مكاتيب🤍

الحلقه 1

#مكاتيب🤍
#الحلقه_1❤️
.
.
.

..
.
.
.
.
.
.
.
.
.
.
.
.
.
أي شي نعيشوه ف هالدنيا مكتوب علينا .. سوا فرح سوا حزن .. الفرج والضيق كل شي كل شي مكتوب من عند ربي ولازم نعيشوه ونرضوا بيه ..نحنا بشر وعندنا اعتراضات ونبوا عرم حاجات بس لازم نعيشوا الاصعب مش نحسوا بطعم اللي نبوه ..
....
..
أفكار عياط .. ضيق .. وف يده بس الآله اللي يلعب بيها .. كل شي مر عليه وعاشه .. سنين صعبه حب ماصارش منا .. بحت ف روحه ف المرايه اللي قدامه .. ابتسم .. وفك من يده اللي ماسكها .. وقدم خذا المنشف متاعه وهو مزال يبحت ف وجه .. ياما عاش .. وياما مر عليه .. رضى بكل شي وهو اليوم احسن من قبل بمراحل ..
رن نقاله .. بحت فيه وأبتسم ..
"ايوا.."
"وينك لتوا .."
"جاي تو تو كيف كملت .."
"بسرعه باه يستنوا فيك .."
"كلمة اعزقي كلمة نسرع روحي.."
بصوتها الرقيق بكل بضحكه قالت "تي نحبك ي بارد بسرعه .."
"ي عيون البارد طيارة .."
وسكر وضحك ع روحه .. من قال ان هو يتعوض هكي؟..
"يالله .."
وبرم طلع .. ف طريقه وقف ع إشارة مرور ..
بحت ف الضي الأحمر .. هو عارف أن حيجي بعده الاخضر وحيطلع .. ردت بيه ذاكرته لسنين طويلة ..
.........
....
فتح باب السيارة ونزل .. وجا عند الروشن ..
زكريا>>منور سيمو ..
سامر>>ان شاء الله الحاج محمد مش فاطن بيك بس ..
زكريا>>كنت ف حوشكم مش ف حوش حد غريب ..
سامر>>"ضحك .." هي ي باشا توكل نتلاقو بكره ..
بحت ف السماء اللي دوبها زارقه الشمس .."قصدك بعدين ..؟"
ضحك سامر وهز رأسه بإيجاب .. رد زكريا ضحك وخبط سقف السيارة وبرم .. "اللهم أجعل من بينهم سداً ومن خلفهم سداً فأخشيناهم فهم لا يبصرون .." وفتح الباب بشوية .. وخش تنهد براحه ان مافي حد والجو هادي ..
قعد يمشي عادي براحه .. لعند نط بفزع ..
زكريا>>"غمض عيونه وهو حاط يده ع قلبه .."الله يسامحك ي نور ..
ضحكت من بين دموعها اللي قعدت تمسح فيهن مش ماينتبهش ..
نور>>سامحني مانحسابش ف حد واعي ..
زكريا>>"فتح عيونه وبحت فيها .."كنك قاعده هنا ف الصقع مالك فيه حاجه؟
نور>>لالا بس نخنقت اشويه قلت نشم هواء ..
هز رأسه بإيجاب .."نواعيلك بوبكر .."؟
نور>>لالا خش تريح ..
هز رأسه وشيرلها وكمل وهو يشمي مسيب وراه مرات خوه اللي تبحت فيه بإبتسامه .. بعدين تنهدت وهيا حاطه يدها ع بطنها اللي دوبها بارزة ..
فتح الباب الكبير .. خش للممر .. بحت ف باب المربوعه وبحت ف الباب اللي جوا .. هز راسه وهو مضيق عيونه .. سلح كاويشه .. وخش من الباب ركب يجري لعند وصل ف داره تنهد براحه فتح الباب وولع المكيف ع الساخن ونعزق رقد فوق السرير..
مااستحقش وقت واجد مش يغرق ف النوم لأن كان ميت مش يرقد ..
...
صبا من السرير حول الستارة من ع الروشن .. حقها وهيا مقمعزة .. بحت جنبه خذا كبوطه وطلع ..
مع طلعت باته من داره ..
محمد>>صباح الخير..
ابوبكر>>صباح النور ..
محمد>>من اللي طبق باب داره سمعته ..
ابوبكر>>مش عارف دوبني طالع انا ..
محمد>>كان يطلع الفرخ زكريا ماخاطره الاسود .."وبرم ينزل من الدروج وهو يتمتم .."
ضحك بوبكر وبحت ف دار خوه .. ونزل ورا باته طلع من الحوش وتوجه لنور ..
أبوبكر>>عليش تبكي ..
بحتت فيه .. بكت من جديد وهو يبحت فيها .. قرب منها باس رأسها وقمعز جنبها ..
ابوبكر>>"بعيون مليانة دموع .."حبيبي فكري فيا انا وف مالك..
نور>>نقتل وليدي ي بكي عندك عادي ..
ابوبكر>>"يمسحلها ف دموعها .." ي عيون بكي ماقتلكش اقتليه بس خطر عليك ي عيوني خطر مانقدرش نعيش بلاك انا ..كيف تخليه بروحه هو وخوه ..
سكتت ونزلت عيونها ..
ابوبكر>>مقتنعه ي نور ..؟
هزت رأسها بإيجاب .."مانقدرش نفرط فيه .."
هز رأسه وهو يحك ف شواربه بسنونه .. "تمام تمام .. عدي خشي للشقه ارقدي .."
بحتت فيه .."بوبكر .."
ابوبكر>>عدي ي نور عدي ..
وصبا مشا وهيا تبحت فيه بألم ..
.....
يجري ويجري وهو يلهث ف مكان كبير مظلم مش مفهوم منا شي .. يدور ف بصيص نور واحد يقدر يطلع منا .. تحته ارض حفيان تعب منهك بيطيح ع وجه .. بصعوبه قمعز وهو يتنفس بقوة .. كيف نزل راسه سمع صوت كلب قوي قريب منا .. فز ومن حرارة الروح يجري ويجري بدون هدف .. لعند حس بخبطه قويه كانت بمثابة الكف اللي خلاه يشوف بصيص النور بس مش بعيونه بعيون حد ثاني ....
...
فتح عيونه ضيقهن من الشمس اللي خاشه من الروشن .. سمع صوت هرجه تحت .. تنهد ونقلب ع جنبه الثاني .. رد سمع صوت الهرجه من جديد تأفأف بملل .. وهو يفكر ف الاحلام الغريبة اللي تجيه لها فترة ..تقلب يمين يسار .. وهو يفكر .. لعند غشا عيونه النوم ورد رقد ..
....
فاتحه عيونها وقاعده ف فراشها .. برمت ورقدت ع ظهرها وتبحت ف السقف .. دق باب دارها وخشت اختها ..
سالي>>توتو واعيه ..
بحتت فيها وهزت راسها .."واعيه .."
سالي>>باهي صبي هيا ماشيين لعيت امي ..
تُقى>>روح بابا؟ ..
سالي>>مالش واجد خاش ..
قمعزت تُقى وبحتت ف اختها .." سالي العرس بيديروه ف حوش خالو محمد لأن اكبر واحد فيهن ..كيف حيسير فينا..؟"
سالي>>"بأستغراب .."شن يبي يسير امتى خالو محمد حكا ان مانخشوش حوشه ..
بحتت فيها تُقى .."وماما؟"
سكتت سالي .. وقبل ماتحكي ردت تُقى "وانتي وسيف .."؟
سالي>>"بعصبيه .."معش تقولي انتي وسيف سيف ماضي وتم وعده ف حاله وصبي مش حيسير شي ..وتي دبشك راك تنسي "وبرمت طلعت"
خلت تُقى تبحت ف الباب بتوهان .. رفعت عيونها للسقف وغنضتهن وقالت بهمس "يارب يارب شد فيا يارب .." وردت فتحتهن ونزلتهن وهيا حاطه يدها ع قلبها ..
...
صوت هدرزة الرجالة الكبار والصبايا .. كان قالب المكان ريحة القهوة اللي وقت شربها قبل صلاة الجمعة .. كانت سفرة مليانة وسطهم .. الصبايا ف جهة من دار القعدة اللي تعودوا كل جمعة عند عيت محمد فيها .. ويحكن ع تجهيزات عرس ميسان .. والجهة الثانية الرجالة واللي كان فيها محمد وخوه صهيب ومصعب وسيف وأبوبكر ...
فريال>>كيف ي تركية العيال وين ..
تركية>>والله ي عمتي سيبتهم راقدين سامر ماروحوا منا اصحابه الا وجه الفجر .. وسرمد مش غابيه فيه نوم وخلاص .. والاخرين زاردين ..
فريال>>"وهي تحرك ف سبحتها .."وباه المهم طيبين .. وانتي ي مروة عيالك وين ..
مروة>>رؤوف ماشي بيجيب مرات بوه والعيال .. وخلوفه سيبته جاي ورانا ي عمتي ع خشتهم ..
فل>>مش عاجبينك نحنا ي حني ..
فريال>>نبيكم كلكم جنبي ي يام مايغيب حد ..
تركية>>"بحتت ف ميسان .."شن اخر تحضيراتكم للعرس ..
ميسان>>بداية الاسبوع الجاي قرر هو ومحمد يديروا الفاتحه ..
مروة>>وليش اديروا فيها قبل العرس بأسبوع ي بتي ..
فريال>>"وهي تسبح .." هك خير هك خير .. اللي يقوله خوها تمشي بيه ..
بحتت ميسان ف حنان اللي غمضت عيونها وفتحتهن بمعنى ماتعدليش ..
بحتن ف الباب بعد خش إسماعيل ..
حنان>>مانضش ولا؟
هز رأسه بلا .."غابية فيه مسكر داره بمفتاح .."
ميسان>>خاطره ف خبطة من سيف ع هالظهر ..
بحت فيها سيف بضحكه .. ورد ركز مع عمه اللي يناقش فيه من معاهم ..
مع خشت ورد .." زكريا راقد مزال..؟"
فريال>>خلوه وليدي اكيد تعبان ..
فل>>"ضحكت.."تخلو فيه يشيل ف شوالات ملح ي عميمه ..؟
أبوبكر>>فالح ان يشيل النوم ع كتوفه بس ..
ورد>>اول مره نشوف هندسة تحكي ..
أبوبكر>>"بحت فيها .."لا فرجار يشفط ..
كشرت بوجها .. ضحك ورد بحت ف باته وعمه .. مع نزلت أنس وهو يمسح ف عيونه ..
أنس>>والله قلتها عيت نباتات الوحيدين اللي يجو قبل الشحاته وبنتها .. مصعب يغذي ف بناته ع البناء الضوئي خايفهن يموتن ..
فل>>ناض الثقيل ..
أنس>>"خش يسلم ..ومزال ف عيونه النوم وبحت فيها .."اول مره نشوف صبارة تحكي ..
وشلط عمته ع راسها ومشا لمرات عمه ..
ميسان>>"بوجع .." ي سااامط ..
محمد>>"بحده .."أنس تحشم ع وجك ..
حط يده ع راسه .. قرب سلم ع ورد .."اكيت وحده ف عيت نباتات .."
ضحكت ورد وفكت يدها منا وهيا اتحسس فيها بعد ضغط عليها .. مد يده لفل اللي وخرها بعدها ومسح راسه وهيا تبحت فيه بنص عين .. ضحك وقدم سلم ع عمه ..
وقمعز جنب سيف ..
سيف>>صبي جهز روحك للصلاة وواعي زكريا ..
أنس>>نفطر قبل نتمنقه ونصبي ..
أبوبكر>>شن بتفطر ي باشا ظهر ..
أنس>>"بقلبة عيون .."بشمهندس اطلع منها ..
إسماعيل>>تي شن صار ف المدرسة اللي قلت عليها ي سيف ..
سيف>>"بحت فيه بعد اتكا بظهره ع الكرسي .."مدرسة مختلطه .. زكريا مارفضش الكادر متاعهم كويس لذلك سجلتك انت وياه .. وحكالي عمي مصعب سجلت معاكم ورد وفل .و
أنس>>"قطع عليه..."قصدك المشتل ..
سيف>>"بحت فيه بنص عين .."بطل ثقاله دم وصبي دير اللي قتلك عليه ..ايوه" وبحت ف إسماعيل اللي يبحت ف أنس بنص عين .."وتُقى قالت عمتي سجلها معاكم
أنس>>"طبس عليه.." الحاج مااعترضش وانت تسجل فيها ..؟
رفع سيف عيونه فيه وبحت ف بوبكر اللي سمع خوه شن قال  ..رد بحت ف أنس ومن رقبته من لاوره مسكه وضغط عليها .."توا تعدي تواعي زكريا وتنزل انت وياه ..وبطل فتفته .."
تنحنح أنس وصبا وطلع .. وسيف بحت ف باته ورد بحت قدامه لقا ميسان تبحت فيه .. ابتسمتله .. ردها لها مجاملة وبوبكر بعيونه معاه ..مش فاهم شن صار اكثر من اللي هو يعرفه ..
لعند قاطعت عليه سرحانة ف خوه صوت عمته "بكوره كيف نور وين .."
بحت فيها "ف الشقه روحت متأخر امس رقدت ف داري هنا مالك معش يرقد ف حد .."
هو كيف كمل كلامه خشت نور ف يدها ولدها مالك وبطنها قدامها وطلقت السلام .. بحت فيها بوبكر ونزل عيونه بعدها ورد بحت ف سيف اللي يبحت فيه بحزن ..
فل>>ملوكه تعال ..
رفع بوبكر عيونه ف نور اللي شافها ابتسمت وطلقت يد ولدها ومشت تسلم .. بحت ف مالك بحزن اللي يسلم ع فل وهيا تضحك معاه ..بحت ف سيف من جديد لقاه مش معاه ع الخط تنهد بكتم وشاركهم بعد سمع عمه يدوي معاه ..
بس نور كانت معاه ع خط وهيا تبحت فيه بحزن ..
ناضت سارة ع صوت اختها وامها يهدرزن ..تنهدت وصبت خشت للحمام ..وطلعت صلت وطلعتلهن ..
سارة>>صباح الخير ..
"صباح النور ..صباح الفل .."
قمعزت معاهن ..
نزهة>>اهو حليبك ..
سارة>>"بحتت فيه وخذاته من يد امها .."تمام ..ماجتش نور لتوا ؟..
نزهة>>قالتلك جايه هي؟ ..
هزت راسها ..
سارة>>دزتلي رساله امس ..
نزهة>>معناها توا تجي ..
أينور>>ماما الغداء ديريه فتات ..
اسراء>>عليا اليوم المطبخ ..
أينور>>"بملل .." عليك قصه ..
سمعن صوت الباب نطبق ..بحتن ف بعضهن ..
خش باتهن .."خير .."
"خير .."
مسعود>>كنكن تبحتن هك ..
نزلن عيونهن ..قمعز جنبهن ..
نزهة>>فاطر؟ ..
مسعود>>لا ..صبي انتي ديرلي فطور ..
بحتت فيه أينور بحده ..
أينور>>اسمي أينور مش انتي ..
فنصت فيها امها ..
صبت ..وطلعت للمطبخ ..
وصبت وراها سارة ..
سارة>>نبدأ ف الغداء انا .."ومشت .."
مسعود>>فرخات قليلات ادب ..
ونزهة تبحت بحزن ع حال راجلها وبناتها اللي مش ماتقبلات بوهن ..
أينور>>ليش ماديرله ست الحسن ولا لاهيه ق المكياج والحناني المصننه ..
ضحكت سارة وهيا اطلع ف حاجه الغداء ..
أينور>>"بقهر .."يجي يسمسم ويروح لا يسأل حالكت باهي ميتات ولا حيات شي شي مرض ..امتى ياربي يجيني راجل ياخذني منكم
سارة >>"بحتت فيها بحده .." تحشمي ع وجك ..وعدي حطيله فكينا من الهرجه ..
عضت صبعها زين وخذت السفره وطلعت وسارة تضحك عليها ..
......
يدق بيديه الاثنين .. "زكريااااا نووووووضضض .."
نقلب ع جنبه وهو ينفخ .. فتح عيونه بشوية .. ورد سكرهن وفتحهن .. تنهد بيأس ان يسكت .. مد يده وحطها ع الوطا ..كر المفتاح من تحت السرير وبحركه سريعه دفه بيده طلع من تحت الباب ..
بحت فيه أنس بعد جا تحت كراعه ضحك وهو يهز ف رأسه وفتح الباب وخش ..
حكا قبل مايحكي هو بصوت مبحوح "شن تبي .."؟
أنس>>"بأنزعاج .."سكر المنبه ..
بحت فيه وكر نقاله سكره ..ورد حط يده تحت البطنيه ..وبحت ف خوه ..
نط أنس جنبه وقمعز ..
زكريا>>شن في احكي بالدغري ..
ضحك أنس "مافي شي يرا يوتوا لعرس ميسان تحت نفاخ رأس قالي سيف واعي زكريا مش تمشوا للصلاة .."
زكريا>>"رد حط راسه ع المخده .."نبي حليب وشاهي ..
أنس>>"نزل من السرير وصبا .."ي ولد ماما انت ي نونو ي كتكوت صبي أمينه متويته لك من الفجر .."وعزق فيه ذراع الصوني وطلع .."
زكريا>>"غطا وجه قبل مااطب فيه ..وبصوت عالي .."ي حيوان ..
......
مصبي جنبه .. يستنوا ف خوتهم ينزلو
سيف>>موضوعها صعب بكل ..؟
أبوبكر >>"بحت فيه بحزن .."بكل ي سيف ندمت أني خذيتها واقسم بالله بنية صغيرة ساد ماعانت مع باتها .. تبكي وتقولي نبي ولدي مش حنخليه عليش بتت عندكم امس .. ندير ف كل شي نبيها ترضى وهيا مش راضيه حملها خطر كبير ..
سيف>> قل لن يصيبنا الا ماكتب الله لنا ماتعلمش مرات يجي سليم وامه تنوض بالسلامة ..
هز رأسه "ان شاء الله يارب .."
مع نزلت زكريا من فوق وهو لابس عربي .. وف يده طاسة حليب وشاهي ..
ميسان>> صحه صحه ..
ضحك وشيرلها ..
ورد>>كنك نازل تقول كنت ف عرض ازياء ..وتشير وواخذ مقلب ف روحك ..
زكريا>>"قلب عيونه .." اول مره نشوف ورد يحكي ..
عطاتة نظرة ع الجنب وعدت ..
وهو ضحك وخش وراها للمطبخ وميسان معاهم وهيا تضحك ..
ضحك ابوبكر "خوتك كرهوا بنات عمك ف اساميهن .."
سيف>>اتف من بعضهم ..
سمع صوت ورد عيطت .. ضحكوا هما الاثنين ..
ورد>>"وهيا تحول ف يده من شعرها .." ي عميمه قوليلة واعره مسكته ..
زكريا>>"وهو يشد ف شعرها.." مش واعره مش واعره لسانك مش تمسكيه مره ثانية ..
حنان>>"بضحكه .." ي ليد سيب بنت عمك عنك ..
قربت ميسان تضحك ..حطت يدها ع يد زكريا فكتها وهو يفنص ف ورد مزال ..وهيا تضحك ...
ورد>>خزي واعره مسكتك ..
زكريا>>تستاهلي وتوا تشوفي كان خشيني للمدرسة نقعد انا مش زكريا ..
ورد>>"بعصبيه .." اقعد فتحي ..
قرب منها هربت تجري واللي ف المطبخ يضحكوا عليهم ..
امينة>>انا كملت العصبان ..
تنهد بهيام" اجمل اكلة ف الاكلات .."
"زكرياااااااا.."
زكريا>>جيت جيت ..
وحط المق ع الدولاب وطلع ..
مع خشت فل .."كنهم زكريا وورد .."
ميسان>>قالتله فرحانه ان المدرسة فيها شباب الواحد يطلق عيونه😂
فل>>"ضحكت .." تستاهل معناها ..
فريال>>تعالن ب صبايا كملنا راه ..
ميسان>>عدي فل جيبي من امك وماما البطاطا ..
فل>>هي ..
بحتت ف نور اللي مقمعزة توكل ف ولدها وطلعت ..
حنان>>ملوكة نزيدك ي حني؟
هز راسه بإيجاب
نور>>غير كمل اللي ف فمك ..
......
يسوق وهيا جنبه والبنات لاورة كل وحده لاهيه ف شي..
يمان>>بطولو عند هلك ..
بحتت تُقى ف امها وتراجي فيها ترد ..
فهريه>>لعند يكمل العرس..
هز راسه .. ردت تُقى عيونها للروشن ..
يمان>>"بحت من المرايه" بابا توتو المدرسة صار منها وتبدي مع عيال خوالك الأيام الجايه ..
تُقى>>تمام ي بابا ..
ابتسم ورد عيونه للطريق وسالي تبحت فيه بابتسامه..
لعند وصلوا فم الباب مع وصلت الرجاله من الصلاة .. ودرس رؤوف بهناء وعيالها ..ووراه سامر بسرمد ..
رؤوف>>فاتت عليا الصلاة ..
هناء>>صليها ف الحوش هيا شباب انزلوا .."ونزلت فتحت لعيالها الباب .."
صبت هناء تراجي ف فهريه تنزل مش تسلم عليها .. والشباب صبوا فم الباب يهدرزوا
والرجاله الكبار بدون إهتمام ليمان خشوا كلهم ..
نزلت فهريه وسلمت ع هناء وسلمن عليها البنات ..
تُقى>>"وف يدها شنطتها .."مع السلامة بابا ..
يمان>>"أبتسم ورفع يده حياها .."مع السلامة ي عيوني..
قدمت من مراة خالها وسلمت عليها ..وقدمن للباب ..
هناء>>مصعب ي حنه مانشوف فيه بكل ..يشيل فيا رؤوف ويجيب فيا ..
فهريه>>سلم وليده المهم ف من يونسك ..
ابتسمت هناء وهزت راسها ..
برموا عليهن الشباب ..
زكريا>>أجمل عمة ف العالم ..
فهريه>>"ابتسمت.."أحسن ولد خو ف العالم ..
ضحك وقرب منها يسلم عليها وقربوا الباقي ..
وتُقى وسالي يبحتن ف سلام أمهن ع عيال خوتها .. بس عيون تُقى ع واحد من بينهم بس .. تبحت فيه كيف يضحك .. نزلت عيونها للساعه كيف لابسها وابتسمت .. فطنت بعد بحت فيها نظرة عابرة منا .. سريعه ماعندهش احتكاك واجد بيهم لذلك نزلت راسها ولحقت امها اللي خشت ..
سامر>>بناتها هاديات تحسهن ..
أنس>>غير امتى حسيت انت ي متاع الإحساس..
زكريا>>توا هالوقت حس .. خش خش ..
ضحك سامر وقال"نحكي جد لهم سنتين بس ماعمريش سمعت صوتهن .."
سرمد>>اسمع صوت لياليك وسكر فمك ..
ضحك رؤوف وخش وراهم ..
سامر>>زيكو امتى ماشي للمحل ..
زكريا>>"وهو يحك ف عيونه .."بعد العصر ..
سامر>>قولي مش نمشي معاك ليا زمان عليه ..
هز رأسه بإيجاب وقدموا لعند خشوا لقوا الرجاله مقمعزين ف جلسة برا ..ومعاهم سيف وابوبكر ..قدموا وقمعزوا معاهم والصبايا خشن جوا ..
بعد الغداء ..
قمعزن الصبايا من جديد وبدن ينسقن من الأول ..وجنبهن فريال متكيه ..
نفتح باب الحوش وخش زكريا ..
قدم لفتحت دار المعيشه وصبا قدام الباب ..
زكريا>>اومي ..
حنان>>"وهيا تكتب ف الحاجات اللي مزال تبيهن ميسان .."كنك ..
زكريا>>صبي ي غلاي ديرلي حليب وشاهي..
فريال>>"وهي حاطه يدها ع عيونها .."تريح ي ليد دوبك واكل عصبان ..
زكريا>>اطلعي منها ي حني راه تكبر بيني انا وياك ..
ورد>>"رفعت راسها بعد ماكانت ادير ف المناديل .."مكثر هرجتك ..
زكريا>>"بحت فيها بنص عين .."صبي يمييي هيا ..
تركية>>صبن ي بنات وحده منكن اديرله وتفكنا من حسه .. تقول جاي ع شوق ..
ضحك زكريا .. ووخر" نغير ونجي نلقاه واتي .."
وركب يجري .. بحتت حنان ف الدروج وابتسمت .. سمعت صوت تنهيد فهريه رفعت عيونها وبحتت فيها ..
نظرة عيونها خلن حنان عيونها يتعبن دموع وردت نزلتهن وهيا تسمع ف ميسان تحكي ..
النظرة اللي مافهمهش حد خاطي فريال من اللي مقمعزين .. بعد ركزت عليهن .. ردت بحتت ف مكان زكريا اللي كان مصبي فيه .."يستر الله.." هذا ماقالت ف عقلها .. وردت غمضت عيونها ورقدت ..
.......
نزيهه>>"وهي تحط ف مخده ورا بنتها .."لاهيين ف العرس اكيد ..
نور>>"اتكت بتعب .."ليه ليه ي ماما طلعت وهنا يوتن ..
انوار>>وليش ماقعدتي معاهم ..
نور>>متفقه مع بوبكر من امس يجيبني لكم ..
سارة>>"وهيا اتفرج .."اكيد ياما علقت عمتك ع جيتك ..
نور>>دايره معايا معاهدة سلام "وضحكت .."
ضحكت سارة ..
انوار>>مابعدك كان انا راه حاطتهم ف بعضهم وخليتها تنفلق ع السطاش ..
نور>>انا نور وانتي انوار فرق ..
هزت انوار راسها ..سمعن صوت مالك يبكي ..
نور>>صبي نويره جيبيه بالله ..
انوار>>"بضحكه .."ولدك مايفرقش بينا حي عليك ..
وطلعت وهي تضحك ..
ونور معاها بعيونها وهيا تفكر ..
سارة>>بتعزمونا ع العرس ..
بحتت فيها نور ..بعد قطعت غليها سرحانها ..
......
.
.
.
#يتبع🤍
#فافي🤍