ابعدت عن حضنه بعد ماطالت الدقايق وهو يحتضن خصرها ويناظرون البحر ملتزم الصمت وهي مثله ونزل عيونه عليها من ابعدت عنه !
عزام :وين ؟
ابعدت خصلات شعرها عن وجها ونطقت : بدخل
حط يده يمسك نهايه خصله شعرها : ماشبعت باقي انتظر منك تحليل
رفعت حاجبها تناظره :تحليل !!
هز براسه ونطق :اي تحليل انا مو قلت لك ابيك توصفين مشاعري ؟
صدت بعيونها تناظر البحر ولف يناظرمعها ونطق : خلاص ماابي تحليلين شي ولا حتى توصفين بس ابي اسالك سوال ممكن ؟
لفت تناظره ونطقت :اسال
ابتسم عزام :ابي اسمع حروفك ووصفك عن الحب !
ناظرته مستحيه منه مو قادره تنطق بحرف معه وجلست على الرمل وناظرها وجلس جنبها ولفت عليه ونطقت : منظور الحب من وجهة نظري
وهز راسه وهمهم لها بمعنى كملي واسمعك وكملت كلامها
الحب لغة لايمكن ان يفهمها إلا من تلاقت أرواحهم قبل أجسادهم حُب الروح كفيل بأن يوصلك لبر الأمان وسمو الروح ، الحب يدق أبواب قلبك ما دمت تؤمن به وبوجوده يزورك بدون ماتدور عليه واذا زارك تصير الامنيه الوحيده لك ان هالروح تشبهك تماماً وكأنها أنت، روحاً تُؤمن بالحب الحقيقي ونشوتة ومن وجهة نظري اشوف ان للعيون نصيب كبير من هالمشاعر لن العيون توصف وتختصر كل شيء سكتت من انتهت من وصفها بمعنى الحب من وجهة نظرها ولفت عيونها تناظر الموج الي كان يروح ويرجع عليهم ..
ميل راسه يناظرها بذهول من عذوبة حروفها ونطقها التزمت الصمت وهو ماشال عيونه من عليها وابتسم ونطق : ماعاد يحتاج اسمع شيء بعد كلامك وصلني وصفك لمشاعري واحب اقولك تاكدت منها ...
وقفت ونفضت الرمل من على فستانها ومشت تاخذ عبايتها وكتابها وتدخل ووقف يناظرها لين اختفت من قدامه ابتسم بواسع ثغره ومسح على
شعره : جاك يامهنى ماتتمنى وفصخ تشيرته ودخل البحر يسبح دقايق وطلع اخذ تشيرته ومن طلع ضحك على نفسه
ونطق يكلم نفسه : مو هينه هالكنوز من فرط شعوري داخل اسبح اخرالليل عز الله اني مودع ارتعد داخله من لفحته نسمة هوا ودخل يركض وطلع الغرفه ودخل الغرفه شاف العيال كلهم نايمين اخذ شنطته وطلع ملابسه ودخل الحمام يغير ملابسه وطلع من سمع صوت الاذان يعلن دخول صلاة الفجر مد سجادته وصلى فرضه وقام لسريره واخذ جواله وضرب على جبينه :عزام يادلخ ماخذت الرقم في واحد يراسل زوجته على تويتر يلا مو مشكله اذا صحيت اخذته دخل تويتر
وكتب لها : ليت كل تحدي دخلته طلعته منه كذا ..
ابتسم وحط الجوال تحت المخده ودقايق وغرق بأحلامه ......
............
<<بالمجلس >>
كلهم متجمعين يفطرون الا عزام رفع راسه تركي لنصار ونطق :وينه عزام
نصار :نايم ياعمي
رفع حاجبه تركي :نايم من متى عزام ينام للوقت هذا !!
وقف نصار :بروح اشوف له
هز براسه تركي :دق الباب قبل تدخل
نصار :زين ياعمي وطلع من المجلس ومشى للباب ودق الباب ولفو البنات الي كانو بالصاله يفطرون
ووقفت فاطمه هذا واحد من العيال اكيد حطو على راسكم بروح اشوف
هيام :اجلسي يمه انا بروح
وضحكت ايمان:اقول اجلسي بس لايصير بدل العقاب عقابين
لفت هيام عليها :انكتمي
من ورا الباب ردت فاطمه على نصار وفتحت له الباب
ابتسمت فاطمه له وهي تحس نصار فعلا واحد
من عيالها :شفيك يمه نصار بغيت شيء
نصار :اي بغيب اطلع لعزام
عقدت حاجبها فاطمه :عزام ليه مو معكم !؟
هز براسه نصار :لا والله نايم
فاطمه :غريبه اطلع له يمه مافي احد قدامك ومشى نصار يطلع لعزام دخل وهو يسحب المفرش عنه بس عزام كان غرقان بنومته
قرب منه نصار :شف شف الحيوان عزام ولد ورع عزززاممم
وقف نصار ولف راسه يشوف علبه مويه على الطاوله وهز براسه :ماينفع معه الا كذا مشى ياخذ العلبه فتحها وهووب على راسه شهق عزام
نصار :وجع جعلك الوجع ايش النوم ذا خير
فتح نص عيونه يناظر نصار :اقوم العن ثواك الحين
وجلس نصار بالسرير الي قدامه :من عاب ابتلى تصدق كنت تعيب علي بنومي وش النوم ذا اصبحنا وانت خامد باقي
حط يده على عيونه : الله لايسلطك على مسلم مانمت الا الفجر مانمت ياحمار
رفع حاجبه نصار:ليش وش عندك ؟!
قام وهو يسحب المفرش بنص الكرسي : مالك دخل اذلف عن وجهي
نصار : زياده مالي دخل ؟ زين قمم ولا والله ان اروشك بالمويه قم ابوك يبيك
تافف عزام ولف على نصار :يخوي وش تبي انت
نصار : قم قم بعلمك وش ابي قم ووقف يسحبه مع يده وجلس
عزام بنص السرير
فرك عيونه ووقف ودخل الحمام ونصار ينتظره خلص ونزلو ودخلو المجلس
وجلسو على السفره يفطرون
تركي :اشفيك ماصحيت مع الناس ؟
رفع عيونه عزام:مانمت زين
لف نايف على ابوه :بدور لكم رحلات اليوم على الرياض
هز براسه فيصل :وانت بترجع ؟
نايف :اي بس برجع برعلشان السياره
سند : وانا رحلتي قبل العصر بطلع من هنا على المطار
تركي :وش فيكم ياجماعة اجلسو بتروحون كلكم دفعه وحده
نايف :الديار تطلب اهلها ياعمي وانت ان شاء الله منت مطول على الرجعه
صد بعيونه تركي ونطق : ماضنيت ان لي رجعه لرياض
فيصل : ليش ياتركي لاتطول المسافات ومصيركم تجون الرياض
علشان عزام وزواجه من كنوز
نزل راسه تركي :نجي زياره بس عيشه ماضنيت ماراح اتقبل ارجع وانا تعدلت حياتي هنا وارتحت ماراح نقطعكم والمسافه مو ذاك الزود
سكتو كلهم ونايف عيونه على تركي يناظره وكملو فطورهم ....
<<عند البنات >>
كانت هيام جالسه وايمان جنبها ولفت عليها :ايمان تعالي برا ابيك وقامت هيام وقامت معها ايمان :وش فيك ؟
هيام :اسمعي قبل نطلع من الشاليه ودي اروح اخذ كيكه لضحى
وشروق بالمناسبة قبولهم واخذ كم شغله كذا
ايمان :اي تمام ماعندي مشكله نطلب ؟
هيام :لا بروح بسيارتي اخذ الاغراض واجي
هز براسه ايمان :يلا تمام تبين اروح معك
هيام :لا مابي يشكون
ايمان :يلا زين
رفعت جوالها ودقت عليه ووصلها صوته
نايف :قولي اسمعك
هيام :نايف بطلع
نايف :تطلعين وين تروحين ؟؟
هيام :بروح اخذ كيكه للبنات علشان قبولهم بالجامعه
نايف :معك احد
هيام :لا وحدي
نايف :اجل اسمعي جيبي مفتاح السيارة شوفيه في الغرفه انا بوديك
هيام :تمام يلا قفلت منه طلعت تاخذ مفتاح السياره وتلبس عبايتها وتنزل له
مشت لسياره وشافته واقف عندها وينتظرها اخذ المفتاح منها وركبو
نايف :نروح وين الحين
هيام :ابي كيكه وابي ورد وابي بلونات وايش كمان وش كمان ايه ابي شموع
حط اصبعه ياشر على خشمه وضحكت وابتسم لها
ولف عليها :هيام بنمشي اليوم
عقدت حاجبها ولفت تناظره :نمشي وين
نايف :الرياض
هيام :نايف مو بدري؟ بعدين انا دوامي هنا لازم اكلمهم قبل نمشي
هز براسه:اول شيء ياحبيبتي عندي دوام علشان كذا لازم نرجع واذا على دوامك انتي نكلم المستشفى ونرجعك للمستشفى الي كنتي تشتغلين فيه بالرياض
ولفت راسها تناظر قدامها وحس انها ماودها ترجع واخذ يدها يضمها على صدره :انا عارف انك ماتبين ترجعين وخصوصا ان اهلك هنا بس اوعدك كل شيء بيتصلح واهلك بيرجعون الرياض وبترجع حياتكم الاولى بعيد عن الماضي الي صار وابتسم لها :بعدين مااشتقتي للمحل، الورد ،المشتل
ولفت تناظره:الا
وهز براسه:اجل خلاص انا وعدتك صح وهزت براسها له وكمل خلاص كلمتي وحده بنرجع واحسبي كم اسبوع كذا واهلك ورانا
هزت براسها وشد على يدها ووقفو عند محل الكيك ونزلو واخذو الكيكه وطلعو لمحل الورد ونزلت ونزل معها ومن شافت الورد ابتسمت ولف يشوف ابتسامتها وحبها للورد بيطلع من عيونها وقفت تختار نوع ورد ومشى لها وصارت تساله عن اي نوع تاخذ ومشت للاوركيد ومشى معها واخذه من يدها وناظرت فيه ونطق :شوفي الاوركيد لك خرجت من الارض مخصصه لك وحدك مافي غيرك واذا جيتي بتاخذين ورد لك هذا خيارك الاول بس لغيرك لا غيريه خذي نوع ثاني وسحبها مع يدها ونزلت راسها تاخذ توليب موف
ورفعت عيونها له :هذا يمشي ؟؟!!
ابتسم لها :يمشي يلا غلفو الورد واخذو البلونات والشموع ورجعو الشاليه
وقبل تنزل لف لها ينطق : المغرب بنمشي نروح المستشفى نكلمهم عن النقل وبعدها نمشي واهلي بيمشون العصر حجزت لهم
هزت براسها ونزلت ونزل معها يشيل معها الاغراض ووقفو عند الباب
واخذت الكيكه من يده فتحتها وفتح نايف الشموع يغرسها بالكيكة
هيام :الله نايف مره حلوه
نايف : والاكيد الاكيد مو احلى منك ناظرته وابتسمت وضحك هو :اعشق ملامحك إذًا استحيتي ضحكت وضربته على صدره بخفه
هيام :بس ابي ولاعه اشغل الشموع
وطلع نايف الولاعه من جيبه
هيام : استفدنا شيء من دخانك
شغلو الشموع واعطته الكيكه واخذت جوالها تدق على ايمان وردت عليها
هيام :بنت اطلعي لي برا بسرعه
وقامت ايمان :يلا جايه
اخذت الكيكه منه وراح وطلعت لها ايمان :اللللله ايش الحركات هذي
ابتسمت هيام :ايش رايك
ايمان : تجننن
هيام :يلا تعالي ندخل وينهم البنات
ايمان :جالسين بالصاله
هزت براسها هيام :زين تعالي اخذت ايمان البلونات والورد وهيام الكيكه ودخلوعند البنات وهم يغنون لهم واجتمعو كلهم يباركون لهم
ضحى :ياعمري انتو
هيام :عقبال الجامعة يارب ومشت ضحى تحضنها وقطعوا
الكيكه وجلسو ياكلون منها ...
<<المجلس >>
لف سند على نايف : وين كنت
نايف :كنت برا رحنا نشتري كيكه وكم شغله
عزام :ليه !!
نايف :حقت قبول البنات بالجامعه ..
سعود :يخوي مين يحتفل بنص القوايل معليش ياالنسيب بس
انت مرجوج واختي ارج منك
ضحك نايف: لن سند بيمشي واحنا على وشك عرفت يافهيم
لف سعود على نهار : يخوي اجلس لاتروح الرياض
ناظره نهار :بتشتاق لي ؟؟
سعود :شفت الباب شوفه هناك قم اذلف
وضحك نهار:مريض عادي اعترف مافيها شيء وقرب منه تصدق ماراح اشتاق الا لضحى اما انت الله لايبارك فيني اذا اشتقت لك..
رفع حاجبه سعود :ارفع علومك لا اقول لابوي
واحتدت نظرته :انت ورع انت بعدين ترا زوجتي
سعود :وانا اخوها لاتفلها
تنهد نهار ونطق:عض على شحمه
ووقف سند من بينهم :يلا ياجماعه انا استاذن
تركي :الله يسهل دربك ويحفظكم
فيصل : موفق ياسند
لف عليه نايف :تبي اوديك المطار
سند :لا باخذ تاكسي
نايف :يخوي بوديك وشو تاكسي والسيارات موجوده
سند : لا والله باخذ تاكسي اجلس وسلم عليهم وطلع برا ينتظر جود ودق عليها وردت عليه وقال لها تطلع وانها قربت رحلتهم ووقف عند قسمهم يبي يساعدها بالاغراض وطلعت جود بعد ماسلمت على البنات وفتحت الباب ايمان تودعها وتساعدها ورفعت عيونها من شافته كيف يناظرها دخلت داخل وسكرت الباب وهو واقف مكانه نادته جود ومشى لها يشيل معها وطلعو على الخط ووقفت لهم سياره توديهم للمطار ...
وبعدها كل واحد قام يشيل اغراضه وطلعو البنات وكان عزام واقف ومن شافها طالعه مشى لها ورفعت عيونها له ونطق : اشتقت لك حتى قبل ماتروحين
حمرت وجنتيها منه ونطقت :انتبه لنفسك
ابتسم لها وهز براسه:اسبوع وانا عندكم بالرياض منها نحدد الزواج ومنها اكحل عيوني بشوفتك .
هزت براسها وجت بتمشي ولفت من قال لها :ابي رقمك ارسليه لي بتويتر
كنوز :تمام وطلعت وهي تمشي مع اهلها ورجع نهار يركض ودق عليها تطلع له وطلعت له ضحى ومن شافها أبتسم :ضحى اهاه رجعت المسافات تطول
تنهدت بضيق تنطق :نهار شد حيلك بالدراسه تسمع
وابتسم لها :ابشري وباخذ ترم صيفي بضغط نفسي لين تخلص هالسنه
مسك كفها وشدت على كفوفه ونطقت : صبرنا كثير نهار باقي شوي
نهار : بحاول ضحى بحاول اصبر نفسي وسلم عليها وطلع لاهله بالسياره
وزفرت ضحى من حست فعلا ان المسافات الطويلة عادت بينهم بس الي مصبرها انها صارت حلاله رجعت تدخل واخذو اغراضهم كلهم وطلعو من الشاليه وركبت هيام مع نايف ولف راسه عليها :بوديك البيت تاخذين اغراضك بعدين نروح المستشفى وحرك السياره لين البيت ونزلت هيام تاخذ اغراضها كلها وسلمت على اهلها وودعتهم وطلعت له
هيام :نايف سيارتي احتاجها
هز براسه نايف:بنشحنها لك بس خلينا نخلص من المستشفى ودوامك
زفرت بضيق ونطقت :أخاف يرفضونها
نايف :ماراح يرفضون
وقف فيها عن المستشفى ولف عليها : انزلي بوقف السياره واجيك
هزت براسها ونزلت تدخل المستشفى وهي داخله شافت مساعد رجف داخلها بخوف لف عليها ومن شافها ابتسم بسخريه ومشى لها ووقف قدامها بالضبط ونطق : صباح الخير ماشفتك بعد الخطبه رفع حاجبه بس تصدقين مالومك لان مالك وجه تطلعين قدامي بعد الي سويتيه يااخت هيام انا ماجبرتك علي انتي الي وافقتي وانا على هالاساس دقيت على ابوك وجيت مجلسكم وطلعت منه بإهانة تعرضت لها انا وابوي وكل جماعتي من اكبر رجالهم لاصغر صبيانهم ممكن اعرف وش سبب رفضك المفاجي والغريب ؟!!!!
بللت شفايفها ونطقت : مافي نصيب يجمعني معك هذا كل السبب
وضحك مساعد :مافي نصيب تلعبين على مين انتي احمدي ربك ماقلت لاهلك ان سبب وجودي بمجلسكم هو انتي وارتفع صوت مساعد ولفو كل الي بالممر يناظرونهم وكمل كلامه متجاهل نظرات الناس لهم جاوبي طقيتك على يدك وقلت لك وافقي ليش خليتيني اكون سيره على كل لسان فيهم ليش نزلتي راس ابوي ماحس بنفسه الا هو ماسك ذراعها وصوته مالي المكان كله دخل نايف وصار يمشي بالمستشفى ووقف من شاف المنظر امام عيونه ركض لها وسحب يد مساعد الي على ذراعها
وصرخ نايف واخذ يد مساعد يلفها له
بكت هيام ومسكت كتف نايف تحاول تبعده عن مساعد
جن جنونه وماحس بنفسه الا وهو يضربه :ميننن انت يابن ***مين انت علشان تمسك يدها وهي حرم لنايف مين انت مييينننن وهي تبكي تحاول تبعده عنه تجمعو الناس عليهم وجو الامن يسحبون نايف عن مساعد ووقف نايف وجت هيام قدامه وصار يصرخ من حس انه مو قادر يتمالك اعصابه ووقف مساعد وهو يحاول يقاوم الامن :انت الي مين هاذي الي جنبك كانت بتكون زوجتي تسمع
يدها على صدره ولفت لمساعد تناظره بخوف من نطق "كانت بتكون زوجتي " حست بتوتر وحراره تسري بعروقها وعرف نايف انه هو الي خطبها اشتغل النار بداخله عض نايف شفته بغضب وهو يرفع أصبعه بتهديد ناحية مساعد ونطق نايف :تعقب وتخسي واحد سافل وحقير ياخذها اقرب اذا انت رجال والله ان اهد فكك اهده تسمع اتعلت اصواتهم وصراخهم وبكى هيام وهي تحاول تمسكه سحبها مع يدها يطلعها معه برا ...
انتهى ✅
قراءه ممتعه
لاتنسون ⭐️
