رغم المسافات وقسوة الأيام أنتَ بداخلي، كان حبي من طرف واحد كَانَ لِعِينِ و أَنَا العَن، اعتذر لك عن كل ألم تعرضت له نيابةً عنهم، لن اكذب لاكن بفترة غيابي كان تفكيري بك زائد خشية من ترككَ لي كُنتُ خَائف، كنت احبك بدون إظهار مشاعري كان شيئ ليس سهلاً بالنسبة لي، شجارات عائلية لعينه، حسنًا لتنسى أمر أموري لكن هذا تبريري، . لنتحدث عن جمال تفاصيلك، كم أنت رائع شعرك خريفي الملمس وعيناك كفراشات الريف المضيئة التي لا أتوقف عن جمعها كل ليلة ، أنا دائما بجانبك ، أنا ضحكتك ، وضلعك ، وقلبك الأيسر ، أنا لك أمان وملجأ ، أنا هنا لأجل فرحك لأجلك أَنتَ وحدكَ رغم بعد المسافات ......
سكر باب الغرفه وراه ونزل غضب الدنيا كلها فوق راسه دخل المكتب وسكر الباب بالمفتاح وكان خالد يناظر بنايف مشى له ولف كرسي المكتب لجهته
خالد الي كان خايف من ردة فعل نايف وكان ساكت
نايف :وش اسوي فيك علمني ايش اسوي فيك انا حتى يدي مستحي امدها عليك وانت بهذا العمر شيبك مغطي شعرك وكل الي جالس يصير من تحت راسك الي كلفته باعمالك الوسخه اعترف من مسكته وقلت له اني ضابط وراح اسجنه لو مايتكلم كل شيء ممكن اسكت عنه بس انك تفكر تضرها وتخطفها وتخليه يقرب منها هنا اوعدك اني ماراح اسكت تسمعني ماراح اسكت وراح تدفع الثمن غالي بخليك تتمنى انك ماعشت لهذا اليوم بخليك تتمنى ان الله قصر عمرك واخذك
خالد :نايف احشم نفسك واضبط حكيك
ضحك نايف بوسط غضبه وحط يده على وجهه وصفق بيده على المكتب انت ماخليت فيها حشيمه والله والله لاخذ من دمك واشرب منه لن الي مثلك حرام يعيش وقرب نايف له وحط يده على عنق خالد يخنقه وكان خالد يدفه بس ماقدر عليه ونايف يصرخ عليه الدنيا وسخه بوجودك يااناني يانذل كنت مخطط لكل شيء من البدايه ابعد عنه بعد ماحس انه جالس يتهور وصار يضرب بيده على الجدار ويصرخ وطاح خالد على الارض وجالس يكح ويده على رقبته وجلس نايف على الارض قدام خالد تكلم عطني سبب واحد اقدر أجاوب نفسي فيه واجاوبها قول لي قول هدا خالد وخفت كحته وصار يقول لنايف كل شيء من البدايه وسبب حقده وانتقامه وخذلانه من صديق عمره ذياب وكيف انه وثق فيه وخان ثقته ومات يانايف وانا ماخذت حقي منه مات وانا مااشفيت غليلي فيه سنين وانا مظلوم دارت السموات السبع والاراضي بنايف من عرف السبب
نايف :وش ذنب تركي طيب وش ذنب بنته وش ذنب زوجته وش ذنبهم
خالد :ذنبهم انهم يعرفونه ذنبهم انه يصيرلهم ذنبهم انه واحد منهم وفيهم ذنبهم انه جزء من اساميهم
نايف :تدري انت وش سويت ولا ماتدري انت حاس بحجم الشيء الي سويته
خالد :حاس ومايفرق معي الا اني اخذ حقي واخذ حق سنيني الي راحت
نايف :تدري انت جالس تورث لنا انتقامك وحقدك وسوء نفسك
وسكت خالد من حس ان حروفه بدت تضيع منه
نايف :وثق فيك وعدك ابوه وزوجني بنته بما انه يعرفك وسلمنا بنته وانت تعرف تركي كل شيء عنده الا بناته وحاولت تضرها وتاخد شرفها منها طيب تركي لاتفكر فيه انا مافكرت فيني شلون ترضى تسوي فيها كذا وهي زوجتي شلووووون حرقت يد امهم وخليت عيالها ينهارون عليها حملتهم نتيجه ماضي هم مالهم ذنب فيه سنين وانت تخطط ليش ماخليتها لربك ليش ماخليتها عداله إلهيه ليش ماخليتها داخل نفسك لين تلقى ربك تدري وش الفرق بينك وبين ذياب انه ضرك وحدك انت ضريت عائله كامله وهم مالهم دخل بكل الي صار لو عكسنا الادوار صدقني ما بترضيك افعالك ووقف نايف تصدق كنت اتوقع عندك سبب مقنع يخصك مع تركي نفسه ولف بيطلع ووقف بدون مايلتفت حتى حط في بالك آنك بتدفع الثمن غالي غالي بعد مو شوي وحط في بالك الي يشب النار لايزعل على دخانها وهالعائله الي تسببت بدخانها محد بيحرقك غيرها وطلع وصك الباب بكل قوته
انتشر الخوف بصدر خالد بس اخطأه ماتنغفر وجاء وقت الندم ودفع الثمن ...
طلع الغرفه ودخل وشافها نايمه دخل الحمام وغسل وجهه وطلع فرش سجادته وصلى ودعا دعوات الحاير في متاهاته خلص ولف سجادته ووقف يناظر فيها جلس بطرف السرير شعور انسان خايف من الخساره ويدري انه حب وحده مادرت عنه وهاذي اعظم خساره له انسدح جنبها وعيونه عليها ...
وبعد مرور اسبوع من خوف وقلق لنايف وبعد هيام عن اهلها وعزام الي يركض هو ونصارمن مكان لثاني يدور لملاذ الي عجزو وتعبو وهم يدورن بس للاسف مالها اي وجود وخالد الي يده على قلبه من سكوت نايف وتركي الي ارتاح نوعا ما من انقطعت التهديدات عنه صار يحس بنعمه اليوم الي يمر عادي بس قلبه منشغل على هيام وفاطمه الي مابين المستشفى تغير جرحها ومنها تزور هيام ماتدري ايش سبب غيبتها عنها بس كانت هيام تعتذر بشغلها ونهار الي مشغول بخطبته من ضحى وينتظر نايف يرد عليه وضحى قررت انها تطلع نهار من راسها هالفتره لين تخلص اختباراتها وكنوز الي مابين المكتبه وكتبها وعالمها الخاص فيها وجامعتها وسعود الي يدور بين الملعب ونهار وجامعته وفيصل والجوهره منشغلين بنهار واصراره الزايد وسند الي مع نايف يحاول يساعده من ذي المصيبه الي طاحت على راسه وبين جود اخته وشروق نفس وضع ضحى دراسه واختبارات خصوصا انهم على وجه تخرج
ونوقف الواقع على فهد جالس بالحوش يفكر بحياته وايش نهايته
وكانت هيام بالبلكونه وتناظره من فوق وكيف انه ضايع دخلت الغرفه اخذت حجابها ونزلت ومرت المطبخ وقالت للشغاله تجيب اكواب قهوه وتطلعها لهم برا طلعت ومشت لفهد وجلست على الكرسي الي مقابل له وناظر فيها
هيام :شفتك تهوجس قلت انزل أقطع هواجيسك
ابتسم فهد ونزل راسه
وجت الشغاله باكواب القهوه
هيام :وهاذي القهوه وجت اعطت فهد كوبه واخذت كوبها تشرب منه اي فهد وين وصلت
فهد :ولاشيء بمكاني
هيام : لقيت شغل
هز راسه فهد بلا
هيام :فهد وش ميولك ايش تحب وايش تكره
فهد : تصدقيني لو قلت ماادري يمكن لاني ماتعودت احد يوجه لي سوال نفس سوالك طول عمري الناس تختار عني
هيام : طيب اسمعني بحلل شخصيتك تمام
فهد :تعرفين
هيام :نوعا ما واذا شفت شيء غلط قول لي
فهد :تمام
هيام :انت ماتحب الدراسه وتحس انك مستحيل تبدع فيها وودك تختار خياراتك بنفسك وتحس بشخصيتك وتفرض قراراتك ودك تصير مستقل بشغلك الي ماتدري وش هو تمل بسرعه غامض اغلب تفكيرك بقلبك مو بعقلك وماتحب تواجهه ايش رايك؟
فهد : نوعا ما صح
هيام : دور على نفسك فهد
فهد :كيف
هيام :انا اقولك بتجارب جرب اي شيء يخطر ببالك جربه انت الشيء الي مفروض انك تسويه حاليا انك تبدا بس ابدا اقدم على كل شيء نفسك تجربه وبعد ماتجرب حدد اذا انت تبيه ولا لا
ابتسم فهد وهز براسه
هيام :اجل استاذنك تصبح علي خير
فهد :وانتي من اهله وارتاح فهد من كلامها وجته بالوقت المناسب نوعا ما
ومشت تدخل البيت وجت بتروح غرفتها وشافت الجوهره بالصاله تتابع التلفزيون مشت عندها وجلست جنبها
الجوهره :وش فيك مانمتي
هيام:ماجاني نوم
الجوهره : نايف وينه
هيام:مو موجود وش تتابعين
الجوهره : هاذي الله يسلمك شيف اغلب وصفاتي من عندها
هيام : الله اشتهيت حلى
الجوهره:الحين
هيام :اي من الشيف حقتك
وابتسمت الجوهره لهيام واخذت جوالها الجوهره يمه هيام بروح اكلم شوي وبجيك هزت هيام براسها خذي راحتك وطلعت الجوهره برا ودقت على نايف ورد عليها
نايف :هلا يمه
الجوهره :وينك
نايف :برا مع سند فيك شيء
الجوهره : خل عندك سند وقوم مر اي مكان يبيع حلى وجيب لنا منه
نايف :ايش حلى الحين
الجوهره :اي حلى دور وبسرعه لاتتاخر
نايف :من وين اجيب الساعه ١٢ حلى
الجوهره :تصرف بسرعه وقفلت
سند :حلى وشو
نايف :مدري عنها تقول تبي حلى
سند :الحين الساعه ١٢ وحلى ياخي انتو عائله غريبه
نايف : مو المهم هذا المهم من وين اجيب وتقول بسرعه
سند :امش ندور لك قامو وكل ماوقفو عند مكان يطلع مقفل
سند :شوف ذا وقف وقف ونزلو
نايف :السلام عليكم عندكم حلى
والله ولا شيء شوف الرفوف فاضيه تمام يعطيك العافيه وطلعو
سند :ياليل اليل صدق
نايف :صباح قصدك بعدين امي ماتحب الحلى مره وش صار عليها
سند : امش امش
نايف : في محل قدام ان شاء الله يكون مفتوح
سند:يلا اركب
ومشو له ووقف نايف عند المحل ونزلو وكان من حسن حظهم مفتوح
سند :يامحمد في شيء باقي
والله باقي كيكه توت واخر حبه
نايف :الحمد لله عطنا ياها اخذوها وطلعو
سند :الحمدلله يلا انا بروح
نايف :وين تروح وانت مامعك سياره
سند :بروح مع اي احد بشارع بوقفه واروح معه تبي امشي معك انا انسان عندي دوام بكره يلا مع السلامة
نايف :مع السلامه ركب نايف ومشى للبيت اخذ الكيكه ونزل وفتح الباب ودخل
والجوهره من سمعت صوت الباب ينفتح نطت من مكانها
وراحت لنايف وقربت منه
نايف :امسكي يمه حرام عليك لي ساعه ادور من محل لثاني ادور لك حلى
الجوهره:اسكت مو لي
نايف :لمين اجل
الجوهره :لهيام
نايف:هيام ؟
الجوهره :اي اسمع بسالك انت ملاحظ عليها شيء
نايف :شيء زي ايش يعني
الجوهره : يعني تشتهي شيء تكره شيء
نايف :يمه ماني فاهم عليك
الجوهره :ياربي رحمتك احسها حامل
ارتفع صوت نايف ايشششش حامل وش تقولين يمه
الجوهره :اششش اسكت لاتسمعك هات الكيس ووقف نايف بمكانه
مصدوم من الي امه فكرت فيه وكيف يقول لها انه حتى ماقرب منها ودخل عندهم الصاله وجلس يناظر فيها
الجوهره:امسكي هيام هاذي نايف جابها لك
هيام :وش هذا
الجوهره :كيكه قلت له ان ودك بحلى وماقصر جابه
هيام :ماكان له داعي ياخاله
الجوهره :له داعي ونص
فتحت هيام البوكس وطلعت الكيكه واكلت منها
الجوهره : ننتظر الحفيد هيام وشرقت هيام وصارت تكح
نايف صب لها مويه بسرعه وصب لها واعطها وشربت ولفت تناظرهم
وقامت تطلع غرفتها انحرجت وانحرج نايف معها
نايف : يمه وش ذا الكلام
الجوهره: وشو يمه مشتهيه اشوف ولدك بحضنك
قام نايف وطلع وراها ودخل الغرفه
نايف :معليك امي فهمت غلط اعذريها
هيام :عادي من حقها تشوف ولد يشيل اسمك ان شاء الله القضيه تخلص واطلع من حياتك وتاخذ لك وحده تكون لك كل شيء وتفرح امك بولدك
بلع ريقه نايف وانسدح على الكنبه وانسدحت على السرير تنام
وطفت الانوار ونامت
وهمس بداخله اي شيء من بعدك ماابيه وتحرم علي وحده من بعدك .....
