~~غرفه هيام الساعه ٣ونص صباحا ~~
ميلت شفايفها يمين شمال وهي عاجزه تنام تاففت تلف عليه تشوفه غرقان بنومه ونطقت تكلم عمرها : يوه يانايف نفسي اعرف من وين تجيب هالنوم !
رفعت انظارها تناظر الجدار وسرعان ماقامت تجلس وتسند ظهرها على السرير رفعت يدها تجمع خصلات شعرها لفت عيونها تناظره تتامل نومه العميق دارت عيونها بارجاء الغرفه وابتسمت تقوم من مكانها تاخذ من المناديل اللي على الطاوله وترجع لسرير ضحكت بهدوء وهي تبرم المنديل من فوق وتدخله بانفه تحرك بانزعاج شديد منها ورفع يده يفرك وجهه ضحكت وهي ترجع تعيدها فتح عيونه نايف يناظره ونطق بثقل صوته: ياللله يالللله وش انتي تسوين ؟ لف وجهه للجهه الثانيه يكمل نومه ونطقت : نايف تكفى قوم طفشانه
ماسمعت رده وعرفت انه رجع يغرق بنومه تنهدت وهي ترجع المنديل باذنه
تافف نايف وهو يعرفها ماراح تتركه ونطق بتذمر : أستغفر الله العظيم
دخلت يدها تحت ذراعه تحاوط بطنه وتنزل راسها على راسه
وتنطق : قوم تكفى وحشتني
ابتسم بخفوت يشعر بذراعينها نزل كفه اليمين يمسك كفها اللي يحتضن بطنه رفع كفه اليسار يشوف الساعه وتنهد ينطق : هرموناتك ملعوب فيها هيام
ضحكت تقبل خده ونطقت : وش اسوي طفشانه وماجاني نوم
ابتسم يشوفها بحالاتها الغريبه كالعاده ونطق : الساعه ثلاثه وطفشانه ؟ وش نسوي لك وش تبين من فعاليات !
ضحكت تنطق وسط ضحكتها: ولا شيء قوم معي نسوي قهوه عربي ونتقهوى
ضحك يرفع عيونه يناظر خصلات شعرها الطايحه على وجهه ونطق : هيام وش قهوه عربي وش المود هذا !!
رفعت راسها تبعد عنه ونطقت : لايكثر بس بنزل تحت اسويها لاتطول علي تمام
قامت تاخذ روبها من على طرف السرير تلفه وتربطه فتحت باب الغرفه ونزلت المطبخ
قام يجلس بنص السرير مذهول منها ومن اوقات روقانها بالوقت الغلط تنهد ينطق : يلا قوم يانايف قوم امرنا لله
~~بالمطبخ ~~
اخذت جوالها تشغل اغنيه وتردد معها اخذت الدله تسوي القهوه وهي تعيش اعلى مراحل روقانها واكتمل من فاحت ريحة الهيل والزعفران بارجاء المطبخ
غمضت عيونها تستنشق الروائح الرايقه ضحكت وهي تهز بخصرها وتدندن مع كلمات الاغنيه اخذت الصحون تحط قطع تشوكلت وتمر اخذت فناجيل القهوه تحطها بالصحن وقفت عند الفرن تنتظر القهوه لفت من شافته يضحك وهو ماغاب عن عينه حركاتها من كان واقف يشهد على كل هالروقان ضحكت تناظره ونطقت : نذل من متى واقف ؟!
ابعد كتفه عن الباب يدخل عندها ونطق بضحكه : من هزت الخصر
صدت بعيونها عنه وهي تضحك ونطقت : اهاه منك ماتوفر
ضحك نايف يناظرها ويسمح على وجهه لفت تاخذ القهوه بعد ما اخذت وقتها حطتها بالصحن وطلعو الصاله يجلسون اخذت الدله تصب له
ومدت الفنجال له ونطقت : سم
مد يده ياخذه منها ونطق : سم الله عدوك ورفع القهوه يرتشف منها يستطعم لذة مذاقها رجع ظهره على الكنب من حس ان الرشفه عملت عمايلها
ونطق : اااحييت وش هالقهوه هاذي
ابتسمت تنطق : حلوه ؟
نزل الفنجال يحتضنه بكفه ونطق : خياليه وصلني روقانك فيها
ضحكت هيام بوسع ثغرها تنطق : هني وعافيه ، نايف !
رفع حاجبه يستمع لها ونطقت : ابي قصيده يالبخيل لك كم لك ماقلت لي
مد الفنجال لها تصب له من جديد ونطق : شدعوه بخيل !
ابتسمت تنطق : ابي وحده تكفى
اشر على خشمه وهو يبحر بافكاره يدور قصيده ومن
لقى نطق بها : تبسم لعنبو من لامني في ضحكتك ورضاك تبسم وأخذني من عالمي في عالم ثاني....
تبسم لي فداك اللي مضى واللي بقى يفداك ترى لولا غلاك وضحكتك ما بعت خلاني..
ولاجيت أتداراك مابقى من فرحتي وإلقاك وأبيع العمر كله لأبتسم ثغرك على شاني....
وانا اللى لأجل عينك بعت ذاك وذاك وتناسيت السنين المجدبه واحرقت عنواني
أحبك إيه أحبك وأن بغيت أنساك كيف أنساك أشوفك ياعيوني في عيون أهلي وفي أوطاني.....
توهقت بغلاك وصرت أحبك وأعشقك وأهواك وحاولت اتراجع وانسحب لا شك ما امداني.....
ضحكت وهي تضربه على كتفه باعجاب من اللي تسمعه وضحك نايف من ضحكتها ونطق : ياحلوك قايم عشاني وتتقهوى معي وتغرقني بقصايدك الحلوه صدق ان الحب افعال ..
ضحك نايف بوسع ثغره ينطق : شايفه كيف تخيلت لوانه احد مكانك مقومني ا؟ انا كنت بقوم ؟
ضحكت تنطق وسط ضحكتها: الناس مقامات نايفي وعارفه اني باول مقاماتك
ضحك بوسع ثغره يعشق هالثقه وتهلكه جدا بعد مو شوي اخذ دخانه من قدامه يولعه ويسحب منه هزت براسها تشوفه منسجم بزقارته ونطقت: نايف !
نايف : همممم
قوست شفايفها تنطق :احبك
زفر دخانه وهو يحطه بصحن الزقاير ورفع يده يسحبها لحضنه وشهقت من سحبها تتوسط حضنه ونطق : تجبينها لنفسك
ضحكت تنطق : بسم الله خوفتي خلاص اسف ماراح اقولها
رفع حاجبه بابتسامة خفيفة على ثغره ينطق : بكيفك هو ؟!
همهمت له وهي تاكد له فعلا انه بكيفها وعلى مزاجها نزل
لها يقبل عنقها وينثر الورد عليها ..."
<<الساعه ٨ونص صباحا >>
فزت من مكانها بعد اصرار منه طول الساعتين اللي راحت ونطقت : الله يشغلك نهار اووووف منك اوف
تنهد وهو واقف قدامها لابس ثوبه وغترته على كتفه وينتظر قومتها
ونطق : ضحى قومي اقولك تاخرت تبين اوديك الجامعه ولا لا ؟
فركت عيونها تنطق : وش رايك انت !
تقدم لها يسحب المفرش ونطق : هاه قومي يابنتي الحين اجلسي ساعه تجهزي خلاص اسمعي انا بنزل شوفيني في السياره لاتتاخرين تاففت منه ومشى نهار يطلع من الغرفه وينزل لسيارته ومن نزل عقد حاجبينه من لمح فهد بسيارته ونطق لنفسه : هذا فهد ! وش عنده ؟
مشى يخطي خطاويه لسياره فهد ويدق على الدريشه مانتبه على وجود نهار من كان غارق بجود اللي تمكنت منه سلبته عقله وسرقت التفكير منه سرقته هو وقلبه وكل شعوره وكل انفاسه منه, تمر قدامه تاخذه من نفسه للحد اللي ماسمح له تمر فكره غيرها فز من مكانه من تلاشت كل هالافكار بدق نهار قزاز الدريشه تنهد وهو ينزلها له ونطق : الله يخرشك ياشيخ شتبي !
مشى نهار يركب من الجهه الثانيه ونطق من ركب :تعبان انت ماتسمع ؟!
مسح على دقنه فهد ينطق : وش عندك ؟!
بقق عيونه نهار : وش اللي وش عندي وش العلم فيك شيء تحاكى !
اعتدل فهد بجلسته وهو يرجع انظاره لنهار وهو حس بهالحظه انه ماوده يسكت لاول مره يحس وده بالكلام وماوده بالصمت ابدا وده يعبر وده يشرح وده يخوض حياه باختياره يعيش لنفسه لذاته ويلبي احتياجاته و جود صارت بالنسبه له وحده من هالاحتياجات او بالاصح كل احتياجاته تعب يخوض تجارب وتطلع بالنهاية مجرد تجارب وتجرده من نفسه وتجرده من ذاته وتسلب منه شعوره هاليوم وده يسمع نفسه ويصنع الفرص له وماوده بالتاخير ابدا يبيها وكل مافيه يصرخ فيها بس بصوت مسموع له وحده تخونه الآف المعاني الآف الحروف والكلمات يخونه الاعتراف وهو مايدري وش شعوره للحين ولا يدري وش معاني وحروف وكلمات الحب ويجهل كل شيء يخصه بس اللي يعلمه ويفهمه حاليا انها ماتركته ملازمه تفكيره تشاركه انفاسه نظرات عيونه وبذات اخر لقاء اللي حرك كل شيء بداخله ، كان يسمع ان النظره الاولى حلال وهو كان وقتها خايف يرمش وتصير حرام تشغل حواسه بالكامل ، يشوف نفسه متاخر في تحديد اهدافه وماوده يتاخر فيها يبي يخطي ويكون سباق بخطواته لها ونطق لنهار بعد دقايق من صمته : اخوك صار رهينه لزجاجة عطر ، طاح الفاس بالراس يانهار او تبي الصدق طحت كلي ومحد سمى علي ."
رفع حاجبه نهار بصدمه من اللي يسمعه ومن اعتراف فهد اللي داهمه بوقت قصير بلع ريقه يناظر فيه ونطق : وش تقول انت !
اخذ نفس فهد يشبع حواسه اوكسجين ونطق من زفر انفاسه : احبها نهار احبها ومتاكد انه مو اعجاب بس لاني جربت الإعجاب بشوارع كندا لين مليت ومل مني وانا اقولك اللي بصدري مو اعجاب هو الحب اللي اسمعه طول عمري ولا شفته وجاء الوقت اللي اعيشه واشوفه ."
بقق عيونه نهار يسمعه ونطق بذهول : شوي شوي خلني اركز حب وشو وتحب مين !
تنهد فهد ينطق : اخت سند
ضحك نهار بسخريه وسرعان ماتلاشت ابتسامته : فهد تستهبل البنت صغيره هي جامعه للحين مادخلت حتى !
مسح على وجهه فهد وهو ينطق : مايهمني نهار ولا راح يهمني
نهار : وش اللي مايهمك اخوها سند ماراح يوافق يزوجها وهي بهالعمر !
غمض عيونه فهد وهو مايبي اي رفض ولا راح يقبل يسمع كلمه لا هالمره ونطق : باخذها نهار باخذها ولو كان غصب عن سند باخذها وماراح اسمح لاحد يوقف بوجهي هالمره
رفع نهار يده على كتف فهد يلفه له وسكت نهار يشوف ملامح وجهه اللي يجتاحها الضيق ونطق : كلم نايف بالاول
هز راسه بنفي ينطق : اذا هاذي ردة فعلك وش بتكون ردة فعل نايف !
بلع ريقه نهار يناظره ونطق : انصدمت فهد وانصدمت اكثر من عرفت من هي
رفع راسه فهد على المقعد وهو يضحك بسخريه على حالته ونطق : تصدق تعودت اخذ ردود فعل عكسيه دايم واللي ذابحني اكثر ان عمري انتهى وانا امشي على اختيارات غيري لي من جدي لابوي ولنايف عمري قررت لنفسي ؟ لا عمري عشت لها ؟ لا عمري مشيت على قرارتي ؟ لا برضو لف يناظر نهار ويكمل كلامه بس هالمره نهار انا ورا قراري باخذها وبكسر حظوظ الدنيا كلها لاجلي سكت نهار يناظره وهو عاجز عن الرد ونطق فهد من شاف الصمت سيد الموقف : انزل نهار انزل مو مجبور تنطق بحرف واحد الشور باخذه مني انا مو من احد غيري زوجتك تنتظرك انزل
لف نهار يشوف ضحى واقفه عن السياره تلعثم نهار وهو ينزل من السياره ويمشي لضحى فتح السياره وركبو ..
غمض عيونه ينزلها على الدركسون بضيق على حاله ونطق يكلم نفسه : اه ياجود وش سويتي فيني اهتز كياني كله وانتي السبه ...."
<<عدت الايام بدون حدث يذكر لقبل زواج سند وايمان بليله >>
دخل يرمي نفسه على السرير من زاد حمله وتعبه الشديد وهو عايش طول الايام اللي راحت وسط قضاياه ووسط شغله وتاركها طول اليوم بروحها وهالشيء مايعجبه ولا يعجبها ويعرف وخابر انه مضايقها جدا بعد مو شوي وهي مواقل منه ومايمكن ان نقول عنه نفسية حامل وخصوصا ان حملها ماكان بالشيء السهل ابدا تحتاجه يكون معها وحولها رفع نفسه يسند راسه على السرير ويناظرها جالسه على الكنب وتقرا من الكتاب اللي يحتوي كفوفها تنهد يشوفها مارفعت عيونها له رفع يده يمسح على وجهه بالكامل ونطق بتعبه وثقل صوته : تعالي
مثلت عدم الاستماع والانتباه له تنهد عزام بكل مافيه من ذرة تعب وهو يوقف ويمشي لها جلس جنبها وهو يسحب الكتاب من يدها ويتركه على الطاوله ونزل راسه على فخذها سحب يدها يقبلها بعمق تنهدت بضيق منه وماتنكر انها اشتاقت له ابدا لانه كان واضح بعيونها
ونطقت بهدوء: عزام !
فتح عيونه وهو يقاوم ناعسه الشديد ونطق : مو وقته كنوز اتركي
الكلام لوقت الكلام ."
سكتت لمده و ميلت شفايفها تنطق بهدوء نبرتها : بتخليني انام كذا !
بلعت ريقها من ماسمعت رده والدليل انه غرق بنومه نزلت انظارها تناظره وتتامله رفعت يدها تخلخل اصابعها بشعره تعرف انه تعبان ويحتاج يرتاح بس برضو تحتاج الاهتمام منه عضت على شفتها من حست بوخز ببطنها رفعت يدها تتحسس حركته ببطنها ابتسمت بوسع ثغرها تنطق بداخلها : الله يقر عيوني بشوفتك .. داهمها النعاس بعد مده من سرحانه فيه وماحست بنفسها الا وهي بسابع احلامها فتح عيونه وهو يرفع راسه يشوفها نايمه ابتسم عزام وهو يرفعها معه على السرير يقربها له تتوسد احضانه و ينام وراها ...."
اعتلت ضحكاتها بشكل عالي وهي تضربه على كتفه من كان يحكي لها عن طفولته ابتسم يناظرها ونطقت : نايف ياشيطان كل هذا يطلع منك !
ضحك نايف وهو يرجع ظهره على الكرسي ونطق : كنت ورع خلاص عقلت
رفعت انظارها للقمر وهي تنطق وسط ضحكاتها : بس عسلي والله
اتسعت ابتسامته ينطق وسطها : كل هالشوارب وعسلك ؟!
غمزت بعيونها له تنطق : اي عندك مانع !
إبتسم بخفيف وهو يعدل لها السلسال اللي على عنقها ونطق : ابد خذي راحتك
نزلت راسها على صدره ورفع يده يحتضن كتفها رفعو عيونهم على القمر من كان ساطع ونطقت هيام: نايف ؟
همهم لها ينطق : قولي !
رفعت راسها تثبت دقنها على صدره ونطقت : ودي نسافر
نايف : وش الطاري ؟!
رفعت اكتافها تنطق : مدري احس بخاطري تكفى قول تم
رفع يده لخصلات شعرها يلفها على اصابعه ونطق : تم بس وين !
ابعدت عنه وهي تتربع قدامه وتنطق : نروح دبي نفسي فيها نايف يومين كذا ونرجع لاني مقدر اخذ اجازه اكثر من يومين
رفع يده ياشر على خشمه وينطق : ابشري على خشمي بس خليني ارتب وضعي بدوامي وابشري طلباتك اوامر ، شيء ثاني ؟
زينت ثغرها بابتسامة عريضه تعشق هالسمي وابشري وامري تدللي طلباتك اومر تحسسها بالوفره من الحفاوة و الدلال الكثير اللي
تستحقه ونطقت : ويقولون لي تواضعي شلون اتواضع وقلبي حبك ؟!
ابتسم بوسع ثغره وهو يرفع خصلات شعره من كان الهواء يبعثره بكل مره يرجع يرتبه ونطق : من قالك تواضعي مبسوط في هالغرور
غمضت نص عيونها تنطق بتساؤل : عاجبك لذي الدرجه !
ضحك وجلس يعتدل بجلوسه وناظرها : منك تتوقعين بيكون مو عاجبني ؟
ابتسمت وسرعان ماتلاشت ابتسامتها من رفع كفه على ملامحها ودقنها وغمضت عيونها تشعر فيه يقبلها رجف قلبها من تسرّع إندفاعه لها وإستغلال الخلوه بينهم بلعت ريقها من رجعت على الكرسي وهو يرجع يكرر قبلاته بثغرها عاجز يبعد عنها وماحست فيه الا يرفعها بين يدينه يدخلها معه ويطلعون لغرفتهم ..."
<<عند عروستنا >>
واقفه قدام الشباك وتشرب من قهوتها رفعت يدها تناظر الساعه وهي مو قادره تنام ابدا من توترها وخوفها من انه مايكون الزواج اللي كانت طول عمرها تحلم فيه خصوصا انه ماكان بالمده الكافيه اللي تخليها تجهز له بالشكل الكافي تنهدت بعد تفكير دام بين عقلها وقلبها وضحكت من شافت جوالها يدق اخذته ترد ونطقت : هلا !
ضحك سند بعلو صوته ينطق : مشيتي اللي في راسك ؟
ابتسمت بوسع ثغرها تنطق: قلت لك ماراح افكه الا ليله الزواج
صح درس لك ياجنتلي ."
تنهد سند ينطق : حرام عليك شهر وانا متلهف عليك
تلاشت ابتسامتها تنطق : اسفه بس كنت احتاج اربيك
ضحك سند ينطق: اي زين بكره بتدفعين ثمن هالتربيه
رجف داخلها بخوف وسكتت تلتزم الصمت وعض شفته يكتم ضحكته من انقطع حسها ونطق : وين رحتي !
ونطقت بربكه وهي تحاول تبين العكس بس للاسف مامشت
على سند ونطقت : سند الوقت تاخر باي
وسكرت قبل تسمع اخر كلامه رفعت يدها لوجها تحاول تخفف
توترها وخوفها من بكره ...."
<<يوم جديد يوم الزواج تحديدا >>
رجعت شعرها للخلف بهدوء وهي تتأمل ملامحها وما تنكر إنها صابها نوع من الإعجاب تجاه نفسها ، أو أكثر من الإعجاب بها للحظة كيف انها بقمه الجمال وانها قادره بهالحظه تسكت الجمال بنفسه
خرج من الحمام - الله يكرمكم - وهو يعدل المنشفة على
خصره :أذكري ربك ، ترى احيانا الانسان يحسد نفسه
لفت عليه بابتسامة عريضه تنطق : انا بحسد نفسي ؟!
هز براسه ياكد كلامه ونطق : اي نعم وبعدين ماشاء الله اشوفك خذتي مكاني
عقدت حاجبينها بعدم فهم وهي تنطق : بوش اخذت مكانك !؟
نايف : قولي ماشاء الله بالاول
ضحكت هيام تنطق وسط ضحكتها: ماشاء الله علي ،ايوه بايش اخذت مكانك !
ابتسم ينطق لها يابتسامه عريضه : تامل نفسك محد يلومك الصدق بس برضو انا اولى اني اتمل ماتبيني اخذ آجر مو يقولون ان التأمل في خلق الله عبادة اجل خلي هالتامل لي لو سمحتي
ابتسمت بخفه من حست انها استحت شتت عيونها عنه من طالت نظراته لها ضحك نايف بعلو صوته ينطق وسط ضحكاته : مو لايق لك ترا والله
رفعت عيونه له تنطق : نعم ؟!
مسك وجهه وهو يضحك وضربته على كتفه تنطق : نعم وش عندك وش يضحك !!
ابعد يده عن وجهه ينطق : انك تستحين
ميلت راسها له تنطق : لا والله ؟!
سحبها مع عنقها لصدره ينطق : اسفين هيامي خلاص واضح وش بنوصل له من هالحوار قبل راسها ورفعت يدها لصدره ونطقت : نايف مكياجي
ابعدت عنه تنطق : كلك مويه
ضحك يبعدها عنه ونطق : للحين حلوه معليك ماتغير شيء
ابتسمت تناظر المرايا ومشى ياخذ ثوبه يلبس جلست تكمل تجهيزاتها ..."
وعند ايمان بعد كم ساعه من انتهت من تجهيزاتها...
ابتسمت بوسع ثغرها تناظر جمالها ومن كانت راضيه عن نفسها اتم الرضى لفت على دخول البنات ماعدا هيام ونطقو كلهم بصوت
واحد : واوووووووووووووووو
ضحكت وهي تسمع تعليقاتهم ونطقت : امانه كيف !
ضحى : منجدك تسالين جمال مو عادي
كنوز : ماشاءالله ايمان ولا غلطه
ابتسمت شروق تنطق : مو قادره تكفين ايمان ياسعد عينه صدق
ابتسمت جود تناظر ايمان
مريم : ياحظه سند اليوم ياحظه
ضحكت ايمان تنطق : عمري انتو والله
تقدمو لها يتصورون معها كلهم والفرحه تشع في المكان وتطغى عليه ..."
عند سند اللي كانت الضحكه تطغى على ملامح وجهه وهو ماصدق تقر عيونه بهاليوم ابتسم يشوف المكان اللي امتلى بكل معارفهم والضباط والعساكر يباركون لسند بهاليوم ابتسم نايف يشوف فرحة سند الواضحه على ملامح وجهه
لف سند على نايف ينطق : ياولد شفيك جالس قم خلي اللي في المجلس كلهم يجلسون من بعدك قم
ضحك نايف ينطق : امش معي طول عمرك تعرض معي على بالك اذا انت عريس مرفوع عنك القلم !
قرب سند ينطق باذن نايف : انت وش قصتك انت تبي الناس تقول عني مطفوق مو كافيه متحملها منك ومنها
رفع يده نايف يمسح طرف خشمه ويكتم ضحكته ونطق : محد قايل يلا امش ليلتك ذي وش عليك وش راح يقولون الناس
ابتسم سند ينطق : تبي الصدق ولا ولد عمه !
نايف : فكنا من اولاد العمام ماادانيهم
سند : والله بخاطري يلا امش
ضحك نايف ورفع يده يعدل عقاله ورفع شماغه يتعصب فيه لأجل يثبت ، ألتفت عليها ينطق : امش لابو اللي يردك
رفع سند بشته واخذو السيوف اثنينهم يعرضون مع بعضهم
ونطقو العيال بصوت واحد : عاششش عريسنا عاش
ابتسم سند وصار يتمايل بالسيف قبال نايف واعتلت اصوات الصراخ والتصفير وزاد حماسهم وفرحتهم بسند ورفع جواله عزام يصورهم سناب من كان حضورهم طاغي على كل الموجودين ...."
عند البنات اللي ماكانو باقل فرحه واقفه هيام تعدل روجها لفت ايمان
تنطق : ايمان نبي نتصور قبل تروح المصوره
وقفت ايمان تنطق : اي يلا تعالو
مشو البنات كلهم لها تجمعوا بصورة جميلة التقطتها لهم المصوره بالصورة ورفعت المسكة ايمان ع وجهها ، والبنات بوضعيات مختلفة ومشت هيام تاخذ زهر من عربيتها وتركض لهم تنطق : يمه بنتي ماصورتها والله اني مااستحي جالسه أتصور وبنتي لا يلا يلا عيدوووو
ضحكو البنات وهو يعتدلون لصوره جديده تجمعهم مع زهر
ونطقت ضحى : يلا بنات يلا ورانا ردح امشو
ضحكت شروق تركض وراها ويطلعون برا الغرفه للقاعه وطلعت جود خلفهم
تنهدت من حست ان الالم بدا يزيد معها غمضت عيونها وهي تعض طرف شفتها ولفت هيام تناظرها و عقدت حاجبينها وهي تناظر ايمان ياشرون عليها ونطقت هيام : كنوز شفيك !
فتحت عيونها وهي تحاول تخفي ملامح التعب اللي بدات تطغى عليها
ونطقت : هاه ولا شيء
قامت هيام تمشي لها ونطقت : متاكده مافي شيء !
ابتسمت كنوز تنطق : مافي شيء معليك
هزت براسها هيام لها وقامت كنوز تطلع من عندهم لفت هيام على ايمان تنطق : يابنت وجها مو طبيعي
ايمان : يمه خفت بعدين هي كتومه ماراح تدرين فيها شيء ولا لا
تنهدت هيام تنطق : الله يستر
مشت ايمان للمرايا تعدل طرحتها ونطقت : هيام تعالي شوفي يحتاج اعدل شيء
ميلت شفايفها وهي تفكر بكنوز ومشت لايمان تناظرها ونطقت: لا كل شيء تمام خلاص بس اصبري اعطرك
مشت تاخذ العطر من شنطتها وتعطر ايمان ونطقت : ايمان احس اني ببكي
مدت كفوفها ايمان تحتضن كفوف هيام ونطقت : اهاه هيام احس اني ماسكه نفسي اليوم كله اتمنى لو ان ابوي وامي معي بهاليوم مره اشتقت لهم
امتلت عيونها وعضت شفتها هيام تكتم بكيتها ونطقت : الله يرحمهم ويجمعك فيهم بجنات النعيم قربت لها تحضنها وشدت عليها ايمان ومن طال حضنهم ابعدت عنها هيام تنطق : امسحي دموعك ايمان
تنهدت ايمان وهي ترفع يدها تمسح دموعها ورفعت عيونها للمرايا
ونطقت : يالله مكياجي خرب اوووف
ابتسمت هيام وهي تمشي تاخذ الميكب تعدله لها ونطقت : الله يوفقك يارب وزواجه الدهر ياعيوني انتي ياسعد عينه هالسند والله لو
يلف الدنيا كلها مالقى مثلك
ابتسمت ايمان تنطق وسط ابتسامتها : ياعيوني انتي امين يارب
لفت هيام تسمع بكاء زهر ضحكت وهي تنطق : زهر عندها مشاعرفياضه اليوم
ضحكت ايمان ومشت هيام تاخذها وهي ترفعها لها تقبل خدها
ونطقت لايمان : بنت ترا هذا وقت زفتك خلاص
هزت براسها ايمان ولفو ثنتينهم على دخول جود تنطق: ايمان سند بيدخل
بلعت ريقها تخاف من هاللحظه جدا بعد مو شوي ونطقت : يمه بنات احس اني خايفه
ابتسمت جود تناظرها ونطقت هيام : مافي شيء يخوف ايمان يلا
بلعت ريقها بشكل مستمر وهي تمسك مسكتها وجت جود تنطق بالقرب منها بهدوء نبرتها : معليك ايمان لاتخافين صدقيني سند مافي منه مااقولها لك لانه اخوي وابوي بنفس الوقت بس عيونك بتشوف قد ايش ان مافي منه بالدنيا كلها
ابتسمت ايمان تنطق : ماعندي شك بسند ولا فيك انتي بس توتر اشياء كثيرة عشتها اليوم ماعشتها من قبل عشان كذا
هزت براسها جود وسط ابتسامتها وبادلتها ايمان الابتسامه
ونطقت هيام: اصبري ايمان بودي زهر عند امي وبجيك
ايمان : استعجلي بسرعه ...
عند سند اللي كان على استعداد تمام بدخوله والعيال كلهم حوله ولف نايف ينطق : ولد وقتك تدخن بيمسك فيني الحين
ضيق عيونه نايف وهو مستمر يسحب من زقارته ونطق : سد حلقك
تنهد سند بقله حيله وجاء عزيز من خلفه ينطق : يلا سند
ضحك نايف يشوف ابتسامه سند العريضه من بلغه عزيز انه جاء وقت دخوله رمى زقارته نايف ويسحبه ينطق بالقرب منه : خلك ثقيل كم مره قلت لك انبح صوتي اعقل مو وقت طفاقه
تلاشت ضحكته ينطق : معليك ثقيل
عزام : وش تقول للولد انت اختفت ضحكته
ابعد نايف ينطق : نعطيه علوم
ضحكو العيال على ملامح وجهه سند وميل براسه نايف ياشر له يمشي مع عزيز ومشى سند يتبع عزيز ويدخل معه القاعه .."
اخذت نفس عميق وهي تخطي خطاويها له من كان واقف قدامها تشوفه وتشوف اخوها ابتسمت تشوف ابتسامته الواسعه وهي تعودت على هالضحكة منه انتهت خطواتها عنده مشى لها يقبل راسها ونطق : ياساتر سترك وش انتي ناويه عليه وش الجمال هذا يا منى عينك ياسند عز الله انك فزت
ضحكت ايمان تنطق وسط ضحكتها: مثل ماانا فزت فيك ياجنتلي
مسك يدها سند ينطق: ورانا كلام طويل تعالي نتركه لبعدين
هزت براسها وسط ضحكتها ومشت تطلع معه تسلم على اخوها ..."
قامت تطلع من بينهم بعد ماحست ان قدرة صبرها نفذت عضت على شفتها مو قادره تخطي خطاويها وهي تطلع الجناح اللي بالقاعه فوق دخلت الحمام وسرعان مابكت من الالم اللي زاد عليها وطلعت من الحمام وهي تحاول تهدي من نفسها بعد مانزلت موياتها والدليل التام انها ولادتها ونطقت : بدري والله بدري اخذت جوالها تدق عليه وهي تنطق : رد عزام رد
دخل يده بجيبه من سمع جواله يدق ابتسم يشوف رقمها وطلع من القاعه لعند الباب لاجل يسمعها ونطق : كانك تدرين ان توك طريتي على بالي
عضت على شفتها وهي تحاول توازن نفسها ونطقت : عزام
عقد حاجبينه ينطق : شفيك !
نطقت وسط انفاسها العاليه وعرق جبينها : عندك احد !
ونطق بكل خوف يحتويه من نبرة صوتها اللي ماعهدها : كنوز شفيك لاتخوفيني ماعندي احد تعبانه اجيك !
وانفجرت تبكي وانفجع عزام ينطق : بنت ! كنوز !
ونطقت وسط بكاها كنوز : عزام تعبانه احس اني بموت تكفى الحق علي واحس انها ولاده الم اول مره يجيني
ركض لسيارته يمشي لقسم الحريم ونطق : كيف اطلع لك الحين في احد قدامي ؟!
شدت على بطنها ونطقت: لاتطلع انا بجيك قابلني عند الدرج من عند المدخل
قفلت وهي تطلع من الحمام ودخلت جناح ايمان الخالي منهم من كانو كلهم مشغولين بالزفه وهي تاخذ عبايتها وطلعت مشت تنزل مع الدرج ودخل عزام وهو يطلع لها ونطق : تحملي كنوز تحملي تعالي
انهارت تبكي ونطقت : عزام ماقدرت امشي
تنهد بخوف وهو يرفعها ويطلع فيها لعند سيارته ركبها ومشى يركب لف عليها ينطق :من متى وانتي تعبانه !
ماسمع جوابها وكل اللي يسمعه صوت انفاسها حرك بخوف يجتاحه بهالحظه وهو يشوفها تتالم قدامه ومو قادر يتصرف بلع ريقه من صرخت تترجاه مد يده ليدها ونطق عزام: خلاص كنوز قربنا قربنا تحملي جعله بعمري تحملي
شدت بأظافرها على يده لين تجرحت يده توتر من اختفى صوتها من كثر صراخها لف عليها من نطقت وسط صراخها : عزززامممم بسرررررعه
هز براسه ينطق لها : يلا يلا قربنا يارب سهلها يارب اني في وجهك
فز برعب من صارت تصرخ برعب وكم دقيقه من صراخها وخوف عزام عليها وقف عند طوارئ المستشفى ونزل يركض يجيب لها كرسي فتح الباب من جهتها ورفعها على الكرسي ودخلو فيها المستشفى لقسم الولاده وقف عند باب غرفه الولاده بلل شفايفه وهو يمسك على شعره من الخلف ويمشي امام الباب من زاد توتره وخوفه عليها ..."
انتهو من رقصهم من طلع سند وعزيز وجاء الوقت اللي تروح ايمان فيه مع سند ساعدوها البنات تطلع من القاعه له اخذت اغراضها ومشى سند يفتح الباب يركبها ومشى يركب جنبها وحرك .."
عند البنات بالجناح دخلت شروق عندهم تنطق : بنات احد شاف كنوز !
لفت هيام تنطق : صدق كنوز وينها ماشفتها
ضحى : كانت موجودة بالزفه
ميلت شفايفها هيام وهي ماتخفى عليها ملامح التعب اللي كانت تطغى على ملامح وجه كنوز ومشت تطلع من الغرفه تدق على نايف اخذ جواله يرد عليها ونطق: ارحبي
هيام : تبقى نايف اسمع بقولك شيء
عقد حاجبينه ينطق : شفيك فيه شيء صاير !
هيام : عزام عندكم قبل اقولك !
رفع عيونه يناظر حوله ونطق : مدري ليه وش تبين فيه !
اخذت نفس تنطق : شوف نايف هو موجود ولا لا
مشى نايف يدخل القاعه ونطق لها : اصبري خليك معي ورفع صوته من شاف نصار وسعود ينطق : يانصار شفت عزام وينه !
نصار : ماشفته لي ساعه ادق عليه مايرد
نايف : وش العلم !
ابعد عنهم ينطق لها : يابنت تكلمي
تنهدت واخذت نفس عميق تقوله كل شيء ..."
لف من طلعت الممرضه من الغرفه تنطق له : انت زوجها !
هز براسه لها وهو يرجف من خوفه وينطق وسطه : اي
الممرضه : تعال معي
مشى وراها للغرفه ونطقت له : البس هذا وتعال ادخل عندها
عزام : دقيقه شلون ادخل !
الممرضه : تدخل عند زوجتك هي طالبتك ماتبي تولد الا وانت معها
عزام : كيف ولاده توها بالسابع ؟!
الممرضه : اي عادي في ناس كثير تولد بالسابع استعجل انتظرك داخل
لبس عزام وهو يتبعها ومشى يدخل عند كنوزاسرع لها واعتلت بكيتها من شافته تنطق : عزام تكفى بموت والله مو قادره
قرب لها عزام يرفع يده على ملامح وجها ونطق : بسم الله عليك تعوذي من ابليس هانت هانت
وسرعان م تمسكت بذراعه وباس راسها ينطق : بالهداوة بسم الله عليك استودعتك ربي
رفعت يدينها تحاوط رقبته وتغرز اظافرها باكتافه صرخت بعلو صوتها وهو منحني عليها وكم دقيقه و ارتفع صوت بكاء تركي واعلنوا الطاقم الطبي قدومه للدنيا ارتخت بحضنه ونزلت يدها من خلف عنقه موقادر يرفع نفسه و يصدق بكاء ولده اللي امتلى بالغرفه
ورفع نفسه ونطق : اخيرا يارب لك الحمد حي الله تركي
نزل انظاره لها من كانت مو قادر تفتح عيونها حتى قرب لها عزام يقبل راسها ونطق : جانا تركي كنوزي جاء جعل روحي تفداك انتي وياه ونطقت الدكتوره : الحمدلله على السلامه
ابتسم عزام ينطق وسط مشاعر متخربطه مو قادر يوصفها : الله يسلمك يارب
اخذت تركي تحطه على صدر كنوز وسرعان م رفعت يدها تشد عليه وسط دموعها وعرق جبينها وابتسم عزام يقرب لهم ونطق : يارب لك الحمد والشكر على هاللحظة وسرعان مانزلت دموعه من هيبه الموقف قرب عزام يبوس راسه وجت الممرضه تاخذه من يدينها تمده لعزام رفعه عزام وهو يسمي عليه ونطق : بسم الله عليك عز الله انها نورت الدنيا كلها فيك انطلقت صرخات بكائه الصغيرة من نطق ابوه بأذنه وقال : الله اكبر الله اكبر الله اكبر
انتهى من الاذان وهو يقبل خده
مده للممرضة من تقدمت تاخده ونطقت له : ساعه كذا وبنجيبه لكم تقدر تطلع وزوجتك بنطلعها التنويم بعد مانتاكد ان كل شيء تمام هز براسه عزام ومشي يطلع من الغرفه ومن طلع نزل بطوله يسجد سجود شكر على هاللحظه اللي عاجز انه يوصفها ..."
اخذ نصار جواله يكرر اتصالاته على عزام اللي للحين مارد عليه
ونطق نايف: هاه بشر رد
هز نصار راسه بنفي وتافف نايف
مشو يدخلون القاعه بعد ما طلعو كل المعازيم ونطق تركي : سعود قوم قرب السياره وناد امك بسرعه عشان نمشي
هز براسه سعود وطلع من القاعه ولف تركي على العيال ينطق : عزام وينه !
سكتو كلهم ورفع حاجبه ينطق لنصار : صاحبك وينه يانصار !
لف نصار يناظر نايف وتنحنح نايف ونزل راسه تركي لجواله اللي يدق ونطق : هذا هو يدق رفع الجوال له يرد
ونطق عزام يبشره : البشاره يبه !
عقد حاجبينه تركي ينطق : هاتها !
ونطق عزام وسط فرحتها وعدم استيعابه : سميك جاء تركي شرف على الدنيا
ضحك تركي ينطق بفرحه تحتوي صوته : انت صادق الحمدلله يارب
ونطق نايف : وش العلم ؟
لف تركي عليه ينطق : صرت خال ابشرك
ضحكو العيال كلهم بفرحه تحتويهم وتحتوي قلوبهم ونطق نايف : الله يبشرك بالخير وقف يطلع من بينهم يدق عليها ونطق بضحكه من
سمع صوتها : عمه هيام !
عقدت حاجبينها تنطق : وش تقول انت !
ضحك ينطق وسط ضحكته: صرتي عمه كنوز ولدت
صرخت بعلو صوتها وغمض عيونه يبعد الجوال عن اذنه ونطق : اخو من طاع الله رجع الجوال لاذنه ينطق : يابنت وشو له الصياح اذني راحت فيها
قفلت بوجهه ورفع حاجبه يبعد الجوال ويناظر الخط اللي انقطع بوجهه
ونطق : ااا يالحيوانه ولا كاني قايل شيء عن الحركه ذي
اما عندها اللي رمت الجوال تقفل الخط بوجهه وهي مو حاسه اساسا وناسيه انه بيجن جنونه من هالحركه وطارت للبنات وامها وامه تنطق
بعلو صوتها: حفيدكم جاء كنوز ولدت
صرخو كلهم من الخبر السعيد عليهم ونطقت ضحى : يمه شفيهم عيالكم الواحد مايبي يكمل التسع شهور ؟!
الكل : هههههههههههههههههههههههههههههههههههههههه
ونطقت شروق وسط ضحكتها: مستعجلين على الحياه
فاطمه : الله يحييهم نورت الدنيا والله
الجوهرة: يارب لك الحمد اي والله اسفرت وانورت
اخذت جوالها فاطمه تدق على عزام تبارك لهم على تركي..."
<<عند العرسان >>>
فتح سند باب الجناح يدخلون ونزل يرفع الفستان يساعدها وماتنكر التوتر اللي تحسه بهاللحظة وبرودة اطراف جسمها مشت ايمان تدخل الغرفه سكر الباب يتبعها نزلت بشته عن اكتافها من كان يغطيها ابتسم سند يناظرها مشى لها من لاحظ التوتر بنظرات عيونها ونطق : نورتي حياتي بعد ماكانت سنيني ظلما
ابتسمت ايمان وسط توتر شديد تعيشه : نورك ، بس انت سند ماتحتاج احد ينورك لن وجودك بحد ذاته نور لكل شخص يكون حولك
ابتسم سند بطرف ثغره ينطق : دامني نور لك ليش كل هالخوف طيب ؟ صدقيني ماراح اكون الا امان وسند لك
بلعت ريقها تسمع وتناظر الجديه والصمود بكلامه ونظرات عيونه وهي ماتعهد انه قد سبق وتكلم معها كذا ونطقت : ماعندي شك سند واعرف انك اسم على مسمى وماراح انخذل منك خابرتك
هز براسه ينطق : ودامك تعرفيني وش فيك ؟
ضحكت تحاول تبين له العكس تماما ونطقت : مين قال اني خايفه ؟!
رفع حاجبه ينطق: لا والله ! اشوفك يالحبيبه
ابتسمت تشرح له العكس : يمكن اني مو خايفه يمكن شيء ثاني على كيف مين تحدد انه خوف ؟!
عقد حاجبينه ينطق بعدم فهم: وش هو الشيء الثاني !
رفعت اكتافها وهي تجلس على طرف الكرسي وتنطق : جوعانه يعني ندري انك مطفوق بس مااتوقع انك بتخليني اجوع وانا مالي الا ساعه من دخلت حياتك !
اعتلت ضحكاته بارجاء الغرفه ونطق : معليك يالبطينيه عشاك شوي وهو عندك
ابتسمت ايمان تنطق وسط ابتسامتها وتنطق : اي زين عبالي راحت عن بالك
لف من دق باب الجناح ورفع يده ياشر على صوت دق الباب وابتسمت تهز براسها ومشى سند يفتح الباب ويدخل العشاء دخله عندها ورفع يده يحك طرف حاجبه ويناظر فستانها وينطق : مااتوقع انك بتاكلين كذا !
بلعت ريقها بخوف وسرعان ماوقفت وهي تنطق : لا عادي باكل فيه
هز براسه ينطق : اجل تعالي
زفرت وهي تمشي معه يجلسون على الكنب واخذ سند الاكل يحطه قدامها وياكل معها ...."""
<<<المستشفى >>>
جالس على الكرسي قدامها ويحتضن يدها ونطق بفرحه عاجز انه يعبر عنها بس اللي مريحه ان كنوز تفهمه وتفهم مشاعره من نظرات عيونه
ونطق : مادريت ان مشاعر الابوه كذا !
ابتسمت كنوز وسط ذبول عيونها من تعبها وشد على كفها عزام ينزل راسها يقبل كفها ونطق : ترا بشرت اهلي واهلك كلهم وكلهم يتحمدون لك بالسلامة كانو بيجون الليله بس قلت لهم بكره
هزت براسها له تنطق : الله يسلمك ويسلمهم
ضل جنبها لين مانامت تنهد عزام وهو يوقف يطلع من الغرفه للحضانه وقف خلف الباب واشرت له الممرضه على تركي ابتسم بوسع ثغره من حجم الفرحه اللي يعيشها وعاجز انه يستوعبها ونطق : الله يحفظك انت وامك
ومشى يدخل يطلب الممرضه يشوفه دخل وهو يرفع تركي له وسرعان مانزلت دموعه وقرب له يقبله ويشوف ملامح وجهه مرسومه على ولده ونطق : نورت الدنيا يالشيخ تركي ارحب مليون ....
<<<القاعه >>>
لبسو عبايتهم بعد ماتاخر الوقت وصارت الساعه حدود 3 فجرا
لفت شروق تنطق : يلا جود تروحين معي ترا ابوي محرص علي اخذك معي
رفعت انظارها جود لشروق تنطق بتردد : لا شروق بروح بيتنا
ضحى : وحدك ؟؟
هزت براسها جود تنطق : اي عادي
شروق : وش عادي خير امشي معي شفيك بعدين سند الحين مو معك الفتره ذي بيسافر اكيد بتجلسين وحدك بالبيت !
هزت براسها تصر على رايها وتنطق : بروح البيت شروق ومشت تطلع من الغرفه تقابل هيام بنص الممر ونطقت هيام : يمه شفيك ؟!
وقفت تفرك كفوفها ببعضها وتنطق بتوتر : مافيني شيء بس ابي اغراضي بالغرفه اللي وراك
نزلت انظارها هيام تناظرها وتناظر كفوفها وتغير ملامح وجها ونطقت : فيك شيء ؟؟
هزت راسها بنفي وهي تمشي من جنبها تدخل الغرفه اللي خلفها عقدت حاجبينها بعد فهم وهي تدخل عند البنات ونطقت : شفيها جود ؟
رفعو اكتافهم ونطقت شروق : تخيلي تقول بتروح بيتهم وحدها
هيام : هي قالت كذا !
شروق : اي عيت تمشي
ميلت شفايفها هيام وهي تمشي تاخذ زهر وتطلع له مشت لعنده من كان واقف وساند ظهره على باب السياره ويدخن كعادته ونطقت : سلام عليكم
رفع عيونه لها ينطق : اركبي
زفرت تنطق : وشهي دياناتك حبيبي!
رمى زقارته من راحت نصها بعيد عنهم ونطق : مسلم ولله الحمد بس بقلب يهودي معك الحين
طارت عيونها تنطق بذهول : بسم الله صدق شفيك وش انا مسويه !
نايف : وتسالين كمان ؟!
رفعت عيونها تناظر حولها وتحاول تتذكر وشهي مسويه له لدرجه انها تخيله يزعل وينفعل كذا وسرعان مارجعت تناظره ونطقت : نايف وشو مااذكر شيء الصدق !
تنهد نايف ينطق: تقفلين بوجهي ليه ؟
ضحكت بصدمه تنطق : نايف انت صاحي عقلك براسك ! الحين زعلان عشان كذا وبعدين كنت مبسوطه يعني نسيتك الصدق
رفع حاجبه وتنهد تنطق قبل تسمع رده : نايف شدعوه عليك زعلان علي !
ورفع عيونه خلفها يناظر امه وشروق يطلعون ونطق : بعدين نتفاهم
تاففت وهزت براسها وهي تلف لهم ومشت شروق له تنطق : نايف ترا جود عيت تمشي معي وش اسوي
رفع حاجبه نايف ينطق: وين تبي تروح !
شروق : بيتهم
لف على امه من نطقت : صعبه تجلس وحدها الله يهديها بس مو وقت عناد اذن الفجر واحنا للحين بالقاعه
نايف : ماراح تجلس وحدها وسند موصيني عليها تروح معكم اليوم وبكره نشوف وش يصير
ونطق فهد من خلفهم : يلا امشو
نايف : اصبر شوي
عقد حاجبينه ينطق : وش اصبر عليه !
ولف على شروق ونطقت : جود عيت تمشي معنا
لانت ملامحه من الطاري ولف على تافف نايف ينطق لشروق : ناديها طيب
لفت هيام عليه ونطقت: شفيك !
نايف : بكلمها
رفعت حاجبها تنطق : تكلمها ليش !
تنهد ينطق بهدوء نبرته لها : تراهي بحسبه شروق هذا اذا ماكانت
بحسبه زهر فكينا مو وقته
مدت له زهر تنطق : البنت تستحي ماراح تتجاوب معك امسك زهر انا بروح لها قال ايش قال بروح اكلمها هذا اللي ناقص بعد
ضحك نايف لاشعوريا يشوف غضبها ونطق : يلا روحي وخليك ماتطلعين وهي وراك
صغرت عيونها تنطق : لاتهدد
هز براسه والضحكه على وجهه ومشت هيام تدخل القاعه وتطلع فوق
فتحت الباب تشوف جود مشت لها تنطق : جود حبيبي انتي شفيك يلا امشي الوقت تاخر وبعدين ماراح تروحين مع ناس جديده عليك عشان ترفضين كل هالرفض
بلعت ريقها وهي تفكيرها بمكان ثاني ونطقت : عارفه هيام بس ماودي ابي اروح بيتنا
تنهدت تمشي تجلس جنبها ونطقت : ليش طيب ؟
بللت شفايفها بتوتر من سوالها ولمعت عيونها دليل على نزول دموعها
قربت هيام لها تمسك يدها ونطقت : شفيك جود قولي اللي تبين اوعدك
بيكون بينا !
نزلت انظاره هيام للون نحرها ونطقت جود : ابي اقولك بس خايفه تفهميني غلط
شدت على كفوفها تنطق : قولي لاتخافين بيني وبينك محد راح يدري
بلعت ريقها بتكرار ونطقت من اصرت عليها هيام : فهد
رفعت حاجبها هيام وكملت جود تحكي لها عن لقاها بفهد
انصفق وجه هيام بصدمه من اللي تسمعه ونطقت : لحظه لحظة انتي متاكده !
هزت براسها وهو تنزل راسها بين كفوفها بللت شفايفها هيام تناظر خوفها وتوترها الشديد ونطقت لها : اسمعي انتي روحي الليله معهم وبكره ربك يحلها لاتخافين وبعدين فهد اعرفه ان ماجاء منه منفعه ماراح تجي من وراه مضره
تطمني يلا جود قومي الحين الوقت تاخر
هزت براسها بعد ماتطمنت من هيام وقامت معها ينزلون
واعتدل بوقفته من شافها وجود خلفها ونطق بابتسامة عريضه : حيي عينك
بلل شفايفه فهد من شافها وانرسمت ملامح الفرحه عليه وسرعان ماتلاشت من ناظرته هيام بحده ومشى لسياره يركب وعيونها عليه مذهوله ان كل هذا يطلع منه ولفت على ضحكته وابتسمت بواسع ثغرها تنطق : وش يضحك !
هز راسه بنفي ينطق: فضيعه وهذا سبب كافي انه يخليني اضحك عمري كله
قربت له تنطق بالقرب منه : اضحك جعلني فداك انت وضحكتك والله اني اشوف عمري عمرين من اشوفها ."
سكت ثواني وعينه عليها وابتسم ينطق : مجاره من الفدا ياكل حياتي
ابتسمت تاخذ زهر من يده وتمشي تركب مسح على وجهه وركب معها يحرك من عند القاعه ...."
<<<الفندق >>>
نزل انظاره من راحت ليلتهم كلها وهي لابسه فستانها ونطق : يابنت خلاص قومي غيري
تلاشت ضحكتها من كانت تضحك على سوالفه ونطق سند بضحكة: شوفي اعرف وش اللي قاعد يدور براسك روحي غيري ماراح يصير شيء منها قومي
بلعت ريقها تناظره وسرعان ماضربته على كتفه تنطق : انكتم سند
اعتلت ضحكاته ونطق : انا ادري عنك لي ساعه وانا مابغيت شيء ماقلته
قومي اخلصي بسرعه انتهت السوالف خلاص
وقفت وهي تنطق : اطلع طيب يلا
وقف يهز براسه وطلع من الغرفه ينتظرها ويتركها تاخذ راحتها اخذ جواله يدق على جود وثواني ووصله صوتها ونطق: جودي حبيبي انتي كيفك وش مسويه طمنيني كل شيء تمام !
بلعت ريقها تحاول تخفي بكيتها ونطقت: كل شيء تمام وانت ؟
تنهد سند ينطق : تمام بس شايل همك
تنهدت تنطق: لاتشيل همي انبسط سند انا بخير
سند : وليش احس ان صوتك مو عاجبني في شيء !
غمضت عيونها تنطق : سند ابيك بطلب بس لاتردني
سند : ابشري وامري عمري مارديتك علشان اردك الحين قولي !
تنهدت تنطق : ابي ارجع بيتنا وتكفى سند لاعاد توصي احد علي انا ماني بصغيره وانت تعرف وضعي ماني مثل اي انسان طبيعي اجلس واتعايش مع الناس وغير كذا صعبه علي اجلس عند الناس كل مارحت انت مكان .
مسح على وجهه سند ينطق : كيف تبين اروح واخليك وحدك بالبيت منجدك جود !
جود : اي عادي سند انا بتدبر امر نفسي هاه شقلت ؟
تنهد سند بكل مافيه ينطق : طيب
ابتسمت تنطق : يلا تصبح على خير
قفلت ونزل الجوال يناظر حوله ومشى يدخل الغرفه يشوفها ترطب يدينها مشى لها ينطق : وش السرعه ذي
لفت عليه تنطق : وش سرعته لك ساعه تكلم
تغيرت ملامحه بضيق ينطق : كنت اكلم جود
ابتسمت تهز براسها ونطقت: وش عندها جود !
جلس جنبها ينطق : تبي تروح البيت
رفعت حاجبها وهي تقفل الكريم وتنطق : ليه !
رفع حاجبينه بعدم معرفه ونطق : ماادري طلبتني وماقدرت اردها
لفت وهي تتربع قدامه وتنطق: معليك لاتشيل هم استودعها ربي
هز براسه سند وهو يمسك كفوفها يقبلها بعمق وابتسمت ايمان تناظره مارفع راسه ويكرر قبلاته على كفوفها رفع راسه يشوف ابتسامتها ابتسم يقرب منها يقبل ثغرها ويحرك انامله بشعرها وتشنجت بمكانها من داهمها فجاه وبدون سابق انذار ابعد عنها يناظرها بقرب ونطقت وسط انفاسها وخوفها من هالاندافع : سند ليش كل شيء منك يجي فجاه !
ضحك سند بهدوء ونطق وهو يناظرها وخصلات شعرها بيده : لانك ماتتركيني افكر بولا شيءٍ والدليل كانت اكواب الشاهي والقهوه اللي ماتقدر تمسك عمرها بكوب من اشوفك صرت مطفوق من عرفتك وانا طول عمري كنت عاقل
مسكت يده من بدات تمشي على وجها وثغرها ونطقت: تكفى سند احتاج عقلك الليله .."
بلل شفايفه ينطق بسخرية : ماله مجال لان الشيطان حاضر بينا
ابعدت عنه توقف وتعطيه ظهرها أبتسم على جنب وهو يوقف خلفها يمنعها ويقيد حركتها خفق قلبها مو قادره تبعد عنه من حاوطها يرجعها على الجدار انحنى يدفن وجهه بنحرها يطبع قبلاته بعمق يترك علامات وآثار خلف كل قبلة من قبلاته ميلت رأسها وأندفع سند يحاوطها من كل جانب وينهي صبره هالليله ويفضح نفسه وشعوره لها يكون لها وتكون له ،هلت سحابة وصلها على حياته وازهرت من هاللحظه......."
|<<يوم جديد الظهر الساعه ١٢ونص تقريبا >>|
طلع من مكتبه من انتهى دوامه ولف من سمع الفريق سالم خلفه سلم عليه بعد مادق له تحيه ونطق الفريق سالم : وشحالك وحال الاهل ؟
نايف : الله يسلمك كلنا بخير ونعمه
الفريق سالم : جعلها دايمه
هز براسه نايف ينطق: امر وش بغيت ؟
الفريق سالم: عندنا مهمه
خفق قلبه وارتعد داخله وهو ماتخطى اخر مهمه له وكمل الفريق سالم: لاتشيل هم كلها يومين وبتنتهي مساء اليوم الثالث نقاط تفتيش وبالرياض بعد
ارتخت عيونه ينطق براحه : ابشر تحت امرك متى تبدا !
الفريق سالم: بكره الصباح عندنا اجتماع مع الفريق اول لاجل نسمع التعليمات منه ضرب على كتف نايف ومشى يرجع مكتبه
ميل شفايفه وهو يلبس نظراته وطلع من المركز لسيارته وهو يتنهد
ونطق : مافي الا انا بالدنيا الله يصبرني عليك ياسالم
حرك سيارته للبيت ومسافه الطريق ونزل يدخل ومشى يطلع وسرعان مالتفت من سمع حسها تدندن بالمطبخ ابتسم وهو ينزل لها دخل المطبخ وشهقت من احتضن بطنها ونزل راسه يقبل عنقها ابتسمت تعض شفايفها السفليه لثواني ونطقت : يمه متى دخلت ماحسيت فيك !
مارد عليها من كان يقبل عنقها ويزينه بورد على عروق عنقها اثر قبلاته ابتسمت من ابعد عنها ولفت له وابتسم لها ينطق : وش تسوين !
اشرت بيدها على طبخاتها ونطقت : اغذيك ياكل حيياااتتي
ضحك ينطق وسط ضحكته: والله انتي حياتي
سندت يدها خلف الدولاب والضحكه على ثغرها ونطقت : بقولك شيء بس ماتضحك علي
ابتسم وهز براسه وتكتف ينطق : قولي !
بللت شفايفها وهي تنطق : اذا شفتك بهالحاله واقف قدامي ولابس بدلتك ولك هيبتك واسمك اجلس اسال نفسي كل هذا لي واحس ان بخاطري اتزوجك مره ثانية اعتلت ضحكات نايف وضربت على كتفه هيام : توي اقولك لاتضحك
رفع يده على وجهه يحاول يخفف من ضحكته وابتسمت تنطق : نااايففف
ابعد يده ونطق وسط ضحكته: خلاص ماراح اضحك
رفع ذراعينه ومشت له تحضنه وسط ضحكته رفعت راسها تناظره ونزل راسه يعض خدها ويقبله بعمق ونطق : تبين نتزوج مره ثالثه ؟!
عقدت حاجبينه وضحكت بنفس الوقت : شدعوه نايف مو لذي الدرجه
ضربها على انفها بخفه ونطق : ليه توك تقولين ودك تتزوجيني !
قوست شفايفها تنطق : ودي
اشر على خشمه وهو يغمز لها بعيونه ونطق : بروح اغير واجيك
هزت براسها له ومشى يطلع من المطبخ وضحكت وهي تغطي وجها وسرعان ماتلاشت ضحكتها من وصلتها ريحة الاكل واللي يدل انه احترق صرخت تركض للفرن وشهقت من شافت الاكل احترق تغيرت ملامحها ونطقت: ياللله ليششششش لي ساعه فيه كله منك نايف كله منك تنهدت بزعل واخذت صحن الفواكه وهي تطلع الصاله تجلس وتاكل من العنب اللي بالسله اخذت الريموت تقلب بالقنوات ونزل لها من بدل ملابسه ونطق : وين غداك ميت جوع
رفعت سله الفواكه تنطق : هذا هو
عقد حاجبينه بعدم فهم ونطقت : احترق نايف احترق من الحب اللي نزل بالوقت الغلط احترق حتى الاكل مو قادر يتحمل مشاعر الظهر
تافف ينطق : جوعان طيب احترق كله ؟؟
هزت براسها تنطق : اي لانك جيت وهو على وشك يخلص وطول على النار واحترق يعني مافي غدا نايف اطلب من المطعم وقفت وهي تمشي : بروح اشوف زهر شوف اي شيء واطلبه
تنهد يمسح على وجهه واخذ جواله يطلب لهم غدا .."
<< الساعه ٤:٣٠عصرا >>
ابتسمت كنوز تناظر عزام وبيده تركي ونطقت : ماكمل يوم بالدنيا وصار كل هالحب له !
رفع راسه عزام يضحك ونطق : شايفه كيف جايب ام راسي
اتسعت ابتسامته تنطق : عزام ترا يشبهك مره
ابتسم ينزل عيونه لتركي ونطق : جعلني فداه
لفو من دق الباب ونطق عزام : اهلي اكيد البسي طرحتك
هزت راسها ورجع تركي بكرسيه وقام يفتح الباب دخلو اهله يسلمون عليهم ويباركون لهم بمولودهم ونطق تركي من تقدم لسرير تركي : حي الله السمي
ابتسم عزام يناظر ابوه مع ولده ونطق تركي : عزام نسخ لصق
قربت فاطمه تناظر وتقبل خده : الشبهه مو طبيعي
ضحك عزام ومشى سعود لهم ينطق : هاته بسرعه
رفع تركي عيونه لعزام ينطق : تراه صار يتبع اسمك مالك كم ساعه فرحان فيه فكه من سعود
تافف سعود ينطق : وش فيك يبه اللي يسمعك يقول بذبح الولد
ضحك عزام ينطق وسط ضحكته : انتبه له عشان مااتوطى ببطنك
سعود : خلاص ماعاد نبيه انا حمار ان باقي طلبته
ابتسمت كنوز تناظر عزام ونزل عيونه يناظرها ونطقت بهدوء : شفيك عليه !
رفع عيونه عزام لسعود ونطق : مسوي زعلان ؟
سعود : تخسي انت وولدك تزعلوني
ضحك تركي ينطق وسط ضحكته: من هو اللي يخسي ؟
تنهد سعود : ولدك لان حفيدك خلاص مرفوع عنه القلم
تركي: دام كذا زين
ضحكت كنوز وفاطمه على وجهه عزام ونطق : مااتفقنا على كذا
فاطمه : طاح سوقك خلاص تركي قفل ملفك
هز براسه عزام ينطق : انا ملاحظ
لفو من دخلت هيام وخلفها نايف حطت فازه الورد على الطاوله
ونطق عزام : هلا هلا
مشت له تحضنه وشد عليها عزام ونطقت : هلا فيك
ابعدت عنه وتقدم نايف يسلم عليه ومشت هيام لكنوز تبارك لها واتجهت لتركي تشيله من يدين ابوها وجلس نايف على طرف الكرسي مقابل كنوز يسلم عليها ولف على سوالف هيام مع تركي ابتسم بواسع ثغره ورفعت راسها له
تنطق : تعال شوف
قام لها وابتسم يشوف تركي قرب يقبله ونطقت : عزام يمه يشبهك
همهم نايف يوافقها الراي ونطق سعود : نسو بنتهم ياعزتي لزهر
ضحك نايف ومشى ياخذ زهر من عربيتها ونطق من شالها : هاذي الشيخه هاذي محد ينساها
تركي : اشهد بالله انها شيخه اول افراحنا وبنت مغرورتنا ولا !
ضحك نايف وابتسمت هيام بوسع ثغرها وكم دقيقه وامتلت الغرفه باهل كنوز واخوانها وجود معهم يباركون لكنوز وعزام بتركي .."
ابتسم يشوفها جالسه و تركي بحضنها مشى لها ينطق بهدوء : هيام !
همهمت له ونطق بضحكه : شفيك !
رفعت راسها له تنطق : شفيني !
رفع حاجبه بعدم معرفه : يعني ماعاد دريتي عند احد
ضحكت تنطق وسط ضحكتها : نايف مره كيوت شوف تصدق اكتشفت اني احب النونات مره
ابتسم نايف ولفت الجوهره عليهم تنطق بابتسامة من كانت تسمع
كل هالحوار : عقبال ماتجيبون اخ ولا اخت لزهر
تلاشت ابتسامتها وتغيرت ملامحها وهي تكره هالطاري كله هزت براسها توضح العكس ثبت انظاره عليها ماتخفى عليه ملامح الضيق اللي انرسمت على وجها مد يده ياخذ تركي من يدها لاخوانه فهد ونهار ونزل لمستواها
ينطق : هيام
رفعت راسها له وعض شفته من شاف احمرار ملامحها ونطق : تعالي قومي
وقفت معه يطلعون من الغرفه مسك يدها يمشي فيها لنهايه الممر ولف عليها ينطق : عادي عادي حبيبي يعني امي قالتها بطيب نيه انتي تعرفينها ماهي من النوع اللي يجرح بالكلام
ناظرت فيه وعيونها مليانه تنطق وسط غصتها : عارفه ومو زعلانه عليها زعلانه على حالتي وزعلانه عليك
شد على كفها ينطق : زعلانه علي ليه !
قوست شفايفها تنطق : زعلانه عليك لاني ادري انك تبي عيال وانا نايف ماعاد اقدر ابدا اعطيك هالشيء
ابتسم ينطق وسط ابتسامته: لاتزعلين علي ولا شيء عندنا زهر تكفينا وزود
ونطقت وسط دموعها : يعني انت مو زعلان !
هز راسه بنفي ينطق : من قال لو اني بزعل ماكان رحت بنفسي وجبت لك الحبوب انا عندي استعداد اعيش معك ومع زهر طول عمري ولاني طالبك شيء لين انتي بنفسك تقولين ابي
مسح دموعها يكمل كلامه : دموعك مابي احد يشهد عليها سامعه !
ابتسمت بضيق وقرب يقبل راسها ونطق بضحكته : امشي يلا نرجع ومثل ماقلت دموعك لو تنزل صارت علوم
صغرت عيونها تنطق : قاعد تهدد ؟
ضحك نايف ينطق وسط ضحكته: اي وش عندك!
تلاشت ملامح الحزن تنرسم مكانها ملامح التحدي من يهددها ونطقت : واذا دخلت الحين عندهم وانهرت بكي شرايك وقتها ؟
ضحك نايف ينطق: جربي عشان افرك وجهك
هزت براسها ومشت ومسكها مع يدها يضحك ونطق : امزح امزح فكينا منك
رفعت حاجبها تنطق : اي ادب
مشى يتبعها ونطق والضحكه ماتغيب عن ملامح وجهه: احبك والله
ضحكت تناظره ونطقت: اهاه يانايف اموت عليك والله
وابتسم نايف لها ونطقت هيام : شوف مين جاء
لف يناظر سند وايمان متجهين لهم وضحك نايف وابتسمت هيام ومشى سند يسلم عليه ونطق نايف : ارحب يالله حيه
سند : تبقى الله يسلمك ويخليك
مشت هيام تاخذ ايمان يدخلون الغرفه .."
ضحك نايف ينطق وسط ضحكته: الوجه منور
رفع حاجبه سند ينطق : شايف كيف نور الايمان
ضحك نايف يضربه على كتفه : صدقتك كذاب
ضحك سند ينطق : امانه كيف
رفع نايف يده لدقن سند ونطق : اشوف امم لا والله منور
غمز له سند ينطق : بالله وش رايك فيني اقسم بالله اني فاتحت خير عليكم امس خليتكم تنبسطون واليوم وانت خال اهاه بس الله يسعدني
ضحك نايف يهز براسه وينطق : وش دخلك انت ؟!
وثواني وطلعو العيال كلهم برا لهم ونطق عزام : حي الله عريسنا
تقدم له سند يسلم عليه ونطق :البقى ومبروك ماجاك يتربى بعزكم
عزام : امين وياك يارب ونفرح بعيالك
استمرت سوالفهم وضحكهم وفرحتهم الواصلة لاعماق كل واحد فيهم ...."
<<الساعه ٧ مساءا >>>
طلع من المسجد بعد ماصلى فرضه وهو يفكر شلون يقول لها وهو ماتخطى شكلها من ذكرتها امه انها من المفروض انها تحمل وتجيب اخوان لزهر وبرضو يشيلون اسمه تنهد وهو يدخل البيت ويطلع مباشره الغرفه من ماشافها بالصاله عقد حاجبينه يسمع صوت ضحكها فتح الباب وسرعان ماابتسم يشوفها
واقفه ورافعه زهر لبين يدينها وتغني لها وتدور فيها وزهر تضحك لها وهي ميته على ضحكتها وضحكت هيام تنطق وسط ضحكتها العاليه : يامامي ياحلوه انتي يازهرتي يوه بس اضحكي اروح لك ملح على ضحكاتك الحلوه ذي روح ماما انتي رفعتها لفوق ورجعت تنزلها بسرعه وزهر تضحك وهي
عاجزه انها توقف ضحك : ياربي عمري انتي عمرررري اخذتها بحضنها وهي تبوسها لفت هيام وهي للحين مو حاسه بوجوده ضحك يناظرهم
ونطقت له : نايف تعال شوف بسرعه
مشى لها وهي ترفع زهر وتخليه يسمع ضحكاتها
ضحك نايف من سمع ضحكت زهر ونطقت هيام: انت قاعد تسمع باكلها خلاص باكلللللههااااا
ضحك نايف ونطق وسط ضحكته: عيدي بالله
ضحكت تبادله الضحكه وهي ترفع زهر لفوق وترجع تنزلها
والضحكة تتشكل على ملامحهم من يسمعون ضحكاتها اخذها نايف من يدينها يقبلها ونطق : ياجعلني افدا هالضحكة
عضت على شفتها هيام و قربت له تحط راسها بالجهه الثانيه من صدره وتقابل لزهر ابتسم نايف يرفع يده يحاوطها ويشد على زهر بيد وهي بيد رفع عيونه للمرايا يناظر انعكاسهم وهم بحضنه اتسعت ابتسامته يقبلهم ثنتينهم يضمهم له ثنتينهم قطعه من روحه وقلبه سعادته ضحكته راحته رضى نفسه وشعوره الحلو شعوره المميز المسرور ، انس ومسره يعيشها وهو يملك هالعائله الصغيرة رفعت راسها هيام تناظر زهر وضحكت من شافتها نامت
ونطقت : نامت
نزل انظاره نايف ونطق : اقولك البنت ذي تحب النوم بشكل مو عادي
ضربته هيام على كتفه تنطق: قول ماشاءالله بس صدق توها تضحك
اعتلت ضحكاتهم اثنينهم ومشى فيها نايف لسريرها ولف لهيام يتجه لها يمسك كفها وينزلون تحت بالحديقه جلس وسحبها تجلس على فخذه ونطقت : تبي تقول شيء ؟
هز براسه لها ونطق : اسمعيني للاخير تمام !
هزت راسها بايجاب ونطق نايف وهو يحاوط خصرها : شوفي عند استلام يومين هنا بالرياض تمام اخلص منها ونسافر مو تقولين تبين دبي !
بلعت ريقها تنطق : نايف ! تكفى نايف لاتروح
تنهد نايف ينطق : ياحبيبتي انتي ماقدر ارفض كلها يومين واليوم والثالث وانا عندك تروحين عن اهلك تغيرين جو ومساء اليوم الثالث انا عندك
تاففت تصد بعيونها عنه ورفع يده يلف وجها له ونطقت : مابيك تروح
ناظر عيونها اللي بدات تتشكل الدموع بداخلها ونطق يمد كفه لتحت عيونها يمنع نزولها : لاتهزميني فيها سنين طويلة وانا اشتغل على المنصب اللي انا فيه لاتخليني اضحي بالدنيا واللي فيها عشان دموعك
تاففت بضيق تمسح دموعها ونطقت: نايف تبي اهد فكك !
ابتسم بطرف ثغره ونطق : حلالك
رفعت يدها لخلف عنقه تنطق : خلاص روح بس يومين نايف انتي ودعتني !
هز براسه ياكد كل كلامه ووعوده لها : افا عليك متى وعدتك واخلفت بوعدي
ميلت شفايفها ونطقت : نروح دبي ؟
ضحك يهز براسه ويكون قد كلمته : نروح العالم كله لو بغيتي
ابتسمت تنطق وسط ابتسامتها الخفيفه : اقدر اكلمك واسمع صوتك بهاليومين اللي متاكده انها بتكون سنتين بالنسبه لي ؟
اتسعت ابتسامته ينطق : تقدرين ياروح روحي
همهمت له ترجع تنطق: وبعد شيء
هز براسه يستقبل كل حروفها بصدر محب قبل يكون رحب : قولي امري تدللي كلي تحت امرك !
لانت ملامحها وهي تنطق وسط كميه دلال تعيشه : ابي ورد
ضحك وانحنى يقبل دقنها ونطق : ازرع لك بستان كامل لوبغيتي
ضحكت وابتسم براحه من سمع ضحكتها وانحنت عليه تقبله بدون سابق انذار تطيح خصلات شعرها عليه تتركه ينفرد فيها تقربه منها وتبعد عنه بكل رقه بس للاسف مااكتفى ابدا ونطق بهدوء: انتي ناوينتي ولا كيف !
ابتسمت تنطق : اهخخ احبك وش اسوي فيك انت السبب مو قادر اتحكم بنفسي
كانت ابتسامته تُرسم على ثغره تسكن ملامحه وينعكس هالشعور بالضبط عليها
ورجعت تكمل : والود ودي اكون بحضنك عمري كله
ابتسم نايف يسمعها تتكلم واتسعت ابتسامته وهي تمرر اناملها على شعر دقنه وسرعان ما ابعدت وشد على خصرها يمنعها تقوم ورجعت تناظره وهي ترمش تستوعب كلامها, تستوعب كمّ الحروف اللي تخرج منها دون تفكير ونطقت : نايف ؟!
اعتلت ضحكاته ونطق وسطها : شفيك صاير ينزل عليك الحيا فجاه ؟!
صدت بعيونها عنه وهي تحترق من حياها اللي داهمها فجاه
ونطق نايف : خليك بحضني احد قال لك قومي ودك نطلع فوق عشان تأخذين راحتك فيه ؟!
بققت عيونها وهي تفلت يده من على خصرها وتقوم تدخل ضحك يمسح على وجهه ونطق : نقوم لك ليش لا
وقف يتبعها ويطلع خلفها الغرفه دخل يشوفها جالسه على طرف السرير ونطقت من تلاقت عيونهم : نايف امزح ترا شفيك !
ابتسم يهز براسه يسكر الباب برجله يتجهه لها وينطق: اي معليك قادرين نميز بين جدك ومزحك ، جلس جنبها يمد يده لرقبتها يرجع يقرّبها منه يقبلها بكل الشعور يخلي المزوح جد على قولتها من قالت تمزح ويدري ويجزم بالعشره انها ماكانت تمزح ابدا وكانت جاده بكل حروفها وهو بنفسه شهد على كل هالجديه رخت جسدها كله تستسلم بشعورها له وتدفع ثمن جراءتها ......"
<<<<بيت فيصل >>>>
واقف على سور الدرج مقابل غرفه شروق مو قادر يبعد يبي يشوفها يلمحها ماتخفى عليه نظرات الخوف اللي كانت تطغى عليها بالمستشفى اليوم وعجز انه ياخذ راحته ويناظرها وسط اهله تنهد يسمح على عيونه وسرعان ماطاح على ظهره على حافه الدرج من صرخ نهار عليه غمض عيونه و تاوه بالم اسفل ظهره وركض له نهار وطلعت الجوهره من المطبخ تنطق : يمه فهد بسم الله شفيه طلعت لبدايه الدرج مسرعه له تنزل لمستواه
ونطق نهار : فهد ولد عادك حي ولدددد !
عض على شفته ينطق : الله يسلط عليك يانهار
ونطقت الجوهره بعلو صوتها تنادي شروق
بالغرفه عند البنات كانت شروق واقفه قدامها تقنعها تجلس عندهم
ونطقت : جود مو معقوله انتي فكي عبايتك م..........
ولفت من سمعت صراخ امها باسمها ونطقت بخوف : يمه وش فيه
مشت تطلع من الغرفه وجود خلفها وشهقت تشوف فهد طايح نزلت
له تنطق : بسم الله وش صار ؟!
الجوهره : طاح طاح تبي المستشفى يمه فهد ؟!
هز راسه بنفي يفتح عيونه يناظرها واقفه خلف السور العلوي تناظره ونطق بهدوء وسط صراخهم : لازم الواحد يتكسر علشان يشوفك يعني
صدت بعيونها عنه من كان يناظرها ونطق نهار يقطع كل هالنظرات : قوم معي ساعدني فيك
تنهد ينطق : الله يعينني عليك يانهار يازفت
نهار : وش سويت انا قم اعجل
قرب نهار ورفع يده فهد لخلف عنق نهار يوقف معه يطلع فوق ويدخله غرفته حطه على السرير اما عند جود اللي كانت واقفه مكانها ماتدري وش تسوي او بالاصح ماكان عندها شيء تسويه غير انها توقف مكانها تناظره مسحت على وجها وطلعت شروق من الغرفه ونطقت : تكفين جود الاسعافات اللي تحت جيبي المرهم اللي فيها
هزت براسها جود تنزل تحت تاخذ المرهم وترقى فوق دخلت الغرفه تعطي شروق وعقدت حاجبينها تسمع صراخه على نهار وقفت مكانها تناظره وهو كذالك لفت تطلع من الغرفه تنزل تحت تطلع الحوش تنهدت ماتدري وش سر هالنظرات والتصرفات كلها بللت شفايفها وهو موترها بشكل مو عادي ونطقت : انا لازم اروح الليله لازم اهاه ياسند سحبت كرسي تجلس عليه وتناظر حولها مو قادره تنسى نظراته بالحاله اللي كان فيها ومع هذا مانزلت عيونه من عليها ..."
طلعت من معهد الموسيقى والعزف على البيانو وهي تدندن تركب سيارتها تمشي ووقفت عند كوفي درايف ثرو تاخذ لها ماتشا وكوبين واحد لها وواحد له اخذت الاكواب وحركت للبيت وصلت وهي تنزل وتاخذ الاكواب معها وهي بقمه روقانها دخلت ومن دخلت لفت على جود اللي جالسه مشت لها
تنطق : جود شفيك هنا ؟!
هزت براسها بمعنى ولا شيء ومشت ضحى تجلس جنبها
ونطقت : اجل بجلس معك
ابتسمت جود ومدت ضحى كوب ماتشا لها تنطق : امسكي اشربي
اخذتها جود من يدها تشرب من الماتشا ونطقت ضحى : مو حر ؟
هزت براسها جود : حر تبين ندخل
ضحى : اي يلا
قامو يدخلون داخل وعقد حاجبينها تسمع اصواتهم العاليه
ونطقت : يمه وش فيه ؟
مشت تركض فوق ودخلت غرفه فهد ونطقت : نهار وش فيكم !
تكتف نهار ينطق : طاح الورع ذا
اخذ فهد المخده يرميها عليه ونطق : يمه طلعوه عشان مااطلع روحه
لفت الجوهره على نهار تنطق : انكتم نهار انكتم
تاففت شروق تنطق : مريض انت وياه خير وش الصياح ذا صدق انكم مرضان
الجوهره : يمه فهد اسمع الكلام خلنا نوديك المستشفى ماراح ارتاح لين اتطمن عليك قوم يلا
تنهد ينطق : يمه تكفين والله مافيني شيء
الجوهره : لف طيب عشان احط لك الكريم
هز براسه ينطق لشروق ونهار : اذلف انت وياها
ضحكت شروق تنطق : يمه من متى يتكلم علي فهد يلا معليه نمشيها لك
ضحك نهار يرفع يده لخلف ظهر ضحى يطلعون من الغرفه
ونطقت الجوهره : يلا طلعو قوم
جلس بنص السرير يفصخ تشيرته ابتسمت الجوهره تحط المرهم على ظهره .."
<<<صباح يوم جديد >>>
وقف يعدل نسفه شماغه ولف عليها ينطق : خلصتي
هزت براسها تعدل حجابها ونطقت : اي يلا
سند : يلا اجل باقي ساعه على الرحله
طلعو من الفندق ياخذون اغراضهم ويتوجهون للمطار اخذ جواله يدق على جود وثواني ووصله صوتها تنطق : هلا سند !
تنهد يعرف صوتها من تكون متضايقه ونطق : شفيك جود !
جود : مافيني شيء توي اقوم ومتضايقه كلهم رفضو اروح امس
سند : قلت لك اجلسي و انتبهي على نفسك كلها اسبوع وانا عندك
جود : تمام وانت بعد وسلم لي على ايمان
سند : يوصل
قفل منها وتنهد بضيق عليها ونطقت ايمان : سند تبي نكسل ترا عادي عندي
سند : لا وش نكسل
ايمان : يعني اعرف آنك ماراح ترتاح وجود وحدها
هز راسه بنفي ونطق : اسبوع ماراح نطول
شدت على كفه وابتسم يقبل يدها وصلو المطار ونزلو ينتظرون رحلتهم على المالديف ....."
<<<بيت نايف وهيام >>>
واقف قدام المرايا يعدل نجومه وشاراته العسكريه على بدلته وهي قدامه جالسه على طرف التسريحه ونطقت: تعال اعدلها لك
ابتسم يقرب لها واخذت النجوم تثبتها على كتفه ونطق : وش قلنا احنا ؟
تنهد وابتسمت تمثل الابتسامه وابتسم يضرب طرف انفها بخفه
ونطق : اي برافو عليك لا اشوف غيرها على وجهك الحلو هذا زين !
هزت براسها ونطقت : نايف تراك قلت يومين !
ضحك ينطق وسط ضحكته: والله يومين والله
ضحكت تهز براسها : زين انتبهي لي عليك تمام
رفع يده ياشر على خشمه ونطق : على هذا تبين شيء ولاشيء !
همهمت بايه ونطقت : اي ابيك تنتبه لنفسك زين وتطمني عليك كل شوي وترجع لي سليم مافيك ولا شيء غيرها مابي الا سلامتك ."
تقدم يقبلها وابعد ينطق : ابشري من عيوني
مشى يطلع من الغرفه الملابس لزهر يشيلها ويقبل خدها مدها لهيام ونزل وهي خلفه وطلع يركب سيارته ويتوجه لدوامه ..."
<<بالمستشفى عند كنوز وعزام >>
لفت على جوالها اللي يدق اخذت ترد عليه ونطق عزام : هاه كنوز توي وصلت البيت وش اجيب ؟؟
وقالت له كنوز على كل شيء تحتاجه وقفلت منه تاخذ تركي من سريرها لها ابتسمت تمرر اناملها على خده ونطقت : كان واحد وصارو اثنين ولا بعد نسخ لصق رفعته لها تقبل خده بعمق تنهدت براحه تعيشها ولفت على دخول امها وشروق وجود معهم ابتسمت تنطق : هلا والله حياكم الله
تقدمت الجوهره تنطق : الله يبقيك يام تركي
قربت شروق تقبل خد كنوز ونطقت : شفيك وحدك ؟
كنوز : عزام راح البيت ارسلته يجيب لي اغراض
هزت براسها تاخذ تركي من يدها ولفت على امها حطت لها فطور ونطقت الجوهره : هاه يمه كنوز افطري
ابتسمت كنوز تنطق : يسلم يدك يمه ليش كلفتي على نفسك
الجوهره : لا كلافه ولا شيء
مشت شروق تجلس جنب جود وتركي بيدها ابتسمت جود تمسك يده ونطقت شروق : تشوفين الحيوان متفقين هو وزهر من ياخذ قلبي اكثر
ضحكت جود تنطق : عسسللل
عضت على شفتها شروق تنطق : مره يابنت مره كيكه ...".."
>>>المركز >>>
واقف والفريق سالم جنبه متكتف يسمعه ويحفظ كل التعليمات بالحرف
الواحد ومن انتهى من كلامه لف عل نايف ينطق : الباقي عليك قسم الفرق وتكفل بالباقي دق له نايف تحيه وطلع الفريق سالم ارخى نفسه يرجع يدينه خلف ظهره ويمشي بين العساكر ونطق : الغرض من المهمه ذي نمسك قطاع الطرق وتجار المخدارت بنتوزع في كذا نقطه تفتيش ومن بعد الساعه ١٢ اي سياره تمر من امامكم توقفونها وتفتشون اللي فيها افتحو عيونكم واحذرو لا تستأمنون احد مهما كان والكلام لكم جميعا مافي مجال للخطا اللي مو قادر يقدم كل اللي يقدر عليه ولا يضرب الباب وقف بخطواته يناظرهم ورجع
ينطق : فيكم الخير والبركه وعدنا بعد الظهر في الميدان تفضلو
وقفو العساكر يضربون له تحية ردها لهم وطلعو كلهم من الغرفه ومشى يطلع لمكتبه يكمل شغله لمهمته ..."
<<الساعه ١٢الظهر >>
طلعت من دوامها تركب سيارتها وتتوجه لبيت اهلها اخذت جوالها ترسل وتتطمن عليه نزلت الجوال تكمل طريقها وصلت تنزل البيت دخلت تشوف امها بالصاله ونطقت : سلام عليكم
لفت فاطمه تنطق : وعليكم السلام هلا والله خلصتي بدري اليوم ؟
هزت براسها تنطق : اي الحمدلله مافي حالات كثير اليوم زهر وين ؟
فاطمه : فوق نايمه
وقفت تنطق : انا بروح لها
فاطمه : شوي وانزلي علشان نتغدا
هزت راسها ومشت تطلع غرفتها دخلت تشيل حجابها وتفسخ لابكوتها تنسدح جنب زهر .."
وقف وهو يضبط سلاحه على خصره واخذ جواله يناظر رسالتها رفع الجوال لها يرد عليها دخله بجيبه وطلع من المكتب للميدان دخل يشوف العساكر والضباط بانتظاره والفريق سالم امامه ونطق الفريق سالم
من شافه : جاهز يالعميد ؟
تقدم يوقف قدامه ونطق بكل ثباته : اي نعم
تقدم الفريق سالم يرفع رجله لصدر نايف يطرحه بالارض غمض عيونه من دارت فيه الدنيا بس ماسمح لنفسه يطول بالارض وبحركه سريعه وقف على رجوله وهو يتقدم للفريق سالم يلف يده خلف عنقه يطرحه وينزل لمستواه وراسه بين رجول نايف ونطق نايف وهو يشوف عجز الفريق سالم
بانه يتحرك : نتعذر منك حضرة الفريق كان لازم اثبت لك اني قدها
وقف نايف من انتهت حركه الفريق سالم مد يده يساعده يوقف ونطق الفريق سالم بضحكه : رجال ماعندي شك فيك تكفل بالباقي
ابتسم نايف بطرف ثغره ومشى يطلع الفريق سالم من الميدان كله
ويترك نايف يكمل شغله .."
<<الساعه ١٢مساءا >>>
تنهد من زاد شغله وكثرت مسؤولياته وتعب من كثر وقفته دخل يده بجيبه من سمع جواله يدق اخذ الجوال وابتسم يشوف اتصالها رفع الجوال له يرد بكل لهفته : عيوني وحياتي ارحبي مليون
ابتسمت تنطق : اشتقت لك نايف
رفع عيونه يناظرحوله ونطق : والله اني مشتاق لك زود هذا وانا شايفك الصباح
تنهدت تنطق وسطه تنهيدتها : يلا هانت حبيبي اليوم الاول على وشك ينتهي الله يعدي اللي بعده ، اي وش تسوي ؟
مسح على وجهه ينطق : واقف بنص الشارع لف يشوف العساكر تتوسط الطريق ورفع عيونه يناظر الشاحنه الماره من امامهم ونطق : ايوااا هيامي بعدين اكلمك قفل يدخل الجوال بجيبه ويمشي لهم رفع يده يامر العساكر يفتشون السياره مثل ماقال لهم بالضبط وامرهم بتفتيش كل سياره تمر من امامهم بعد الساعه ١٢ ..."
تنهدت تنطق : يالله توي سمعت صوته تاففت وقامت من مكانها تنزل تحت دخلت الصاله تشوف زهر بيد امها مشت تجلس جنبها ولفت
فاطمه عليها : شفيك
هيام : طفش دقي على ضحى تجي
ضحكت فاطمه تنطق : وش ادق عليها شايفه الساعه كم !
ميلت شفايفها تاخذ الريموت تقلب فيه ونطقت فاطمه : متاكده طفش مو اللي ببالي .."
ابتسمت هيام تنطق : وش اسوي اشتقت له
ضحكت فاطمه تنطق وسط ضحكتها: يابنت استحي على وجهك مو قادره تصبرين على الرجال يومين !
تنهدت تنطق : يوه ياماما مقدر
لفت على دخول سعود ينطق : وش ماتقدرين !
اعتلت ضحكات فاطمه وتلاشت ابتسامه هيام تنطق : ولا شيء
مشى يجلس بينهم ونطق : مسويه اسرار انتي ووجهك !
تاففت تنطق : انكتم سعود انكتم تعبت وانا اكتم فيك
لف لامه ينطق : مريضه بنتك ذي توها جتنا وعلى طول فاصله علي !
رجعت ظهرها على ورا ونطقت : من قال فاصله عليك !
رفع حاجبه بعدم معرفه: وش دراني عنك !
ميلت شفايفها تنطق : وش الالعاب الجديده ؟
ضحك سعود ينطق وسط ضحكته : تعالي المجلس
قام وقامت تتبعه دخلو المجلس وجلست جنبه مد لها يد السوني
واخذتها منه تلعب معه ...."
<<المالديف الساعه٧ صباحا >>>
اخذت لفه على نفسها تشوف جمال فستانها الاصفر البارز لتفاصيل جسمها ابتسمت ترش من عطرها لبست سليبرها وطلعت اتسعت ابتسامتها تشوفه واقف امام البحر مشت له توقف جنبه ولف عليها يناظرها وسرعان ما لمعت عيونه يتأملها من أدنى دونها لين راسها ويتأمل نظراتها واتساع ابتسامتها له تظهر فتنتها بجمال فستانها وتنهدت تغمض عيونها تاخذ هواء نقي لداخلها فتحت عيونها تناظره ونطقت : سند المكان ولا بالخيال
ابتسم يمسك كفها ونطق : والله انتي اللي ولا بالخيال وتقدم لها يقبلها يمسك بكفه عنقها وبيده الاخرى يحاوط خصرها يحتضنها له يعلمها ان الخيال عيونها مو شيء ثاني ابعد عنها يناظرها ونطق بضحكه على ملامح وجها : تعالي نفطر قبل تنهارين ؟!
ابعد عنها يمشي لطاوله مسحت على وجنتها ومشت تجلس قدامه
ونطقت : مستحيل كل شيء عندك بدون سابق انذار كل يوم تثبت لي انك مو صاحي وان الطفاقه خلقت وتاصلت فيك
اعتلت ضحكاته ونطق وسطها : مجنون يعني ؟
هزت براسها وهي تبعد خصلات شعرها عن وجها ونطق : اجل ماعلى المجنون حرج ولا !!!
بققت عيونها تناظره ونطقت :يعني عاجبك انك تفجعني دايم وتحطني قدام الامر الواقع ؟!
هز براسه واخذ الملعقه يحط لها بصحنها ونطق : اي جوي ملامح وجهك من تنرسم عليها الصدمه
رجعت ظهرها على الكرسي تاخذ كوب العصير اللي قدامه تشرب منه ونطقت : الله يكملك بعقلك قبل احتفل فيك
ضحك سند يمد لها صحنها ونطق : اكثر من كذا !
تنهدت تنطق : مافي فايده
هز براسه ونطق : اي نعم يلا بالعافيه
اخذت ملعقتها تاكل من صحنها وتسمع سوالفه ....."
~~وعدا الوقت بدون حدث يذكر لين الساعه ١٢ مساءا ~~
جالسه هيام وعلى يمينها كنوز ويسارها ضحى يتابعون فلم
ونطقت ضحى : هيام نروح سوبر ماركت نشتري اغراض
عشان نكمل الفلم ؟!
لفت تناظرها ونطقت : الحين ؟!
هزت براسها تنطق : اي وش المشكله
لفت راسها تشوف جوالها يدق ونطقت : هاذي المشكله
ضحكت كنوز تنطق : وضحت لك المشكله وضيح ؟!
تنهدت ضحى تنطق : عادي يختي مادرا اننا بنروح ابي اغراض جوعانه
قامت هيام ترد عليه ونطقت : هلا هلا بالقاطع
ابتسم ينطق : افااا من متى نقطع حضرتك !
ميلت شفايفها تنطق : ادري ماتقدر بس نتغلى عليك
ضحك يفتل شاربه وينطق : ابد خذي راحتك ، وش علمك كل شيء تمام !
همهمت تنطق: كل شيء تمام
نايف : وزهر ؟!
ابتسمت تنطق : زهر يعني وش بتكون ؟!
ضحك ينطق وسط ضحكته: جعلها دايمه يلا اجل مع السلامه داق
اتطمن وبقفل ماعندي وقت انتبهي لنفسك ولزهر معك لين اجي بكره
هيام : وانت بعد و انتظرك بكره
قفلت منه ترجع للبنات ونطقت : هيا امشو
كنوز : لا لا انا ماراح اروح فكيني من عزام
رفعت حاجبها هيام تنطق: خير قومي معنا وبعدين عزام نايم
هزت راسها بنفي : تراني نفاس وين امشي وانا كذا
ضحى : خلاص اجلسي نروح احنا نخلص سريع سريع ونجيك
كنوز : اي كفو يلا روحو
مشو يطلعون ياخذون عبايتهم ونزلو يخرجون للخارج ركبو السياره وحركت هيام تنطق : تدرين نايف لو يدري نحرني ولا ماتدرين !
تاففت ضحى تنطق : ياهووو علينا يختي شفيك ماعهدتك تخافين ؟!
لفت عليها تنطق : مين ؟ انا ! اخاف ! تعقبين اخاف
ضحكت ضحى تنطق : اي واضح ماشاءالله عليك
هيام : اول شيء انا مااخاف منه انا احترمه
ضحكت ضحى تنطق : يختي فكينا امشي وانتي ساكته تخيلي ادق على نهار اقوله تسمح لي اطلع هذا اللي ناقص !
رفعت حاجبها بقله حيله وقفت عند سوبر ماركت قريبه منهم ونطقت : مقفله
ضحى : في وحده قدام
حركت هيام وكانت نفس الشيء مقفله من تاخر الوقت لفت على
ضحى تنطق: وش نسوي ؟؟
ضحى : امشي نشوف قدام اساسا الحين ماتقدرين ترجعين الا من
الدخله اللي قدام حركت هيام ورفعت حاجبها من شافت نقطه التفتيش امامها ونطقت : الله ياخذك ياضحى يمه ياربي
وسط وقفته على طرف الشارع وتوقفيه لكل سياره تمر من عنده الاسلكي بيده ويوجه فريقه طلع بنص الطريق ياشر لسياره الماره من عنده توقف له
ونطق : الرخصه ........ بقق عيونه يناظرها هيام وش تسوين هنا تستهبلين انتي ولا وش !
تغيرت ملامحها بخوف من نظراته لها وحدة صوته وهي تنطق : نايف بسم الله من وين طلعت لي
رص على اسنانه ينطق: اتكلم انا وش مطلعك ؟
بلعت ريقها تنطق : طلعنا نبي اغراض وبنرجع
رفع يده لقزاز السياره يضرب عليه ونطق : الساعه ١ وش تبين الساعه١ وش قلت انا عن طلعات اخر الليل هاذي ؟
تلعثمت تشوف انفعاله قدام ضحى ونطقت : نايف خلاص عاد قلت لك كنا نبي نشتري اغراض من السوبر ماركت
رص على اسنانه ينطق بحده وغضب يحتويه : اغراض ؟ عندك خبر ان الطريق مراقب ولا ماعندك انا بموت على يدك مافيها كلام لعب عيال هو !!
ارتعد داخلها وهي تناظر العساكر والضباط ونطقت : نايف تكفى خلصنا مو وقته خلاص ابعد خلني امشي بنرجع بلعت ريقها ضحى تناظرهم
فزت من رجع يضرب بيده على القزاز من غضبه
ينطق : بكيفك هو ! صبرك يارب انثبري هنا بجيك
مشى لاحد الضباط يطلب منه يغطي مكانه لين مايرجع وتنهد يرجع لسيارتها ويفتح الباب من جهتها ينطق : نطي
عقدت حاجبينها وطلعت ضحى تنقز ورا ورفعت نفسها هيام لمكان ضحى ركب وحرك يوصلهم التزم الصمت وهو يقاوم نفسه مايغلط عليها لانه يعرف وش نهايه كلامه تنهد بغيض منها وخوف بنفس الوقت لان الوضع بهالوقت مخيف له قبل يكون مخيف لها وقف عند سوبر ماركت وهو ينطق : وش تبين ؟
لفت تناظر حولها وابتسمت تنطق: برسلها لك
مشى ينزل من السياره ولفت على ضحى وضحكت ضحى تنطق : مسوي نفسه حنون الله يلعن ابليسه فجعني
ابتسمت هيام وهي ترسل له الاغراض وترجع تنزل الجوال بين كفوفها ..."
تعرف ان ورا كل هالصلابه حنيه ماتطلع الا لها على الرغم من اخطاءها الا انه حنون بشكل عجيب معها تجهل احيانا شلون هالحنيه كلها تطلع من شخص مثله مزيج بين القسوه والحنان ، القوه والخوف ، الثبات والرقه
وكل هالخيارات الثانيه مرئيه لها فقط وهالشيء كافي بالنسبه لها تنهدت من ركب يمد لها الاغراض ويشغل السياره وكم دقيقه ووقف عند البيت وفتحت الباب ضحى تنزل لفت عليه تناظره ورجع راسه على المقعد وهو مشتاق لها شوق ينطق وسطه : ادعي ان الله يسامحك فيني
قوست شفايفه تنطق : لي يومين ماشفتك ويوم قدر الله اني اشوفك تزعل علي !
غمض عيونه مايحتمل نظراتها اللي المليانه بالاسف له ونطق : انا مو زعلان هذا اولا لاني سبق وقلت لك الزعل مو لنا ثاني شيء انا خايف عليك واذا جيتي تدعين ان الله يسامحك ادعي ان الله يسامحك على زرع خوف بقلب شخص هو والخوف مايجتمعون واجتمعو على يدك ."
نزلت دموعها وهي ترمي نفسها بحضنه تنهد نايف يرفع يده لها ويدفن راسه بعنقها غمض عيونه تسلبه عقله وتنسيه اوله واخره تشتته وترجع تجمعه تموته وترجع تحييه بحضن دافي منها تدخله حرب مع نفسه وبنفس الوقت ينتصر على يدها تاخذه لعالم فريد مستثنى وغريب بالنفس الوقت ، يميل كله لها بقلب مغرم عاشق خايف من نسمه هواء تمر حولها ونطقت بحضنه ترفض البعد عنه : اعرف اني قاعده اخذ من عمرك عمرين بس والله اسفه انا لو بيدي ماخلقت بقلبك الا شعور الراحه
رفع راسه يقبلها بعمق يطولها ولا وده تقصر ابدا ابعد عنها بعد مااخذ حاجته ونطق : انتظريني بكره جايك نفس هالوقت
هزت براسها تنطق : كل عمري مو بكره بس
ابتسم بواسع ثغره ينطق: تاخرت انزلي قبل اخسر مشوار سنين ."
ضحكت وهي تناظره وعقد حاجبينه باستغراب من نظراتها ونطق : ودنا فيها هالنظرات بس اذا معليك امر وش اسبابها ؟!
ابتسمت هيام تنطق وسط اعجابها : معجبه ومفتونه بكل هالرجوله وقفتك وحدها كفيله تخيلني احمد ربي ليل نهار عليك
ضحك نايف و سكنت ملامحه مباشرة ورفع يده يمسح على دقنه
وينطق : سنيني على وشك النهايه
ضحكت هيام وهي تعرفه مايقاوم كلامها ونطقت: بسم عليك انت وياها روح كمل شغلك وانتبه لي عليك يلا باي بكره اشوفك فتحت الباب تنزل وتدخل البيت .."
ضحك ينطق وسط ضحكته: مجنوونه قاعده تسوي فيني فيني الهوايل والمصيبه اني مبسوط ، الله يجيب بكره على خير وحرك يرجع لموقعه ..."
دخلت ترجع للبنات بالصاله ونطقت كنوز من شافتها : تكفين هيام وش اللي صار منجدها ضحى !
ابتسمت تنطق : انا بطلع فوق انام
عقدت حاجبينها كنوز وصغرت عيونها ضحى تنطق : شفيك !
هزت راسها بنفي وطلعت غرفتها ونطقت تكلم ذاتها : ليتني طالعه من زمان دامني بشوفك اهاه نايف وابتسمت تجلس على السرير رمت نفسها والابتسامات تتشكل على ثغرها تعجز تستوعب كيف انه يحبها لدرجه انه يعدي اخطائها بثواني تنهدت بكل مافيها من حب له وهي تتقدم لزهر تنام جنبها ..."
~<<المالديف منتصف الليل ~>>
واقفين اثنينهم قدام البحر والبحر يروح ويرجع على اقدامهم لفت ايمان تنطق من طال تاملهم للمكان : كلمت جود اليوم ؟
هز براسه ينطق : اي كلمتها وتسلم عليك
ابتسمت تنطق : يسلمك ويسلمها ويخليك لي ويخليك لها
ضحك بخفيف يمسح على شعرها بحنيه كفوفه ويقبل جبينها مسكت كفه تمشي معه على اطراف الموج ونطق سند : تعرفين تسبحين ؟
لفت عليه تناظره ونطقت : اكيد لا
رفع حاجبه ينطق : ليش اكيد مافهمت !
ميلت شفايفها تنطق : يعني ماعمري تعلمت ولا حتى فكرت اني اتعلم
غمز بعيونه لها ينطق: ودك اعلمك !
هزت راسها بنفي تنطق : منجدك الحين بالليل ؟!
هز براسه ياكد كلامه ونطق : اي وش يعني بالليل تعالي معي
سحبها مع يدها يمشي فيها داخل البحر صرخت تنطق : سند مااعررررف
ضحك يشدها وينطق : معليك انتي بوجهي تعالي
صرخت من دخل نص جسمها بالبحر شدت على كفه تنطق : تكفى سند تكفى
لف عليها بضحكه ينطق : لاتقولين تكفى بعلمك تعالي شفيك ماهقيتك خوافه !
تقدمت له تحتضنه وتحاوط عنقه ترفع رجولها وتحاوط خصره
ونطقت : مابي اتعلم من قالك ابي اتعلم مين ؟!
اعتلت ضحكات سند ورفع يده لخصرها ونطق : اخيرا لقيت نقاط ضعفك وللاسف ياروحي انتي لازم استغلها
غمضت عيونها بغضب من ضحكه واستفزازه لها ونطقت : لاترفع ضغطي عشان مااحتفل فيك يالمجنون اهاه ياسند الله يرد لك عقلك قبل افقد حتى انا عقلي منك ومن حركاتك
ضحك ينطق وسط ضحكته : مو لهدرجه عاد طيب اسمعي برجعك اوكيه بس عشان تشوفيني كيف اسبح وبعدها اخذك معي وتسبحين تمام !
ابعدت راسها عن عنقه تنطق : اي رجعني يلا
غمز بعيونه لها ينطق : خليك تلعبين علي قولي وعد !
تنهدت تنطق بقله حيله : اي وعد بس رجعني
مشى فيها ينزلها على حدود الشاطئ ونطق : آية المنافق ثلاث ايمان !
هزت براسها له ومشى يدخل البحر وهي واقفه قدامه تناظره وابتسمت تشوفه يسبح وثواني ماصارت تشوف الا راسه وسط ظلام المكان ونور القمر فقط بلعت ريقها من خافت ونطقت تناديه : سند ! سكنها الخوف من طول وماصارت تشوف ولا شيء منه بلعت ريقها تكرر اسمه وصرخت بعلو صوتها تناديه وبلعت ريقها بتكرار من اختفى تماما من امامها من قوه الموج مشت تدخل البحر بخطوات ثقيلة وخوف شديد ماسمح لها تسرع بخطواتها اختفى نصها وتغطى جسمها كله بالمويه ماتعرف وتجهل سبب دخولها متناسيه تماما انها ماتعرف تسبح ومن حس انها دخلت رفع نفسه وابتسم يرجع شعره لورا وضحك ينطق بهدوء : هذا كان الحل عشان اخليك توفين بوعدك
ركض من بدات تشرب من المويه والدليل انها بدات تغرق مشى يرفعها بين يدينه ويمشي يطلع من البحر كله نزلها على حدوده ونزل عليها يرفع شعرها المبلل عن وجها رفعت راسها تكح وتشهق من بلعت المويه ونطق سند بخوف عليها وغضب شديد من نفسه ضرب على ظهرها من الخلف يحاول يطلع المويه اللي بلعتها مسح على شعرها من رجعت المويه اللي بداخلها واخذها يرجعها على صدره ونطقت وسط كحتها : منجدك انت شلون تسوي فيني كذا !؟
ابعدت راسها عنه ونطق سند : اسف والله ايمان يعني ماتوقعت انك بتغرقين
نزلت راسها عليه مو قادره تقول كلمه تبرد خاطرها فيه ابتسم يرفع راسها له يقبل جبينها وانفها خدوده وينزل على ثغرها يقبلها شد على ظهرها المبلل يقربها منه لانها كانت ترجف وسكنت من قبلها تمسكت بكتوفه وصدره المكشوف ابعد عنها يرفعها له ويشيلها بين يدينه يدخلون كوخهم ..."
~~<يوم جديد الساعه ٩ بالليل >>~~
مسح على وجهه وراسه يركب سيارته من انتهت مهمه اليومين على خير ومشى لبيت تركي يوقف عنده واخذ جواله يدق عليها وهو ملهوف عليها نزل يفسخ جاكيته تارك تشيرته الاسود اخذ زقارته يولعها ووصله صوتها من نطقت : لك وجهه تدق ؟!
نفث دخانه ينطق : وش مزعلك فيه عشان ماادق واسمع صوتك اللي يبري جروح والالم الدنيا كلها قولي غردي !
وقفت عند الشباك تناظر حولها ويدها تلعب بطراف شعرها
ونطقت : انك كذاب هذا اللي مزعلني منك
رفع عيونه يناظرها وهي للحين مو منتبه لوجوده
ونطق ؛ ااافاا تعقبين اكذب عليك
رفعت يدها تميل شعرها كله على يمينها وتنطق : واللي يقول انه يومين ويجي وتجي اليومين ومانشوفه هذا وش نقول عنه ؟ كذاب
رجع زقارته ونطق وهي وسط ثغره وعيونه عليها : اول شيء سكري الشباك وادخلي لانك تدرين وش بيصير لو يلمحك احد وانتي بهالمنظر
عقدت حاجبينها تنطق: يمه بسم الله انت حاط احد يراقبني نايف !
سكت ينتظرها تلتفت له وتنتبه على وجوده ابتسم من شافها تناظر حولها وانفكت عقدة حاجبينها ولانت ملامحها من شافته رفع يده لها ونطق : انا نايف هيام قلت لك يومين يعني يومين كلمتي وحده
ابتسمت بوسع ثغرها تسحب الستاره وتركض تنزل تفتح الباب رمى زقارته تحت رجله ورفع خصلات شعره يمشي للباب ويدخل سكرت الباب وضحكت من شافته ونطقت : اعرفك رجال كلمتك وحده جعلني افداك انت ورجولتك
ابتسم نايف ورفعت يدها تحضنه نزل راسه يقبل كتفها ابتسمت تغمض عيونها ونطقت : اشتقت لك نايف
تنهد يبادلها نفس شعورها وابعد راسها يناظر وجها ونطق : والله اني دبلك
ابتسمت تناظره وضحك نايف من نظراتها ونطق : شفيك !
رفعت حاجبها بعدم معرفه وابعدت عنه من دخل عزام البيت تنحنح يمسح على وجهه ونطق عزام : هلا هلا ارحب
وتقدم يسلم عليه ونطق نايف : تبقى وش حالك !
ابعد عزام عنه ينطق : الله يسلمك بخير ونعمه اقلط
لف عليها يناظرها والابتسامه شاقه وجها ابتسم يشوفها للحين تناظره عض شفته يجهل نظراتها له ونطق عزام : ياهو قمت احس اني طرف ثالث
ضحك نايف يشيل عيونه من عليها ودخل خلف عزام وهي واقفه مكانها تناظره لين اختفى من امامها ميلت شفايفها تنطق : شفيني يمه احس قلبي بيطلع من مكانه ومشت تدخل تدخل الصاله تجلس قدامه عاجزه تزيح نظراته من عليه وكل كلمه تنقال منه توصل احساسها لقلبها قبل اذونها اخذ قهوته يشرب منها وحاس بعيونها عليه رفع عيونه عليها ينطق : جيبي زهر
عض شفته يكتم ضحكته من ماانتبهت له وصد بعيونه من ضربتها فاطمه على كتفها لاجل تنتبه : هيام !
صحت من عالمها معه وتلاشت ابتسامتها تنطق : شفيك !
ضحك عزام وابتسم نايف ونطقت فاطمه بضحكه : جيبي زهر
تنحنحت وقامت تطلع غرفتها تاخذ زهر و نطقت تكلم نفسها : اثقلي وش فيك اوف هيام مو معقوله انه جايبك على وجهك تنهدت واخذت زهر تنزل لهم مشت له تعطيه زهر رفع يده ياخذها من بين يدينه وابتسم يقبلها
وجلست جنبه تناظرهم ووقف عزام من جاه اتصال ينطق : عن اذنكم
نايف : اذنك معك
ونطقت فاطمه بضحكه تشهد على نظرات هيام : بنت استحي على وجهك
رفعت عيونها لامها : يمه بسم الله وش سويت !
فاطمه : قطعتي الرجال بعيونك
ضحك نايف وتغيرت ملامح هيام تناظره ورفع حاجبه بضحكه تملى ثغره ونطقت : وش يضحك !
ضحكت فاطمه تنطق : يضحك على عيونك اللي مانزلت من عليه من دخل
احترقت ملامح وجها وابتسم نايف يعرف انها استحت
شهقت تنطق : يمه خير ؟؟؟؟
ضحكت فاطمه تنطق وسط ضحكتها: الخير بوجهك
وقفت فاطمه تطلع من عندهم ونطق من ماصار احد غيرهم : يعني عارف انك مشتاقه بس مو قدام الناس تضيعين صوابي كذا !
لفت عليه تضربه على كتفه ونطقت : خير انت الثاني اعجبك الكلام اكيد !
ضحك يهز براسه ياكد اعجابه بنظراتها ونطق : اكيد
هزت براسها تنطق : اني اعرف انك حيوان
رفع حاجبه ينطق : كذاب وحيوان ايوه وش بعد بخاطرك ؟!
ميلت شفايفها ترجع ظهرها على الكنب ونطقت : هاذي اللي ببالي الحين
هز براسه ونطق : زين قومي جيبي اغراضك عشان نمشي
رجعت تناظره ونطقت : الحين !
نايف : لابكره يلا بسرعه باقي ساعه ونص تقريبا عليها
عقدت حاجبينها تنطق بعدم فهم : على وش ؟!!
ابتسم ينطق : على دبي على بالك نسيت
شقهت تنطق : منجدك الحينننن !!
غمز بعيونه ينطق : اي يلا عشان لانتاخر
صرخت تركض لغرفتها ضحك يناظر ركضتها وحماسها ودخل
عزام يجلس قدامه ونطق نايف : كنوز وينها !
عزام : نايمه من امس مانامت
هز براسه نايف: اجل سلم لي عليها
دخلت غرفتها تنطق : يمهههه يمه ويقولون لي ليه تبالغين بحبه !!
دخلت فاطمه تنطق : محد قال لك يستاهل حبك دامه راسم الابتسامه
على وجهك كذا .."
لفت عليها تناظرها ونطقت : تخيلي يمه بيوديني دبي والحين بعد
هزت براسها فاطمه تنطق : اي قال لي
رفعت حاجبها هيام تنطق : متى قال لك ؟!
فاطمه : من طلعتي تاخذين زهر
ابتسمت هيام تفتح شنطتها تلم اغراضها ونطقت فاطمه : اغراضك بس زهر بتجلس عندي
لفت عليها هيام تنطق : ليش باخذها معي !
هزت براسها فاطمه تنطق : لا لا خليها عندي البنت صغيره توها ماراح اخليك تاخذينها معك وتتعب معكم خليها عندي وانتي روحي انبسطي
مشت لها هيام تنطق : لا ماما باخذها ابيها
هزت راسها فاطمه بنفي تنطق : هيام كلها يومين وانتو عندنا وبعدين تمايم تركي يوم الخميس يعني يومين وانتي عندي
ميلت شفايفها تنطق : واذا نايف رفض !
فاطمه : معليك كلمته
هزت براسها هيام تلم اغراضها ونزلت له تنطق : يلا
وقف وزهر بيده كرر قبلاته على خدها ونطقت من مشى لها : نايف احس اني ابي زهر معي
نايف : ماودي اخليها بس امك طلبتني وماقدرت اردها
تنهدت هيام ونزلت فاطمه تنطق : شفيكم زهر بالحفظ والصون
نايف : ماعندي شك والله
فاطمه : اجل خلوها وانتو اكيد بترجعون قبل تمايم ولد عزام يعني بتتعبونها وبس روحو انتو انبسطو وارجعو زهر عندي افضل لها
هز براسه نايف ورجع يقبلها ويمدها لفاطمه وتقدمت هيام تسلم عليها
ونطقت : انتبهي عليها
رفعت حاجبها فاطمه تنطق : امشي ياماما روحي روحي انا انتبهت عليك طول عمرك تبين ماانتبه على قطعه منك !
قوست شفايفها ونطق نايف : يلا
هز براسه وطلعو يركبون السياره ويحرك نايف للمطار لرحلتهم ...""
~~<<بيت فيصل منتصف الليل >>~~
طلع من بلكونته يناظر حوله وهو ضايع في بحر امنياته معها ويجهل هالامنيات هل بتكون واقع ولا مجرد امنيات تتبخر نفس كل امنياته ماتخفى عليه نظراتها من تجتمع عيونهم ببعضها يخاف ان كل المشاعر اللي بصدره تكون من طرفه هو وحده شتت انظاره وجت عيونه عليها من كانت جالسه تحت وساندها راسها على ركبتها اعتدل بوقفته وركض ينزل تحت طلع يمشي لها ووقف بمسافه تفصل بينهم تنحنح لاجل تنتبه لوجوده رفعت راسها وتغيرت ملامحها من شافته شدت على اكتافها بخوف من انها جالسه وحدها وهو قدامها يناظرها ونطق فهد : شوفي انا ابي افهمك بس تكفين افهمي علي ولاتناظريني كذا وكاني مجرم فيك
بلعت ريقها بتكرار وخوف وسرعان مانزلت دموعها من نطق : تكفين اسمعيني تكفين انا طالبك احتاج اتكلم معك وتغيرت ملامحه بخوف من شاف دموعها ونطق : اشش لاتبكين صدقيني ماراح ارضى اني اتسبب بدموعك بس انا لازم اكلمك ابي تعرفين اني جاد وانك يابنت الناس مسيطره على عقلي وتفكيري وكل شيء فيني ينطق باسمك افهمي علي بالحرام اني ابيك وابيك بالحلال بعد بس احتاج اسمعك وتسمعيني انا مابيك تخافين مني لآنك ماراح تشوفين مني مضره اوعدك بكون قد كلامي وبنتظر سند يرجع واكلمه اني ابيك لي حلالي بس قبلها ابي اتاكد انك ماراح ترفضيني
ما ردت ترتجف مشاعرها كلها ترتجف بقلبها تجمدت منه ومن كلامه اللي بدون سابق انذار توترت وصارت تعجز تقوم من مكانها تجمعت الدموع بعيونها من هالنظرات اللي مو عاديه أبدًا بالنسبه لها ونزل انظاره يشوف
رجفة كفوفها أخذ نفس عميق ونطق : تعوذي من ابليس تعوذي منه وانا بروح بس حطي ببالك اني انتظر ردك وصليه لي باي طريقه تقدرين عليها تمام ؟
ومشى يدخل البيت وطلع لغرفته بكت بصوت مليان رجفه وخوف منه ومن كلامه اللي ماحسبت له حساب ابدا وقفت تركض تدخل غرفه شروق وشافتها نايمه نزلت عبايتها ومشت تنسدح تكتم وجها بالمخده تمنع صوت بكاها يطلع منها وتسمعها شروق ..."
<<قبل الفجر دبي تحديدا >>
دخلو الغرفه ونطق : ظهري مااحس فيه مااذكر متى اخر مره نمت
هيام : يلا نام الحين بكره وراك مشاوير
اخذ ملابسه يغيرها ومشى ينسدح ومشت تفتح شنطتها تطلع لها ملابس تلبسها واخذت توب اسود وشورت بنفس اللون دخلت الحمام تلبس وترفع شعرها كله فوق وفتحت كريماتها ترطب وجها ويدينها خلصت وطلعت له تشوف سادح والجوال بيده ونطقت : مانمت !
رفع عيونه لها وسرعان ماجمدت ملامحه يشوف نص بطنها المكشوف والشورت اللي كاشف كل فخوذها رفع حاجبه يدعي الثبات ونطق : تعالي
ابتسمت تمشي له تجلس بطرف السرير من جهته
ونطقت : وش عندك !
ابعد ظهره عن السرير يقرب لها يرفع يده لتروقتها حست برعشة سرت بجميع جسدها من قربه الشديد ونظراته أختلط نفسها بريحة عطره الثقيل ودخانه ونطق بنبره صوته اللي أستحل قلبها من عذوبته : أنا صلب وكل هالرقة والجمال قادرة على خدشي
اتسعت ابتسامتها تشوفه ذايب فيها رفعت يدها تعانقه بلطف كعادتها وسرعان مانزل يده لخصرها إرتفعت من بين ذراعينه يسدحها جنبه ضحكت من شالها ونطق وسط ابتسامته من سمع ضحكتها : صعبة وموزونة بنفس الوقت شلون كذا ممكن نعرف !
ونطقت وسط وسع ابتسامتها: نايف يعني انت تستاهل وش اسوي احبك لازم اغرقك حب واهتمام
عض شفته ينزل لها يقبل منطوقها سبب هلاكه وقله ثباته عندها ومن طالت قبلته لها ابعد وانفه للحين يحتوي انفها رفع يده وحس بحرارة خدودها لما مرر كفه عليها ونطق : اهدي اهدي مو مستاهله
بلعت ريقها تناظره ونطقت : كان فيك نوم شفيك قلبت حصان !
رفع حاجبه بعدم معرفه ينطق: اسالي عمرك
تنهدت تسحب نفسها من تحته و رفع نفسه يناظرها ونطقت : جوعانه
مسح على دقنه ينطق : اطلب لك اكل ؟
هزت براسها تنطق : اي اطلب
رفع يده ياشر على خشمه ولف ياخذ التليفون يطلب لها وجلست على طرف السرير تسولف معه وتنتظر اكلها ودق باب الغرفه وقام ياخذه رجع لها يحط الصحن قدامها ونطق : بالعافيه
اخذت الصحن وجلست جنبه تنطق: بتاكل معي
هز راسه بنفي ونطق: مالي فيه والله
ميلت شفايفها تنطق : مو على كيفك حبيبي يلا
اخذت من الاكل اللي امامها تاكله معها وتسولف له ...."
<<مساء يوم جديد المغرب تحديدا >>
شربت من قهوتها تناظر نايف بعيون تمليها المسرّه وهي تشوف أجمل حظوظها وتشهد على حنانه معها سلوة خاطرها وإنشراح صدرها حياتها وكل ماتملك بهالحياة تشهد على ضحكاته معها يجدد ويرسم الحب بداخلها كل مره باكثر من المره اللي قبلها يتركها تتمنى ويقول لها ابشري وسمي انا احقق ، تعيش معه سرور وحياه راضيه وساكنه تحتويها الحب وكل معانيه ، توردت وصار هالحب يعكس عليها بشكل جدا ملحوظ لها ولغيرها ، تعيش اسمها ومعاني اسمها معه ، تصمت كل الحروف وكل الحكي اللي عاجزه انها تحكي فيه ابتسمت تنزل انظاره لكوب قهوتها ونطق بابتسامه عريضه : انتهيتي !
رفعت عيونها له تنطق : من ؟!!
وقف يجلس على الطاوله قدامها يسحب كوب القهوه من يدها ويمسك كفوفها بين كفوفها وينطق : من نظراتك ؟
ضحكت تنطق وسط ضحكتها: ماراح تنتهي نايف طول عمري بتكون
عيوني عليك ،رفع يده لخلف عنقها يقربها منه ويقبل اهدابها ابتسمت بواسع ثغرها تنطق من ابعد عنها : نطلع !؟
هز براسه ونطق : اي يلا والبسي شيء حلو
عقدت حاجبينها تنطق : ليه وش عندك !
ابعد يوقف ونطق : ممنوع الاسئله يلا قومي
وقفت خلفه تدخل الغرفه ونطقت : البس ايش يعني ؟
رفع اكتافه بعدم معرفه : احلى شيء عندك البسيه
ومشى يدخل الحمام ميلت شفايفها ومشت لشنطتها تدور فيها وابتسمت من شافت الخيار الواضح امامها اخذته ومشت تحط ميكب واخذت فستانها ونطق نايف : بسرعه يلا
هيام : بلبس اصبر
دخلت الحمام تلبس وابتسمت بواسع ثغرها تشوف تفاصيل الفستان عليها نثرت شعرها على اكتافها وطلعت له .."
واقف عند المرايا يعدل نسفه شماغه تقدمت للمرايا تنزل يدها عليها وتنحني تقرب منها تاخد روجها الاحمر تخطه على ثغرها ثبت عيونه عليها يرمش بذهول, بإعجاب و كل شعور ، عاجز يبعدها عن انظاره يناظر تفاصيلها ،فستانها التايقر والعقد اللي يحتوي عنقها ويزين نحرها وحدود خصرها تجرده من عقله تجرده من ثباته وصوابه واصل لاعلى درجات الحب ، وعرف معها الهوى و الصبوة و الشغف والوجد والكلف والعشق و النجوى والشوق والوصب و الاستكانه و الود و الخلة و الغرام و الهيام والجنون ، رفعت عيونها تناظره بنفس وقفته تبتسم بثغرها الفاتن له وعرفت انها عملت عمايلها فيه ابعدت عن المرايا تمشي له وعى من سرحانه وهو يبتسم ويرفع كفه ويمسح على وجهه بضحكة ومن تقدمت له تنطق : وين وصلت !
تنهد ينطق بابتسامه عريضه : بما انك ممرضه ابي اسالك !
عقدت حاجبينها تنطق : قول ؟
مسك كفها يرفعها لقلبه ونطق : وش اسباب عدم ضخ الدم بقلب الانسان ؟!
لانت ملامحها وضحكت تنطق وسط ضحكتها: شوف على حسب خبرتي بالطب التايقر هو السبب
اعتلت ضحكته وضحكت معه ونطق وسط ضحكته: حرام عليك قضى علي هالتايقر."
جلست على طرف التسريحه ترفع كفوفها عليها وتنطق بضحكه : عجبك لدرجة انك تشوفه قضى عليك !
ابتسم يتكتف بيده ونطق : مو منطقيه انتي لفي خذي على نفسك لفه شوفي عمرك صدقيني ماراح تلوميني !
لفت راسها تناظر المرايا وابتسمت وهي خير شر مغتره بنفسها تعيش غرور مع ذاتها ابتسمت بوسع ثغرها ولفت تناظره ورفع حاجبه ينطق : عندك علم انك خُلقتي من لهيب الجمال والله اني اشوفك الجمال المُسِرف اللامنطقي ، تفتنين شخص تايب عن الفتن قوس شفايفه يرجع ينطق : يعني بكل بساطه مذهله ،مبهرة ،فارقة ، مميزة ، نادرة ، وكل معاير الجمال في حضورك خاسره ."
نزلت راسها تخجل من كلامه ونزلت خصل شعرها تغطي ملامح وجها عضت شفتها ترجع راسها تناظره
ونطقت : غروري تعدا الغلاف الجوي نايف !
ابتسم بخفه يمشي لها يحتضن خصرها يقبل ثغرها الاحمر يفقد صوابه وكل عقله هذا اذا كان باقي فيه ذره عقل معها رفع يده يبعد شماغه ورفع يده لخلف رقبتها يرجع يقرّبها منه يقبلها بكل مافيه ارتفعت عن جلوسها من قبلاته ماعادت تقدر الجلوس من اندفاعه المبالغ فيه يتراقص داخلها وتشعر بفراشات داخل معدتها ترفض الاستقرار من هالاندفاع كانت النيه طلعه بس ماقدر يحكم عمره ابدا ابعد عن ثغرها يقبل عنقها وينشر قبلاته ويترك ورا كل قبله زهره بلعت ريقها تهمس له ؛ نايف !!!
رفع يده يحرر كتوفها من الفستان ورفعت يدها تمنعه ونطقت : نايف وش صاير فيك ! وطلعتك وش صار عليها ؟
تنهد ينطق : توه بدري بنطلع بس مو قبل ماانفرد فيك
هزت راسها بنفي تنطق ؛ لا بدري ولا شيء يلا رفعت خيوط الفستان على اكتافها ونطقت : مو وقته انا ماصدقت ادخل دبي اضيع هالليله
رفع يده يمسح على وجهه يرجع لصوابه ابعد عنها يطلع البلكونه ياخذ زقارته يولعها وينفث منها ويرجع يسحب منها تنهد يفتح زرار ثوبه العلوي ياخذ نفس ونطق : الله يلعنه ثواه من فستان ."
تنهدت تلتفت للمرايا تناظر روجها اللي انتهى منه اخذته ترجع تحط منه وتملي شفايفها من جديد مشت تاخذ عبايتها وطرحتها تلبسها اخذت منديل تطلع له ونطقت : يلا
لف عليها ينطق : لازم نطلع ؟
هزت براسها تاكد كلامها ورغبتها في الخروج ؛ اي لازم يلا
هز براسه يرمي زقارته ومشى بيدخل ونطقت : امسك
لف لها وعقد حاجبينه ينطق : وشو !
قربت له تمسح ثغره ونطقت : ضريبة اندفاعك
ابتسم ينطق : انتي اسبابه
ضحكت تهز براسها ونطقت : خلصت يلا
ابعد عنها ياخذ شماغه يرجع يعدله ولف عليها
ينطق : البسي كمامه ولا اسمع حرف يلا شوفيها هناك
رفعت حاجبها تنطق ؛ ليش ان شاء الله ؟!
رفع يده يسكر زرار ثوبه العلوي ونطق : كذا اخلصي
تاففت تنطق : لا ماني لابسه
لف عليها ينطق: اجل مافي طلعه يلا.
تغيرت ملامحها تنطق : تستهبل صح !
تنهد ينطق: ليش كل شيء صعب عندك البسي كمامه وخلينا نطلع لو مره وحده تواضعي واسمعي الكلام وش بيصير لو لبستي !
مشت تجلس على طرف السرير ونطقت : مابي وانت تعرفني ماراح اسوي شيء مابيه وبدري على احد يفرض على شيء انا مابيه حتى لو كنت انت
رفع حاجبه ينطق : هيام العني الشيطان لانه من الواضح لي انه يدور فوق راسك
تاففت تتغير ملامحها : نايف ليش تنكد علي ابي اعرف !
رفع يده يمسح على حاجبينه ونطق : انا بنكد عليك ! ليه من متى ؟ بس بكل بساطه ماراح تطلعين كذا حطيها براسك واذا ماتبين تلبسين كمامه امسحي الروج انا بالصاله اذا برد راسك تعالي ."
وقفت تناظر نفسها ونطقت : حيوان حيووووانننن اوووف
امسح الروج ولا البس كمامه !!! لا كمامه بيكتم على انفاسي طول هالليله امسحي الروج هيام عادي كلها روج اهم شيء تطلعين تنهدت بضيق ومشت تاخذ مناديل تمسح روجها الاحمر تستبدله بروج نود ضحكت بطرف ثغرها تنطق : هاذي مشكله الحلوين كل شيء. حلو علي لو احط وشو هم حلو اخذت شنطتها وطلعت تنطق : قوم
عض شفته يكتم ضحكته وقام يوقف عندها
ينطق : اي شاطره بنتي تسمع الكلام
رفعت يدها تلكمه على كتفه غمض عيونه وضحك ونطقت: لاترفع ضغطي بعدين مسحته لاني ابي اطلع مو عشان سواد عيونك ولا انت تعرفني مايحتاج اقولك عني
هز براسه و نزل بطوله يقوس ذراعه ورفع حاجبه ويميل راسه يطلبها تدخل ذراعها بذراعه ونطقت : مابي
ونطق بنفس وقفته والضحكه اللي تملي ثغره : حطيها تاخرنا اتركي العناد ماتعبتي منه !
تاففت وميلت شفايفها وضحك نايف يعرف انه قاعد يفور دمها واخذ ذراعها يدخلها بذراعه مشت معه يطلعون من جناحهم وينزلون تحت لسيارتهم ركب وركبت معه وحرك من عند الفندق ..."
انتهى ✅
قراءه ممتعه
لاتنسون ⭐️
واعتذر عن الغيبه احبكم 🫶🏻❤️🔥..""""""
