لماذا لم نجد في الحزنِ ما يكفي منَ السِّلوانْ!؟ لماذا لم نجد
في الحبِّ ما يكفي منَ الغُفرانْ!؟
لماذا ليسَ في الإنسانِ ما يكفي منَ الإنسانْ!؟
نحن .. وأحكامنا، وكل الأشياء الفانية، في حركة وسيلان مستمر. ولذلك فإنه لا يمكن الإجماع على أمر يقيني، لأن الذات التي تحكم وموضوع الحكم يتحولان بإستمرار"....
دخل الغرفه لفت اناظرها للباب من دخل عليها جلس على طرف السرير ولفت عليه ايش قرارك بتساعدني ولا لا وتاكد لو ان الموضوع
سهل ماكان طلبت منك همم غرد علي
نايف :قبل اقولك قراري ليش ابوك ماقال لشرطه شيء وتنازل
هيام:علشان كذا بالضبط طلبت منك ماادري ايش يدور في باله بس ماراح اخليه يكون ضحيه حتى لنفسه
نايف:بمسك القضيه بس ابيك توعديني انك تقولين لي كل شيء وماتتصرفين من راسك في اي شيء يخصها
هيام :اوعدك وبعدها ولفت تاشر على الباب من القى الي تسبب في حاله ابوي بيكون اليوم الي اختفي فيه من حياتك يعني كلنا الاثنين ربحانين انا اطلع من حياتك وانت تنقذ حياة ابوي وكذا خلصنا لفت تاخذ الورد الي على الطاوله ورفعت الورد له حصيلة اليوم وهاذي طقوسي بعد كل مره اطلع منها من المشتل اني اكافئ نفسي بوردي المفضل بدات تقص اطراف الورد وهو يناظرها اخذت الباقه وهي تجلس معه على طرف السرير ومدت الورد له تساعدني ابتسم وابتسمت له اخذ الورده وبدا يقص مو كذا شوف زي كذا وقربت منه وغمض عيونه من شم ريحة عطرها الي ودته لعالم مليان زهور وياسمين قرب منها وهي منسجمه وهي تشرح له كيف طريقه قص الورد وهو مو داري عن ايش من الي تقوله لفت وهي تشوف حجم المسافه الي بينهم وبلعت ريقها طالت نظراتهم الي مجهوله لكل واحد منهم ورجعت على ورا وقام يطلع البلكونه اخذ بكت الدخان اخذ له وحده ضمها بثغره وسحبها داخله يبي يتخلص من كل شيء بداخله بس الوضع الي هو فيه صار التخلص من الاشياء الي حوله اشبه بالمستحيل ..
دخل البيت وشاف كنوز تقرا كتاب كالعاده وشروق تحط مناكير شافهم وجلس بينهم والابتسامة مرسومه رسم على وجهه كيفكم ياخواتي
لفت كنوزعليه هلا هلا الحمد لله وغمزت له وش هالسعادة الي نازله عليك
ضحك نهار تكفون احس اني في سعاده مو طبيعيه طاير طاير لمكان مافيه الا انا
ناظرته شروق بنص عين نهار مبسوط واخلاقه حلوه فيه مصيبه صايره
نهار: ماراح ارد عليك وقرب منها ايش جالسه تسوين
شروق :ماتشوف يعني احط مناكير
نهار :اعطيني احط لك
شروق :يمه نهار وحطت يدها على راسه انت مسخن فيك شيء
وضحكت كنوز صراحه حتى انا احس
نهار :خير انتي وياها ألي يسمعكم يقول اني اصبحكم بكف وامسيكم بكف
الحين اعطيني ذي بحط لك اعطيته شروق وبدا يحط لها لفو من نزلو نايف وهيام يجلسون معهم ولف نايف على نهار الي داخل جو وهو
يحط لشروق مناكير ولد خير ارفع علومك
مارد عليه نهار وهو خايف انه يطلع برا الاظفر وضحكو عليه ودخل فهد ووراه بوكس مشى وهو يوقف قدام شروق غمضي عيونك
نهار :فهد وجع عندنا شغل ماتشوف بعدين سوي مفاجاتك
شروق :ليه فهد عندك شيء
فهد :اي بسرعه غمضي عيونك اخلصي علي
غمضت عيونها وطلع فهد القطوه وهو يحطها بحضن شروق وفتحت عيونها من حست بشيء يمشي عليها وصرخ نهار بعلو صوته الله ياخدك يافهد الله ياخدك نط ورا الكنب وهو يخاف منها فعلا وضحكو كلهم عليه وكيف انه خايف قامت شروق تحضن فهد اهاه يافهد شكرا من قلبي صدق مرره انبسطت
فهد:العفو ياروحي
نهار :الله ياخذكم الي يشوفك انتي وياه يقول جاب لك قصر
اخذ فهد القطوه من الارض وهو يقربها من نهار الي صرخ يركض وفهد وراه
ضحكت هيام مو منجدك نهار مرره كيوت
ناظرها نايف وابتسم ولف يسمع صوت نهار بكل البيت وفهد يلحقه ونزلو الجوهره وفيصل وخالد على صوت نهار
الجوهره :ايش فيكم
كنوز الي ميته ضحك على نهار مافي شيء بس فهد جاب قطوه لشروق ونهار خايف منها
ضحك فيصل نهار والله اني ماعرفت اخليك رجال جالس تصرخ من قطو
نهار نط ورا الجوهره تكفين يانبع الحنان خليه يشيلها بموت خلاص قلبي بيوقف
فيصل :فهد خلاص نزلها جاء ورا امك ...
