عيناك قيدت ، قلبًا كان حر....
بعد ساعات مرت بالطائره وصلو ونزلو بعد رحله دامت ساعات
طويله مسك يدها وطلعو :يلا تعالي شوفي السياره هناك
مشت معه وركبت السياره وركب جنبها
هيام :وين بنروح الحين
نايف:نروح فندق ننام فيه لين بكره وبعدها عندنا اشياء كثير
تاففت هيام :نايف لك يومين تقول لي اشياء كثيره وش هالاشياء
نايف :بعلمك عليها بس اصبري
لفت راسها تناظر قدامها :نصبر وش ورانا
اخذ جواله ودق على سند ورد عليه سند
وكان سند جالس بصاله بيتهم وجود جنبه ومن شاف اتصال نايف قام وهو يرد عليه :اررررحب مليون يارجال وش هالغيبه
ضحك نايف:موجود
ابتسم سند :اي صدقتك كذاب مانت حول احد
نايف :لقيت العوض تتوقع اني باقي بدري عنك لف على هيام وضحك وضحكت له
شهق سند :والله وجع ياللي ماتستحي على وجهك طيب يانايف شغلك عندي
نايف :يخوي وش فيك انت امزح معك
سند :بعد صاير تنكت والله بنت تركي غيرتك بثلاث ايام وانا لي سنين احاول اخلي اخلاقك حلوه عزتي لي والله
ابتسم نايف وهو فعلا حاس انه تغير بكم يوم معها تغيرت حتى نفسيته
سند :ولد من اكلم انا وينك
نايف :معك معك اسمع شوف لك رحله بكره بس هالمره لا اشوف
وجهك وحدك جيب اختك معك
عقد حاجبه سند وقال :انا بجي اوكيه اعرف انك اشتقت لي بس جود ليه
نايف :بعدين اقولك يلا شوف رحله الحين اخلص علي وقفل
ولف على هيام :اي حبيبتي جوعانه تبين شيء شيء
هيام :لا نايف اكلت بالطائره مابي شيء ميته نوم بس
نايف :عاد مانمتي اليوم
هيام :نوم اليوم انت الي فزت فيه
رفع حاجبه :بركاتك ياحبيبتي بركاتك
رفعت يدها تضربه على كتفه بخفه وضحك هو :وانا صادق
وسكتت تناظره وسكت معها وصار يدور فنادق وعض شفته يكتم ضحكته من حس انها ماشالت عيونها عنه وصار يتلفت وهي فعلا سارحه فيه وتناظره ويدها على خدها ومبتسمه ولف عيونه عليها :بنت وش تناظرين فيه انتي
ضحكت تلف عيونها عنه :اناظرك عندك مانع
وضحك معها :لا بس وش سبب هالنظره
هيام : زوجي وحبيبي وعيوني الي اشوف فيها كيفي اناظرك
على كيفي وغصب عنك كمان
وانفجر يضحك عليها : ابد خذي راحتك ناظري واحمدي الله اني اسوق ولا صارت علوم لاني ماصرت اقاوم كلامك
هيام :لا ياشيخ فليتها ترا
نايف :نعم شكل ودك تصبحين وانتي حامل صح
شهقت تغطي يدها على وجها وصرخت :خير نايف وش هالكلام
نايف :ها اهجدي احسن لك مو من صالحك هالحركات
ابعدت عيونها عنه من استحت وابتسم يناظرها ووقف عند فندق ونزل يشوف له وحجز ورجع السياره :يلا انزلي
فتحت الباب ونزلت ونزلو اغراضهم ومشو يطلعون للجناح دخلت ودخل وراها
اخذت شنطتها وطلعت ملابسها لبست ومشت له تشوفه على السرير والجوال بيده تمددت جنبه ورفعت جوالها تناظر الرسايل ولف عليها نايف
بلع ريقه يبي يقولها له :هيام
لفت عليه تناظره :وش فيك
نايف :اسمعي بقولك شيء بس افهميني
استغربت وقامت تجلس قدامه مسك يدها ونطق :شوفي انتي تعرفين ان الحب مو بيد احد صح وان المشاعر محد له ذنب فيها ووضعنا والاشياء الي صارت لنا علمتنا ان مالنا سلطه على قلوبنا ومشاعره
عقدت حاجبينها ببعض :وش فيك نايف وش هالمقدمات خوفتني
نايف :نهار يحب ضحى اختك ووده يتزوجها اعرف ضحى
صغيره وهو نفس الشيء ماتخرج من الجامعه
ناظرته بذهول وصدمه وشد على يدها نايف :هيام اسمعيني اسمعيني حبيبتي مااقولك هالكلام لانه اخوي بس نهار كفو نهار ماراح يقصر عليها بشيء عنده مشروع خاص فيه وهو الكوفي و باقي سنه ويتخرج
هيام :نايف وش يحبها ضحى اختي توها خلصت الثانوي
نايف :ادري هيام ادري بس نهار عاش مثل معاناتي يعني باختصار الاربع شهورالماضيه كانت صعبه حتى عليه وعليها
هيام :حتى لوقلت لك تمام ابوي ماراح يرضى يزوج ضحى وهي بالعمر هذا
تافف نايف : علشان كذا انا اقولك ساعديني نسوي خطبه وملكه والزواج بعد مايتخرج نهار
تنهدت هيام :ماادري نايف ماادري من متى تدري انت
نايف :من زمان وقبل يصير اي شيء
هيام :وليش ماقلت لي ؟!
نايف : لاني كنت مخطط اكلم ابوك وبعدها شفتي وش صار
هزت براسها هيام وعرفت هيام ان تغير ضحى الفتره الاخيره كان هالسبب
سحبها يحط راسها على صدره لين نام ونامت وراه .......
<<يوم جديد >>
قام نايف قبلها ووكان بالصاله ويدخن اخذ جواله ودق على
ابوه وثواني ورد عليه
نايف :شلونك يبه
فيصل : الحمدلله مااقول الله يهديك وينك انت بتجيب لي الجلطه
وبدا يقوله نايف كل شيء :علشان كذا يبه انا ودي تجون الشرقيه اسبوع كذا منها تغيرون جو ونكلم تركي علشان موضوع نهار
فيصل :يعني لو اكلم تركي بموضوع نهار بيوافق لانه ذبحني
وهو كل شوي يسالني
نايف :معليك بنكلمه انا بحجز لكم على اقرب رحله كلم امي والبنات ونهار وفهد وبرد لك متى موعد الرحله
هز براسه فيصل وقفل من نايف
وصار نايف يدور على الرحلات ولقى على الساعه ٦المغرب وحجز عليها وارسل لابوه التذاكر وحط الجوال وحط زقارته بين شفايفه يسحب منها رفع عيونه من طلعت هيام وجلست جنبه
وكانت متضايقه من ريحه الدخان الي ماليه الجناح كله
هيام : نايف ماودك تبطل تدخين
لف عليها :مااقدر هيام
هيام :وشو الي ماتقدر حاول نايف حاول تبعد عنه صحتك ترا تاففت من رجع يحط الزقاره بثغره وقامت وهي تسحبها من يده وتحطها بداخل الصحن المليان بزقايره وضحكت من شافته كيف يناظرها ومشت تدخل الغرفه وقام لها ووقف قدامها:وش الحركه الي سويتيها قبل شوي
عضت شفتها تكتم ضحكتها : اخذت هالي مايتسمى من يدك وطفيته
هز براسه نايف وركز بعيونه عليها وتوترت من ناظراته له وابعدت عيونها عنه وكان هو واقف ويناظرها خافت من ماابعد عيونه عنها وعرفت انها جابت العيد في نفسها وصارت تبلع بريقها سحبها وهو يحطها على الجدار وغمضت عيونها ونزلت راسها هيام وشدت على يدها ورفع وجها بيده
نايف : شفيك توترتي ؟ بالهداوه بس قولي لي انتي قدها
هيام :نايف تكفى ابعد وش فيك كذا بعدين اي قدها انت تعرفني مااسوي شيء الا وانا قده صح يلا ابعد ولو رجعت وشفته بيدك برجع اسوي نفس الحركه
رفع حاجبه:بعد !! والتوتر هذا ليش طيب دامك قدها ؟
هزت راسها بالنفي تاخذ نفس من أعماقها : لا مو متوترة من قالك اني متوتره
وضحك نايف من حس انها فعلا خافت وتوترت : ونزل راسه يدفنه بشعرها
تنفست براحه لانها كانت خايفه فعلا من نظرته وحطت يدها على شعره ثواني وابعد عنها :الحركه هذي لو شفتها مره ثانيه مو طيب لك
هيام :لاياشيخ تهدد يعني ولا ايش مافهمت
نايف : اي اهدد
هيام :بالله عليك وصلك العلم لا شوفه بحلقك باقي
نايف :وليش ؟!
هيام : اسمعو ياعالم يسال كمان دخان ترا مصيبه مرض فهمت ولا ازيد
نايف : بحاول اخفف مادريت انك تخافين علي كذا
حطت يدها على خصرها :ياشيخ مسوي نفسك ماتدري
ابتسم نايف:اي ماادري !وش دراني انا
هيام :ياسخفك اسمع نروح لاهلي اليوم
نايف : اي حجزت لاهلي اليوم بيجون رحلتهم المغرب
هيام :بتكلمون ابوي
هز براسه نايف:وان شاء الله مايصعبها
اخذت جوالها هيام وهي تدق على امها وردت فاطمه عليها
فاطمه :هلا هلا بالقاطعه وينك ماتردين علينا
ابتسمت هيام:افا يمه انا قاطعه
فاطمه :امزح معك وشلونك ووشلون نايف معك
رفعت عيونها عليه وضحكت :لحد الحين تمام
ووقف لها :لاياشيخه تحشين فيني هاه
وضحكت فاطمه من سمعت حسه :سلمي لي عليه وينكم الحين ؟
هيام : بالشرقيه وصلنا امس بالليل
فاطمه :الحمدلله على السلامه اجل دامكم بالشرقيه تعالو على الغدا تمام ننتظركم
هيام :الله يسلمك ياعيوني تمام يمه وقفلت منها وراحت له ....
