مكاتيب🤍

الحلقه 21

#مكاتيب🤍
#الحلقه_21🤍
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
قبل يوم العيد .. اي قبل 18 يوم..🍀
..
وهو مصبي فم الباب بعد ماودعه بات زوجته .. ماهنش عقله ان يمشي .. وجه مسعود اللي كان يودع فيه كان مليان سم .. بعد وصل لسيارته رد من جديد للحوش لقا باب الحوش مش مسكر اصلا .. لذلك اجرأ وخش ..
من بداية كلام مسعود لرد انوار .. وهو متابع كان خايف ان باتها يضربها .. ماقدرش يحكي .. ف اللحظات هذينا خطرت عليه نور ..
نور عكس انوار كانت تخاف واتحشم ماتردش .. حتى اللي يضربها تنزل راسها .. وبعد الكف اللي جا لأنوار توقع انها تنزل راسها وتعتذر .. بس اللي صار فوق توقعاته ردت حطت عينها ف عين باتها ..وتبحت فيه بحده ..
قبل مايرد مسعود يضربها قرب منا بوبكر ومسك يده ..
بوبكر>>"بحده .."انت عمي وباتها ع عيني وراسي .. بس مراتي ماتنضربش ..
مسعود>>"بعد حق بوبكر وجه نسود .. ووخر وهو يبرر .."اطلع الواحد عن طوره بنت قليلة ادب مش متربية ..
برم بوبكر ع انوار وهو يقول .."صبي وتي روحك والعيال وهيا .."
هزت راسها بإيجاب وصبت خشت للدار بعد ماخذت معين ومالك ..وامها لحقتها ..اما بوبكر معش زاد ختى حرف مع مسعود اللي قمعز وداير روحه ارتفع عليه الضغط ..
نزيهة>>"تبكي .."من مبدري نقولك فوتيه ي انوار سلم بنتي فوتيه ..
انوار>>"قعدت تبكي وتبحت فيها .."لعند امتى قوليلي لعند امتى ونحنا ف هالحال الواحد مل ..الواحد فاض بيه كل شي بالسيف واسكتي وديري ومشي لعند امتى؟ قوليلي انا مانسكتش مانعرفش نسكت .. لذلك مره اخره بعد يقعد راجلك قاعد انا مانجيكش تبي تجيني انتي اهلا وسهلاً ..
ورفعت معين وطلعت .. وامهاا تبحت فيها بحزن .. عارفه اللي فيه انوار شنو وعارفه الضغط اللي عليها كبير واكبر من قدرة تحملها لذلك عاذرتها ..
خذا منها بوبكر معين وطلع وهيا رفعت مالك وطلعت .. تحت نظر امها اللي كانت تبكي .. بس انوار اللي ركبت السيارة معش بكت .. كانت ماسكه روحها ع البكيه بالسيف مش ماتوريش لبوبكر انها ضعيفه ..
لعند نطق وهو يسوق وقال .."ابكي فرجي ع روحك .."
وكأنه عطاها الضي الاخضر .. حطت يدها ع عيونها وقعدت تبكي .. وجعتها روحها بشكل .. لعند حست ان السيارة درست رفعت عيونها لقاته مدرس قدام البحر ..قرب منها مالك من لاوره ..
مالك>>ماما ..
ابتسمت ..ومسكت يده ..
بوبكر>>مايبيكش تبكي ..
هزت انوار راسها بإيجاب ..
بوبكر>>تنزلي؟ ..
بحتت فيه ..وقالت .."عادي ؟" .."
هز راسه وقال .."انزلي تعالي .."
ونزل وهيا نزلت وماسكه معين ..قمعزوا ع الشط ..مافيش فيهم حد حكا شي .. لعند هو قال .."عارفك مغصوبه وماتبيش وعارف ان اللي نحنا فيه كله بسبب وصية نور ..بس عشان المركب يكمل لازم يكونوا ركابه متفاهمين .."
بحتت فيه .. اشويه اشويه ارتسمت ع وجها ملامح البكاء وردت تبكي .. وهو يبحت فيها .. بعدين تنهد وبحت قدامه ..وقال .."عارف صعب .. عارف بس انتي صغيرة ف العمر وقدامك حياة .. وعايشين معانا طفلين انا ماقتلكش نقعدوا زوجين عادي .. بس ع الاقل اصحاب نتفاهموا عادي .. المهم ترسخ ف عقول العيال والناس ان نحنا متزوجين تمام ..ابكي فرجي اللي ف خاطرك .."
قعدت تضحك وهيا حاطه يدها ع وجها ..بحت فيها وهو مبتسم ..وقال .."كنك تضحكي .."
انوار>>"بضحكه .."جملة نور المفضله بعد تحق واحد يبكي تقعد تبكي معاه وتقوله فرج ع روحك ..
ابتسم بوبكر ورد عيونه للبحر ..
اشويه وقالت انوار .."تمام معاك .. بس بطل حركاتك اللي ادير فيهن .."
ضحك بعد مافهم عليها ان حتى صباح الخير اللي كان يقول فيها لها وماتردش عليه معش يقول فيها ..
بوبكر>>صبي نجيبوا حاجات وانجوا نسحروا هنا ..
بحتت ف العيال اللي رقدوا وهزت راسها وصبت وهو معاها شامر مالك ..
......
ومرن من هذك اليوم 18 يوم ..
الكل كان ف وضع حذر جداً ..
يوم العيد ف الصبح ..🍀🤍
...
مصبيه قدام مالك ومعين وهما الاثنين لابسين فرامل ..
انوار>>"بعيون مدمعه .."اشي ع عويلتي اشي اشي ع قلبي انا الله يبارك عليكم ي ماما ..
وهو كان فم باب الدار مربع يديه وحتى هو طالع بالعربي اتقول ايش ..ويبحت فيها شن ادير معاهم ويضحك ..
بوبكر>>مشوا للصلاة وانتي مزال فرحانه بيهم ..
برمت عليه وضحكت .."حتى انت مش سيء طالع .."
رفع حاجبه وقال بهزوة .."لا يرا .."
ضحكت وهزت راسها .. ومسكت يد مالك وشمرت معين ..
مدتهم له خذاهم منها ..
بوبكر>>انتي مش نازله توا؟ ..
انوار>>لالا اشوية اخره .. نقولك شي خلي معايا معين وخوذ مالك ..
بوبكر>>ع راحتك هيا مالك ..
ومسكه بعد مامدلها معين ونزل هو وياه ..
وانوار تبحت فيهم لعند نزلوا وخشت بعدها وسكرت الباب ..
ف الوقت اللي سكرت فيه هيا الباب .. فتح سيف الباب ونزل بعد ماودعاته مراته ..
تلاقه هو وخوه ف الطريق سلموا ع بعضهم .. وعيدوا وخشوا لحوش العيلة ..مش يعيدوا ع الاهل ..زيادة ان اليوم عيد ومعاها جمعه ..🤍
....
اما عند زكريا ف كان مزال ف الطيارة .. متلهف ان يروح بكل ويقابل هله .. بذات حنان ..
وغير هك متلهف ع العيد مع هله .. هو عارف اجواء العيد معاهم شنو ..
وفعلاً كان ف حوش محمد .. الكل ملتمين ..
جت فريال وميسان وحتى فهريه وتقى وإسماعيل .. وجوا عيت مصعب وعيت صهيب .. والحوش كان مليان هرجه وحياة ..
كلهم قاعدين ف عيون حنان ماحد ناقص الا هو .. هو اللي مكانه ماقدرش يملاه حتى منهم .. ومحمد اللي كان مركز عليها كان عارف هيا كنها وشن تحس .. بس برضوا كان عارف ان زكريا مروح اليوم .. اللي عارفها حتى اسماعيل ومعاه سامر ..
نزل انس من الدروج ..
صفروا الشباب كلهم .. وهو ضحك وشيرلهم بيده ..
انس>>التوقيع بالدور ..
ميسان>>غير خف علينا ياااا ..
ضحك وقرب قعد يعيد .. وصل ف فل .. اللي بحتت فيه بحده .. ومدت روس صوابعها .. اما ورد فسلمت عادي ..
ومشا قمعز جنب الشباب ..
لعند وصلت الساعه 12 ..
محمد>>هيا شباب للصلاة .. الجمعه يلا يلا ..
صبوا مع بعضهم وطلعوا كلهم ..
والصبايا بدن .. ف المطبخ وسريبه ..
......
وصلوا لمطار بنينا .. وكان عمر مركز ع لهفه زكريا حتى ان مااستنش الناس تنزل قبل كان يصارع مش ينزل هو .. رغم ان لا راقد قبلها ولا ضايق طعم النوم ..طلعوا هما الاثنين من المطار .. هو يجر ف شنطته وماسك ف يده شنطة وحده ثانية .. وجنبه عمر اللي قال .."بتمشي لحوشكم ولا تروح معايا ..؟"
زكريا>>"تنهد .."لا مروح ع الحوش ..
عمر>>تعال نوصلك معناها ..
بحت فيه زكريا وابتسم ولحقه ..
اما ف حوش محمد .. ف بعد طلعت الرجاله .. صبن الصبايا للغداء .. اليوم كان اشبه بالفرح ماحد فيهم عارف شن صاير .. بس حنان كانت عكس الأيام اللي فاتن عاديه وفرحانه ..
هناء>>شن حال سالي ي فهريه ..
فهريه>>"وهيا تحبب ف الكسكسو وحنان جنبها .."الحمدلله .. حامل ي حنه هذا ليش ماجتش ..
هناء>>ماشاء الله ان شاء الله من قسمها ..
"سلمك .."
خشت تقى .."خويلة حنان شن ندير معاكن .."
حنان>>عدي حبيبتي لفوز ف الكوجينه الخارجيه تقلي ف البطاطا عدي شوفي شن صار فيها ..
تقى>>هي .."ومشت طلعت من باب الكوجينه ..الخلفي" ..
ميسان>>"خشت وف يدها صونيه فيها سلاطه .."هذي السلاطه ..
مروة>>"تضبح من الدار .."فل ي فل تعالي نقالي انظر كنه ..
فل>>ندهن ف امي ي ماما صبي فرخه ورد لأمك ..
ورد>>"نفخت وصبت .."جيت ي ماما فل ادهن ف ظهر امي فريال ..
مروة>>شوفي تليفوني كنه رنت خالتك وبعدها معش حصلتها ..
مسكت نقال امها تبربرش فيه ..
مع تخطيمت تركية من جنبهن خشت للمطبخ .."كيف حنان كناينك وين ماشفنا منهن حد .."
حنان>>ع رجالتهن ي حنه مادخلني بحد اللي بتنزل تنزل ماضربتهن ع يديهن وحكمت عليهن ..
هناء>>هذا الصح ..
مع دقت باب الكوجينه وخشت سارة .."السلام عليكم .." ووراها انوار ماسكه معين ..
"عليكم السلام .."
بدن يسلمن .. نطلعوا من المطبخ للمطبخ الخارجي .. خشت تقى ع فوز اللي تلبس ف البطاطا ..
تقى>>نساعدك ..
بحتت فيها فوز وابتسمت .."تعالي مزلت ماقليت نلبس فيها قاعده .."
تقى>>توا نقلي انا معناها ..
هزت فوز راسها .. وردت لشغلها وتقى جت تولع ف الغاز مش تحط الزيت ع النار ..
......
درس بيه عمر قدام الباب ..
عمر>>رغم ان امي حتزعل ترجا فيك لها واجد ..
زكريا>>"بضحكه .."حنجيها والله ..
ابتسم عمر وهو يقول .."مشكلتك مشكله مع الطيارة انت .."
ضحك زكريا وهو منزل المراية يبحت ف وجه اللي كان مرهق لان مارقدش ف الطيارة عنده منها فوبيا .. سلم ع خاله ونزل ..
تقى>>خلاص معش مزال شي ..
فوز>>لالا اطلعن خلاص انشفه ونطلع ..
هزن روسهن سارة وتقى وطلعن ..
سارة>>تعالي نقمعزوا هنا وكمليلي ..
ابتسمت تقى وجت قمعزت جنبها ..وبدت تحكي معاها ع اللي تحس بيه بعد تصلي ..
فوز>>"وهيا ماسكه صفرة .."تقى تعالي شيلي معايا هذي جوا ..
بحتت فيها وقالت .."اشوية سارة .."ومشت لفوز ..
هزت راسها بإيجاب وهيا مبتسمه..
ف هالاثناء فتح باب الحوش وخش .. عيونه محلقات من الارهاق .. تحتهن اسود .. تنهد وهو يرفع ف شنطته ع كتفه .. والثانيه يجر فيها ..
بحت ف الحوش .. بعدين بلع ريقه وخش .. قدم خطوات كان خايف .. كان حاس بشعور اشبه بالوحشه .. خايف كيف بيقابلهم تمنى لو عمر خش معاه .. سمع صوت حسه مألوف يقول .."مالك بشوية راك اطيح ..".. برم .. طول جت عينها ف عينه .. بحتت فيه بصدمه وبعدها نزلت عيونها .. وهو بأستغراب كان يبحت فيها ..
لعند حس بيد نحطت ع كتفه .. وبأبتسامة صحبتها قالت اللي كانت عارفه بجيته  ميسان اللي خبرها إسماعيل الفجر .."الحمدلله ع السلامة .. وبأسف ردت تقول .."عظم الله اجرك .."
بحت فيها ورد بحت قدامه وهيا مزالت تبحت فيه .. تراجي فيه يسلم عليها كويس لها قريب 3 شهور مش شايفته بس هو قال ..
"شن ادير سارة هنا .."
بحتت فيه بحزن بعد فهمت عليه عليش عقله مش معاه .. وردت بحتت ف سارة ..وقالت .."خذاها سيف .."
بحت فيها بصدمة .. ورد بحت ف سارة .. حس النفس عنده ضاق .. طلق الشنطه .. برمت عليه من جديد وبحتت فيه .."تحس ف شي؟ .."
هز رأسه بلا .. وطبس خذا الشنطه .. رفع رأسه وبرم بيمشي .. بس وقف بعد حس الدنيا تلف بيه .. مسك ف يدها اللي كانت اقرب شي له ..
ردت تبحت فيه بخوف .. مالحقتش تدوي لعند طاح بين يديها ..
وقعدت تعيط ع طول حسها بأسمه ..
......
جوا قبل عيطت ميسان .. خشت فوز ومعاها تقى كل وحده فيهن شايله صفرة ..
لقن انوار محوله وشاحها وتوري لحنان ف شعرها ..
حنان>>"بأبتسامة .."صحه صحه ..
ابتسمت انوار بخجل .."سلمك .."
بحتت فيها فوز وهيا تغسل .. وابتسمت .."ماشي معاك اللون مغيرك بكل .."
تقى>>بينلك لون عيونك اكثر ..
فوز>>"بضحكه .."صح ..
ابتسمت انوار بخجل ..كانت صابغه شعرها .. لون ادكن من لون شعرها .. ومطلعها واو واو ..
كيف كفت فوز الصفره مش تسقطر .. نسمعت صوت عيطت ميسان بأسم زكريا ..
حنان اللي لما سمعتها طاح من يدها الكاشيك اللي كان ف يدها تحرك فيه ف الكسكسو .. وتقى اللي مزالت ف يدخا صفرة الزيت طاحت من يدها من الخوف ..
مافيش وحده فيهن قدرت  اتحرك وتمشي لعند ميسان اللي مزالت تعيط .. حنان حست روحها فشلت .. لدرجه قمعزت ع الوطا وحطت يديها ع راسها .. وتقى مسكت ف المرمرة وهيا عيونها مليانات دموع .. وفوز كانت مزالت عاطيه الباب يظهرها .. ماقدرنش وحده فيهن اتحرك من مكانها .. مش هنا بس حتى اللي ف الصاله قعدن ع حركه وحده ..
خشت سارة تجري للمطبخ .. بحتت فيها تقى بعيون مليانه دموع ..
قالت بعد ماعبت كباية اميه .."زكريا قاعد برا طاح ع ميسان .."
وطلعت تجري ..قعدت حنان بيدها ادف ف فوز وتقوللها بخوف .."عدي شوفي خوك عدي عدي .."
مش فطنت فوز .. وبرمت طلعت تجري .. وحنان قعدت تبكي .. بحتت فيها انوار .. وقربت منها حضنتها ..
وفل وورد لحقن فوز ..ومعاهن تركية ومروة .. بس فهريه من كثر ماكانت متحشمه ماقدرتش تطلع .. حست كرعيها ثقال انها تطلع ..وفريال صبت من جنبها لحنان اللي لما شافتها طاحت ف حضنها تبكي ..وهيا تقول .."ولديي طاح بس خفت نطلعله نطمن عليه خفت يكون مايبيش يشوفني ي عمتي خفت .."
تنهدت فريال ..وهيا تمسح ع راس حنان وتبحت ف تقى اللي حاطه يدها ع عيونها وتبكي وانوار تهدي فيها ..
..
حاضن امه وهيا تبكي ف حضنه ..وخواته جنبها ..
سميرة>>"ببكاء .."خلاص ي ماما قطعتيه ..
وخرت سليمة وبحتت فيه وقالت .."زكريا وين ..؟"
عمر>>روح لحوشهم ..
سالي>>مش قال مروح معاك ..
عمر>>"وهو يمسح ف دموعه امه .."قال محمد يبيه يروح بكره يجيكم ..
هزت سالي راسها ..وسليمه بان ع وجها الضيق ..ابتسم عمر وباس خدها وقال .."بنطلع للناس خلاص .."
سليمه>>"بحزن .."عدي عدي ..
بحت فيها عمر وباس راسها ومشا ..حاوطنها بناتها ..
سالي>>توا يجيك ي ماما ماتخافيش ..
سليمة>>"بحزن .."ان شاء الله ان شاء الله...
......
مروة>>"بخوف .."امسحيله وجه بالشوية ي ميسان ..
هزت ميسان راسها بخوف .. وملت يدها اميه وقعدت تمسحله ع وجه .. مع خشت الرجاله ..استغربوا كيف مصبيات كلهن فل وفوز وورد يبكن والباقي يبحتن بخوف ..
سيف>>شن في ي هوو ..
وقرب بسرعه ووراه خوته .. بس محمد بحت ف إسماعيل اللي بدوره هز راسه بإيجاب ان زكريا ..قعد محمد بعيد وجنبه خوته .. امت إسماعيل وسامر لحقوا سيف وخوته ..
اللي حول بوبكر زكريا من حضن ميسان وحطه ع كراعه وهو يخبط ع خده بشويه ..
انس>>"بخوف .."عطر بوبكر عطر ..
مد يده سيف وحطها ف جيبه طلع العطر متاعه ومده لبوبكر وهو يرعش ..
رش بوبكر ع يده وحطها ع خشم زكريا .. اللي اشويه اشويه .. قعدن عيونه يرمشن .. بعدين فتحهن وهو يحس ف الدنيا جنبه تبرم ..
سمع صوت بوبكر يقول .."شكله مش راقد بعد يصيرله هك معناها مش راقد .."
ركز ع خوه .. اشويه اشويه وبدت توضح الرؤيه ..
قال طول .."ابو مالك .."
ضحك بوبكر ..وحضنه وزكريا حط يديه ع ظهره بتعب ..
والبنات والشباب يبحتوا فيهم بأبتسامه ..
وخر بوبكر ..وقال .."طول اول ماجيت بديت تدلع .."
زكريا>>"بضحكه تعب .."حقي ي اخ جاكم الاخ الصغير اللي يعذبكم ..
قربت فوز وطبست عليه وقالت بصوت باكي .."رايفت ع سماطتك .."
وحضناته بقوة وقعدت تبكي وهو مزال راقد ع كراع بوبكر وحاضنها وعيونه مليانات دموع ..ويقول .."قلبي انتي ي فرخه .."
سيف>>عطونا قرعتنا اشوي ..
ميسان>>"ترشف .."انا اول من شفته راه ..
زكريا>>"وهو مزال حاضن فوز .."بالدور صبوا ورا بعضكم ..
ضحكوا .. وخرت فوز .. وحضنه سيف وميسان تكر فيه وزكريا يضحك ..
يضحك بس من جوا والعه ف قلبه نار .. ماحاولش حتى يغلط وعيونه يجن ع سارة .. لعند سلم ع الشباب وصبايا عمامه .. ووصل ..
زكريا>>"قمعز وهو ساند روحه .."تؤام الشيطان تعالن ..
قعدن يبكن هنا الاثنين وقربن حضننه مع بعضهن وهو يضحك ..ويمسح ع روسهن ..
زكريا>>توقعت نجي نلقاكن درتن لحيه وكبرتن ..
مروة>>هذين يكبرن مايكبرنش ي زكريا ..
ضحك .. وهنا يضحكن معاه ..
بعدين صبا وهو ماسك ف يد بوبكر .. بعد صبا حس بدوخه ..
بوبكر>>كويس ولا نشيلك للمستشفى ..
زكريا>>لا مش محتاج توا نرقد نتريح .."وبرم بعيونه عليهم ..وابتسم .."
لعند طاحت عينه ع باته .. بحت فيه ومحمد يبحت فيه ..بحتوا فيهم كلهم ..
زكريا>>خليني نخش بوبكر ..
هز راسه وبرم وهو معاه .. وسيف بحت ف باته بحزن اللي هزله راسه بمعنى عادي ..برم بحت ف مراته اللي مزالت مصبيه وقرب منها ..
سيف>>كنك هنا ..
سارة>>"بأبتسامه حزن .."شي خفت اشويه ..
سيف>>تعالي باه نخشوا تريحي ..
هزت راسها ولحقاته ..
فتحوا الباب الداخلي للحوش وخشوا ..صبا زكريا ف الفم وهو يسمع ف صوت بكاء حنان ..نزل راسه ..وقلبه قعد يدق بالقوة ..
حط يده ع الباب .. وكلهم يرجوا فيه شن حيدير ..
بوبكر>>ماتبيش تخش تعال لشقتي ..
هز راسه بلا .. وقال .."عادي .."
قدم وهو يمشي بشوية تعب .. جت طول عينه ف عين حنان اللي مقمعزة ع الدروج .. نزلت يديها من يدين فريال وبحتت فيه ..كيف بتصبي تجري وتحضنه وقفت .. اذكرت ان هو مرات يرفض ..
زكريا>>"حول يده من بوبكر وصبا قريب منها .."فوق من انك غلطانه فوق ان معش نهمك حتى بعد طحت مادورتيش ..نسيتيني اه ..
نزلت حنان راسها وهيا تبكي ..
زكريا>>"بصوت مخنوق .."رفعي راسك بحتي فيا..بحتي فيا ..قوليلي معش ولدك ومعش نهمك ومعش نعنيلك شي ولالا .. اصلا انا اصلا .."وسكت وهو خانقته العبرة ..ورد يقول بصوت مخنوق .."ماكنتش روحتلك كنت خليتك اتمنيني فيا نجيك وماتلقينيش .. مانحسابكش نسيتي ولدك اللي تحبيه ..اصلا انا عليش روحت؟ .. ماه عشان قلبي الاحرف اللي يحبك ..اللي حتى وهو ف وسط حضن امه يذكر فيك انتي ..انا من كبرني غيرك يمي؟ ..ولا مش امي؟ ..نسيتي زكريا ي حنان ..
رفعت راسها وبحتت فيه دموعها نزلن وهيا تبحت فيه ..فتحت يديها وهيا تقول بصوت يرجف .."تعال  ..".. قرب بسرعه وحضنها زين .. نهارت بكاء بالصوت وهو باس يديها زين .. وهيا تحضن فيه زين ..
بعدها دفن وجه ف رقبتها وقعد يبكي معاها .. وهو يقول بصوت فيه رجفه .."رايفت عليك ي عيوني .."
حنان>>"تحضن فيه وهيا تبكي .."حبيبي ي ماما حبيبي ي زكريا رايفت عليك ي عيوني طولت الغيبة ي امي طولت ..
وهو ماحكش ولا كلمة .. يبكي وبس .. وكلهم يبحتوا فيهم والبنات يبكن والشباب تأثروا بكل ..
وهو ف حضن حنان جت ع باله ذكرى .."كان مقمعز جنب سمر بعد ماوكلها قعد يمسح ف فمها ..
بحتت فيه وقالت .."كنت تبكي ..؟"
بحت فيها .. ونزل عيونه ..
سمر>>"بأبتسامة .."مش لايمه عليك ي امي .. حتى هيا رباتك وتعبت عليك وعارفتك متعلق بيها ..ماتكسرهش ي ماما لان انا مادرتش فيها اشوي ..وحقها تخاف عليك حقها ..
بحت فيها وباس راسها .."ويلوموني ف حبك ي مراه انتي .."
ضحكت سمر .."
وهو رفع اشويه من راسه وقعد يقول لحنان بصوت مخنوق  .."امي ماتت ي امي مزلتي مخليتيني ولدك ولا خلاص ..؟"
بكت حنان من جديد وهيا تقول .."ولدي غصب  عليا ولدي حتى لو ماجبتكش انا ولدي وروحي .."
زكريا>>"وهو دموعه ينزلن .."وانتي امي اللي ماجابتها مراه ..
فريال>>"بضحكه وهيا تمسح ف دموعها .."مغضوب لازم تخرب حتى التأثر ..
ابتعد من حنان وهو يمسح ف دموعه بحت جنبها لقا فريال ..
زكريا>>اوو سلطانة اووو حبي الوحيد ..قلبي انا عمري انا ..
انس>>كان بدأ ف التلسين معناها كيف الحمار مافيه شي ..
شقلب عيونه وحضن فريال اللي قعدت تبكي .. وهو مبتسم بحزن ف حضنها ..وحنان تبحت فيه بأبتسامة ..
...
اما ميسان اللي فقدت اقى من بينهم .. خشت للمطبخ لقتها مقمعزة ع الارض وهيا تبكي بالعبرة ..
قربت منها وحضنتها ..
تقى>>"ببكاء .."ماقدرتش نطلع ي ميسان ماقدرتش خفت خفت واجد ..انا خايفه ي ميسان خايفه واجد ..
ميسان>>"تمسح ع شعرها .."مش ذنبك ي عمري مش ذنبك..
وانوار تبحت فيهن بحزن .. بذات ف تقى كيف تبكي بالعبرة ..
.....
قمعزوا كلهم ف الدار المقابلة .. وزكريا كان متجاهل باته تجاهل تام .. اما فهريه مابتش تطلع عليه بكل ..
كان متكي ع كتف حنان وهيا حاضنه ذراعه ..
بوبكر>>قالك امي ماشفت ضحكتها الا توا ..
انس>>"بتسخف .."يمينتي عليا انا مايعبروا فيا بكل ..
زكريا>>هذا اسمه حسد .. حسد ..
حنان>>فوتهم كبروا نهبلوا ..
ضحكوا كلهم .. ومحمد يبحت ف حنان اللي مبتسمه بحب ..
إسماعيل>>مش قبل ماشي لعيت جدك ..
زكريا>>"بحت ف حنان .."نمشي انا والملكة بعدين شن رايك ..
هزت راسها بإيجاب .. ابتسم وباس راسها ..
سيف>>"بتضييق عيون .."وانت شن عرفك ان ماشي لعيت جده ..
فل>>وبوم بوم بصيت ع روحك .."وضحكت .."
إسماعيل>>"صبا .."انستوا بعضكم ..
سامر>>خوذني معاك .. وطلعوا يجروا وسيف يبحت فيهم ويضحك ..
لعند خشت تقى سكتوا كلهم .. وهو كان واخذ ف حضنه معين هدا ضحك بعد ماكان يضحك ع إسماعيل ..
اللي لحقت موقف تقى اللي صبت ومعش عرفت تقدم انوار اللي قربت وضربتها بكتفها .. ومدت يدها لزكريا ..
بوبكر>>"بابتسامة.."زوجتي ي زيكو ..
زكريا>>"ابتسم ومد يده .."لو ماكانش عندنا تؤام كنت حنتخولط ..
ضحكت بعد فهمت عليه وجت قمعزت جنب بوبكر ..
وتقى اللي فهمت عليها .. قربت ومدتله يدها وهيا تقول بصوت يرجف .."الحمدلله ع سلامتك ..وعظم الله اجرك .."
رفع عيونه فيها .. جن طول ع عيونها .. نزلهن ليدها ومد يده وصافحها بدون مايرد عليها ..وهيا بعد ماطلق يدها اخر شي أطراف صوابعه لمسن صوابعها برمت وطلعت بسرعه ..
محمد>>"صبا .."صبن جهزن الغداء ..
صبا زكريا ..بحتت فيه حنان بخوف ..وقالت"وين ماشي .."
زكريا>>"ابتسم" ..قاعد مش راقد ف الطيارة بنركب نرقد وبعد انوض ناكل تم ي سمح ..
هزت راسها بإيجاب .. بحت فيهم كلهم بأبتسامة .. عدا سارة اللي مابحتش فيها بكل .. وبرم طلع من الدار ركب للدروج .. سمع صوت بكاء تقى .. تنهد بحزن وكمل طريقه ..
فتح باب داره ..كانت نظيفه كيف ماسيبها .. قرب قمعز ع السرير .. وكل المشاعر اللي كان داسهن تحت .. حط يده ع فمه وطلعهن .. وهو مغمض عيونه زين .. ويذكر ف شكل سارة ويعاود انها قعدت مرات خوه ..بس اكثر شي مخليه محروق ان ماقدرش ياخذ موقف من حنان .. بكا لعند تعب ورقد ..
.....
اما لوطه .. حطوا الغداء وفهريه بعد تغدت بأصرار من حنان روحت هيا وبنتها ..وانوار وسارة ركبن لشققهن ..
انوار كانت عاديه بس سارة متلخبطه ..كنت مقمعزة تمشط ف شعرها ع المرايا وهيا تذكر ف ردة فعل زكريا .. حست قلبها وجعها عليه واجد .. تنهدت بحزن وبحتت ف سيف اللي راقد بالنوم وصبت حتى هيا مش ترقد اشويه ..
اما انوار ف غيرت دبش العيال ورقدتهم .. وهيا غيرت ورقدت معاهم وبوبكر كان مع عابد اللي جاي يعيد عليه ..
..
متكيات ف الدار .. فل وورد وفوز ..
ميسان>>وشن صار ف العريس فرخه ورد ..
ورد>>"بملل .."حزانه ي كبدي رغم هك خطبوا فل لخوه ..
فل>>"شقلبت عيونها .."ع اساس بنوافق عليه ..
فوز>>"بضحكه .."تخايلتكن سلفات انتن الاثنين  ..
ضحكت ميسان .. رن نقال فوز ..
فوز>>بوبكر توا يقول قهوة مليت انا .."وصبت طلعت .."
فل>>بنرقد اشوية انا ..
وحطت راسها ع المخده .. دق الباب ونفتح ..
زكريا>>راقدات ي كلبات صبن ..
بحتن فيه ..
فل>>مش كنت راقد ..
زكريا>>لها اربع ساعات كنت راقد هذي ماتشوفيش فيا كيف معطر ولابس دبش عيد .. متأكد ان ذوق سيف.."وفاتح يديه ويبرم يوري فيهن .."
ورد>>اف عليش روحت انت كنه متفكيين منك ..
قرب ريشها من شعرها عيطت .. وميسان تضحك عليهم ..
بحت فيها زكريا ..
زكريا>>ميسو تمشي معايا انا وامي لعيت هل امي سمر ..؟
ميسان>>"بأستغراب .."انا ..؟
زكريا>>اه انتي ..صبي هيا بما انك لابسة ..
ميسان>>باه نسأل ماما ..
زكريا>>ماما ماشيه معانا فزي .."وجا يبي يطلع .."
ورد>>طفي الضي ..
بحت فيها .. وخلاه والع وفتح الباب ع كبره وطلع ..عيطت ورد وميسان وفل يضحكن عليهم ..
..
فوز>>"ترن ع بوبكر .."بوبكر خصايله يصحله يرن ويهرب ..
وطلعت بالصفرة من الباب الخلفي .. كان بوبكر يكلم ومصبي وعابد مقمعز مقابل الباب .. بعد طلعت فطنلها ..وهيا حقاته ضربت راسها بغباء وادرقت ..وقعدت تضبح .."بوبكر .."
بحت فيها بوبكر .. وهو مزال يحكي بالتليفون وقرب خذاها منها وبرم ..وهيا طلعت راسها بحتت ف عابد اللي ابتسم وخشت تجري ..
..
مع طلعت حنان وميسان وفريال ومعاهن زكريا اللي عطاته حنان مفتاح سيارته ..بحت ف عابد ورفعله يده يحيي فيه وعابد ردها له .. ركبن وهو ركب وطلع ..بحت ف إسماعيل اللي مصبي قدام الباب ويبحت ف العمارة اللي مقابلتهم ضحك ..
زكريا>>كنه اسماعيل ..
ميسان>>له كم وهو هك ..
ضحك زكريا .. وركز ع سامر اللي جا من وراه وضربه وهرب وإسماعيل يسب فيه ..
لعند كمل طريقه ...مسك نقاله ورن ع عمر ..وفتح سبيكر ..
وعمر اللي كان راقد ..فتح عليه ..
"مش حطيتك عند هلك وافتكيت من هرجتك .."
زكريا>>يقولو الخال والد ي خال ..
عمر>>لا والد لا شي ي راجل خطاني عدي لحنان وينها ..
ضحك زكريا وهو يقول .."صبي ي اجرب افتح الباب صبي .."
عمر>>"وهو يثاوب .."توا ندزلك ليلى تفتحلك ..
زكريا>>"بأصرار .."لا انت صبي ..
نفخ عمر .. وسكر عليه .. وزكريا يضحك بصدمه .."ولد سليمه سكر عليا ..اااه ي حني .."
ضحكت ميسان .. وقعدت تلقائي تسقم ف الوشاح بعد عرفت ان عمر حيفتح .. بحت فيها زكريا من المرايا .. وابتسم ونزل عيونه  وحنان مركزه معاه. ..
درسوا قدام حوش هل سمر .. نزلن الصبايا .. وبعدهن زكريا ودق الباب اللي فتح عمر وهو عين مسكره وعين مفتوحه وشعره مصبي ..بعد شاف ميسان فنص وسقم روحه وزكريا ماسك ضحكته ..
سلمت عليه فريال وحمدتله بالسلامة وخشت وبعدها حنان ..
حنان>>كنت لزكريا كل شي ف غربته ..
عمر>>حنان خشي امي جوا ..
ضحكت وهيا تبحت فيه بأمتنان وخشت .. واخر من قعد ميسان ..اللي قالت بصوت واطي .."عظم الله اجرك والحمدلله ع سلامتك .."
زكريا>>معش تسلمي ولا ادينتي؟ ..
بحتت فيه بحده .. وردت عيونها لعمر بخجل وخشت .. وهو قعد معاها بعيونه ..
زكريا>>عيونك ي شاب ...
بحت فيه عمر وبرم قعد يضرب فيه ويقول .."ي كلب ليش ماقلت طالع بشكلي هذا ي كلب .."
وزكريا يتلقى ف الضرب وهو يضحك بالصوت ..
.....
.
.
.
#يتبع🤍
#فافي🤍