ចឹងញាំបបរទៅទាន់នៅក្ដៅៗ»
«ចាស!» ហូស៊ុកដួសបបរបញ្ជុកនាងតូចរហូតអស់គេលួងណាមរីនឲ្យគេងហើយកំដរនាងពេញមួយយប់
YOU ARE READING
បងជាគ្រប់យ៉ាងរបស់អូន
Fanfiction«បងជាមនុស្សដំបូងដែលមើលឃើញពីតម្លៃពិតប្រាកដរបស់អូន បងធ្លាប់សន្យាថានឹងនៅក្បែរអូនចុះហេតុអីពេលនេះបងទៅចោលអូន ហេតុអីបងគេងយូរម្ល៉េះល្មមភ្ញាក់ហើយដឹងអត់ទឹកភ្នែករបស់អូន ស្ទើរតែក្លាយទៅជាឈាមទៅហើយ» ណាមរីន