مكاتيب🤍

الحلقه 19

#مكاتيب🤍
#الحلقه_19🤍
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
مقمعز بروحه يستنا ف المكالمة اللي من مبدري يرجا فيها تجيه ..
رن تليفونه فز وخذاه .. ورد وهو يقول .."ي حثاله باهي اللي رنيت شغلت امي عليك لك اسبوعين مختفي .."
جاه صوته اللي يضحك وهو يقول .."اخترم نفسك ي متخلف قاعد وسط مكة مانبيش نسبك .."
ابستم إسماعيل ..وقال .."وليش ماخبرتني .."
زكريا>>والله ي سمعو ما كنتش بنقولها لحد لكن انت عارف روحك مش حد ..
سمعو>>"ضحك .."ي ابني انشغلت اسبوعين من موت امك لحقت عزيتك ومعش حصلتك بكل ..
زكريا>>خلاص هيا بعدها جيت للسعودية بنصيم هنا ومعايا الخال ومروح ع العيد ان شاء الله ..
سمعو>>باهي. ي سي ربي يتقبل ..متأكد جوك تمام ..
زكريا>>"بضحكه .."توا ندزلك صور بعدين وشوف بعينك .. المهم انت خبرني شن حال اللي عندك كلهم ..
سمعو>>كويسين كلهم ويستنوا فيك تروح ..
زكريا>>هانت ي عشيري هانت .. خلاص هي اودعناك بنعدي نصلي ..
سمعو>>راك تنسنا من الدعاء ..
زكريا>>"ابتسم .."كلكم ف بالي والله .. هيا بالسلامة ..
إسماعيل>>سلام سلام ..
وسكر التفت بحت ف حوش كيف جا يبي يخش رن تليفونه من جديد ..
سامر>>تي وينك يرا ليا ساعه فم الحوش ..
سمعو>>"بأستعجال .."طالع طالع ..
وطلع يجري ..
ركب للسيارة .. قاله سامر بعد مابدا يسوق .."ساعه ازح .."
سمعو>>"بضحكه .."كنت نكلم ف زكريا ..
سامر>>"بحت فيه .."التيس له كم معش يرد عليا ..
سمعو>>قالي قاعد ف مكة .. وجاي ع العيد ..
سامر>>اه معناها هذا عليش معش رد ..
هز سمعو راسه .. وهو يبحت ف الطريق .. ويهدرز مره مره هو وسامر ..
......
فتحت الباب ..وخشت ع بنتها .. رفعت عيونها فيها وهيا تقرا ف قراءن ..
فهريه>>كنك مامشيتي مع حنك وميسان لحوش خالك ..
تقى>>مش خاطري ..
فهريه>>كلامتك اختك ..
هزت تقى راسها بإيجاب .. تنهدت فهريه وطلعت وسكرت الباب .. وردت تقى للمصحف وهيا تقرا فيه ومبعده عليها اي فكرة ثانيه .. تقرا بكل حب وكل خشوع ..
......
صبا انس وهو يقول بعصبيه .."تحشمي ع وجك جنبك باتك .. وبعدين من قال انا نبيها انا قلتها لك؟؟" ..
محمد>>"بحت فيه .."قمعز وواطي صوتك اختك شن قالت .. انا عارفك واحد لخباط واديرها عادي ..
انس>>"بعصبيه وصوت عالي .."مانديرهش مع وحده نعرفها مانديرهش تحشمي ع وجك انتي ..
وطلع من جنبهم .. بحتت فوز ف ميسان ..
فوز>>شن قلت توا ..
حنان>>خلاص انهي ..قال مانبيهش معناها خلاص ..
بحتت فيها فوز وهزت راسها ..وسكتت .. كلهم كانوا ساكتين ماحدش حكا حاجه ..
فريال>>ي مينا ع كيفهم المهم الراحه والهناء ..
حنان>>صدقتي ي عمتي ..
صبت انوار وهيا شايله معين .."تصبحن ع خير .."
حنان>>خوذي معاك سحور يمي ..
انوار>>خذيت معايا ..
وطلعت ووراها مالك ..
قعدت معاها حنان بعيونها لين اختفت عليها بحزن ..
...
طلع برا وهو مزال غاضب ..كان يبي يرن ويهزب فل بس استبعد الفكرة كليا .. قمعز برا .. بحت حواليه ف الحوش وطلع دخانه وقعد يدخن ..وهو يفكر ف الفكرة من اللي قالاته فل ..
......
مقمعزة ع سريرهن .. وتبحت قدامها ..واختها جنبها بس ع سريرها ..
ورد>>"ببحه .."عليش قلتي لميسان ان الخطاب جاييني انا مش انتي ..
فل>>وماما ناويه تحكي لبابا وتخليه شورك العريس ..انا مانبيش نزوج ..
ورد>>عارفه .."وتنهدت .."بس عليش قلتيها لميسان .. "وبحتت فيها .."خايفه ان انس يحكي لعيت جدي صاح ..قلتي تسبقي بخطوه مش يطلعوه كذاب ..
هزت فل راسها بحزن .. وقالت .."كنت بنخلي الحق عليه ان يكذب ومافيش منا اللي قاله .. " وقالت وهيا تبرر بيديها .."هو صح مافيش ف يده إثبات غير الرقم ورقمي هذك قديم يعني مش حيقدر يحكي حاجه ..مش حيقدر لالا .."
تنهدت ورد بحزن وهيا تفكر .. وفل سكتت وهيا سارحه بأفكارها ..
وامهن كيفهن كانت راقدة وهيا تفكر كيف بتحكي لراجلها ..
...
مقمعز قدام الكعبة .. ف يده مصحف صغير كان يقرا منا وبعدها حطه ف حضنه وهو يبحت ف الكعبة .. حس بعمر قمعز جنبه بحت فيه ..
عمر>>رنيت ع عرب بنغازي ؟ ..
هز زكريا راسه ..وقال .." كلمت سمعو قال كويسين .."
عمر>>"هز راسه بإيجاب .."باهي الحمدلله .. ماتبيش ترقد اشوية قبل السحور؟ ..
زكريا>>"وهو يبحت ف الكعبة .."واللي يحق السمحه هذي مزال يجيه نوم ويرقد ؟ ..
ابتسم عمر وهو يبحت وين مايبحت زكريا .. وقال وهو مزال عينه عليها .."زكريا عارف ان امك عندها ورث .."
بحت زكريا ف عمر ونزل عيونه ..
زكريا>>مانبي شي انا ي عمر ..
عمر>>بس هذا حقك .. وامك موصيه ان حصتها تقعد لك ..
تنهد بألم ورد عيونه للكعبة .. فهم عليه عمر ان معش يبي يحكي وصبا وحط يده ع كتفه .."انا ماشي للغرفة .."
ومشا وسيبه مع احزانه .. دموعه نزلن وهو حاضن المصحف زين ..
زكريا>>يارب انت القوي وانا الضعيف .. يارب اجبر حزني والمي يارب .. يارب ارحم امي واغفرلها واحفظلي امي حنان يارب لو يصير فيها شي نموت ياربي يارب انت القوي وانا الضعيف يارب انا عبدك الضعيف اجبر كسري وحزني ..
ودموعه زادن نزلن .. بعدين صبا مش يصلي ركعتين يحول فيهن كل طاقة سلبية فيه ..
....
نفسه كانت تقى .. اللي عايشة مشاعر مافيش احلى منهن .. بين يدين ربي كانت تشكي وتحكي ف كل شي .. واكثر من فرحان بيها ميسان اللي كانت شاهدة ع كل شي عاشاته ..
اما فهريه ف كانت تحت ضغط الكوابيس من اول ماماتت سمر ..
..
وبرضوا عندنا ف عالم الحزن .. انوار
اللي كانت مقمعزة ع الصالون بعد رقدت العيال .. قدامها التلفزيون بس كانت مش معاه بكل تفكر ف الفرق بين رمضان اللي فات ورمضان هذا .. كيف كانت وكيف قعدت .. ملاحظه روحها .. معش يهمها شي .. زهدت ف الحياة .. تنهدت بحزن وهيا تبحت قدامها بسرحان ماعمرهش توقعت انها تعيش اللي قاعدة تعيش فيه توا .. حطت يدها ع وجها .. خطرت عليها نور ..
"نور>>"بعياط .."انتي ي فرخه مش عارفه امتى تقعدي قد المسؤولية ..
انوار>>"بثقه .."انا ي ماما بناخذ راجل يحطني ع كفوف الراحه شن تحكي انتي ..
نور>>"بهزوة .."كفوف عينك ماتبي الا عشر كفوف صبي ي باير فزي ساعدي امك ..
انوار>>نور اطلعي من راسي ..
نور>>قوليلي بس من بيرضى بوحده باير ..؟
انوار>>"بشقلبة عيون .."راجلي .."وضحكت .."
بس ف الواقع كانت ضحكتها بكاء .. نهارت بكاء بحزن .. بألم .. بضغط مشاعر .. بعرم حاجات قاعدة تمر بيهن لدرجه نسنها نفسها ..
فطنت بعد سمعت صوت معين يبكي فزت تجري ومشت لعنده ..
.....
اما راجل انوار .. فكان بين جماعته يضحك ويساير .. بس هو ف الواقع عايش ف عالم غير ع هالعالم ..
السنة اللي فاتت كان ف حوشه مع ولده ومراته والسنة هذي بروحه ..
" فتح باب الحوش وخش .. وهو يشم ف روائح سمحه تعود يشم فيهن كل يوم ..طل من روشن الكوجينه حقها لابسة المريول متاع المطبخ .. ولامه شعرها بحاجه اشبه بالمساكه الكبيرة رغم ان ف خصلات منا طالعات .. ومطبسه ع مالك توكل فيه ..وهيا تغنيله ..
بوبكر>>ي ام مالك المغرب قريب ..
بحتت فيه وضحكت .."روحت غزالي هي عدي توضى وتجهز ع بال مااذن كله جاهز .."
بوبكر>>"ابتسم .."ربي مايحرمني من هالعيون ..
نور>>"بضحكه.." صايم راك ..
بوبكر>>"رقص حواجبه .."حلال ..
ضحكت .."
صوت ضحكتها حسه رن ف وذنه .. مع رنت نقاله جنبه .. خبطه عابد ع يده ..
عابد>>بكي تليفونك ..
بحت فيه وخذاه وصبا بعد لقاها امه ..
رد وهو يقول .."حنونه ي قلبي.."
حنان>>حبيبي شن حالك ..
بوبكر>>الحمدلله شن حالك انتي واللي عندك كلهم ..
حنان>>"بتنهيده .."الحمدلله كلهم بخير .. وين ي باتي ماروحتش..
بوبكر>>خليني ي امي هنا خير ..
حنان>>"بحزن .."بوبكر اللي ادير فيه مايصحش ي امي .. بنت الناس عندها عليك حق .. عيب اللي ادير فيه ي امي عيب واجد ..
سكت ..
حنان>>المراه عندها عليك حق تسمع فيا ولالا انت اخترت الوضع صلحه سلم وليدي وروح .. روح مش تقتنع وهي تنقتنع بقسمها ونصيبها ..
بوبكر>>خير يمي خير ..
حنان>>باهي ي باتي نستنوا فيك بكره .. تصبح ع خير ..
قال .. "قدامك الخير .."وسكر وهو يبحت قدامه بحزن .. تنهد من قلبه وقال .."يارب .."
......
صباح يوم جديد ..🤍
يوم جا حمو بزيادة .. والكل صايم ..
زكريا اللي كان يومه ف الكعبة .. بين الصلاة والقرءات وبين صدقات لسمر .. كان يحاول يملى حسنات سمر اكثر واكثر .. عمرلها .. ودعاء من قلبه لكل حد يحبه .. وكان لتقى حتى هي نصيب من الدعاء .. اللي كان .."يارب ريح قلب تقى .. وعطيها اللي ف خاطرها وف بالها .. ارزقها اللي تبيه وعطيها راحه البال يارب .."
راحة البال اللي يدعي عليها لتقى .. ماكنش عارف ان هو سببها .. ماكانش عارف ان اللي تبيه تقى هو .. ودعالها بحسن نية يجيها اللي تبيه .. وكأنه قدم قلبه لها ع طبق من ذهب .. محلى قلبك ي زكريا🤍 ..
اما خواته .. ف كانن اليوم اكثر نشاط من امس .. وردن روتين رمضان المعتاد متاعهن .. رغم مروة امهن اللي كانت ماتحكيش مع ورد الا ان مشا بجوه ..
..
وانوار اللي كانت ناوية تكمل رمضان مع حنان ومحمد تحت .. ناضت الصبح .. صلت صلاتها وقرت اشوي قرءان وخشت لدار العيال .. لقت معين واعي ويلعب ف مرقده ..
ابتسمت..
انوار>>حبيبي ي مامي صباح النور ي قلبي ..
بعد حقها معين ضحك ومدلها يديه .. شمراته .. وطلعت بيه .. ومالك ف جرتها .. خششتهم للحمام دوشتلهم .. غيرتلهم دبشهم وعطرتهم .. ودارتلهم فطورهم وقمعزتهم قدامها ع التلفزيون .. وقعدت هيا ف المطبخ مش ادير كذا نوع وتنزل بيهن تحت ..
..
اما تحت ..
فوز>>ها ماما شربة وكيمياء ورز بالخلطه .. وانوار قالت ندير نوعين ..
حنان>>"وهيا ماشيه شور الحمام .."كويس كويس .."وخشت للحمام .."
برمت فوز وخشت للمطبخ .. مع نزلت انس .. خشلها ..
انس>>انتي ي مطفوشه معقوله تحكي كلام هذا قدام باتك امس ..
برمت عليه وضحكت .."نسيت والله العظيم بعدين مش انت تبيها البنت صاح .."
انس>>"بغضب .."نبي امك ..معش تقوليها البنت كيفك انتي عادها بلا كلام مالش طعمه راه نلطك ..
ضحكت فوز بصدمه .. وهو بغضب طلع وخبط الباب ..
مع طلعت حنان من الحمام ..قالت .."من اللي هبد الباب هك .."
فوز>>"بضحكه .."ولدك المريض ..
مع خشت بوبكر ..
حنان>>"بفرح .."بكوره ..
ابتسم وجا سلم عليها وسلم ع فوز ..
بوبكر>>مدهكل نركب ندوش ونرقد ونهدرزوا بعدين تم ي عسل ..
حنان>>"بأبتسامة .."ربي يهدي سرك يمي عدي ..
ابتسم وباس راسها وطلع .. وفوز تبحت فيه بأبتسامة وهيا تدعي ربي يهدي سره ..وقعدت تكمل ف اللب ف يدها وحنان طلعت تصلي ..
..
ركب فتح باب الحوش وخش .. سمع صوت التلفزيون ابتسم .. حط نقاله ومفتاحه ع المدخل .. بحت ف الصاله حق معين راقد ع كراع مالك ومالك متكي ع الصالون هما الاثنين باين انهم مزالو مش مصحصحين زين .. ابتسم وقرب منهم ..
بوبكر>>كوكا بابا ..
بحت فيه مالك بضحكه وقال بنبرة حلوة .."بابا .."
ضحك بوبكر وقرب باسه وطبس باس معين ..رفع عيونه جن ع انوار اللي كانت مش مهتمه بكونه قاعد رغم انتفاضة قلبها ..
بوبكر>>رمضانك مبارك ..
هزت راسها بإيجاب وهي تقول .."ورمضانك .." ..
ابتسم بوبكر .. وقرب مالك لحضنه .. ومعين ع كرعيه وقعد يتفرج معاهم ..
الوقت مشا .. وهو من التعب رقد ورقدوا معاه العيال .. اللي انوار كانت من كثر ما شاغله روحها مافطنتش .. لعند برمت بحتت فيهم امتلن عيونها دموع وهيا تبحت ف شكلهم ..
انوار>>الله يرحمك ي قلبي ..
......
مقمعزة جنب امها وخالتها وحنها ..
امها كانت تحشي ف المحشي ..وخالتها ف البطاطا المبطنه .. واما حنها متكيه ع الشلتات بادي ياخذ فيها النوم ..
وهيا بعد كملت اللي كان عليها مقمعزة وماسكه نقالها ..قالت بضحكه .."خالو عمر دزلي الصور .."
سميرة>>ترا وريني ..
سالي>>"بضحكه .."مصور زكريا؟..
ليلى>>"ضحكت .."اها يخيه محلاه كيف طالع خالو ..
سليمه>>"بنص عين .."تعالي وريني ي بنت ..
ضحكت ليلى وقربت من حنها ..
سليمه>>ايييه زيكوا رايح كيف الحاج ..
سميرة>>'بضحكه .."ماكيف يمي هو حج بس ربع حجه ..
سليمه>>الله يبارك ع وليدي الله يبارك ..
ضحكت ليلى وقربت بعدها من امها وخالتها توري فيهن ..
سميرة>>زكريا سبحان من عطاه هالوجه السمح .. امه امه الله يرحمها ..
سالي>>"بضحكه حزن .."حتى طريقة الفم .. والوقفه وعرضته وكتوفه كيف امه .. الباقي كلهن لباته الضايل ..
ليلى>>ماما صايمه راك ..
سالي>>استغفر الله ..
ضحكن عليها ..
ليلى>>"تسجل لعمر .."ربي يتقبل منكم ي خالو وراكم تنسوني من الدعاء ..
سميرة>>"بصوت فيه علوه .."وانا ي عمر نبي نزوج ..
ضحكت ليلى ..
سالي>>سلم ع زكريا ي عمر ..
سليمه>>قوليله حني تبوس فيك من خدودك ..
ليلى>>"بضحكه .."سمعت الجمهور خلاص يخالو نخليك ربي يتقبل منكم ..
.....
ضحك عمر وهو يسمع ف التسجيل ..وزكريا جنبه مبتسم وهو يسمع معاه ..
زكريا>>افتح التسجيل ..خالتي من اللي قالت سلم ع زكريا ..
عمر>>"ضحك .."سالي ..
كشخ زكريا بعد اذكر سالي بنت فهريه ..
ولع عمر التسجيل ..
زكريا>>حني ي حبي انا وهاكي بوسات ع خدودك السماح .. ودعيتلك را تكوني السنة الجايه هنا بس حج .. وخالتي سالي سلامك وصل واما خالتي سميرة دعيت ربي يعطيك راجل انظر تحصلي ولا فاتك القطار ..
ضربه عمر ع ظهره .. ضحك وهو يتوجع ..
عمر>>"قرب من فمه التليفون .."خالو ليلى قولي لحنك مروحين بعون الله اول يوم العيد .. وزكريا معايا ..
زكريا>>ديرولي غداء مقنط جعان جوعه ..
ضحك عمر ..
......
فتح عيونه إسماعيل .. وتكسل وقمعز ..
صبا فتح الباب وطلع .. قابلاته ف طريقة تقى ريشها من شعرها ..
تقى>>"بعياط .." ي باااارد ..
ضحك ع صوتها وكمل .. وهيا كملت طريقها للباب وطلعت ..
وهو خش لدار المعيشة لامه ..لقاها معاها البنات ..
قرب وقمعز جنبها ورقد ع كراعها ..
سمعو>>يمي لقنه خاطري توا توا ف عصير مصقع ..
ميسان>>تريح ف اجر صيمتك ي بختي ..
فريال>>خليه عنك .. قريب يأذن المغرب ..
فهريه>>صبي صلي اللي فاتك ..
سمعو>>حاضر والله بنصبي ..
فريال>>"ضرباته ع كتفه .."صبي صاح صلي صلاتك ..
قمعز وهو يقول .."انتي ي قلبي تأمري بس .."وباسها من خدودها الاثنين .. وقدم من وذنها وقال بهمس .."هذين من زكريا قالي بوس خدودها وقوللها كل سنة وانتي نوارت حياتنا .."
بحتت ف ولدها ودموعها ملن عيونها .. ابتسم وباس راسها وصبا ..
حطت فريال يدها ع فمها وهي تبكي ..
ميسان>>"بصدمه .."بسم الله يمي كنك ..؟
فريال>>"ببكاء .."اذكرت زكريا ولد خوك ..
فهريه>>"بحزن.."ربي يجيبه لهله طيب ..
كانت مخطمه سمعت اسم زكريا كملت طريقها .. كملت اه ماصبتش سمعت كنه .. قلبها اللي يحبه كان شايل عليه واجد .. هيا مش ذنبها يقطعها .. بس عشان خافت عليه؟ .. حقه .. لا مش حقه مش حقه .. تردد ف هالكلمات .. بعدين كرت ملايتها وتوجهت مش تصلي العصر ..
....
فطن بوبكر لقرب انوار اللي خذت معين من جنبه اللي كان واعي ..
بعد حقاته ناض قالت .."نزل معاك مالك بعد تكمل .."
ومشت شور الباب فتحاته وطلعت .. وهو بحت ف مالك .. شمره بحذر وخششه معاه لداره مش يدير دوش وينزل بيه ..
...
واذن المغرب .. ومشا جو ثاني يوم من رمضان كيف اول يوم عادي جداً ..
بس أجواء رمضان كانت طاغيه ع كل شي .. حتى ع الحزن .. اللي جا رمضان حول اي شي فيه حزن ف الحياة ..
رمضان بعد يخش يخش بجوه .. ينسيك لو شهر بس حياتك وروتينها ..تزيد تقرب من ربي وتزيد عبادة وحب للأسلام🤍 ..
..
ومشا ثالث يوم منا .. ورابع يوم .. لعند مشن اول عشر ايام من رمضان ..
..
واليوم بالضبط كان موعد العرب اللي يبو يجو يخبطوا فل ..🍀🍀
.....
نفس اليوم اللي شاف فيه سيف .. رسالة ع تليفون سارة محتواها .."أنَا مُذْ رَأَيْتُكِ غَاب عنّي مَنْطقي
‏حتَّى القَصَائد خانها التعبيرُ" ..
.....
ماسكه نقال خالها بعد طلبت منا تشوف الفيس متاعها اشوي .. قولو تكذب ع روحها بتشوف اخر شي نزله زكريا ..
إسماعيل>>"وهو راقد ويتفرج .."سقدي روحك تقى ..
تقى>>اصبر ي همي الاحرف ماه كان صلحتلي نقالي مش هك ..
إسماعيل>>"شير بيده .."غير بوجي ..
ضحكت وردت عيونها للشاشه .. بعد شافت منشور منزله زكريا مقمعز وعاطي بالظهر وقدامه الكعبة ..
ابتسمت من قلبها بس اختفت ابتسامتها بعد شافت تعليق لوحده اسمها .."لولي الأميرة .." معلقه  .."ربي يحفظك ولد خالتي ويبارك فيك ويتقبل منك .."
هو مش راد ع حد حتى فوز اللي معلقه .. الا عليها دايرلها قلبين بيض🤍🤍 ..
رفعت عيونها ف ميسان اللي خشت وهيا تقول .."تعالو اشربوا قهوة .."
بلعت ريقها بصعوبة .. تردد ف وذنها كلام سارة .."حتى لو صار عكس اللي تبيه ماتيأسش .."
تنهدت بضيق ودموعها محبوسة .. وهيا تصلي ع الرسول ف الصلاة الابراهيميه ف سرها ..🤍
.
.......
.
.
.
.
.
#يتبع🤍
#فافي🤍