مكاتيب🤍

الحلقه 9

#مكاتيب🤍
#الحلقه_9❤️
.
.
.
.
.
.
.
.
.
.
.
.
.
.
.
.
.
.
.
.
.
.
.
.
راقد وحنان مقمعزة قدامه ادلكله ف قلبه وتقرا عليه وهو يبحت فيها ..
رفعت عيونها فيه ..
حنان>>كويس امي توا ..؟
مسك يدها وباسها من جوا ..
زكريا>>طول ما انتي جنبي وانا كويس ديما ..
ابتسمت وحضناته ..
حنان>>"عيونها دموع .."حبيبي وليدي ..
ابتسم وهو ماسك ذراع يدها ..نفتح الباب وخشت فوز وراها انس ..
انس>>ولد ماما ي ولد امه ..
زكريا>>"وهو مغمض عيونه ومزال ف حضن امه .."ولد امي اها وكلي فخر ي جلف ي بارد ..
ضحكت حنان ..ومعاها فوز ..وقربت منهم ..
فوز>>كنه زيكو قالت امي امينه تعب ..
تغير وجه زكريا .. وبان عليه الضيق وخر من حنان .. وبحت فيهم ..
زكريا>>"حط يده ع قلبه .."قلبي تعب فجأة بروحه .. شكلي لأن رقدت وانا نفكر ..
أنس>>"برم يبي يطلع .."وف شن يفكر ولد امه ..
زكريا>>"بنرفزه .."ف العابه ي تافه اللي بيلعب بيهن ..
ضحك انس وطلع ..بعدين رد وبحت فيه .."نشيلك مستشفى .."
وهو مسك يد فوز اللي قمعزت قدامه هز راسه بلا وهو ملامحه متنرفزه ..
فوز>>"بضحكه .."انس ي بارد ..
ضحك وطلع .. صبت حنان ..
حنان>>خليك جنب خيك نازله نوتي غداء باتك ع جيه ..
هزت راسها بإيجاب .. طلعت حنان .. بحت زكريا ف فوز اللي تبحت فيه ..
زكريا>>كنك تبحتي فيا هكي ..؟
ابتسمت وتنحنحت ..صوتها مخنوق ردت وقالت .."شي ..نجي نرقد ع كتفك كيف زمان..؟"
خبط ع كتفه خبطه خفيفه ابتسمت ورقدت ع كتفه وهيا مزالت ماسكه يده .. هو سرح بتفكيره ف اللي حكاته سارة .. وهيا سرحت بس مش ف همها .. سرحت ف حب بنت عمتها لخوها .. تذكر ف كلمتها اللي فهمت منها وهيا تحكي لميسان .."زكريا يحبها ي ميسان ماعمره ماحبني ولا حيحبني ي ميسان ولا عمره .."
.....
بنت عمتها اللي تهزب فيها اختها ..
سالي>>"بعصبيه .."تحبي من بس من ولد اللي مزال يذل ف امك حل مايشوفها ليش ماخذيتي العبرة مني انا ليش ..
ميسان>>"تمسك فيها .."سالي واطي صوتك اسكتي خلاص ..توا تسمعك امك ..
سالي>>"بغضب وهيا تبحت ف ميسان .."انتي نسيتي اللي دراته فيا وقت عرفت اني نحب سيف .. ساد سيف واللي داره تبيها تعاود نفس الموقف ..عليش شن ناقصك عليش عليش .."وردت تبحت ف تُقى.."
اللي تبكي .. خبطت كرعيها مره واثنين وثلاثه وعيطت وهيا تقول "خلاص خلاص ..مليت خلاص كل واحد يحكي بروحه كل واحد ينصح وانا اللي ننحرق انا .."
صبت وهيا تبحت ف اختها بنظرة حاده .."انا مااخترتش ان انا نحبه ولا قتلت روحي عشان حبي له ولا مشيت وقتله راه انا نحبك .. انا قاعده ننحرق بروحي .. ننحرق ف روحي .. ننحرق ف نفسي .. ماجريت لحد وقتله عدي قول لزكريا راه نحبك ..عدي قوله راه انا ننحرق كل ماتحكي مع وحده .. نموت مية موته بس وقت تبحت ف وحده ثانيه ..ماقلتش حنو عليا وابكوا معايا ماقلتش شي من هذا كله معش تضغطي عليا اكثر خلاص خلاص مليتت من نفس الشي كل واحد يحكي وينصح وماحد يحس ماحد"
ودفتها ومشت طلعت وهيا تقول "ماحد .." وميسان تبحت فيها بحزن وبعدها بحتت ف سالي اللي تبحت ف اختها لعند اختفت من عيونها وردت بحتت ف ميسان بألم ..
.....
خشت ورد وهيا ع وجها ابتسامة خفيفة .. طول مشت لدارهن ..لقت اختها تصلي .. خشت الحمام غيرت دبشها وقمعزت ع السرير ...
بحتت فيها فل وهيا تسلح ف الملايه ..وقالت"كيف ماتبيش اتغدي؟"..
ورد>>لالا سكري وراك الباب بنرقد اشويه عندنا امتحان بنوض نقراه ..
رفعت فل حاجبها وهزت راسها ومشت طلعت وسكرت وراها الباب ..وورد جت تجري لدولاب اختها طلعت منا تليفون قديم فيه شفرة .. طلعتها وحطتها ف تليفونها وجت لبدلتها الثانويه اطلع منها ف الرقم ..بحتت فيه بضحكه وسجلاته ف الشفرة اللي تعود ف الاصل لأختها فل ..
رقدت ع سريرها وهيا مزالت مبتسمه .. وحطت التليفون جنبها وكانت ف الكفر متاعه الورقه اللي تثبت فيها حقارتها مع حقارة مازن ..
...
اللي طلع من عندهم .. ورن عليه انس من جديد ..تنهد بملل وخذا التليفون ورد ..
مازن>>ايوا ..!
جاه صوت انس الغاضب وهو يقول .."وينك؟"
مازن>>طالع برا بنغازي عندي شغل شن تبي ..؟
انس>>الكلام معاك مايسيرش ع تليفون .. بعد تروح ليا كلام ثاني معاك ..
هز مازن رأسه .. وقال .."ان شاء الله تبي حاجه .."
سكر عليه انس بلا مايحكي حاجه .. ضحك مازن بقهر وهو يقول" تافه .."
وعلق وطلع متوجه لشقته ..
وانس خبط التليفون جنبه .. وهو يحس بالغضب منا .. ماحسش بسيف اللي قرب وقمعز جنبه لعند قال ..
"كنك .."
بحت فيه .. ورد بحت قدامه وبعدين رد بحت فيه وقال .."رنت عليا فوز اليوم .. تبكي .. "
سيف>>"بخوف .."كيف تبكي وينها توا؟ ..
انس>>سيبتها مع زكريا فوق .. جبتها هنا ..
سيف>>"بغضب .."والتافه راجلها وين ..؟
أنس>>قال برا بنغازي انا وراه وراه لين نعرف كل شي ..
سيف>>من الأول مش راضي بس الله يسامحها وخلاص .."وصبا .."
بحت فيه انس .."ويين؟"
سيف>>بنشوف بوبكر .. وماشي للحاج ف المحل ..
هز انس راسه .. مشا سيف .. لحظات ولحقه انس وخش وراه ..
.......
تقلب ف تليفون اختها اللي خذاته من ضمن دبش لها تبيه انوار .. كانت انوار جنبها راقده ع جنبها وراقده بعد تعب ودموع يوم كامل .. جا قدامها رقم مسجلته نور .."سيف سلفي .."
سارة>>ندمت ان حكيت مع زكريا .. ردت فعله خلتني نادمه .. حاسته مزال صغير .. ومزال ياما يبي مش يقعد واعي لحاجه كيف هذي ..
تنهدت .. وبدون تردد برمت ..خذت نقالها .. وقعدت تسجل ف رقم سيف .. وهيا تقول .."سيف اكبر وهو اللي اكيد عنده تأثير ع خوه .."
سكتت اشويه وقالت .."انا عليش ملهوفه ان اتحقق وصية نور للدرجه هذي .."وردت سكتت بعدين ردت ع روحها وقالت .."وصية ووصية الميت ولازم اتنفذ .."
وسكرت نقالها بعد سجلت رقم سيف ..
.....
بحت ف اخته اللي رقدت .. صبا وهو يغطي فيها .. نزل دبشه وطلع من الدار وسكرها وراه .. خطم قدام دار بوبكر .. صبا قدامها وهو يبحت فيها بتمعن .. سمع صوت خوه سيف فيها .. دق الباب وخش ..
بحتوا فيه ..
زكريا>>سلام ..
"عليكم السلام .."
بحت ف سيف .. ورد بحت ف بوبكر ..
زكريا>>سيف تطلع اشوية نبي بوبكر ف موضوع ..!
ابتسم وهو يبحت فيه .."من امتى ادس عليا .."؟
ضحك زكريا ومعاه بوبكر اللي ابتسم ..
زكريا>>حاجه بيني وبين خويا اطلع منها ..
سيف>>وانا ولد البطه السودة ..
هز زكريا راسه .. رد ضحك سيف وصبا ..حط يده ع كتف زكريا وطلع .. ف نفس اللحظه رن تليفونه .. رفعه وبحت ف الرقم ..
رد .."ايوا .."
....
قمعز زكريا جنب بوبكر .. ويبحت فيه ..بعدين بحت قدامه ..
زكريا>>توا انت اكيد تقول صغير زكريا شن فهمه ف اللي قاعد نعيش فيه .. بس بالعكس .. انا اكثر شخص حاس بيك .."وبحت فيه .."حاس بوجعك وشن تحس .. اصعب شعور ف الحياة ان الانسان يفقد اغلى حاجه ع قلبه .. ولا يفقد روحه اللي كان يوم من الايام عايش ع سباها .. عايش عشان هيا عايشة .. تحس بالامان وهيا معاك .. انا فاهم اللي تمر بيه وعاذرك ونبيك تاخذ وقتك ف حزنك اللي مش حيكف .. عارفك وعارف نور شن كانت بالنسبة لك .. عارف كويس بكل ف شن قاعد تعيش وشن عشت معاها .. ونرد ونقولك ان معاك حق ف حزنك عليها .."ورد بحت فيه .."بس عشان عيالك لازم تطلع منا حزنك هذا ..
كان يسمع فيه بوبكر بدون اي تعابير .. بس تعبير الحزن اللي مرسوم ع وجه هو اللي يعبر ع اللي ف داخله ..
كمل زكريا كلام وهو يقول .."عشان مالك ومعين اللي امهم ماتت عشان تحافظ عليهم وانت شاهد .. ماتت نور مش يعيش معين ويقعد مع خوه .. ماتت نور وسيبتلك امانة تحافظ عليها مفروض عمرك كله .. وانت عارف ان امانتها ف رقبتك لين تموت .. "ضم كفوفه ف بعضهن وبرم ع الجنب عطا بوبكر بجنبه .."نور مأمنة اختها سارة أمانة.. وكاتبة فيها بالحرف الواحد انها تبيك تاخذ اختها انوار عشان هيا اللي تربي عيالك ..
سكت بعد سمع بوبكر قال "كيف كيف .."؟
بحت فيه زكريا وهز راسه .."رسالة شفتها بعيوني .. وكاتبة فيها بالحرف الواحد ان مالك متعود عليها .. وغير هكي قالت ان هيا واختها متشابهات مش حيفرق مالك بينهن .. ماتنسش ولدك مزال صغير ويبي من يدير باله عليه ..
بوبكر>>"بصدمه .."انا مزلت نفكر الوليه هذي عمرها ف يوم حبتني؟ ..
بحت فيه زكريا بحزن ..شاف ف وجه خوه صدمه مع حزن .. حسه ماتقبلش ان نور مسلمه فيه عادي ..
بس نور ماكانتش مسلمه فيه .. نور كانت تبيه مايحزنش عليها .. متأكدة كانت انوار جتنسي بوبكر فيها وتخليه يعيش حياته .. بس اللي ماحسبتش حسابه نور .. ان بوبكر ممكن يوم من الايام يعيش مع انوار ع انها نور .. ماحسبتش وجع اختها ف لحظتها شن حيكون ..!
كان زكريا مزال مستمر ويبحت ف خوه .. وبوبكر ساكت معش نطق شي ..
زكريا>>حاس بوجعك وراس خيي .. بس هذي وصيه وانت عارف نور .. حاس بيك وعارف ان الموضوع صعب عليك وواجد اخره .. بس انت عارف اخره حب مراتك لعيالها كيف .. لذلك حقق وصيتها وخليها اتريح ف قبرها ..
رفع عيونه فيه بعد سمع رشفاته .. عيونه تعبن دموع حزن عليه .. حط بوبكر يديه ع عيونه وهو يبكي .. وزكريا يبحت فيه بوجع .. قرب منا حضنه زين وهو حاس بشعور موحش فوق شعوره بالوجع ع خوه ...
.....
الشعور الموحش اللي كان يحس بيه زكريا ..
هو وجود امه تحت اجهزة العناية المشددة .. امه اللي الحزن خذا منها صحتها .. حزنها ع ولدها اللي مالحقتش تفرح بيه ..
مالحقتش اضمه وتشمه .. هو حاس بوجع .. بس لأن هيا زاد المها اكثر .. والشي هذا كان مخوف احبباها عليها .. اللي جاهم خبر ان سمر خشت لغيبوبة .. ممكن تنوض منها وممكن لا ..
بس هل تموت سمر قبل ماتشوف زكريا وتعرفه ويعرفها ؟ .. هل يعيش شعور فقد الأم مرتين؟ ..
يااااه ع كمية وجعك ..💔
......
ف الليل ..
كانت مقمعزة وهيا لافه روحها بشال .. وتحرك ف يديها ف بعضهن مش تسخنهن .. بحتت ف باب بوابة عيت جدها حقت ولد خالها خاش .. بحت فيها .. وقدم ناحيتها ..
زكريا>>ف شن اديري برا توا .."وقرب صبا قدام الطاولة اللي مقمعزة عليها .."
تُقى>>شي كساد كسدت جوا طلعت ..
كر كرسي وقمعز عليه .. وهو مربع يديه ..قعدوا ساكتين هما الإثنين لعند هو قال ..
زكريا>>وضع بوبكر يخوف ..معقولة الحزن يدير هكي ..؟
تُقى>>نسألك سؤال ..
رفع عيونه فيها وهيا تحكي .. "اكيد .."
حولت عيونها من عليه وقالت .."عمرك عشت شعور الحزن هذا ..؟ يعني شعور الفقد ..؟"
سرح ف خياله وبعدين قال .."لا ولا مره .."وبحت فيها .." بس يعني نعرف شعور الحزن شن هو .. بس ولا مره حسيته سمطني لدرجه كبيرة يعني كيف مشاعر بوبكر توا .."
تُقى>>عمرك حبيت ..؟
صدمه السؤال .. خلاه ساكت لحظات .. وهيا تبحت فيه بعيون مليانه دموع .. عيونها اللي لو ركز عليهن زكريا لحظات كان تاه ف حبهن .. رفع عيونه ف عيونها .. هربت بنظرها كالعاده ..وهو قال .."حاس بمشاعر اتجاه شخص .. "ضحك بتوتر .. "مش عارف عليش قاعد نحكيلك انتي الشي هذا .. بس جديات خاطري نحكي لحد .." حط يده ع قلبه " بس فيا وجع غريب اليوم .. مش عارف مصدره .."
نزل يده وبحت فيها من جديد وقال بضحكه .."مش عارف اذا هو حب ولالا ماعمريش حبيت بس عاجبتني وحده .."
تبحت فيه وساكته كل اشويه طالع من موضوع وخاش ف اللاخر بدون مايكمله .. حست بقبضه ف قلبها بعد قال اخر شي ..
زكريا>>"ضحك بوجع وقال .."كنك سكتي ..
تُقى>>نفكر ف اللي تقول فيه ..
ضحك .. وهيا تبحت فيه .. نفتح باب الحوش ..
فهرية>>قاعده تهدرزي والرياضيات اللي بكره امتحان من له؟ ..
تنهدت بضيق.." ي ماما تعرفيني مانفهم فيه ف شي .."
زكريا>>"بأبتسامه .."عدي جيبي الكتاب توا نقريك فيه ..
فهريه>>سلم حبيب عمته عدي جيبي لولد خالك الكتاب ..
صبت تُقى وخشت .. وهو يبحت قدامه وفهريه بحتت فيه وهيا ساكته .. طلعت تُقى وهيا ماسكه الكتاب .. مداته له خذاه وهو ساكت وقمعزت مقابلته .. برمت فهريه وخشت وتُقى تنهدت وهيا تشوف فيه يقلب ف الكتاب بعدها قال"وين اللي خاش للامتحان .."
قربت منا وراته له هز راسه وقال" انتبهي معايا .."
.......
مقمعز ف السيارة ..
ورن ع نفس الرقم اللي عرفه لمن اللي صاحبته مبدري سكرت عليه مجرد ماقال ايوا ..
ردت ..وكان صوتها باين انها راقده .."الو .."
سيف>>سارة؟! ..
فطنت .. فتحت عيونها وبحتت ف رقمه .. فتحت عيونها ع وسعهن وسكرت الخط وهيا حاطه يدها ع قلبها ..
رد رن .. سكرت .. عاود رن ..
تنهدت وردت ..
سارة>>الو ..
سيف>>كنك تحشمتي.. ؟انتي اللي رانه عليا مبدري راه ..
سارة>>"سكتت .."وانظني غيرت رايي وسكرت ..
سيف>>مافيش رنه بلا سبب اكيده عندك سبب مهم ..
سارة>>سيف ..
سيف>>"تنهد .. وسكت اشويه وبعدها قال .."لو خطبتك من باتك توافقي؟ ..
.......
ف مكان بعيد عليه .. ف وسط شقة اخته ..
كان متكي ع السرير وهو عارفها حترن ..
وفعلاً لحظات ورن تليفونه ..
رد وهو يقول" الو .."
ورد>>ايوا مازن؟..
مازن>>تفضلي ..
ورد>>انا فل ..
......
وف دار زكريا كانت فوز راقده .. ناضت وهيا تبحت حواليها .. عرفت انها بدون ماتحس رقدت ف دار خوها .. استغربت ان مش قاعد هو .. قمعزت .. ومسكت نقالها .. رنت ع راجلها اللي طلعلها .. "انتظار .."
صدمة ..كسرة .. من شخص كانت اتوقعه هو الأمان 💔
.......
بحت ف تُقى ..
زكريا>>فهمتي ..؟
هزت راسها .. مدلها كراس ..
زكريا>>حلي هذين ..
خذاته منا .. وقعدت تحل ..
تُقى>>اللي تحبها سارة؟ .."بدون ماتبحت فيه .."
بحت فيها بصدمة ..
زكريا>>من سارة ..
سكت بعد طلعت سالي وبحتت فيهم ..
سالي>>شن اديروا ..؟
تُقى>>انتي شن تشوفي؟ ..
سالي>>"بحده .."تعالي توا نقريك انا ..
بحتت فيه وردت بحتت ف اختها ..وقالت .."سالي .."وشيرت بالقلم اللي ف يدها ع خشمها .." واصله معايا لهن رآه"
سالي>>خشي جوا توا نقريك انا ..
زكريا>>وكني انا مش عاجبك؟ ..
سالي>>"شيرتله بيدها .."اشويه لو سمحت ..
رفع حاجبه .. وتُقى تبحت فيها بحده .. مع طلعت فهرية ..
فهريه>>كنك مع اختك ..
سالي>>قلتلها نقريك انا ..
فهريه>>ماه يقري فيها ولد خالك تشوفي فيه ..
سالي>>نقريها انا بلا جميل حد عليها ..
فنصت تُقى عيونها وزكريا يبحت فيها بحده ورافع حاجبه ..مابش يحكي مش مايطلعش الحق عليه ..
فهريه>>"بحده.."شن الجميل اللي يقري فيها ولد خالها خشي جوا وخليه يقريها ..
سالي>>مش خاشه قبل ماتخش معايا ..
فهريه>>"بعصبيه .."سالي ..
سالي>>ماما بنتك ماتقعدش مع هذا ماتقعدش معاه ..
زكريا>>"بعصبيه .."عليش شن تحقي فيا قدامك ..مش راجل؟ ..
سالي>>"بحتت ف تُقى .."
اللي تفنص فيها .. نطقت سالي .. وقالت كلمة خلت امها واختها وزكريا ف حاله صدمه .. زكريا طول بحت ف تُقى وهو مش مستوعب شن قالت سالي .. وفهريه طول جت لبنتها وضربتها كف .. صدح صداه ف الحوش كله ..
.......
ف ايام مقبله ..
ف مكتبها ..
مصبيه وهو قدامها ..
واقسم بالله نحبك ي سارة .. اقسم بالله .. "ابلة سارة ماتخطش حدودك .." "تي نقولك نحبك تقولي ابلة سارة ..
"انت فاطن لفرق العمر اللي وبيني وبينك .."
فرق العمر انتِ تبحتي فيه مش مهم عندي ..
"لا مهم شن يبوا يقولو هلك غير ان انا غاويتك ومخليتك طايح فيا عشان فلوسك .."
"مافيش حد من هلي يفكر هكي .. بعدين انا قاعد نقولك نحبك وانتي اطلعي ف سبل بدون سبب راه .. انتي مزلتي ماعشتي شي مش تحكي قبلها .."
"مانبيش نعيش شي .. اللي نشوف فيه انسان مراهق قاعد يحكي معايا مش واعي لروحه شن يحكي .. وسيوره يوم من الايام يرد عقله ويعقل ويغير رايه ويشوفني كبيرة عليه .. انا قدامك اختك الكبيرة .."
"وانا نحبك مانشوفش فيك الا حب حياتي .."
"اطلع برا .."
"حنخطبك باتي اللي نبوها نحنا موافق عليها حيجي باتي ويخطبك .." بحتت فيه بهزوة وهيا تقول .."برا اطلع برا معش بنشوف وجك عندي .." .. رفع حاجبه بتحدي .."تم الأيام تثبت .." وبرم طلع وهيا تبحت فيه بصدمه لعند اختفاء من قدامها ..
..
.......
#يتبع🤎
#فافي🤍