مكاتيب🤍

الحلقه 20

#مكاتيب🤍
#الحلقه_20🤍
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

بعد ناض بعد الفطور وصلى صلاته نزل وهو شامر مالك .. مع فتحت سارة لباب حوشها بحت فيها بوبكر وبعدين نزل عيونه وكمل طريقه اما هي ..
سارة>>بوبكر استنا .."وبرمت سكرت الباب ورفعت معاها الصفرة اللي في يدها ونزلت لعند وصلت فيه بعد صبا .."شن الاخبار ..
بوبكر>>"وهو يبحت ف مالك .."الحمدلله شن اخبارك انتي شن داير معاك سيف ..
سارة>>"ابتسمت .."مافيش منا سيف ..بس بنسألك .."وبان ع وجها الضيق .."انت وانوار؟ ..
بوبكر>>"بحت فيها .."كنه ..؟ راجل ومراه ومانظنيش ترجوا منا كلكم شي اكثر من هك ..؟ .. المرحومه كانت تبي اختها تربي عيالها وتكون معاهم عشان تشبهلها بس مش معناه ان انا نكمل معاها ع اساس انها نور ..
سارة>>"عقدت حواجبها .."واختي بتكمل حياتها انها تعاني عيال اختها ويريح شبابها هكي!؟ ..
بوبكر>>"رفع حاجبه وبحده .."هذا شي مايخصكش ومايخصش اي حد شن اللي تعيشه معايا اختك .. بعد انا وافقت ع وصيه نور الشي هذا مايدلش ان انا حبيتها وميت فيها مش ناخذها بلا كلام بلا معنى بالله عليك وكملي طريقك ..
بحتت فيه بحده ونزلت وسيباته .. وهو تنهد بضيق ولحقها وهو يفكر ف كلامها .."صح .. انوار حتقعد هكب تربي بس ف عيال اختها؟ .. اضيع شبابها عشانهم .. طفلة ف عمر كيف هذا يمشي عمرها ف سبه عيال اخره .."
رفع عيونه فيها بعد خش حوش هله ولقاها مقمعزة مع امه وتهدرز معاها وف يدها معين يرضع ..
......
مصبيه فل متوترة .. وجنبها ورد اشر منها ..
خشت مروة ..بحتت ف ورد ..
مروة>>تعالي هيا ..
فل>>"بخوف .."ماما مش كان قلتي لبابا قبل ..
مروة>>"بحده .."مادخلكش ..وهيا انتي ..
تنهدت ورد بضيق وخذت سفرة العصير وطلعت ورا امها .. وفل مصبيه وتفرك ف يديها بخوف ..
اما اختها ف خشت للعرب .. بحتت ف الوجوه .. حست ان وجه امه واخته مريحات .. ابتسمت بالغصب وحطت الصفرة وقعدت تسلم ..
وهنا يقولن .."ماشاء الله ماشاء الله .."
مروة>>"بأبتسامة مجاملة .."هذي هي ورد ..
"ماشاء الله عليها .."ومدت يدها تاخذ ف العصير .."صحيتي يمي قمعزي نشوفوك اشويه ..
قمعزت ورد جنب اخته .. وهيا تفرك ف يديها بتوتر ومبتسمه بالغصب .. اما مروة امها فكانت تجامل مجاملة ..
لعند بدت ام الراجل تحكي وتقول .."ولدي سالم عمره توا 35 سنة ي حنه .. يشتغل ف شركة تصدير واستيراد .. كان متزوج وأطلق هيا مش متفاهمه وهو ولدي نسمه ماتحملتش الوضع طلبت الطلاق .. وماتخافيش العيال معاها ..يشكر ياسين ي حنه ف مصعب وبناته قتله نمشوا نخطبوا لهل عيل بالك يطرب وفعلا طرب .."
مروة>>"بأبتسامة .."نتشرفوا بيكم وبنسبكم ..ربي يحفظه ويخليه ..
"سلمك ي حنه سلمك .."
فنصت مروة ف ورد اللي صبت وطلعت وكملت مع الصبايا الكلام ..
خشت ورد ع اختها ..لقتها ادير ف قهوة بحتت فيها ..
فل>>شن صار؟ ..
ورد>>"بربكه .."تحسيهم كويسين كويسين .. بس انا خايفه .."وبحتت ف اختها .."مانبيش نزوج توا مزلت صغيرة وهو كبير ..
فل>>"حطت يدها ع كتف اختها .."بالك ماما بعد تحكي لبابا بعدين يقتنع ويحول الموضوع من باله ..
هزت ورد راسها وهيا حاسه بخوف ..طبيعي الخوف ..طبيعي ..كانت تردد فيها بينها وبين نفسها ..كانت خايفه بكل بس تخطي ع الموضوع بقولة انا اللي غلطت لازم نتحمل غلطي ..غلطك؟ .. غلطك ي ورد كان يقدر ينحل بوضع غير هك ..بعزقه كيف هك .. بس معليش معليش ..
......
ميسان>>هيا تقى ..
تقى>>"قربت منها .."هي ..
وطلعن من الباب الفاصل .. وخشن لحوش محمد ..فتحن الباب وخشن ..
مع طلعت فوز مع سارة وهنا ماسكات القهوة ..
فوز>>طولتن ..
ميسان>>انتي دوبك كلمتيني ..
سارة>>"بضحكه .."انا قلتلها كلمي البنات سيف مش قاعد نكسدوا اشوي ..
ابتسمن تقى وميسان وخشن ..
لقن بوبكر مقمعز ويبحت ف التلفزيون .. وجنبه انوار راقد ع كراعها معين وجنبهم حنان ..
حنان>>باهي اللي جت القهوة خوك تقحطر بيطلع ..
فوز>>"وهيا تمدله .."اهو يشربها ويطلع ..
فرقن عليهم وقمعزن ..
بوبكر>>انس وين اليوم ماشفتش بكل .."وبحت ف امه .."
حنان>>"رشفت من القهوة .."معزوم عند صاحبه ..
بوبكر>>"هز راسه .."له كم يوم مش عاجبني انا ..
حنان>>ع كيفه ..خوك هذا غضيب يدير الكواين الكبار اصلا ..
فوز>>انس ولد البطه السوده ..
ضحكن البنات ..
صبا بوبكر وحط فنجانه ف الصفرة ..وقال .."هي ماتبوا شي ..؟"
انوار>>"رفعت عيونها فيه .."نبيك اشوي ..
بوبكر>>تعالي"وطلع وهيا حطت معين وصبت وراه .."
حنان>>"بعد ماكانت تلحق فيهم بعيونها بحتت ف سارة .."سريوا مش ماشيه لأمك ..
سارة>>اول امس خطمت عليها انا وسيف .. قبل عابيه بكره ..
هزت حنان راسها ..
ميسان>>زكريا مع خاله ف العمرة؟ ..
فوز>>"رقصت حواجبها .."مع خاله اها ..
ضحكت تقى ..وحنان تبحت فيهن ..وقالت .."وليدي ربي يفرج عليه .."
..
مصبي يلبس ف كاويشة وهيا مصبيه قدامه ..
رفع عيونه وبحت فيها وقال .."احكي كنك .."
انوار>>"مسكت يديها ف بعضهن .."نبيك تشيلني لماما بكره من بداية رمضان ماعديتش غادي ..
بوبكر>>"ضيق عيونه .."فطور ؟..
هزت راسها بإيجاب ..هز راسه وقال .."باهي ان شاء الله ..هي ماتبي شي؟"
انوار>>قطن لمعين ..
هز راسه ومشا وهيا خلاته لين يبعد وسكرت الباب وردت خشت ..
حنان>>مشا؟ ..
انوار>>عده اها ..شن كنتن تحكن "وقمعزت .."
.......
فتح باب الدار وخش فتح الضي .. بحت ف ولد اخته لقاه راقد .. ابتسم ..
وقرب منا ..حط يده ع كتفه ..
عمر>>زيكو زكريا .. زيكو ..
فتح نص عين وبحت فيه وانقلب ع الجنب الثاني .. رفع عمر حاجبه ..
عمر>>"حط يده ع خصره .."انت ي حيوان صبي فز ..
زكريا>>"بصوت راقد .."عمر سكر فمك وطفي الضي واطلع ..
عمر>>مش طالع صبي يارا هيا مش بتمشي للمدينة قلت ..
زكريا>>"برم بحت فيه .."مش قتلي مش ماشيين توا كنك عيل انت؟ ..
ضربه عمر ع راسه .."احترم خالك ي قليل الادب .."
زكريا>>زعلتني ي قليل الخير وخليتني نرقد زعلان ..
رفع عمر حاجبه .. بحت فيه زكريا وضحك ..وقمعز وقال .."مدلي نقالي هات .."
تنهد وبرم مده له ..بحت فيه وفتحه .. نزل الستارة متاعه لقا عرم اشعارات ومسجات ..مسحهن كلهن وصبا ..
زكريا>>انزل نوتي روحي ونلحقك ..
عمر>>باهي ماتبطيش .."ومشا شور الباب .."
وزكريا شور الحمام ..
.....
خشت عليهن مروة بعد روحوا العرب وقمعزت .. هنا الاثنين كانن مقمعزات وضامات يديهن ..لعند قاطعت صمتهن فل ..
فل>>ماما ساد تقريباً عيشتنا ف كابوس لنا كم ..! وبسبب واحد تافه كيف انس .. لو سمحتي احكي وناقشي معانا لأن حرفياً تعبنا راه ..
مروة>>"بحتت فيهن .."هذا الغلط غلطكن من الاول لو من اول ماعرفتي ي فل حكيتي كنت عرفت كيف نلم الموضوع بس توا كل شي خارج سيطرتي .."ودموعها نزلن .."كله ف يدين بوكن .. وانتن عارفات بوكن كيف .. لذلك ماترجنش مني شي الا نحاول ان نخليك انتي بريئة ف عيونه مش اللي يغلط يتعلم غلطه ..باتكن جاي ف الطريق صبن غيرن دبشكن .."وصبت خشت دارها .."
بحتن ورد وفل ف بعضهن ..
ورد>>فل بالله عليك .."ودموعها نزلن .."
دموع فل حتى هن نزلن .. وهيا تبحت ف باب دار باتها وامها ..
اما مروة .. اللي كانت يتيمه الام والاب .. كانت راضيه ان راجلها يزوج عليها بس تقعد مع عيالها هذا شرطها .. كانت راضيه بأهانت واجد .. لذلك كانت هيا المراءة المضحيه بالنسبة للأغلب .. هذا عليش مالهش شي الا البكاء .. البكاء وانها تسلم امرها لله وانها تحاول تبرأ بناتها .. حتى ورد اللي واجعتها انها تزوج ف عمر صغير كيف هذ ..تنهدت من وسط دموعها ..وقالت .."يارب .. اللهم ابراء من حولي وقوتي الي حولك وقوتك ..لا حول ولا قوه الا بالله.."
.......
وفعلاً .. خذوا باص من مكة للمدينة .. وكان ناوي عمر ان يخليه فيها باقي العشرة من رمضان الوسطى .. زاروا المسجد النبوي هما الاثنين .. وبعدين خشوا ع قبر الرسول .. ماكانش زكريا يردد غير ف الصلاة ع الرسول .. لعند طلعوا .. وقضوا اغلب وقتهم ف الصلاة وقراية القراءن
......
اما ف حوشهم .. ف بعد الساعه 2 ف الليل .. روحت ميسان ومعاها تقى بعد هدرزة طويله .. وركبت انوار مع العيال فوق بعد ماخذت سحور يسدها هيا وبوبكر .. اما سارة ف قعدت تحت لعند يروح سيف ..
...
وروح سيف .. بس عشان كان يلعب ف مباراة ركب طول لشقته .. خش ابتسم بعد شافها نظيفه .. بحت ف المطبخ لقاها مغطيه الاكل اللي طيباته لأن سارة تصيم بروحها مش مع العيلة .. ابتسم وبعدها مشا شور دار النوم مش ياخذ دبش مش يدوش ..
خش فتح الدولاب خذا دبشه ..ومشا شور الزيانه يبي يفك ساعته حق تليفون سارة .. قرب منا ولعه لقاه مافيش شحن .. قال .."المراه هذي ديما تليفونها بلا شحن .."
ومشا بيه شور البريزة يبي يحطه ف الشحن جت رسالة بالغلط فتحها .. بحت فيها لقاها من الشركة .. طلع منها وكيف يبي يحط النقال لفتت انتباها رسالة كانت مميزة من بينهن مكتوب فيها .." أنَا مُنذْ رَأَيْتُكِ غَاب عنّي مَنْطقي
‏حتَّى القَصَائد خانها التعبيرُ" ..
رفع حاجبه وهو يبحت فيها ..خش ع المحادثه  ماكانش ف اي شي ثاني الا هذ .. بحت ف الرقم ماعرفش ..حط التليفون .. وبرم وهو يقول .."ممكن بالغلط ..ممكن اه ..ان بعد الظن اثم .."
ومشا شور الدبش خذاه وخش للحمام ..
سيف مش ساذج .. سيف راجل عنده ثقه ف المراه اللي خذاها .. حتى يحق بعينه يتأكد .. وهو توا ماشفش حاجه الا رساله من رقم مافيش بينهم كلام .. لذلك ماحطش ف باله .. نفس بالضبط يوم ماحطش ف باله كلام سالي .. أكيد ..
لأن سارة ماعمرهش حست مع زكريا اي نوع من انواع الحب. .. بس زكريا اللي كانن مشاعرة مشاعر مراهق كان يظن ان هذا هو الحب ..
حتى وقت ماكان ف مكه دعالها .. اه دعالها .. زكريا مزال غافل انها توا مرات خوه ولو هك ماكنش فكر فيها حتى التفكير .. مرات خوه يعني اخته .. بس هو لتوا ع باله انها مزالت حرة ..زيادة ان متوقع يروح يلقاها مخطوبه للي كانت ناويه تنخطبله قبل ماتسير قصة سمر .. بس هل متوقع ان سيف خوه الكبير وسنده هو الراجل اللي ع باله خذا منا حبيبته ..؟ اكيد لا ..🍀🍀
.....
وجا مصعب بعد طول انتظار .. وخش واسحر معاهم بدون مايحكي حرف واحد .. وهما ع الصفره قال .."شن جوهم العرب .."
مروة>>تحسهم كويسين امه مراه طيبه ..وتحكي عليه ان كويس وخديم ..
هز راسه بإيجاب .. والبنات يبحتن فيه من تحت لتحت ..
مصعب>>وطلعت عليهم بنتك شافوها..
مروة>>"بحتت فيهن وشيرتلهن بعيونهن يصبن ..صبن طول وطلعن .."طلعت عليهم ورد ..
بحت فيها بعد ماكان يبحت ف بناته اللي طلعن ..وقال بعصبية .."عليش ورد ..؟ عليش مش انا قلت المغضوبه الاخره .."
بلعت مروة ريقها ..وقالت .."اول شي اهدا وقاعدين نحكوا عادي .. فل قالت مانبيش نزوج .."
مصعب>>"بعصبيه .." ع كيفها هيا ع كيفها؟ .."وجا يبي يصبي .."
غمضت مروة عيونها وقالت بسرعة .."ورد هيا اللي كانت تكلم ف مازن مش فل .."
صبا مكانه .. وبرم بالتدريج بحت ف مراته ..اللي فتحت عيونها وبحتت فيه ..وقالت .."وانت قلت اللي غالطه هيا اللي تطلع للعرب مش نفتكوا من عارها .. انا بناتي ي مصعب مايديرنش اللي تواطي الراس .. ومش معناه وافقت ان نستقبل العرب معناها ان انا راضيه ان وحده من بناتي تزوج لواحد كيف هذا .."
مصعب>>"بتضييق عيون وعصبيه .."فيها طلاقك معناها ..اللي داسه عليا كل هالوقت ان الكلبه الثانية هيا اللي دايره هذا كله وجايه ادافعي عليها .. معناها فيها طلاقك لو قعدت مزال عندي وزادت وجابتلي العار ..وانتي الغلطانه انتي اللي مش مربيه بناتك ومش عارفه حتى اي منهن اللي ادير ف الغلط وتكلم ف رجاله .. رجاله ي مروة بصبياهم .. بسببها أطلقت بنت عمها .. لذلك انا مش كره ف بنت من بناتي الا تربية والراجل يربي كيف مايربوا الأهل .. وورد قوليلها انا مش حنضربها كيف ماضربت اختها بس كسرت ظهري وتوطايت راسي ف الوطا قدام ولد خوي مش حنسامحها عليها ليوم الدين كيف كذبها ع اختها .. وخليها تزيد اخره غضب وتخرب حوش هلها وتقعدي انتي ملطوطه كل مره ف مكان ..لا حول ولا قوة الا بالله .."وطلع وهو يخبط ف يديه ف بعضهن .."
ومروة تبحت فيه ودموعها ينزلن لعند طلع وسمعت صوت الباب .. والبنات اللي كانن يسمعن فيه ف الدار .. انهارت ورد بكا .. وفل تبحت فيها وهيا تبكي بصمت ..
....
جا صبح ثاني يوم ..
اللي ناضت تقى هاليوم ع رنت تليفونها واختها تبشر فيهم انها حامل🤍 ..
كانت مصبية ف المطبخ تفرد ف الفتات مش ادير شاورما .. وجنبها ميسان ادير ف الشربة ..
تقى>>"بفرحه .."فرحانه بكل انها عاشت حياتها عادي فرحانه انها نست كل شي وعاشت مع مروان عادي مروان شاب كويس وطيب بكل ..
ميسان>>"بحتت فيها وابتسمت .."لعقبالك ..
تحولت ابتسامة تقى ..
ميسان>>"بحزن .."مزلتي ي تقى ..
تقى>>"رفعت يدها بالعكس تمسح ف دموعها .."زدت الهم زدت اخره ..
ميسان>>"تنهدت .."لعله خير ..
هزت راسها بإيجاب وهيا ترشف ..وكملت فرد العجينه واللي معاها قعدت تردد ف الصلاة الابراهيميه وبعد شافتها ميسان معش حكت معاها ..معش ضغطت عليها ..
...
اما انوار ف ناضت بدري دارت كذا نوع .. ونوضت العيال فطرتهم وغيرتلهم .. ومشت شور دار بوبكر ..
انوار>>"دقت ع الباب .."بوبكر الساعه 3 راه ..
بوبكر>>"فتح الباب .."واتي .. انتي واتيه ..؟
انوار>>نلبس انا بس ..
هز راسه وطلع وسكر الباب وهيا مشت شور دارها .. لحظات وطلعت لابسة ..بحت ف لبستها رفعت عيونها فيه ..
بوبكر>>"بوجه منفخ .."مش من حقي نحكي .. بس ف الاخر انتي مراتي وع اسمي .. عدي غيري القميص قصير ..
بحتت ف لبستها وبعدها فيه .. تنهدت وبرمت خشت من جديد للدار .. لحظات وطلعت وهيا لابسة قفطان .. بحت فيها رفعت حاجبها وشقلبت عيونها ..
ضحك وهو يقول .."هيا .."
وطبس شمر معين ومسك يد مالك وحط ع كتفه شنطة العيال .. وهيا مسكت الصفره وشطنتها ..
ونزلوا هما الاثنين ركبت جنبه مدلها معين وركب مالك وبعدها ركب .. وطلعوا ..
هذا كله كان ع عيون حنان ..اللي قالت .."ربي يهدي سركم ي امي .."
محمد>>"بضحكه .."والله عمتك حنان قعدت تراقب ف عيالها ..
بحتت فيه وضحكت بأحراج .."محمد عاد .."
ضحك عليها .. وهو يتأمل فيها ويتوقع ف فرحتها وقت تعرف ان زكريا مروح مزال 18 يوم .. بس ماحبش يحكي مش مايخليهش تحلم ع الفاضي ..
.....
اما زكريا ف كان ف اعتكاف .. اعتكف ف المسجد النبوي .. بين صلاة وقراية قرءان .. وعمر كان مؤيد للأعتكاف متاعه مش يخفف من الحزن عليه ومان يجيبله ف اكله وشربه وبس ..وزكريا يومه كامل ف المسجد ..🤍🤍
......
كان مصبي فم الباب .. لعند درست عليه سيارة ..
سامر>>"بحت فيه ..ونزل .."كنك قاعدة ف الحمو هنا ..
إسماعيل>>انت شن جابك توا ..
سامر>>كساد ف حوشنا كلمت ميسان عزمتني ع الفطور ..تعال"وكره من يده وخش .."
وإسماعيل رفع عيونه ف الحوش اللي مقابلهم وبعدين مشا مع ولد خوه لعند خشوا جوا السور ..
سامر>>"بحت فيه .."تي شن عندك معلق عيونك برا ..
اسماعيل >>مش شور امك ..
وخش للحوش ولحقه سامر وهو يضحك ..
....
وصل بوبكر بأنوار بعد ما تكا ع كذا محل وشراء عصير وفواكه ..وخذا نص سقيطه ..
درس قدام حوش هل انوار .. اللي شافت سيارة فم الباب قالت بحده .."هذا شن جابه هنا .."
بحت فيها بوبكر اللي استغرب من تقصد بس ماحكش .. نزلت وهيا شايله معين وهو نزل ونزل مالك ..
دقت باب الحوش .. واللي خايفه منا صار فتح باتها الباب ..
بحتت فيه .. وهو بحت فيها ..غصب عنها سلمت عليه ..من غير نية وخشت تجري وبوبكر اللي كان مركز جا لعنده وسلم عليه .. ومسعود يأهل ويسهل بيه ..
وهيا خشت .. بعد حقت امها حطت معين ع الفراش وقربت حضنتها وقعدت تبكي بقو جهدها .. ونزيهة تبكي معاها .. كانت انوار تبكي ع حياتها .. ع كل شي قاعدة تزر ف روحها مش تكمله ع اكمل وجه .. وبوبكر اللي خششه مسعود .. قعد مصبي ويبحت فيهن وهن يبكن ..
مسعود>>سادك نكد ي مراه ..
بعدت ع امها وسلمت عليها زين وقمعزت ..بدون ماتعبر باتها ..
قرب بوبكر سلم ع نزيهة وقمعز حتى هو ..
انوار>>كيف حالك ماما شن دايره مع الصيام ..
نزيهة>>"ماسكه يدها .."الحمدلله ي كبدي شن حالك انتي .."وبحتت ف بوبكر .."شن حال انوار معاك ي بوبكر ..
بوبكر>>"ابتسم .."الله يسامحها وسلمكم ربايين ..
مسعود>>سلمك سلمك ..
انوار>>تعالي ماما .."وصبت وامها معاها .."
خشن للمطبخ برمت عليها وقالت .."كنه عندك ..؟"
نزيهة>>مراته عند هلها يفطر معايا ع الاقل مونسني ..
انوار>>ربي يمشي هاليوم ع خير ..
نزيهة>>سلم بنتي قدام الراجل امسكي روحك ..
هزت راسها بإيجاب ..
علت نزيهة صوتها وهيا تبحت ف اللي جابه بوبكر .."عليش متعب روحك ي بوبكر .."
بوبكر>>مافيش حاجه من قيمتكم ي عمتي ..
ابتسمت نزيهة وبنتها تبحت فيها بحب ..
......
خش من برا لقا بنته مقمعزة ..
عثمان>>كنك مش مع امك وخالتك ..
بحتت فيه ليلى وضحكت .."غير دوبك روحت ي كينج مش ادافع ع ماما راه .."
عثمان>>"بضحكه .."بنت بطلي قلة ادب ..وصبي عاوني ..
ليلى>>دوبي طلعت من جنبهن ودرت نص العشاء انا ..
بحت فيها بنص عين ضحكت وهيا تقول .."والله الله .."
عثمان>>باهي باهي .. قولي لأمك فاطر برا ..
هزت راسها بإيجاب ..طلع باتها من جنبها .. وردت هيا ع تليفونها تبحت فيه .. لعند قابلها تعليق ع منشور زكريا .. واحد معلقله اسمه .."سامر المختار بالانجليزي .." ركزت ع الصورة .. رفعت حواجبها بمفاجأة ..
فطنت وأمها تضبحلها قالت بصوت عالي بعض الشئ .."جايه .."
وصبت وسيبت نقالها وهي عقلها شن يعرف سامر زكريا ..
......
مصبيه فم الباب وخوها قدامها ..
جمال>>وراس حنان مانقدر انتي عارفه امي نكان ماقعدنا كلنا يلاها ي ويلنا ..
حنان>>"ضحكت .."غير هاليوم ي بتي .. امي توا نوريها معش تخلي فيا نشوف فيكم ..
جمال>>"بضحكه .."الجايات اكثر ان شاء الله بعد يروح زكريا طيب ..
حنان>>ان شاء الله ي غالي ان شاء الله .. سلم ع امي ..
رفع يده وطلع .. وهيا تنهدت وخشت .. جمال وتركية من هل حنان يعرفوا اللي صار وان زكريا عرف كل شي .. الا امهم حتى عزاء سمر ماخشتش ..مرات تلوميها ومرات تعذريها يعني شافت بنتها ف لحظات اشبه بالموت .. وبرضوا الموت مافيش شماته .. وكل حد وتفكيره ..
خشت جوا ..
فوز>>ماما كم قالك انس واحد ..
حنان>>3 .. مرات خوك عدت ..
فوز>>سارة؟ .. لا قالتلي توا ننزل نفطر معاكم ..
هزت حنان راسها ومشت شور الدار وهيا تقول "بنرقد اشوي .."
هزت فوز راسها وبرمت خشت للمطبخ تكمل ..
......
الأجواء ف حوش فريال كانت هرجه ..وجود إسماعيل وسامر ف نفس المكان يقعد عبارة عن هرجه😂 ..
فريال>>وانت ي الضايل بشن نجحت ..
سامر>>قالت امي بالدف ي حني بالدف ..
ميسان>>"بضحكه .."هذي الفترة الاولى والثانية هك اماله الثالثه كيف ..
سامر>>"بضحكه .."لا انا قررت ف الاخر بكل ناخذ ورث باتي ونعدي نهاجر ..
ضربه إسماعيل ع رقبته .."وامي حيه ي تافه تورث فيها .."
فريال>>"وهيا تشير بسبحتها .."تبيها ي المغضوب ..
ضحك سامر وهو يبحت ف عماته اللي يضحكن .. وتقى اللي مقمعزة ف الدار تسمع فيهم وتضحك وهيا تقرا ف قراءن ..
.....
الاجواء المريحه كانن عكسها ف حوش هل انوار ..
اللي كانت انوار ماسكه روحها بالسيف ع اللي يدير فيه باتها ويحكي فيه ..
وبوبكر كان مركز معاها وملاحظ انها حتى التعامل ماتعاملش معاه ..
....
اذن المغرب .. وبدوا يفطروا كلهم ..
وبعد الفطور انتشروا الشباب كل واحد في مكان ..
بوبكر>>انا طالع ي انوار ..توا نجي بعد الصلاة ..
انوار>>باهي ..
طلع بوبكر .. وصبا باتها اللي كان يراجي فيها تصبي ورا راجلها بس هيا مااهتمتش حتى كان يدويلها ماتبحتش فيه ..
خش وهو معصب ..
مسعود>>انتي شن تحسابي روحك .. ربي ماخلق غير انتي ف هالدنيا .. الراجل مصبي مش محترمتيه ولا مقدرتيه ولا تصبي وراه وتودعيه .. شن قلة الأدب اللي فيك .. انا قلا نزوجها تعقل بس انتي الضرب ف الميت حرام ..
كانت تبحت فيه .. ماحكت شي تبحت فيه بس ..
كمل هو كلامه يقول .."احذري شري ي انوار .. والله لو تجيني مطلقه .. مانرضا بيك تخشيلي حوش .. فكيني من فقفقه الفرخات اختك وماتت وهذا راجلك توا والحي ابقى من الميت .."
هنا نطقت انوار وقالت .."عليش ع فلوسه يقعد الحي ابقى من الميت ..وانت شن يهمك ف الموضوع غير ان انسان يمشي ع فلوس ..تحساب ان قعدتك مع امي هنا خرطتلي راسي .. عارفتك تبي فلوس .. وبعد سلمت عليا عرفتك تبي فلوس وتوا جاي وتحكي ودروحك الاب اللي يخاف ع حوش بنته عارفتك عليش ..ل
ماخلهش تكمل وتقول لذلك الا وهو عطيها كف ..لعند قعدت مصدومه ف مكان واحد .. من صوت العياط والكلام بصوت عالي كانوا العيال يبكوا .. ونزيهة كانت حاطه يدها ع فمها وبس .. ونظرتها ع جهة وحده بس وهو بوبكر اللي مصبي فم الباب متاع الدار  ..
.......
رن تليفون مروة ..اللي كانت مقمعزة مع بناتها ..
بحتت فيه وبحتت فيهن ..وقالت "باتكن .."
فل>>ماما قوليله انا توا نوافق ع العريس وخلاص ..
ورد>>لالا ماتركبيش روحك ذنب عشان نبكيلك انا الغلطانه وانا اللي نستاهل ..
مروة>>اسكتن انتن الاثنين .."وردت .."ايوا ..
مصعب>>هل الراجل ردوا بالموافقة .. بس صارت عندهم حالة وفاة... هما شافوا فل؟ ..
مروة>>"بلعت ريقها .."اها عليش ..
مصعب>>قبل يبوها لولدهم الاخر ..
.......
كان مقمعز هو وعمه وعماته يشربوا ف قهوة ..
فطن لنقاله جاته فيه رسالة ..
إسماعيل>>سامر نقالك ..
هز راسه بإيجاب ومسكه .. فتح عليها كانت رسالة ماسنجر .. لقا محتواها .."شن تعرف زكريا المختار .." عقد حواجبه .. وبحت ف اسم الايميل .."لولي الاميرة .." ضحك بمفاجأة وهو يبحت ف الايميل .. وإسماعيل مركز عليه ..
........
في العيد ..🤍
درس بيه عمر قدام الباب ..
عمر>>رغم ان امي حتزعل ترجا فيك لها واجد ..
زكريا>>"بضحكه .."حنجيها والله ..
ابتسم عمر وهو يقول .."مشكلتك مشكله مع الطيارة انت .."
ضحك زكريا وهو منزل المراية يبحت ف وجه اللي كان مرهق لان مارقدش ف الطيارة عنده منها فوبيا .. سلم ع خاله ونزل ..
ف هالاثناء كانت تقى اللي دوبها طالعه من المطبخ الخارجي ومعاها سارة يهدرزن لدرجه انسجمن وقمعزن ف الجنان ..
فوز>>تقى تعالي شيلي معايا هذي جوا ..
بحتت فيها وقالت .."اشوية سارة .."ومشت لفوز ..
هزت راسها بإيجاب وهيا مبتسمه..
ف هالاثناء فتح باب الحوش وخش .. عيونه محلقات من الارهاق .. تحتهن اسود .. تنهد وهو يرفع ف شنطته ع كتفه .. والثانيه يجر فيها ..
بحت ف الحوش .. بعدين بلع ريقه وخش .. قدم خطوات .. سمع صوت حسه مألوف يقول .."مالك بشوية راك اطيح ..".. برم .. طول جت عينها ف عينه .. بحتت فيه وبعدها نزلت عيونها .. وهو بأستغراب كان يبحت فيها ..
لعند حس بيد نحطت ع كتفه .. وبأبتسامة صحبتها قالت اللي كانت عارفه بجيته .."الحمدلله ع السلامة .. وبأسف ردت تقول .."عظم الله اجرك .."
بحت فيها ورد بحت قدامه وهيا مزالت تبحت فيه .. تراجي فيه يسلم عليها كويس لها قريب 3 شهور مش شايفته بس هو قال ..
"شن ادير سارة هنا .."
بحتت فيه بحزن بعد فهمت عليه عليش عقله مش معاه .. وردت بحتت ف سارة ..وقالت .."خذاها سيف .."
بحت فيها بصدمة .. ورد بحت ف سارة .. حس النفس عنده ضاق .. طلق الشنطه .. برمت عليه من جديد وبحتت فيه .."تحس ف شي؟ .."
هز رأسه بلا .. وطبس خذا الشنطه .. رفع رأسه وبرم بيمشي .. بس وقف بعد حس الدنيا تلف بيه .. مسك ف يدها اللي كانت اقرب شي له ..
ردت تبحت فيه بخوف .. مالحقتش تدوي لعند طاح بين يديها ..
وقعدت تعيط ع طول حسها بأسمه ..
.....
.
.
#يتبع❤️
#فافي❤️