ليتك هنا أمامي أعانقك متى اشاء أقبلك كُلّما نظرتُ إليك أتعرف أنّي أحسد من يراك كل يوم يسمع صوتك تطربه ضحكتك تدهشه ابتسامتك أنت ملكتني وأنا مدمنة عليك ولكن هذه المسافة التي تقف بيننا ترهقني .....
نايف :كثر تهديك هيام
هيام :هيام تجرات كثير صرت تسوي اشياء ماتقدر تسويها انحرق كبريائك ولا كيف قطعت المسافه بينهم الي يناسبك ويناسب شخصيتك القسوه غيرها لا وانك ماتبادر بشيء هذا الي يليق فيك وعليك ولفت ترجع الخيمه
نايف:ليتني اقدر انطق واقول لك ان كل شيء تغير بس شلون وانا مو قادر اصارح نفسي واعرف ان الرد بيكون جارح لي لف انظاره للقمر
شوي ودخل ينام ....
الصباح قامت فاطمه والجوهره يجهزون الفطور
فاطمه :ياربي ايش اسوي فيها وضيح قومي بسرعه
ضحى:يلا يلا شوي بس
فاطمه :تقول لي شوي سحبت المفرش من عليها
ضحى :ياربي يمه تكفين بنام شوي
فاطمه :يويلك ضحى لو رحت ورجعت وانتي باقي مكانك
قامت ضحى وكانو البنات معهم
كنوز :هيام تعالي
هيام :هلا
كنوز :ذوقي سكر الشاهي تحسين ضابط
هيام :هاتي اشوف امممم كنوز تكفين انا مااحب الشاهي
مرره بس حقك كسر القاعده عندي
كنوز :حبيبي انتي بالعافيه
هيام :الله يعافيك يلا خلصي علشان نعطي الرجال
كنوز :يلا خلصت
الجوهره :شروق يمه نادي لي نهار اعطيه الاغراض بسرعه
شروق :يمه تكفين ماقدرت اعطي كنوز
كنوز:معليك يمه انا باخذه قامت واخذت الطرحه تحطها على راسها واخذت الصحن وطلعت تنادي نهار وقفت عند خيمه الرجال تنادي نهار بس مارد عليها اوف نهار وينه ذا والمشكله نسيت جوالي داخل اتمنى لومره يا نهار مره ابيك والقاك
عزام :شتتتت
شهقت ولفت عليه وحطت يدها على قلبها
عزام :بسم الله عليك
كنوز :كثرت طلعاتك بوجهي
ابتسم عزام :الناس تقول صباح الخير
كنوز:وش المناسبة علشان اصبح عليك
عزام :يعني من باب الذوق بس المره ذي انتي الي طلعتي لي
كنوز : ناد لي نهار
عزام :وش بغيتي فيه
كنوز : بعطيه الفطور
عزام :انادي نهار واقومه مايحتاج انا اخذه منك
اعطته الصحن ومشت ولف يناظرها لي اختفت من قدامه
عزام :هذا الصباح ولا بلاش
نصار :صباح وشو
عزام :وجع صدق
نصار: يوجع العدو
عزام :امش امش لا اصكك بالصحن الحين
نصار : جوعان ماقدرت اتناقش معك امش ودخلو الخيمه
تركي :سعود قوم افرش السفره فز
قام سعود وحط السفره ونزل عزام الصحن
تركي :يلا قومو قامو كلهم واجتمعو على السفره يفطرون
خالد :نهار صب شاهي
نهار بصوت خفيف يالليل صدق
قرب منه سعود صب صب عز الله ان الشايب ماخذ حقي
ضحك فهد محد يعرف له الا جدي
نهار :اقول افطر انت وياه لافطر عليكم
سعود بصوت عالي ايش قلت
نهار :اقول صباح الخير
قامو الشباب يضحكون على نهار صب لهم نهار وفهد يوزع عليهم
شرب سعود من الشاهي اقولكم مين جالس يسوي الشاهي من امس والاكيد الاكيد ماهي امي ولا وضيح
تركي :اعقب وانا ولد بوي
سعود :يبه ندري شاهي امي حلو ماقلنا شيء بس هذا طعمه غير الصدق يعني
فهد :هذا شاهي كنوز
اتسع ثغر عزام
سعود :انا ابي اختكم تعيش مع ضحى لعل وعسى نطلع بفايده
تركي :وانا اقول افطر لا اقوم اوريك الفايده صح
الكل ههههههههههههههههههههههههههههههههههههه
سعود :سم
نهار :تصدق انت ماينفع معك الا كذا
فيصل :وانت سد حلقك
شرق سعود ياعم والله ان اقوم احب راسك حلفت وقام سعود وحب راس فيصل
فيصل :جعلك تسلم
سعود :الله يسلمك
نايف :تستاهل افطر وانت ساكت
نصار :فعلا
وعند البنات جالسين يفطرون
هيام : ايمان اعطيني الزعتر ماكملت كلمتها الاوهي تكح
ايمان :امسكي
فاطمه :اقول هيام كحتك كثرت من البارح وانا اسمعك
هيام :مافيني الا العافيه يمه
ايمان :اي حتى انا ملاحظه
ضحى:يمه ترى هيام طلعت امس اخر الليل برا جلست لها
ساعه كذا وشكل دخلها برد الا اقول ياخاله خلي ولدك
يخف على بنتنا شوي لا تمرض علينا
الجوهره :ابشري انا اوريك فيه
وقربت ضحى من هيام افا والله هقيتك ثقيله طلعتي من جنبها
قرصتها هيام بنت وش ذا الكلام
ضحى :مدري عنك كل مارحتي عنده مارجعتي لنا
ابتسمت هيام من لفو كلهم يناظروها
قامت هيام بالعافيه
فاطمه :ضحى وش الكلام بعدين وش عرفك بالسوالف ذي
شهقت ضحى يمه ترى كبرت خلاص باقي اقل من شهر واتخرج
الجوهره :صح صادقه وبنزوجها
لفو البنات يناظرون وجه ضحى الاحمر
شروق :اهربو صدق
قامت ايمان ورا هيام وطلعت لها وهي تشوفها برا واقفه
ايمان:هيام
هيام :هلا
ايمان:وش فيك من امس وضعك مو عاجبني
هيام :مافيني شي
ايمان :هيام اعرفك ترى تكلمي
هيام : مافيني شيء بس قاعده افكر في موضوع ابوي وابي الموضوع يخلص بسرعه مليت وانا انتظر وبيني وبينك ودي اتخلص من نايف بسرعه
ايمان :صار شيء جديد
هزت هيام براسه ماتقدر تقول لها لانها تعرف رده فعل ايمان
ايمان :ومرام وش صار عليها
هيام :توي كلمتها تقول كل شيء تمام
ايمان :معليك كل شيء بيعدي
هيام :ان شاء الله
ايمان :يلا نرجع للبنات بعدين واضح انك تعبانه
هيام:يلا
وهي راجعه شافها بس ماشافته وكانت تكح عقد حاجبه من
صوت كحتها القويه لف يشوف العيال ينادونه وراح لهم
بعد المغرب كذا جالسين حول النار يتدفون
فيصل :نايف عطنا قصيده
تركي :ماشاء الله طلعت شاعر
نايف :يعني على الخفيف إحفظ مااكتب
تركي :اجل سمعنا
تعدل نايف بجلسته وبدا يقول قصيدته الي كانت توصف شعوره الحالي
سرى الليل وش غير الحماسه وابوتمام نديم الورق والحبر والقهوه الساده بصدري كلام وفي خيالي وصل واوهام لو اخير منها دمعة فوق سجاده انا اكثر بشر تغريه الاحلام والاحلام يموت الفتى من دونها ما أدرك مراده ماعاد ادري شلوني من الفقد والألام قعدت اتجنب سطوة الوقت وعناده يالايام وش باقي تخبين يالايام عسى باقي من ديرة الوصل نشاده يا معذبك وانت تهب حتى مع الانسام يامقساك وانت تغرب الشخص ببلاده تحسب القصيد إلهام والله ماهو بإلهام قصيدي شعور ماعرف وشهي ابعاده كتبت ومليت الارض شعر ووله وهيام ولاطعت فيك الناس والناس نقاده اشوفك وطن وتشوفنى رحلة استجمام واشوفك عمر وسنين ماهي بمنعاده معي قلب واحد لوتقسمه خمس اقسام بحبك بكل اقسامه الخمس وزياده.......
تركي صح لسانك
نايف :صح بدنكم
عزام :انا طالبك عطنا وحده ثانيه
نايف :ابشر
لي وليف بقلبي احب طاريه واعشق حروفه الاربع انا حبيته حب صادق ويشهد علي ربي وش كثر اغليه انا الليل كله ما انامه من كثر ما افکر به لیت نهایتنا ماتكون فراق شفتها ولا كنت داري اني بيوم بعشقها
حبيتها وانا قلبي عن الحب تايب...
عزام :الله صح لسانك والله
نايف :صح بدنك
رجع ورا يسند بظهره وبيده فنجال الشاهي يالله يالحب وين وصل نايف شعور متعب لقلبه خصوصا انه من طرف واحد بس اذا تبون الصدق كذا افضل لهم يحتفظ بحبه داخل صدره ولا يعترف فيه لها كان سند يناظره وكان نايف بالنسبه لسند كتاب مفتوح يعرف كل شيء بداخله ......
البنات جالسين ورا الخيمه ويلعبون لعبه والي هي مين الاسرع
كانت ايمان واقفه قدامهم وبيدها اوراق اللعبه والبنات قدامها
ايمان يلا نبدا خليكم سريعين
هيام :دقيقه دقيقه قبل نبدا لفت على جود يلا قومي معنا
جود :لا العبو انتو
ضحى :قومي جود قومي يلا ماراح نلعب الا وانتي معنا
كنوز :منجد يلا قومي
راحت شروق قومي جود يلا ووقفت معهم وبدات ايمان تقول لهم
شوفو اللعبه انا اقول لكم عن اي شيء واول واحد يسويه هو الفايز تمام
هيام :تمام يلا
ايمان :يلا اول واحد يجيب لي ملعقه
وصارو يركضون
كنوز :هاه جبتها جبتها
ضحى:يمه كنوز من وين جبتيها
كنوز :كانت على الفرشه
هيام الي كانت تضحك على شروق من ركضت داخل وللحين ماجت
ثواني وجتهم شروق تركض بالملعقه جبتها جبتها
انفجرو يضحكون عليها
ضحى:شوفو الحماره بالله ياذكيه جابتها كنوز من زمان
شروق :منجدكم
هيام :يوووه من الفهاوه الي فيك
ايمان :يلانكمل اسرع وحده تجيب لي فنجال قهوة
هيام :هاه جبته خلاص جبته وقفي انتي وياها
ايمان :طيب اسرع وحده تجيب لي سكين بسرعه بسرعه
وصارو يركضون كلهم
جود :جبتها جبتها
ارتفعت اصواتهم وحماسهم
ايمان : طيب اسرع وحده تجيب عطر
ركضو كلهم
كنوز :جبته جبته
شروق :خير بنات
كانو كلهم يضحكون على بعض وخصوصا على شروق وفهاوتها
ايمان :انتي يبي لك لعبه ابطى وحده تحركي بسرعه
هيام :يلا يلا كملي
ايمان : يلا اسرع وحده تعطي الي جنبها كف قامت ضحى تعطي شروق
وانهارو البنات يضحكون
من صارت شروق تركض ورا ضحى تبي ترد لها الكف
ضحى :امزح والله ايش اسوي تكلمي مع ايمان انا مالي دخل الصدق يعني
فكت شروق بوتها وصارت تركض اكثر ورا ضحى وطلع لهم سعود ورمت شروق البوت على راسه وهربت وصرخ سعود ورجعت شروق للبنات
شروق :يمه بنات الحقو علي رميت بوتي راس على واحد مدري مين
ورجعت ضحى تضحك تخيلو رمت بوتها على راس سعود
شروق :امانه سعود يمه حسبي الله عليك ياايمان انتي ولعبتك
وجاء سعود ورا الخيمه خير انتي وياه ورعان ورمى البوت
من ورا الخيمه ماودي ادعي على الي رمته وانتي ياوضيح شغلك عندي
ضحى: لا ياشيخ احلف بس اي شيء يصير فيك ترجع علي فيه
نهار الي كان جاي وشاف سعود ولد وش تسوي هنا
سعود :تخيل صاكين البوت في راسي
انفجر يضحك نهار
وابتسمت ضحى من سمعت ضحكته
سعود :وش يضحك
نهار : ولا شي
وناظرت شروق بطرف عينها لضحى
وفهمت قصدها ضحى لالا شوفي لو تقومين والله اني لاقول لسعود انك انتي
شروق :اي قولي له انا اوريك وركضت ضحى تدخل الخيمه وهي تصرخ
وسمعها نهارقال بداخله بسم الله عليك اهاه ياضحى ليتني اقدر
اشوفك واسمع صوتك
سحبه سعود يلا امش وراحو
تركي :عزام وانا ابوك قوم فز دخل المطعم انت والشباب
عزام :سم يبه
طلع عزام ونصار وفهد
سعود ونهار جالسين يجهزون المكان الي راح يشوون فيه
ونايف يشب النار وسند يرتب الجلسه
دخل المطعم وبدا يجهزون الفحم ويشوون وضحك وسوالف
وجلسه ترد الروح رد ...
من اغاني محمد عبده للهواء البارد ليله شتويه رايقه من الاخر
برادي الشاهي والكرك وشبه النار
وعند البنات الي كانو يغنون مع الاغنيه ويتدفون بالنار الي جالسين حولها
يا مدور الهين ترى الكايد احلى واسأل مغني كايدات الطروقي.
الزين غالي لكن الأزين اغلى ولكل شراي بضاعه وسوقي.
النو عالي والسما فوقه اعلى ولا فاق علم جاه عالم يفوقي.
والصعب هلا قلت ياصعب سهلا دامك تبيني فانت ياصعب شوقي.
أحب عسف المهرة اللي تغلى واحب أروض كل طرف يموقي.
واحب اسافرمع سحاب تعلى وأحب فوق الغيم لمع لبروقي.
وأحب أساهر بدري اللي تجلى وارسم شعاع الشمس عند الشروقي.
يا من على ثاير فوادي تولى خلك على قلب الكرامه شفوقي.
أكرم عزيز بالعمر ما استذلا يسوق عمره للمشاريف سوقي.
اخترتك من الناس للقلب خلى ياحيثك مرادي وكيفي وذوقي.
ما رحت أدور كل زول تحلى لولاك تسوى ما عطيتك خفوقي...
وجالسين يتصورون سناب وهم يغنون
اما عند العيال نفس الجو بس مودهم هالليله خالد عبد الرحمن
وشلـون مـا اغليـك وأنت الـذي علمتنـي حبــك
يا هـاجـسي ... عشقـي عيـونـك إسـأل ... وتلقـى الجـواب
فـي ناظـرة عيـونــي تصـويـر لآجمـل عــذاب
حبـك يـا مفتـونــي تلقـي حيـاتـي كلهـا لـذة غــرام
مهمـا سهـر طـرفــي أو جـارت ظـروفــي
أو عشـت أنـا الحرمان يـا عـذب الصفـات ... يا كـل الحيــاة
صبـرك علــي ... هـذا قليـل مهمـا تـرى مـن تضحيــات
هذا قليـل ... خل السهـر لعيـون مـن حبـــك
خـل العيـون اللـي لهـا عشقـي تبــات......
جالسين يرددون مع الاغنيه وريحه الشوي مالي المكان انتهى العشاء وكانو يوزعون الصحون عليهم وعلى الحريم
خالد :واحد منكم يودي الصحون للحريم
نايف :اعطوني انا بوديها
عزام :هاك امسك
اخذه نايف وراح لهم وجلس ينادي وطلعت له كنوز
كنوز :يلا يعطيك العافية
نايف :الله يعافيك كان يسمع صوت كحتها ولفت كنوز بتروح
اقول كنوز تعالي شوي
كنوز :اشفيك
نايف :اشفيها هيام
كنوز :مدري من الصباح وهي كذا اتوقع دخلها برد بس جالسه
تنكر ان مافيها شيء بس واضح عليها
نايف :طيب خليك هنا بروح اجيب لها بندول من السياره
وبجي وراح يجيبه امسكي اعطيها
كنوز :تمام ودخلت حطت العشاء واجتمعو ياكلون وراحت كنوز لهيام امسكي
هيام :وش هذا
كنوز :بنادول
هيام :ادري بنادول بس ليش
كنوز :كيف ليش شوفي حالتك كيف وعيونك واضح عليها التعب طلعت اجيب العشاء وسمع نايف كحتك وراح جاب البنادول وقال لي اعطيك ياه
هزت راسها هيام واخذته منها وحطته بشنطتها وجلسو يتعشون
تعشو وخلصو ورجعو يجلسون
ايمان :بنات وين هيام من خلصنا العشاء ماشفتها
ضحى :مدري قالت بتروح عند الاسطبل شوي وبتجي
ايمان :تمام بنات تخيلو ان نفسي في شاهي كنوز يختي علمينا الطريقه
كنوز :سر المهنه يلا ابشري الحين اسوي لكم
ضحى:يوه ماقدرت اوقف من التخمه الي فيني
شروق :اسكتي وربي احس اني بنفجر
جود:بنات تكفون احس اني حبيتكم صح اني امس كنت
مرره مستحيه بس احس اني بديت اتعود عليكم
ضحى:ياعمري انتي والله احنا اكثر
شروق :اي والله لازم نشوفك دايم
ايمان :اي لازم تجين مع اخوك دايم
جود :ان شاء الله
عند الاسطبل ركبت الخيل وصار يمشي فيها على خفيف وكحتها وحرارتها في ازدياد وطلعت بالخيل خارج الميدان وبدا يمشي فيها شوي شوي لين ماعاد قدرت تسيطر على حركه الخيل وبدا يركض فيها خارج المخيم بكبره ابعدت عنهم كثير حاولت بس ماقدرت شدته مع لجامه بس للاسف عجزت خصوصا انها تعبانه ومافيها شده هاج الخيل وداخت هيام وطاحت من فوقه على الارض وغابت عن الوعي مرت ساعه ومحد يدري عنها او بالاصح محد حس
فاطمه :ضحى وين هيام
ضحى:يمه عند الخيول
فاطمه :كل ذا خيول لها اكثر من ساعه روحي شوفيها
قامت ضحى وطلعت الاسطبل جلست تنادي بس ماكان لهيام اي وجود
دارت المخيم كله وهي تناديها بس مافيه احد ورجعت لهم يمه مالقيتها
فاطمه :شلون مالقيتها
ضحى:والله مالقيتها لفيت المخيم كله مافي احد
فاطمه :يمه بنتي وين راحت
الجوهره:يمكن انها مع نايف
فاطمه :دقي على نايف شوفي قلبي مو متطمن
اخذت الجوهره جوالها وهي تدق علي نايف ورد عليها
نايف :هلا يمه
الجوهره:يمه هيام معك
نايف :لا ليه في شيء
الجوهره :بسم الله وين راحت البنت
نايف :يمه وش فيه
الجوهره:مدري ماهي موجودة قالت بتروح الاسطبل ومرت
ساعه وعليها وهي ماهي موجودة
نايف :كيف ماهي موجودة
الجوهره:مدري يمه مدري
فز نايف من عند الرجال
تركي :اشفيك نايف في شيء
نايف :مدري بروح لهم
قامو كلهم وراه
وراح الاسطبل يدورفيه وينادي بس للاسف
وطلع للحريم الي كانو لابسين عبايتهم
يمه وينها كيف محد شافها منكم
الجوهره: مدري ماشفناها
وفاطمه الي كانت منهاره ياربي
شروق:المشكلة ماهي هنا المشكله انها تعبانه اخاف صار لها شيء
دقتها كنوز بيدها
دق الخوف قلب نايف من سمع كلام شروق ومن طرا في
باله ان ممكن يكون فعلا صار لها شيء طلع وطلعو الشباب معه وكل واحد راح يدور بمكان وطلع نايف برا المخيم وكان يمشي وينادي باسمها بس ماكان في اي فايده جن جنونه صار يمشي ويصرخ على امل بانه يشوفها ابعد عن المخيم بمسافة بعيدة اخذ جواله يدق على العيال بس قالو له ان محد لقاها ماعاد قدر يمشي وبعد محاولات شاف الخيل وركض له مو حاس بولا شيء يبي يشوفها شاف الخيل بس ماشاف هيام انجن اكثر وركب على الخيل وصار يمشي فيه وبعد محاولات لمحها طايحه على الارض نزل يركض رفع شعرها عن وجها وهو يقرب يسمع نبضات قلبها وانفاسها اخذ
جواله وهو يدق على سند
نايف :سند الحق علي بسرعه تعال وجيب السياره معك بسرعه
سند:وينك طيب
نايف الي مو قادر يطلع كلمه على بعضها ماادري بس
تعال من من ورا المخيم مكان قطعه مافيه احد
سند :يلا جايك
تركي :هاه بشر لقاها
سند :اي اتوقع بروح اجيبهم
عزام :اصبر بروح معك
سند :يلا يلا بسرعه
اخذها بحضنه شاد عليها ويصرخ بعلو صوته من خوفه بان ممكن انه يفقدها وكان يردد على لسانه يارب لا يارب لا للحين ماقلت لها عن شعوري تجاها للحين ماقلت لها اني اهيم فيها للحين ماقلت لها ان قلبي صار بين يدينها للحين راضي يارب اعيش طول عمري اتعذب وانا معها بس لاتاخذها من يدي لالالا زاد صوته وانهياره مو حاس بنفسه جالس يمسح على شعرها لاتروحين من يدي لا هالمره ماراح اتحمل صدقيني ماراح اتحمل بتحمل جفاك بتحمل قل وصلك بتحمل تجاهلك وصدك بتحمل غرورك بحرق كبريائي في حضورك بتحمل نارك وبحترق فيها لاتخليني اعيش الفقد مرتين توي ماعشت معك هزمتيني تكفين ياروح مغليك ماعاد فيني صدر يستحمل اوجاع ماانتهينا باقي بقلب مطامح وانتي تعرفين باني اقبل كل شيء الا الهزيمه خليتيني اعترف لنفسي بحبك وانا الاعتراف بشرعي يعادل جريمه ماانتهينا اعطيني فرصه اخليك تبادليني شعوري تكفين ياهيامي لا تخليني اخسرك وانا للحين ماكسبتك
لف من شاف نور سياره سند وجلس يلوح له بيده واليد الثانيه ماسك فيها هيام نزل عزام وجلس سند بالسياره
نايف :اعطني شماغك
فك شماغه عزام الي كان مسوي فيه عمامه اخذه نايف من يده ولفه على راسها وشالها بين يدينه وركب ورا وعزام قدام مع سند
نايف :بسرعه سند بسرعه
سند:وين اروح الحين
نايف :المستشفى بسرعه اعجل
عزام :مستشفى ماينفع بعيد
نايف :وش اسوي طيب
عزام:الحين صديقتها مو ممرضه معها خلاص ماعندنا حل الا هي
وقفو عند المخيم ونزلو ونزل نايف وركض فيها للمخيم وجت ايمان
حطت يدها على رقبه هيام وبدات تضغط على قلبها
ايمان :انقطع الاكسجين عنها بضغط على قلبها وانت سوي لها تنفس صناعي
جلس نايف على ركبه وقرب ثغره من ثغرها يتنفس فيه وايمان تضغط على قلبها شويات وجلست تكح
نايف :ياربي قرب منها هيام انتي بخير
ايمان :هيام تسمعيني انتي بخير
انتظروها لين تهدا كحتها وبدات تتجاوب معهم
نايف :تبين المستشفى اوديك
هيام :لا مايحتاج
ايمان :مايحتاج هو انقطع الاكسجين والحين وضعها تمام اخذ كفوفها نايف بين كفوفه جالس يدفيها ومن شافت الوضع كذا ايمان طلعت وطلعو كلهم ومابقى الانايف وهيام كانت تعبانه لدرجه ماهي حاسه بشيء حولها من شافها نامت طلع ياخذ فروته ورجع لها وغطاها بالفروه وحط راسه بجنبها اهاه ياربي الحمدلله الحمدلله يارب لك الحمد حط يده على راسها يتفقد حرارتها ودقايق ونام معها من كثر تعبه عليها .....
عند البنات الي كانو جالسين وكل واحد يفكر في الي صار
الجوهره :خلاص يلا نامو انتو تاخر الوقت ترى الحمدلله مافيها الا العافيه
ضحى :تكفون بروح اشوفها
الجوهره :وين تروحين نايف عندها واتوقع نامت نامي انتي ومن اصبح افلح و
فعلا كل واحد راح فراشه ونام وعند الرجال نفس الشيء بعد ماتاكدو ان كل شيء تمام كل واحد راح فراشه ....
