حين تستبد كآبة ثقيلة بالنفس التي صارت من المحن في ظلام، تأتي الذكريات فتنعش النفس وتحييها، مثلها كمثل تلك القطرات من الندى التي تضعها رطوبة المساء على الأزهار بعد نهار خانق، فتبعث الحياة في هذه الأوراق الحزينة التي كادت تمحوها الشمس المحرقة.
ركبت السياره وهي تحس فراشات الدنيا كلها تدور بداخلها شعور اول مره يزورها تسمع ضربات قلبها يمه قلبي وش فيني انا خلاص ضحى خلاص
مو نفذتي وعدك يالله يارب وش هاللي بقلبي طيب مو قادره تخفي ابتسامتها
وهي تتذكر وعده لها لك مني وعد اني اذكرك واخلي كل موقف يجمعنا يكون راسخ في ذاكرتك واخلي فكرة النسيان تكون حلم بالنسبه لك مشى السواق يرجعها البيت ......
دخل البيت وهو يمر من غرفة جدته وسمعها جالسه معها وقف عند الباب يسمع ضحكات جدته معها
هيام : تصدقين عمري ماعشت مع جدي ولا جدتي ولا اعرفهم جدي مات قبل اولد حتى وجدتي ماتت وانا صغيره مااعرفها بس من شفتك حسيت اني فاقده هالشعور وجهك سمح رحب الي مايعرف الحنان يشوفه متخبي بين ملامحك
اخذتها حصه وهي تخبيها بين ضلوعها وتمسح على شعرها
اجل اسمعي الحين انا جدتك وهالشعور الي كنتي فاقدته انتهى صار عندك جده ولا تحسين ما يصلح اكون جدتك
ضحكت هيام مو بس يصلح هو بيكون اجمل شيء انضاف لحياتي باست يدها
ابتسمت لها الجده حصه شوفي هيام واضح انك عاقله والفرق بينك وبين نايف مثل الفرق الي بين السموات والارض بس يمه اعرفي كيف تكسبينه ترى نايف مافي منه
هيام الي كانت ودها تقول لها الحمدلله ان مافي منه ولا كانت الدينا مليانه شر
يلا انا استاذن بروح انام بكره اشوفك وترى هاه كل يوم بجي عندك.
ابتسمت لها حصه :انتظرك
حس انها بتطلع ومشى يطلع الغرفه دخلت وهي تناظره
جلست على السرير مقابل له
نايف :قلتي لي اني صعب بس ماتوقعت انك اصعب مني
هيام :معك حق يمكن عشان كذا اخترتك
نايف :وليش احس ان تصرفاتك مو مفهومة مره خير ومره شر
مره حر ومره جمر
هيام :أنا احيانا ما أعرفني كيف انت تبي تعرفني كل الي اعرفه عني اني اعرف أطمن قلب وأعرف أخلي القلق والخوف يأكلون ببعض أعرف أخليك اكثر شخص تحس بأمان وأخذه بغمضة عين منك أعرف أختصر كل شي بحرف واحد اعرف كيف احرق الدنيا عشاني وعشان كل شخص يعز علي شري شر وخيري خير انا الوسطيه مااعرفها ولا اعترف فيها يااخليك تكرهني من اعماق قلبك ياخليك تحبني لدرجه انك تحس مالك الدنيا والي اعرفه برضو اني ماامر مرور الكرام على احد والحين بعد كل الي سمعته تتوقع ان في شخص بكل هالمواصفات بيكون سهل ابتسمت وهي تسحب المفرش تحط راسها تنام ..
اتسعت عيونه وهو فعلا شاف كل الي قالته بعيونه مسح على راسه وقام يطلع من الغرفه يدق على سند الي صار له فتره ماشافه وصله صوته
سند :يخوي قلنا عريس بس مو لذي الدرجه
نايف الي من سمع صوته ابتسم تعال تعال الاسطبل
سند :دقايق وانا عندك ..
نصار :عزام شوفني تحت لو ماتنزل اقسم بالله اني لاخلي الدنيا كلها تسمع صوتي انزل وجع
عزام :يخوي تعبان بموت تعب انت انسان فاضي ماعندك شيء
نصار :دقيقه دقيقه انا اكثر شخص يكرف بس الفرق بينا اني انا مو بكايه زيك
ضحك عزام يلا جايك لاني اعرفك ماراح تروح من عند الباب
نصار :البس ثوبك وجيب فروتك معك
عزام :ايوااا قول كذا من البدايه ماني نازل اقولك انا تعبان انت
من اي عالم تفهم ..
نصار:يخوي امش ناس كشخه وحقت طرب وننبسط شوي ونرجعك امش ترى بفتح الباب وان نزلت مو طيب لك هاه هاه حطيت يدي على الباب واحد اثنين ان قلت ثلاثه بتصير مشاكل وانت تعرف مشاكلي
تافف عزام جايك الله يصبر قلبي عليك قام يلبس وياخذ فروته على يده كانت ملامح التعب واضحه عليه بس مايبي يبين لاحد زي ماوعدها ركب وهو يسلم عليه يلا حرك
نصار :ولد انت صادق تعبان وجهك منصفق
عزام :مافيني الا نوم عادي وهو يغمز له نشرب شاهي ونروق
ضحك نصار وهالاثنين يموتون بشيء اسمه شاهي
نصار:الحين انزل لنا احلى شاهي مشى وهو يشتري لهم شاهي ويروحون البر نزلو والمكان كان بقمة الجمال شبه نار عود ودلال القهوه المهيله الي ريحتها ماليه المكان واكواب الشاهي كانت كفيله تنسى عزام كل شيء يدور في راسه
جلسو بعد ماصافح كل الموجودين وبدات الليله الطربيه تحتويها اغاني ابو نوره
