البارت الرابع
دقت باب الغرفه وفتحت لها امها
هيام :امي ودي اكلم ابوي شوي
تركي:تعالي هيام تعالي فاطمه خليني معها طلعت فاطمه تعالي يبه اسمعك قولي الي فكرتي فيه وصدقيني بكون معك قرارك على عيني وراسي وانتي دره ثمينه وقلب تركي مايقدر يسوي الا الي يرضي درته قولي يعين ابوك
ابتسمت هيام وفركت يدينها ببعض وقالت
يبه انا موافقه اخذ نايف
تنهد تركي لانه كان وده انها ماتوافق مو متطمن لخالد ويحس قلبه جالس يحترق لانه يعرف ان خالد ماينوي شيء كذا بس برضو يعرف ان بنته ماينخاف عليها بس دام سمع موافقتها استحاله يوقف بطريقها وهو تعود وعود عياله ياخذون قرارتهم بانفسهم ابتسم وهو يبوس راسها وطلعت هيام من
الغرفه بعد مااعطت ابوها قرارها الي تجهل نهايه هذا القرار
ابتسمت وهي تدخل غرفتها بنشوف ياولد فيصل اذا ماقلبت حياتك جحيم مااكون هيام اذا ماخليتك تتمنى انك وقفت ورفضت قدام كل الخلايق والله لا اكون عقابك واعلمك مين نايف بعدك ماعرفتيني وعرفت ان الوجه الملاكي قادر يقلب حياتك ويهلكها كلها بدون ماترف له جفن يملاها غرورها وثقتها بنفسها وانها قادره تعمي عينه وتندمه بس هل هيام تعرف مين نايف ؟؟
اخذ بدلته وجالس يركب نجومه على كتفه وقف قدام المرايا وهو يجهل كل شيء بس هذا نايف هاذي من برا وداخله حروب رجفه جروح كسره قوه هيبه شموخ صراع كل شيء مزعج مهلك داخله مسح على راسه ونزل وقف على صوت جده يكلم تركي وقف وهو يسمع
خالد:اجل الجمعه نجيكم ونخليها خطبه بملكه مره وحده ان شاءالله قفل منه
دخل نايف وقال له خالد انهم وافقو اعتلت الصدمه على وجه نايف دارت الدنيا فيه وده يتكلم وده يرفض لكن الصدمه الي فيه ماسمحت له يقول حرف واحد بس السوال ليش ماقدر يقول 'لا' اول مره يحس فيها نايف بانه عاجز حاير مايدري وين يروح ايش الشيء الي مخليه يسكت ماعاد يسمع الا صوت نبضه طلع مسرع وركب سيارته وهو يفكر حط يده على راسه حس انه تورط عرف وتمنى انه تكلم بس الي مجنن نايف انه ليه ساكت تنهد اهاه يانايف اهاه ايش سويت في نفسي انا ليش مو قادر اسوي شيءٍ ليش سكت ليشش حكمتي على نفسك بالهلاك يابنت تركي حرك سيارته وهو حاليا مايشوف الا طريق واحد وماهي الا دقايق ووصل نزل وكله غضب يحس جسمه نار نايف الي ماعمره احد قدر يفرض عليه شيء الحين تنحط قدام الامر الواقع كانت واقفه وحست بيد حول ذراعها تمسكها وتسحبها لفت وهي حاسبه حساب الشيء هذا دخل وهو يرميها على الجدار وبصراخ انتي ايش جالسه تسوين
هيام :اووووه زوجي المستقبلي اهلا اهلا.
نايف رص على اسنانه وقرب منها بتندمين يابنت تركي بقلب حياتك جهنم وجحيم نهايتك بتكون على يدي صدقيني
هيام بابتسامة بنشوف واعلى مابخيلك اركبه وارجع اقولك انا مااتهدد اصحى على نفسك بس حط في بالك اذا في احد بيندم فهو انت بخليك تتمنى آنك فشلت عمرك امس بمجلس ابوك ورفضت ولا انك سكت بكون موتك بكون
عذابك عقابك هلاكك وقتها بتعرف هيام مين مشت من جنبه ضرب بيدها على الجدار وهو يسال نفسه من وين جابت القوه ذي بس مالها الا انه يكسر الغرور والكبر الي فيها ودامها وافقت ويعرف انه ورا الموافقه اشياء بس مالها الا انه ياخذ الموضوع بصالحه دق على سند
رد عليه سند وينك ابي اشوفك الحين ضروري قفل منه وهو يتوجه له وصل عنده قال له نايف عن موافقتها شوف نايف ماعندك حل الا تاخذ الموضوع في صالحك بس ياخي غريبه وافقت مو تقول انها تكرهك الوضع غريب
تنهد نايف في راسها شيء لكان بخليها تكره الساعه الي فكرت تدخل حياتي
سند :يعني بتوافق
ماعندي حل ياسند ماعندي حل
