>>صباح يوم جديد <<
فتحت عيونها ولفت تناظر حولها بس ماشافته رفعت كفوفها تجمعها ببعض وتحاول تستجمع نفسها وتصحصح وقامت لزهر وهي تشوفها صاحيه ضحكت هيام ونزلت ترفعها لها وهي تقبلها ونطقت : يوه منك احبك ياماما احبك والله انك زهر صدق زهر لايامي وحياتي كلها انتي وبابتك يالله نزلت راسها تقبلها بكل أنش بوجها ولفت تناظر نايف من دخل وابتسم لهم ومشت تجلس على السرير وزهر بيدها ونطق وهو واقف قدامها : عندك عشاء بكره ترا بمخيم
رفعت حاجبها تنطق : عشاء وشو ؟!
نايف : ابوك توه دق علي يقول بيسوي لك عشاء من بعد ولادتك واتفق مع ابوي ومنها نغير جو وقلت له انا اللي بسويه بس رفض الا هو يسويه
صدت بعيونها عنه والتزمت الصمت ورفع حاجبه نايف ونطق : وش فيه !
نزلت زهر على السرير وهي تنطق : احس مالها داعي يعني هو جالس يصر علي بس انا ماودي
مشى نايف يجلس جنبها ونطق: وليه حبيبتي ماودها ؟
ابتسمت هيام تنطق : مدري نايف كذا ماودي
وفهم نايف انها ماتبي تسوي شيء خصوصا بعد اللي حصل
ونطق : لاترفضين خليه يسوي
ميلت شفايفها وهزت براسها له وتنهد نايف ونطقت : زين
اخذت زهر من بكت واصابعها بثغرها اثر جوعها لفت هيام تناظر نايف ونطقت : بتروح انت ؟
هز براسه بمعنى لا وبلعت ريقها ونطقت : طيب فطرت ؟
ونطق نايف: مالي نفس شربت قهوة
نزلت عيونها لزهر اللي تبكي ونطقت داخلها : شلون اطلعه الحين !
ونطق نايف: اششش شفيك البنت تبكي ترا !
شدت على زهر ونطقت هيام: اي اشوف انها تبكي
رفع حاجبه نايف ينطق : شفيها ؟
هيام : جوعانه
صغر عيونه ونطق : رضعيها وش تنتظرين ؟!
ونطقت بداخلها : هذا اللي ناقص ارضعها قدامك
ابتسم نايف وهو شبه فهم ونطق : هيام !
رفعت راسها له ونطقت : انزين اطلع يلا
لانت ملامحه بستغراب ونطق بهدوء: نعم ؟ جالسه تطرديني ولا انا فاهم غلط !
هزت راسها بنفي ونطقت : لا مو غلطان هيا نايف اطلع البنت بتموت جوع
رفع يده يمسح على شاربه وعوارضه ونطق: رضعيها ماراح اقوم يلا انا حبكت معي اجلس خير زوجك ترا
شهقت هيام ونطقت : واذا يعني مو لازم كل شيء تشوفه
وضحك نايف ينطق وسط ضحكته: هيام اعجلي على البنت
تغيرت ملامحها بخجل ونطقت : نااااييف انت اللي اعجل علي بسرعه
سحب المخده من وراها وهم يحطها على الكرسي بالعرض ويتكي براسه على يده ونطق : انا مسكت معي اشوفك كذا يلا
هزت براسها وهي توقف ونطق قبل تخطي خطوه : ارجعي احسن لك يلا تراك حلالي اشوف اللي ابي امنعينا من الكلام الفاضي واللي ماله وجه
ونزلت هيام زهر على السرير ومشت تنزل تحت
ونطق نايف: هاذي منجدها !!!
نزلت المطبخ وهي تسوي حليب لزهر خلصت وطلعت وهي تاخذ زهر ترضعها ونطق بصدمه : انتي صادقه خيرررر نعم انجنيتي
هيام : نايف وش فيك وش هالاصرار مابي خلاص انتهينا مو غصب؟
وقف وهو ينطق بحده : من وين جت زهر هاه ؟
رفعت حاجبها تنطق : شلون يعني ؟
ونطق بنفس النبره : يعني جايبين زهر مني كانك ناسيه اذكرك اعقلي احسن لك
شهقت هيام ونطقت بصدمه : حسبي الله على عدوك وش هالكلام وبعدين تصدق ماادري جايب شيء جديد وش هالفصله كل هذا علشان
رفضت ارضع زهر قدامك ."
ونطق نايف: اي وانا اقولك حبكت معي كذا لو اجلس انتظرك
لبكره يلا بشوف مين بيمشي كلامه على الثاني
بققت عيونها تنطق بصدمه : الحمدلله والشكر انت صاحي ؟
هز براسه وطلع من الغرفه وضحكت هيام ونطقت : موصاحي وبعدين كلنا نعرف اني انا اللي بيمشي كلامي معتوووهه ..."
عند ايمان اللي كانت تاثير ليلة امس للحين تتطغى عليها والابتسامة مافارقت وجها ابد رفعت يدها لها تناظر الدبله اللي تحاوط اصبعها عضت على شفتها ونزلت عيونها تناظر اتصال سند اخذت جوالها ابتسمت
وهي تنطق: اهلين بالجنتل
ضحك سند ونطق وسط ضحكته : اهلين فيك تدرين وش تذكرت اليوم ؟
رفعت شعرها عن جبينها وهي ترد : وش تذكرت ؟
ابتسم سند ونطق : صباح العيد
ضحكت ايمان واتسعت ابتسامته من ضحكتها وكمل كلامه : يعني جالس اعيش اجواء حلوة والفضل يرجع لك
سكنت ملامحها وميلت شفايفها ونطقت: صدقني صباح العيد يحتوي قلبي بعد
لانت ملامح سند ونطق : هذا المهم ، الا متى ودك بالزواج ؟
زمت شفايفها وهي تفكر : ماادري ثلاث شهور كذا
رفع حاجبه سند ونطق: خير ان شاء الله وش اللي ثلاث شهور انتي صاحية انتي ؟!! يلا بس عاد شهر كافي
شهقت ايمان ونطقت: خيرررر وش اللي شهر نعم خير يلا بس مناك
رفع حاجبه سند ينطق: ماشاء الله تونا باول يوم وش خليتي حق الايام الجايه وش العناد ذا
تاففت ايمان ونطقت: اقول سند شهرين وقضينا يلا باي وقفلت بوجهه
ابعد الجوال عنه وهو يناظر الخط اللي انقطع بوجهه ونطق : ااا يالحيوانه خير تقفلين بوجهي هين هين ......"
<<الساعه ٧المغرب >>
فتحت جوالها تشوف البنات بالقروب يرسلون عن عشاء بكره
ارسلت ايمان : بنات نبي نسوي فعاليات كل وحده تقول وش بتسوي وكل وحده منهم قالت عن فعالياتها ابتسمت تقرا رسايلهم ورفع حاجبه من شافها منسجمه وتضحك ونطق : هيااامم
رفعت عيونها له ونطقت : وشو !
تقدم بجلسته ونطق : وشو اللي مبين ضحكتك ؟!
ابتسمت تنطق له : اسولف مع البنات بالقروب
ابتسم نايف ينطق : جعلها دايمه هالضحكة
تورت ملامحها ونطقت : بوجدك طبعا
هز براسه ياكد كلامها : اي نعم هاذي خالصين منها
ابتسمت له ونزلت عيونها لجوالها وترجع تتفاعل مع البنات وهو يناظرها دق جواله من كان سند ونطق نايف : ارحب يالعريس
ابتسم سند ينطق : العريس عند الباب اطلع لي ودي اسولف لك
وقف نايف ينطق : جايك وقفل
ولف لهيام ونطق : هيامي انا بروح
رفعت عيونها له تنطق : وين بتروح ؟
نايف : سند برا بروح معه شوي كذا وراجع
هزت براسها ونطق نايف : تبين شيء ؟
هزت براسها بمعنى لا ونطقت : ولا شيء بس جيب حليب لزهر وانت جاي
نايف : يلا زين ..
ومشى يطلع من البيت لسند ركب معه ولف نايف بابتسامه ونطق : هاه هاها الوجهه منور والله عريس عن حق وحقيق
ضحك سند وهو يرفع يده لشاربه ويفتله ونطق : شايف كيف
ضحك نايف ونطق وسط ضحكته: اي والله وش جابك
غمز سند بعيونه ونطق : تعرف يعني امس ماقدرت اسولف معك جالس تفر مني وكان فيك مرض بس تدري وين المصيبه انه طلع بعدك عني عطر
رفع حاجبه نايف ورفع يده لصدر سند ونطق : وش قصدك ؟
ضحك سند ونطق : ولا شي فكني اعنبوك بتكسرني وانا توي ملكت
وشد بقبضته نايف ونطق : ودك اخليك تودع الليله وانهي الزواج قبل يبدا
ارتفعت ضحكات سند ورفع حاجبه نايف يناظره ونطق سند : امزح خلاص فكنننني اعوذ بالله منك ومن رجلي اللي جابتني لقدري
نزل يده نايف ينطق : اي اهجد واعرف وش تهرج فيه
تنهد سند واعتدل ونطق : على خشمي بس اعتقني منك ، نروح نشرب
فنجال قهوة ؟
رفع يده نايف ياشر على الطريق بموافقه وحرك سند للكوفي ....
دخل الغرفه عندها من كانت جالسه حول كتبها وافكارها وعالمها الخاص فيها ابتسم وهو يعشق هالمنظر يعشق تركيزها وحبها لهالعالم تكى على الباب يناظرها وهي تكتب ومره تقرا بكل انسجام ابتسم بواسع ثغره وكان صامت وعيونه تتكلم بكل شيء داخله مرت حول العشر دقايق وهو ساند نفسه على الباب تنهدت ترفع خصل شعرها عن وجها ورفعت راسها تناظره وابتسمت تنطق : عزام ! انت من متى هنا
ابتسم يبعد عن الباب ويدخل لها مشى يجلس قدامها على ذراع الكنب ونطق :من مده اجهلها بس اللي اعلمه من بداتي تسطير حروفك اللي واثق مثل ماانا واثق انك قدامي الحين انها خياليه وكل كلمه راح تشهد بجمالها للكلمه اللي بعدها ..."
ابتسمت كنوز ونزلت عيونها عنه للقلم اللي بيدها ونطق عزام : ابي اشوف وش كتبتي تسمحين لي ؟
رفعت عيونها له وابتسمت تنطق : تعال جنبي
بادلها الابتسامه ومشى يجلس جنبها ومدت الدفتر له واخذه عزام يقرا المكتوب بداخله بصوت جهوري مسموع
له ولها : في قلب الليل الساحر كانت لحظات ليلتي تمر بك بحبك بملامحك بجمال عينيك بجمال حديثِ معك و على الرغم من إن الصمت فطرة بي أطمئن معك رغم خوفي أشاركك كل شيء في حياتي وأنا لا أحب أن يشاركني أحد أي شيء يخصني حينما أكون برفقتك تجعلني شخص آخر شخص سعيدا وثرثار و متوهج وحياته مليئة بالألوان وهذا ما يدفعني أن أحبك أكثر في كل مرة . وارى
ان حديثي معك ملجئي وسلامي بعد قلمي ...."
رفع عيونه عزام لها ونطق: ثقتي بمحلها قايل لك كل كلمه راح تشهد بجمالها للكلمه اللي بعدها بس عندي اعتراض بسيط
رفعت حاجبها كنوز تتساءل عن اعتراضه لحروفها ونطق : قلتي اني ملجئك وسلامك بس "بعد قلمك " ماحبيتها
نزلت عيونها لقلمها ونطقت : بس هالقلم اغلى من كل شيء املكه
نزل عيونه للقلم اللي بيدها و كان قلمه ونطقت تكمل كلامها: مو لك هالقلم اجل خلاص قطعه منك ، بعدين مو يكفي اني جالسه اكتب بقلبي قبل يدي ؟؟؟
هز براسه بمعنى لا ونطق : للاسف لا انا ودي ان القلم والورق تكون ملجئك من بعدي نزل كفوفه يجمعها بكفوفها شوفي حبيبتي انتي تنتمين لي انا مو للي بيدك وانا مااحب اني اكون خيار ثاني يا أكون الخيار الأول المستثنى والمرغوب دون بدائل.. يا لأ اكون ، صح اني نجحت في اني اخرجك من صمتك وراح انجح في اني اخليك تشوفيني ملجئك بعد قلمك وقلبي على قلبك وخطوتي تسبق خطواتك اول واحد يطري على بالك وبعدها يجي قلمك
وارجع اقول لك انتي تنتمين لي انا ولقلبي وكل شعور بداخلي سكنت تعابيره وسكنت حروفه وهو يناظرها شلون ترمش وتشتت عيونها عنه بحيا يحتويها من كلامه وكل بالها واقف على " انتي تنتمين لي " وشلون جالس ياكد لها انها له وحده وانا مايقبل يكون خيار ثاني وانه يا يكون الاول والاخير يا مايكون شيء بالنسبه لها بلعت ريقها تناظره وشلون يناظرها رفع يده لدقنه بحركة عشوائية إثر هدوئها وامتناعها عن الكلام يمكن لانها ماتملك كلام من الاساس وهي تقدس قلمها وتشوفه اهم من كل شيء ويمكن كمان تشوفه اهم منه وهو بعد مايقبل يكون بعده نزل عيونه لثنايا ثغرها وتوترت من نظراته لها واللي ماتدري وش سبب هالنظرات وكل اللي جالسه تفسره من هالنظرات بانه جالس ينتظر ردها مادرت انها يبي يرتوي ويعلمها وش كثر هي تنتمي له احيانا يحس انها نار الغيره تاكله من يشوف قلمها بيدها وبنفس الوقت حاسد وحاقد ان القلم شاهد على كل هالكلام اللي يطلع منها بس اللي يخفف عليه من هالمشاعر ان الكلام المكتوب هو المعني والمقصود فيه كانت تحس بصمته الي زاد عن حده ثبتت نظراتها عليه تنطق بإسمه : عزام ونطقته وهي تبي النجاة من نظراته
ونطق يبعثر كل خليه بداخلها ويخليها تغرق وترفض تطلب النجاة : عيونه
وعروق قلبه سمي !
بلعت ريقها ونزلت راسها ورفع يده لتحت دقنها من ماسمع ردها وهو يقطع هالصمت كله بقبلة تحي عروق قلبه وتنهي خوفها كله من هالنظرات رجعت ظهرها على الكنب اثر قبلته لها وكان هذا افضل حل من وجة نظره لجل ينتهي هالصمت كله ......"
جلست على الالة البيانو تعزف عليها وتطرب اذونها وتمرر اناملها عليها بكل حب بداخلها من حست ان الايام بدات ترفق عليهم ابتسمت بواسع ثغرها وغمضت عيونها من تحولت ابتسامتها لضحكه من شافت اسمه يعلن اتصاله عليها اخذت الجوال ترد عليه ونطقت : هلا نهار
ابتسم من لمح الضحكه بصوتها ونطق : ليتني موجود قدامك
رفعت حاجبها تنطق : وليه ؟! ودك تكون قدامي ؟
اتسعت ابتسامته اكثر ينطق وسطها : ودي ابوسها
زاد استغرابها اكثر ونطق : مين هي ؟
تنهد ينطق : غمازاتك لمحت الضحكه بنبرة صوتك وكل اللي بخاطري حاليا هي وبعدين اضحكي دايم لاني ماظن إن العبوس يجوز لك.
ضحكت ترفع يدها لخدها لنقطة ضعفه ونطقت : ماراح تشوف الملامح العبوسه وانا ضحى جزء من نهارك
ضحك نهار ونطق وسط ضحكته: قولتك هانت ؟
تنفست تملي حواسها اكسجين وتنطق : هانت ؟ ذي بيدك انت متى ناوي تكلم ابوي ؟
نهار : انتظر باقي المواد تطلع نتيجتها ونكلمه
نزلت اناملها على البيانو وابتسم نهار من سمعها ونطق : صاير ادق بالوقت المناسب
ضحكت ضحى ونطقت : انا ملاحظه بعد
ميل شفايفه نهار ورجع ينطق: سويتي زفتك ؟
جمدت ملامحها تنطق : لا
ابتسم نهار ونطق وسط ابتسامته : ودي تنزفين عروسه لي تحت انغام عزفك اللي تلني من اقصاي لادناي
عضت على شفتها بحماس تنطق : تصدق ماكان في بالي بس حبيت الفكره
نهار : افا عليك اعجبك يلا سمعيني
ميلت شفايفها بحيره ونطقت : بس مافي بالي شيء حاليا
رفع عيونه يفكر معها باغنيه ويطلب منها تعزف على اوتار لحنها ومرت عليه كم دقيقه وهو يفكر ونطق : حلمت تشوفني بالطرحه، ولون قلبي على الفستان
ابتسمت ضحى بواسع ثغرها تنطق بحماس وفرحه على اختياره :ننننهههااررر
حلوه الاغنيه احبها مره وش عرفك
ابتسم نهار ينطق بنفس حماسها : اعزفيها ودي اسمع لحنها منك
ضحكت ورفعت يدها على البيانو تلبي رغبته بانه يسمع
عزفها : حلمت تشوفني بالطرحه، ولون قلبي على الفستان
بجد هموت من الفرحه، طب إحكي كمان
عن الأيام وعن بكره، وعن كل اللي بحلم بيه
و بيت فوق السحاب نبنيه ونسكن فيه ...."
الابتسامه مافارقت وجه وهو فعلا يتمنى اللحظه اللي تكون له فعلا بعد هالصبر كله ونطق من انتهت : عقبال مااشوف لون قلبك على الفستان
ضحكت ضحى ونطقت :احبك نهار احبك
ابتسم نهار ينطق : ورب اللي خلق الدنيا كلها اني احبك ضعف حبك لي .."
رفع عيونه نايف لساعه وهو مر الوقت عليه وهو قدام سند ويسمع سوالفه عن زواجه وتخطيطاته رفع حاجبه ينطق : ياكثر هرجك ياسند لي ساعتين اسمعك ترا ان كان ماعندك خبر
سند : وش يعني اسمعني وش عندك ؟
رفع حاجبه نايف ونطق: وش اللي وش عندي ؟ عندي حياه غيرك ترا بعدين انت تزوجت ولا لا روح كلمها هي
سند : نعم وش فيك انت وبعدين مو كل شيء اقدر اقوله لها
حك حاجبه نايف ونطق : صح اعرفك بترمي اوراقك كلها
هز براسه سند: دامك تعرفني اسمعني
نزل عيونه نايف لجواله ونطق : شايف تاخرت قام من عند سند يرد عليها
ونطقت هيام: نايف وينك !
نايف : مع سند
تاففت تنطق: وسند ليش مايروح لايمان ويفكني مليت وحدي نايف
ضحك نايف ونطق وسط ضحكته: جايك حبيبي جايك
هيام : زين لا تتاخر علي
نايف : ماراح اتاخر عليك وقفل يرجع لسند يلا قوم ودني الصيدلية وبعدها بروح البيت وبعدين ترا بكره ورانا عزيمه بنروح المخيم
وقف سند ينطق : يلا امش شفت الرسائل بالقروب
هز براسه نايف ومشو يركبون ونزل نايف لصيدليه خلص ورجع يركب ووصله سند لبيته ولف نايف له : يلا بكره اشوفك
هز براسه سند ونزل نايف ودخل البيت ورقى الدرج للغرفة دخل وشهقت من شافته وضحك من شافها ترضع زهر ونطق : قايل لك بشوف يعني بشوف انثبري مكانك مشى لها يجلس قدامها وهي منهاره منه ومن ضحكته ونظراته لها رفعت عيونها له تنطق : خير ماتطق الباب
رفع حاجبه نايف ينطق : نعم ؟!!
تاففت تصد عنه ونزلت عيونها لزهر من نامت بحضنها اخذتها لسريرها ولفت عليه ورفع حاجبه يستقبل كلامها ونطقت : نزل عيونك نايف
ضحك ورفع يده يمسح على وجهه ووقف لها ينطق : يابنت الحلال والله مانزلها مجنون انا انزل عيوني عنك
صدت بوجها عنه تمشى لدريشه ونطق : تعالي ننزل تحت
ومشى يطلع ابتسمت ولفت تاخذ وشاحها وتنزل وراه ولف لها قبل يطلع الحديقه : قهوه من يدك وتعاليني برا
ابتسمت ومشت تسوي لهم قهوه وطلع برا ياخذ زقارته ويولعها وهو يمشي حول المسبح رفع عيونه للورد ونفث دخانه ولف من طلعت له وبيدها اكواب القهوه ونطقت : تعال
مشى لها وجلس جنبها واخذ الكوب يشرب منه وهي تناظره وماتنكر انها تعشق منظره المغري بالنسبه لها من تشوف الزقاره تتوسط ثغره ابتسمت تناظره كيف يسحب منه وينفثه ونطقت : ابي اجرب
لف لها بعدم فهم ونطق :وش تجربين ؟!
رفعت حاجبها تاشر على زقارته : على اللي بيدك ابي اشوف وش سبب ادمانك لها يمكن اعذرك وابطل اقول لك ابعد عنها
رفع حاجبه نايف ينطق بستغراب اكثر: انا اقول اصبحي
ضحكت هيام وهي تقوم له ونطقت : تكفى بس شوي
هز راسه بنفي ينطق : تعقبين يلا دزي هذا اللي ناقص والله
تاففت ورجعت تترجاه : نايف تكفى طلبتك بس شوي بجرب بس
رجع الزقاره بثغره ورفع يده ياشر لها بمعنى لا
زاد اصرارها اكثر عليه ونطقت : نايف لاتخليني اعاندك اعطني ولا ترفع ضغطي
نفث دخانه ونطق : انتي تفهمين من وين توك تنصحيني عنه وانه خطير ومضر بصحة الانسان والحين تقولين لي بجرب
سحبت كرسيها بجنبه بالضبط ونطقت : قلت لك ابي اشوف سبب ادمانك لها يلا نايف عطني ياها بس شوي
صد عنها وتافف من اصرارها الزايد ونطق : لا يعني لا انتهينا خلاص
رفعت يدها بعناد وهي تسحب الزقاره من ثغره تحطها بثغرها وترفع يدها الثانيه لصدره تمنعه ياخذها منها فتح عيونه عليها بصدمه من حركتها رمت الزقاره بالارض وصارت تكح من انكتمت ورفع رجله نايف فوقها يطفيها ونطق : وش انا قايل لك ماتفهمين انتي وش النهايه معك
استمرت بكحتها وقام يدخل المطبخ ياخد كوب مويه ويطلع لها ويرجع يجلس ونطق : اشربي
رفع الكوب لها يشربها وشربت منه ابعد الكوب عنها وحطت يدها على صدرها تنطق : نايف انت صاحي وش ذا بغيت اموت
تنهد يرجع ظهره على الكرسي ونطق : انتي اللي منتي بصاحية وغمز لها بعيونه بتساؤل والنهاية مع عنادك !
اخذت الكوب ترجع تشرب منه ونزلته ونطقت : اسمعني تكفى نايف تكفى لاعاد تدخن شوف انا وش صار فيني
ضحك نايف يناظرها وعقدت حاجبينها تنطق : وش يضحك !
تنهد يسحبها مع خصرها له ونطق : تشبهين نفسك فيني !
رفعت حاجبها هيام تنطق : لا ياشيخ احلف بس ليه وش انت منه ؟
ضحك نايف وقرب انفه لانفها ونطق : اهجدي انا اقول وخلي الزقاير لاهلها
حاوطت عنقه تنطق : لاهلها ؟!!
هز براسه نايف ياكد كلامه: اي نعم
وهزت براسها هيام تاكد كلامها له هي بعد : واذا قلت لك اني بحل الموضوع واخليك تشوفها باحلامك وش راح تسوي ؟
رفع حاجبه ينطق : مين راح يمنعنى انتي ؟ ضحك ورجع ينطق
والله تعقبين ياحبيبتي انتي وقربها منها يقبلها بثغرها بعمق ابعد عنها وهو مبتسم ونزل يده من على خصرها واخذ كوب القهوه يشرب منه وهي تناظره وهو صاد عنها لف وجهه عنها وضحك بخفوت على الحاله اللي حطها فيها وكيف انه قطع الكلام عنها سكنت ملامحها تتلوّن بالوان الطيف كلها بشعور الخجل بدون ما تجاوبه بحروفها من شده خجلها منه وكيف انها نست
كل كلامها من فعلته ."
لف عليها من حس بنظراتها وابتسم بعيونه لها قبل ملامحه ينطق : اي وش كنتي تقولين لي !
رمشت ونطقت : صاير تتمادى كثير
اتسعت ابتسامته اكثر ونطق: اتمادى ؟ ياشيخه احلفي!
صدت عنه وقامت تطلع الغرفه ونطقت وهي ترقى الدرج: اوف منه اوف منك نايف مهما حاولت معه لازم يضيع كل محاولاتي دخلت الغرفه وهي ترفع المفرش وتدخل داخله بلل شفايفه وقام يدخل حط الاكواب بالمطبخ وطلع الغرفه وهو ينسدح جنبها ويحتضنها تاركها تنام بحضنه ..."
<<يوم العزيمه العصر وكانت الساعه تشير ٤:٣٠>>
لفت فاطمه على تركي ونطقت: يلا انا خلصت
تنهد يوقف : يلا وشوفي لضحى وسعود انا بنزل وانتظركم لاتطولون
هزت براسها فاطمه وطلع تركي يدق على نايف
جالس بالصاله وساند راسه على الكنب تقدم من سمع صوت جواله اخذه يرد ونطق تركي : نايف وانا عمك اعجلو علينا يالله نوصل قبل العشاء
نايف : يلا ياعمي ساعه كذا وانا اطالع
تركي : اي اعجل انتظرك
قفل منه نايف وطلع لها ودخل الغرفه يناظرها جالسه تحط مناكير على رجولها ضحك وابتسمت ورفعت عيونها له من سمعت ضحكته ونطق : خلصتي ؟
هزت براسها له تنطق : للحين حبيبي انتظرك ادخل البس وعلى ماتخلص اكون انا خلصت
هز براسه نايف ودخل الغرفه يلبس ثوبه ويلبس شماغه بما ان العزيمه كبيره عدل شماغه وطلع لها وهي تلبس خواتمها وقف جنبها وهو يسحبها مع خصرها ويلفها له ويرفع شعرها عن عنقها وابتسم ينطق : ريحتك حلوه وعطرك دمرني وزاد رغبتي فيك اكثر.
ابتسمت وتقدم لها يحضنها وزمت شفايفها ترفع ذراعينها حوالين رقبته وغمضت عيونها تستند براسها على كتفه و ترتاح بحضنه
ونزل راسه نايف يقبل كتفها يشم عطرها ونعومتها وابتعدت عنه
وهي مبتسمه ونطقت : ا ح ب ك
ابتسم نايف ونطق وسط ابتسامته الواسعه : اع ش ق ك والله
ابتسمت ابتسامه خافته واقترب منها يقبلها بثغرها واخذ شماغه بكفه يبعده عنه ومسكت الطاوله اللي خلفها هيام تشعر بتقبيله لها وغمضت عيونها من ابتعد عنها يناظرها وفتحت عيونها بخفوت ونطقت : انا اقولك لازم نروح تاخرنا
ضحك نايف وهو يناظرها ويتاملها وهز براسه لها : اربعينك مطوله ؟!
بلعت ريقها هيام من سواله ونطقت: اي مطوله باقي وش تبي تسال ؟
رفع حاجبه نايف ونطق: تشوفين وقتها وش اسوي
لانت ملامحها تناظره وسكتت بدون رد ورفعت يدها لصدره تبعده عنها وجلست على طرف السرير تناظره وابتسم ومشى لها يرفع اصابعه لشعرها يلمس أطرافه وجلس يتقدم لها وتقدم يقبل عنقها وميلت راسها تبتسم وابتعد يناظرها وابتسم من ضحكت له وتقدم يقبّل ثغرها من جديد وملأ فراغ اصابعه بشعرها ينحني عليها يطفي شوقه وياخذ حقه من الخمس الشهور من الليالي الطويله وهو ماصدق انها انتهت فيه هالايام عندها وابتعد من سمع صوت زهر والتفت يناظرها بسريرها وابتسمت هيام
تناظره ونطقت : وتقول لي لاتغارين وش اللي ماتبيني اغار وهي
تقطع حبل أفكارك فيني ؟
ضحك نايف ونطق وسط ضحكته: قصدك قامت بالوقت الصح
قبل اجيب العيد فيك وفيني ووقف يبعد عنها لزهر مشى لها وابتسم وهو يرفعها له ورفعت حاجبها هيام تناظره كيف قام عنها لبنته
ونزل وجهه نايف لزهر ونطق بهمس : اخترتي الوقت الصح انقذتيني
ضحك نايف يحس بنظراتها عليه و التفت لها ونطق: وشو ؟!ليش تناظرين فيني كذا ؟!
هزت راسها بمعنى ولا شيء ومشى نايف لها ونطق : تعالي
ومشى وعقدت حاجبينها ومشت وراه لين عند المرايا ونطق : صورتنا يلا
تورت ملامحها وهي تاخذ زهر من يده و ابتسمت تهز راسها ومشى ياخذ شماغه وهو يعدله من جديد وضحكت تناظره ومشى لها وهو يحاوط خصرها وزهر بيدها ورفعت يدها الثانيه تاخذ الجوال ونطقت : ابتسم
ابتسم نايف وهيام معه وزهر بيد هيام ونزلت الجوال تناظر الصور اللي تضمهم ثلاثتهم زهر ونايف وهيامه ونطقت هيام: يالله حلووه رفعت
عيونها له تنطق : نبدا بالالبوم
هز براسه نايف بمعنى لا : للحين باقي تكبر زهر ويجون اخوانها
وبعدها نبدا بالالبوم
نزلت عيونها وابتسمت بحزن ونطقت : بس انا مابي الا زهر
مابي احمل مره ثانيه
تنهد نايف من لمح الحزن يرجع يتشكل بعيونها ونطق : بنحلها بعدين يلا الحين تاخرنا عليهم
هزت براسها ومشت تلبس عبايتها ونزلو يحركون للمخيم ..."
وصلو تركي وعياله كلهم وفيصل وعياله وكنوز وعزام وايمان واخوها وزوجته وسند واخته ونصار وباقي المعازيم وجالسين الرجال بالخيمة وينتظرون حضور نايف بينهم والحريم نفس الشيء
وقف عند المخيم ولف عليها ينطق : يلا انزلي وانا وبعدين بنزل الاغراض
هيام : زين
ومشت تنزل وزهر بيدها ونزل هو ووقف عند الدريشه يعدل نسفة شماغه ودخلو ومشى لرجال يسلم عليهم وجلس وسطهم
ووقف سعود يصب القهوه عليهم ولف تركي لعزام : شف العشاء وش صار عليه هز براسه عزام وطلع من الخيمه واخذ جواله يشيك عليه وطلع نصار من وراه ينطق : يوووووه يازين الجو اهاه يالرياض
ابتسم عزام ينطق : ايه والله يرد الروح
نصار : اقولك الوضع رسمي ماعجبني
عزام : معليك بيتعشون ويمشون
نصار : وينه العشاء ؟
عزام : جاي بالطريق
ورجعو للخيمه يجلسون معهم وجلس سعود وسط نهار وفهد ونطق بهمس: ياعيال تكفون واحد منكم يقوم يصب بجلس واقف كذا لمتى والكلب ذاك اشغلني مدري مين قال له ان القهوه مويه
ضحك نهار وفهد معه ونطق فهد : انا بقوم اجلس واذا فلها بطبقه بالدله على راسه
ضحكو العيال ووقف فهد يصب لهم ولف نايف لسند من جاء
بيقوم ونطق : وين ؟
سند : ياخي جود تبي اغراضها من السياره بروح اعطيها واجي
هز براسه نايف ولف فهد من سمع اسمها بلع ريقه وهو خايف من الطاري نفسه ولا هو عارف وش سبب هالتفكير الزايد عن حده وهو مايجمعها معها الا كم موقف بس الموقف اللي يشهد فهد انه حرك بداخله مشاعر عجز يفسرها ولا حتى يستوعبها ...
قبل ٣ شهور تقريبا من كانت جود عندهم بالبيت في غياب سند
نزل الحوش يمشي فيها وداهمه النوم ودخل البيت وهو ميت
من تعبه ومايبي الا فراشه وبس
مشت جود لشروق ونطقت : شروق ابي مويه تنزلين تحت تجيبين لي ؟
تنهدت شروق تنطق : جود روحي انتي وترى مافي احد تحت اخواني اكيد كلهم نامو
ميلت براسها جود : لا شروق اخاف اشوف احد
شروق : معليك مافي احد انا اعرفهم روحي معليك
وبعد اصرار شروق اخذت طرحتها على راسها ومشت تطلع دخل وهو يطلع للغرفه وجاء بيدخل ولف من شافها تطلع من غرفه شروق بلع ريقه من شافها وهو تعب من التفكير فيها بس جالس يتجاهل على مشاعره تجاهها وقف مكانه بس ماانتبهت له جود ونزل يتبعها للمطبخ يوقف عند الباب دخلت تاخد لها كوب تملاه مويه وتشرب منه مسح على وجهه ومشى يدخل وراها
ونطق : صباح الخير
لفت عليه بخوف وانكسر كوب المويه من طاح من يدها وصارت ترجف بخوف منه وعقد حاجبينه فهد ينطق : بسم الله عليك هدي انا كنت عطشان ونزلت اشرب مويه ولمحتك
تجمعت الدموع بعيونها وهو متمسكه برخام اللي خلفها واحمرت ملامحها
وزاد استغراب فهد اكثر ونطق : انا اسف اعتذر منك ماكان قصدي اخوفك
نزلت دموعها على خدها وصارت ترجف من وجوده وهو بهالحظه جاهل اسباب خوفها منه ومشى يطلع من المطبخ وانهارت تبكي وقف عند الدرج يسمع بكيتها استغرب ومشى يطلع لشروق دق الباب ونطقت شروق من خلفه : يوه جود ادخلي
فتح الباب ودخل ينطق : شروق انزلي لها تحت بسرعه ومشى يطلع من الغرفه لغرفته استجمعت نفسها وهي تطلع من المطبخ ....."
نرجع للوقت الحالي واقف بنفس وقفته بس عقله بمكان ثاني بعالم مافيه الا جود ومواقفه معها ونطق بداخله: رهاب اجتماعي اجل الحين وش بتسوي مع هالامه كلها وش اسبابه طيب ؟!
رفع حاجبه نايف يناظره : فهد صب وش فيك تجمدت بمحلك ؟
رفع حاجبينه يستجمع نفسه صب القهوه وطلع من الخيمه كلها ورفع راسه يسمع صوتها اللي اشبه بالنسمه البارده عليها تنطق : سند بسرعه ابي الشنطه الثانيه بعد
لف ناحية الخيمه وبلع ريقه من سمع صوتها ونطق : وش هالي انا فيه اوووف
اخذ سند الشنط يعطيها وطلعو العيال ياخذون العشاء ويفرشون السفره يعطون الحريم العشاء .."
قامت ضحى تاخذ العشاء من عزام هي وكنوز ويحضرون لهم ونطقت ضحى : يووووه اخيرا ميته جوع
كنوز : اي والله
شروق : بنات باقي المشروبات
لفت ايمان من سمعت صوت العيال ينادون عليهم ونطقت : وحده منكم تطلع
قامت ضحى تطلع لسعود وتاخذ المشروبات ودقايق واجتمعو كلهم يتعشون .....""
انتهى من العشاء وطلعو المعازيم ومابقى الا هم وعند البنات تحديدا ورا الخيمة جالسين يسولفون ونطقت ضحى : بنات ابي نلعب ايمان وين العابك ؟
ايمان : بححح مافي العاب
هيام : احسن العابك كلها روحو جيبو ملاعق روحو جيبو اكواب واذا مره قلتي لنا وش اسم المسلسل هذا مليت ابي شيء جديد
نزلت راسها من رفعت ايمان قارورة المويه عليها ونطقت ايمان : صدق انك حيوانه لو مو انا كنتي ميته طفش انتي وياه
ضحكت هيام تنطق : امزح بس صدق ابي شيء جديد
ضحى : زي ايش ؟
رفعت اكتافها بمعنى مدري
وقفت ضحى وشروق معها من سمعو صوت دبابات وهو يناظرون من ورا الخيمه ونطقت شروق : هيام تعالي بسرعه
قامت وهي توقف معهم ونطقت : دبابات ؟؟؟!!
ضحى : اي مبسوطين وفالينها واحنا هنا ننتظر ايمان والعاب ايمان
شروق : بنات ابغى
هيام : كلنا نبغى بس كيف ؟
ضحى : كلمي زوجك خليه يجيب لنا يلا
شهقت هيام تنطق : نايف ؟؟ والله مايجيبه لو نموت اعرفه
ايمان : اي يلا كلميه خلينا نشوف نستفيد منك ولا لا
هيام : ماراح يجيبه اعرفه
مريم : جربي طيب
شروق : منجد جربي وش خسرانه
لفت هيام على شروق : وليش انا اللي اجرب خلي كنوز تكلم عزام
كنوز : والله حبيبتي انا حامل ولا راح اركب
شروق : وانتي ايمان ؟
ايمان : لا ياشيخه توي مملكه عليه تبين اروح اطلبه من ثالث يوم
تاففت شروق ونطقت : هيام تكفين هيام يلا
ميلت شفايفها هيام ونطقت : زين اعطوني جوالي
قامت ضحى تعطيها جوالها: اخذت الجوال تدق على نايف
طلع جواله من جيبه يرد عليها ونطقت : نايف تعال لي من ورا الخيمه ابيك
نايف : هيام وش تبين ؟
هيام : نايف تعال بسرعه
قفل منها ومشى لعند الخيمه وطلعت له وابتسمت من شافته
ونطق : سمي وش بغيتي ؟
هيام: سم الله عدوك اا نايف ابي اطلب منك طلب بس قول تم
نايف : وشو طلبك اذا اقدر عليه ابشري
هيام : قول تم اول شي علشان اقول لك
تنهد نايف ونطق: تم هيام تم قولي
ابتسمت هيام بواسع ثغرها تنطق : نبي دباب وهاه تراك قلت تم
رفع حاجبه نايف ونطق: نعم ؟ خير ؟ وش قلتي ؟
تنهدت هيام ونطقت: نبي نلعب نايف تكفى
نايف : سحبت كلمتي يلا ادخلي
قربت منه تنطق وهي قريبه منه : نايف انا هيامك شلون يرضيك تقول لي لا !
رفع حاجبه يناظرها ونطق: واذا هيام نايف تكسرت من وين لي بعدين ؟
ابتسمت تنطق : معليك ماراح اتكسر تكفى نايف بخاطري لاتردني
تنهد بقلة حيله من اصرارها عليه ونطق : زين ادخلي وبجيبه وانتبهي لي عليك
ابتسمت تناظره ونطقت : احبك والله
ضرب بيده على انفها ينطق : مصلحجيه انتي
ميلت بكتفها على صدره تنطق : لا والله ؟ انت تشوفني كذا
نايف انت تدري اني احبك صح ولا عندك شك
ابتسم يهز براسه: ادري وماعندي شك
رفعت نفسها تقبل خده ونطقت : شايف كيف اني احبك
ضحك نايف يناظرها ونطق : شايف حبيبي شايف يلا ادخلي بروح اجيبه واذا ناديتك اطلعي لي اعلمك
ابتسمت وهي تبعد عنه ولفت تدخل وقامو البنات له ونطقت ايمان : هاه وش قال لك ؟!
رفعت خصل شعرها لها ونطقت بحب تحمله له : هذا نايفي هذا مايقول لي لا
رفعت حاجبها كنوز تنطق : نايف ؟ مايقول لا ؟ صدقتك !
ونطقت هيام بضحكه : الناس مقامات ياحلوه
شروق : الحين انتي منجدك قال بيجيبه ؟
هزت براسها هيام: اي قالها
ضحى : وينه طيب
هيام : راح يجيبه
شروق : بنشوف
رفعت حاجبها هيام تنطق : خير بنات اكذب عليكم انا
شروق : يعني اخوي واعرفه
مشت هيام توقف عند الخيمه تنتظره
ونطق نايف للعيال : يعيال اعطوني اثنين من الدبابات للحريم داخل
لف عزام عليه ينطق : منجدك ؟؟
هز براسه نايف ياكد كلامه: اي نعم يلا هي سته اربع لنا واثنين لهم
نهار : سبحان مغير الاحوال وش اللي صار
نايف : اترك الهرج انت وياه وهيا مقدرانا علشان يدي دخلوها انتو
قام نهار وسعود يركبونها لعند خيمه الحريم وعند البنات بالضبط ونزلو يروحون ومشى نايف ينادي هيام ولفت على البنات تنطق : شفتو هاه كنوز صدقتي ولا بعدك ولفت تطلع له
ورفعت حاجبينها كنوز تنطق : يمه هذا نايف
ضحى: حيوانه غيرته
شروق : مااصدق
ايمان : كفو هياموه
مسك يدها يعلمها : هيام انتبهي تسمعين لاتخليني اندم اني جبتها
هزت براسها له تنطق : معليك ماراح تندم ازهلني
نايف : زهر وين ؟
هيام : عند امي داخل نايمه
هز براسه ونطق : انتبهي حبه حبه
ابتسمت له ونطقت : ابشر طال عمرك
ضحك نايف ومشى يرجع للعيال ونطقت هيام بصوت عالي تنادي البنات
وطلعو لها وركبت ايمان ورا هيام وضحى وشروق الثاني ونطقت هيام: بناخذ لفه وبعدين برجع اخذ جود ومريم
شغلت الدباب يمشون حول المخيم بالجهه الثانيه
صرخت ايمان وضحكت هيام تنطق : اشش ياحيوانه
ايمان : يوه بالشعور يحمس
ضحكت هيام وهي تزيد بسرعتها وايمان تشد عليها
وعند ضحى وشروق نفس الشيء رجعو البنات وهم يضحكون والسعاده تحوفهم لعند المخيم ونطقت هيام: يلا جود اركبي
كنوز : يوه بنات ابي
ضحى : اقول اهجدي
وركبت مريم مع شروق لعبو وانتهو ورجعو بعد ماتوسعت صدورهم
اخذت جوالها تدق عليه ونطقت اول مارد عليها : نايف خلصنا ابشرك مو قايله لك ازهلني
ضحك نايف ينطق : كفو عليك
ابتسمت تنطق : كفوك الطيب
لف سند ينطق له : وش كفوه ؟
تنهد نايف ولف عليه ينطق : اكلم وش فيك انت ناشب بحلقي ونطق
لهيام يلا شوي وجايك وقفل
ضحك سند ينطق : اثقل الثقل زين
ضحك نايف ينطق : اعنبوك تلتني تل ولا من كان يصدق اني ارضى باشياء كنت اشوفها كارثه ومااقوى انطق ب لا بعد ماكنت انطق الا فيها
رفع حاجبه سند ينطق : سبحانه من يغير ولا يتغير
ابتسم نايف وقام يروح لها ..."
انتهى ✅
صباح الخير تاخرت عليكم بس كنت مشغوله الفتره اللي راحت اعتذر منكم ❤️🔥💙
قراءه ممتعه
لاتنسون ⭐️
